ATV

Blog

  • U bë viral me imitimin e Shefqet Krasniqit, por tani Artan Behrami imiton identik personazhet e tjera

    U bë viral me imitimin e Shefqet Krasniqit, por tani Artan Behrami imiton identik personazhet e tjera

    Imitimi Hoxhës së mirënjohur Shefqet Krasniqit, nga analisti Artan Behrami, për muaj me radhë ishte bërë viral me rrjetet sociale, sidomos në tiktok.

    Artan ishte sërish mysafir në emisionin LIBERO në ATV, ku kësaj radhe solli imitime identike të disa figurave të njohura, sidomos politike, si Ramush Haradinaj, Agim Bahtiri, e shumë të tjerë.
    Deri sa ai po imitonte personazhet e njohura, të qeshurat në studio nuk kishin të ndalur.

    Shikoni këtë moment tejet komik në videon e më poshtme:

    Emisionin e plotë e gjeni në videon më poshtë:

  • S’ka vendim, KE-ja përsërit paralajmërimin për masa nëse s’ka shtensionim

    S’ka vendim, KE-ja përsërit paralajmërimin për masa nëse s’ka shtensionim

    Me një tjetër përsëritje të paralajmërimit për “pasoja negative” nëse nuk ka shtensionim të situatës në veri të Kosovës, përfundoi punimet dyditore Këshilli Evropian.

    Në konkluzionet e publikuara pasditen e 30 qershorit, Këshilli Evropian nuk njoftoi për ndonjë vendim në raport me Kosovën.

    “Këshilli Evropian dënon incidentet e fundit të dhunshme në veri të Kosovës dhe thërret për deeskalim të situatës, bazuar në elementet kyçe tashmë të theksuara nga Bashkimi Evropian, më 3 qershor 2023. Palët duhet t’i krijojnë kushtet për zgjedhje të parakohshme në të katër komunat në veri të Kosovës. Dështimi për të deeskaluar tensionet do të ketë pasoja negative”, thuhet në konkluzionet e Këshilli Evropian.

    Në vijim të paragrafit me pesë rreshta, për raportet Kosovë-Serbi, Këshilli kërkoi vazhdim të dialogut në Bruksel dhe zbatim të asaj që është dakorduar.

    “Është thelbësore që të vazhdohet me dialogun e lehtësuar nga BE-ja, të udhëhequr nga Përfaqësuesi i Lartë, dhe me zbatimin e shpejtë të Marrëveshjes për rrugën drejt normalizimit dhe shtojcës për zbatim. Kjo përfshin themelimin e Asociacionit apo Bashkësisë së Komunave me Shumicë Serbe”, thuhet me tej në konkluzionet e Këshilli Evropian.

    Kosova nuk u përmend në asnjërën nga dy konferencat e organizuara pas mbledhjes së Këshillit.

    As në atë të kancelarit gjerman, Olaf Scholz. As në atë të presidentëve të Këshillit dhe Komisionit Evropian, Charles Michel dhe Ursula Von Der Leyen, me kryeministrin e Suedisë, Ulf Kristensson.

    I pyetur nëse në Bruksel flitet për presion ndaj Serbisë për deeskalim, kryeministri kroat Andej Plenkovic tha se në fjalën e tij në Këshill kërkoi qasje të balancuar.

    “Ne e pamë se si dhe kush i sulmoi ushtarët e KFOR-it dhe EULEX-in. Stabilizim, po. Pjesëmarrje në zgjedhje, po. Bisedime me të dyja palët, po. Respektim i marrëveshjeve, po. Dhe, krijim i parakushteve për marrëveshjen për normalizim. Mesazhi është qasje e balancuar, jo presion në njërën palë”, tha Plenkovic.

    Ai përsëriti nevojën për zgjedhje të reja në katër komunat me shumicë serbe në veri të Kosovës dhe pjesëmarrjen e serbëve në to.

    Javët e fundit, BE-ja paralajmëroi për mundësinë e pezullimit të bashkëpunimit financiar dhe takimeve të nivelit të lartë me Kosovën, nëse Qeveria nuk ndërmerr veprime të menjëhershme për shtensionim të situatës në veri. /atvlive.tv

    Edicionin Qendror të lajmeve në ATV e gjeni në videon më poshtë:

  • FSK-së i shtohen edhe 15 ushtarë

    FSK-së i shtohen edhe 15 ushtarë

    Forcës së Sigurisë së Kosovës iu shtuan edhe 15 ushtarë të rinj.

    Pas katër vjet studime diplomoi gjenerata e 2023-të e kadetëve të Qendrës për Studime Universitare, ku në ceremoni mori pjesë edhe kryeministri i vendit, Albin Kurti.

    Derisa i uroi për punën e tyre, Kurti u shpreh optimist që në një të ardhme të afërt FSK do të jetë pjesë edhe e NATO-s.

    “Mundi dhe përpjekjet katër vjeçare sot po ju shpaguhen, duke pranuar titullin e oficerëve të republikës dhe të forcës që u ndërtua mbi themelet e ushtrisë çlirimtare të Kosovës, të kësaj force që në një të ardhme të afërt do të jetë pjesë e NATO-s, aleancës që mbështeti politikisht dhe ushtarakisht çlirimin dhe lirinë e vendit tonë”, tha Kurti.

    Për angazhimin e tyre të deritanishëm u shpreh krenar edhe major Albion Ajvazi.

    “Zgjedhjet që ju bëni, veprimet që ju ndërmerrni dhe vendimet që përballeni do të kenë një ndikim të madh në jetën e të gjithë atyre nën komandën tuaj, si dhe në sigurinë dhe mirëqenien e vendit tonë. Gjithmonë mbani në mendje peshën kësaj përgjegjësie dhe besimin që është vënë në supet tuaja”, tha Ajvazi.

    Se vendit do t’i shëbejnë me ndër e deri në frymën e fundit, e tha edhe ushtari më i ri i Kosovës, Arianit Hoxha.

    “Klasa 2023 të bashkuar, të pandashëm dhe të pathyeshëm, të rreshtuar para jush ju sigurojmë që me nder, vullnet, besnikëri e devotshmëri do t’i shpërbejmë Kosovës sonë të lirë deri në frymën e fundit, do të jemi gjithherë në krye të detyrës”, tha Hoxha.

    Ndërkohë përgjatë dy vjetëve sipas ekzekutivit janë trajnuar jashtë vendit 3 mijë e 325 ushtarak. /atvlive.tv

    Edicionin Qendror të lajmeve në ATV e gjeni në videon më poshtë:

  • As këtë muaj nuk ka shtesa për punëtorët e sektorit publik

    As këtë muaj nuk ka shtesa për punëtorët e sektorit publik

    Për rrezikun që u përballën nuk morën asnjë cent shtesë.

    Qeveria për të pestin muaj me radhë nuk i ka ekzekutuar shtesat për asnjë punëtor të sektorit publik.

    Përfaqësues të Sindikatës së Policisë thonë se janë lodhur nga mosmbajtja e premtimit nga ana e Qeverisë.

    “Kjo e ka mbushur kupën e pakënaqësive të policëve, sepse nuk ka as logjikë që shtesat për rrezikshmëri të mos paguhen, përkundër kërkesave të tjera të vazhdueshme që i kemi pasur”, tha Imer Zeqiri nga Sindikata e Policisë së Kosovës.

    Një nga arsyet që mund të ndikojë në mosekzekutimin e shtesave për sektorin publik, sipas Ali Sefajt, nga sindikata e shërbyesve civilë, është edhe moskualifikimi i duhur i anëtarëve të komisioneve qeveritare, që merren me verifikimin e kategorive të punëtorëve.

    “Edhe njerëzit që i kanë angazhuar në këto komisione për t’i trajtuar këto lëndë. Mendoj që e kanë mungesën profesionale të nevojshme dhe përvojën e punës”, tha Sefaj.

    Ndërsa, pavarësisht insistimit të ATV-së, as këtë herë Ministria e Punëve të Brendshme, por edhe ajo e Financave, nuk kanë kthyer përgjigje se pse as për muajin qershor nuk u ekzekutuan shtesat.

    Megjithatë, një ditë më parë, ministri Xhelal Sveçla, i pyetur për këtë çështje, dha një përgjigje të shkurt. /atvlive.tv

    Edicionin Qendror të lajmeve në ATV e gjeni në videon më poshtë:

  • “Festo me zemër, jo me armë”

    “Festo me zemër, jo me armë”

    “Festo me zemër e jo me armë”, është motoja e fushatës së Ministrisë së Punëve të Brendshme, e cila synon ta parandalojë përdorimin e armëve nëpër ahengje e festa.

    Derisa përdorimi i armës për festime është vepër penale, Ministrja e Punëve të Jashtme, Donika Gërvalla, ka kërkuar nga institucionet e sigurisë t’i ndjekin shkelësit.

    “Arma nuk e ka vendin as në familje, as në shtëpi. Arma e ka vendin në duart e Policisë së Kosovës, te profesionistët, të cilët janë të trajnuar të ushtrojnë rendin dhe ligjin, qoftë edhe me anë të forcës. Mërgata kur vjen të mos përballet me tragjedi. Përdorimi i armës është vepër penale dhe duhet ndjekur nga të gjitha institucionet e sigurisë dhe të drejtësisë”, tha Gërvalla.

    Derisa muajt e verës në Kosovë janë të njohur më shumë për organizimin e ahengjeve të ndryshme, Policia do të jetë më aktive në terren, që të parandalojë siç thanë ata, ndonjë tragjedi.

    “Fushata do të prihet kryesisht gjatë sezonit të verës. Arsyeja janë shtimi i ahengjeve, shtimi i popullsisë, pra ardhja e mërgatës, e me këtë shtim edhe shtimi i të shtënave. Mendojmë se institucionet mund të arrijnë ndalimin e shtënies së armëve. Policia e Kosovës vazhdimisht punon në këtë drejtim, por e vetme nuk mund të arrijë të ndalojë këtë fenomen. Një nga prioritetet e Ministrisë së Punëve të Brendshme dhe e Qeverisë së Kosovës është ofrimi dhe ruajtja e sigurisë”, tha zëvendësministri i Punëve të Brendshme, Blerim Gashani.

    Ndonëse gjuajtja me armë në raste të caktuara nuk ka për motiv vrasjen, sipas Shqipdon Fazliut nga Prokuroria e Shtetit, dënimi është i njëjtë.

    “Kryerësit e këtyre rasteve janë ose dashamirë ose familjarë. Por pavarësisht motivit, dënimi për vrasje është i njëjtë. Kjo fushatë është e një rëndësie të veçantë; arma është vdekjeprurëse. Festoni ditën e natën, kërceni e luani, por duhet t’i kursejmë edhe fëmijët e të afërmve tanë. Ka pasur raste kur prindi e ka vrarë fëmijën e tij, burri ka vrarë njëkohësisht gruan dhe nënën e tij”, tha Fazliu.

    Çdo vit në Kosovë plagosen dhe vriten fëmijë, gra e burra nga të shtënat në festa. Muaj më parë u plagos një vajzë 15-vjeçare dhe dy meshkuj nga plumba qorr, ndërsa 76 persona të tjerë u plagosën nga mjetet piroteknike. /atvlive.tv

    Edicionin Qendror të lajmeve në ATV e gjeni në videon më poshtë:

  • Kadetët e rinj të FSK-së: Të lumtur e të priveligjuar që do t’i shërbejmë shtetit

    Kadetët e rinj të FSK-së: Të lumtur e të priveligjuar që do t’i shërbejmë shtetit

    Sot, diplomoi gjenerata 2023 e kadetëve të Qendrës për Studime Universitare, duke i shtuar Forcës së Sigurisë së Kosovës edhe 15 oficerë të rinj. Pas përfundimit të ceremonisë, kadetët e rinj të FSK-së thanë se janë krenarë dhe të lumtur që veshën uniformën e shtetit.

    Ata për KosovaPress u shprehën të vendosur që do t’i shërbejnë shtetit në të gjitha format me nder dhe devotshmëri. Ndërkohë, familjarët e thanë se u ndien të emocionuar, por edhe krenarë që bijtë e tyre do t’i shërbejnë Kosovës.

    I diplomuari Altin Begaj tha se vendimi që t’i bashkohet FSK-së ka qenë vendimi i tij më i mirë në jetë.

    Ai tha se diplomimi në akademinë ushtarake të Kosovës ka qenë gjithmonë qëllim parësor i tij dhe se sot është shumë i lumtur.

    “Momentalisht ndihem shumë i emocionuar, diplomimi në akademinë ushtarake nuk është gjë e vogël për neve, por ka qenë gjithmonë qëllim parësor për neve. Ndihemi shumë të lumtur këto momente. Jeta në akademinë ushtarake është një sfidë në vete, por kur shoqëria dhe kadetët e tjerë janë krahë teje të ndihmojnë që me kaluar këtë sfidë shumë lehtë. Synimi i im është që të shërbejë si nëntoger në Forcën e Sigurisë së Kosovës kryesisht në regjiment. Është vendimi që e kam marrë me ju bashkëngjit Forcës së Sigurisë së Kosovës në akademinë ushtarake është vendimi më i mirë në jetën time, i bëjë thirrje çdo të riu të i shërbejnë vendit në mënyrën më të mirë të duhur”, tha Begaj.

    Ndërsa, Çlirim Gërguri tha se ndihet krenar që do t’i shërbejë atdheut, derisa tha se ëndrra iu bë realitet.

    “Krenari e madhe me ardhur mundësia me i shërbyer vendit tim edhe kjo ëndërr veçse është realizuar. Shpresoj që në pozita sa më shumë me i shërbyer atdheut, është forma më e mirë e edukimit sa i përket në Kosovë, edukimi më i lartë arsimor dhe personal më i mirë në vend. Ka qenë sfidë, por çdo gjë kalohet me përkushtim”, tha Gërguri.

    Ndërkaq, e diplomuara Ermonda Mehaj u shpreh për KosovaPress se ndihet e nderuar që vesh uniformën e FSK-së. Ajo tha se ka synim që vendit t’i shërbejë në formën më të mirë.

    “Po ndihem shumë e lumtur e privilegjuar që jam duke e veshur këtë uniformë dhe është një ditë shumë e madhe, shumë mirë me përkrahjen e familjes gjithçka është e mundur. Prej meje ne bazë të frymë në të cilën jam rritur për shkak se dy axhë i kam dëshmorë dhe gjithmonë e kam ditur se do të vesh uniformen. Synimi im është që gjithmonë më i shërbyer vendit në formën më të mirë të mundëshme”, u shpreh Mehaj.

    Ndërkohë, familjarët e kadetëve të rinj theksuan se të rinjtë i kanë përkrahur në zgjedhjen e profesionit të tyre dhe sot ndiehen shumë krenarë që ata kanë realizuar ëndrrat e tyre.

    Njëra nga familjaret e kadetëve të rinjë, Lumnije Kryeziu tha ndihet me krenare me djalin e saj, i cili e arriti qëllimin e tij.

    “Sot ka diplomuar djali jem dhe jam shumë krenare me të, kemi pasë edhe familjarë që kanë luftuar gjatë luftës është babi i tij dhe axhallarët, që ka luftuar gjatë luftës. Ky gjithë e ka bërë plan me ardhur sot këtu dhe sot e ka arrit qëllimin dhe jemi shumë krenarë me të komplet si familje. E kemi përkrahë gjithmonë dhe vazhdojmë me përkrah . Edhe djali tjetër kam dëshirë me ardhur njëjtë si në vendin e vëllaut, kemi dëshirë me e përcjell si familje”, tha Kryeziu.

    Edhe Rexhep Gërguri, gjyshi i njërit nga kadetët e FSK-së u shpreh krenar për nipin e tij që sot diplomoi.

    “Une babgjyshi i shtëpisë, kjo e ka nip edhe unë e kam nip, boll valla jemi krenarë, po qaj prej gëzimit, edhe djali ka qenë veteran edhe dëshmor edhe vëllau i tij është veteran…boll jemi krenarë”, tha Gërguri.

    Ndërkaq, Arbias Begaj tha se ndihet krenar me vëllain e tij. Ai u shpreh për KosovaPress se do ta mbështesin gjithmonë të vëllain.

    “Ka diplomuar sot vëllau im, jam shumë krenarë për to, për njeriun që është bërë dhe ambiciet dhe vizionin si njeri që e ka. Pa dyshim ka qenë si iniciativë brenda familjes është një energji brenda familjes si tip më emocional, ka qenë vendimi i tij, mirëpo përkrahjen tonë e ka pasur që nga dita e parë gjithmonë dhe do ta ketë në vazhdim. Është një profesion që kërkon devotshmëri, përkushtim dhe sakrificë që një i ri në të ardhmen e ka prioritet. Kjo është prioritet për familjen e tonë dhe e vëllau i vogël do të ndjekë hapat e vëllaut tonë Altinit”, tha Begaj

    Ndryshe, 15 kadetë iu shtuan Forcës së Sigurisë së Kosovës. Ata diplomuan nga Qendra e Studimeve Universitare, kur për katër vite radhazi janë përgatitur për t’i shërbyer vendit.

  • Zbulohen detaje për shëndetin e Madonnas

    Zbulohen detaje për shëndetin e Madonnas

    Madonna thuhet se është ende duke luftuar me sëmundjen e saj edhe pse është liruar nga spitali.

    Burimet i thanë TMZ se këngëtarja, 64 vjeçe, ka “vjellë në mënyrë të pakontrolluar” dhe është e shtrirë në shtrat brenda shtëpisë së saj në NewYork.

    Madonna, e cila u shtrua në spital me një infeksion bakterial të shtunën dhe më vonë u vu në kujdes intensiv, thuhet se është ende duke luftuar efektet e sëmundjes së saj.

    Burimet pohuan se ajo fillimisht filloi të pulsojë të shtunën kur filluan simptomat dhe se ajo gjithashtu “u rrëzua” në atë kohë.

    Gjithashtu burimet i thanë më parë Page Six se Madonna ishte pandjenja dhe nuk kishte “reaguar” në një moment dhe duhej të intubohej për të paktën një natë në spital.

    Madonna thuhet se i injoroi simptomat e saj dhe nuk bërë kontrrola te një mjek sepse ishte e fokusuar në turneun e saj të ardhshëm, i cili ishte caktuar të fillonte më 15 korrik.

    Menaxheri shumëvjeçar i këngëtares së “Express Yourself”, Guy Oseary, i cili dha lajmin për shtrimin në spital të klientit të tij, ka konfirmuar që turi është pezulluar.

    “Në këtë kohë, do të na duhet të ndalojmë të gjitha angazhimet, që përfshin turneun”, tha ekzekutivi i muzikës, 50 vjeç, në deklaratën e tij të postuar në Instagram të mërkurën.

    “Ne do të ndajmë më shumë detaje me ju sapo t’i kemi, duke përfshirë një datë të re fillimi për turneun dhe për shfaqjet e riplanifikuara”, tha tutje ai.

  • Liderët e BE-së kërkojnë shtensionim në Kosovë, ndryshe do të ketë pasoja

    Liderët e BE-së kërkojnë shtensionim në Kosovë, ndryshe do të ketë pasoja

    Udhëheqësit e shteteve dhe qeverive të Bashkimit Evropian në samitin që u mbajt në Bruksel, të premten kërkuan shtensionim të menjëhershëm të situatës në Kosovë dhe paralajmëruan “pasoja negative” nëse nuk bëhet një gjë e tillë.

    Në konkluzionet e miratuara në fund të samitit dyditor në Bruksel, një version të të cilit Radio Evropa e Lirë e kishte parë më herët, liderët përsëritën “përkushtimin e tyre të plotë dhe të qartë ndaj perspektivës së vendeve të Ballkanit Perëndimor për anëtarësimin në BE”.

    Më tej u ritheksua “mbështetja për përshpejtimin e procesit të pranimit të bazuar në merita dhe reforma përkatëse”.

    Një paragraf i veçantë i konkluzioneve u kushtohet tensioneve ndërmjet Kosovës dhe Serbisë dhe në samit raporti iu dorëzua liderëve të BE-së nga shefi i diplomacisë evropiane, Josep Borrell.

    “Këshilli Evropian dënon incidentet e fundit të dhunshme në veri të Kosovës dhe bën thirrje për një shtensionim të menjëhershëm të situatës, bazuar në elementet kyçe që Bashkimi Evropian i ka theksuar tashmë më 3 qershor 2023. Palët duhet të krijojnë kushte për zgjedhjet e parakohshme në të katër komunat e veriut të Kosovës. Dështimi i shtensionimit të tensioneve do të ketë pasoja negative”, theksuan liderët në konkluzionet e miratuara.

    Ata theksuan se është thelbësor vazhdimi i dialogut me ndërmjetësimin e BE-së dhe zbatimi i shpejtë i Marrëveshjes për rrugën drejt normalizimit dhe Aneksit të saj.

    Në konkluzione, shtohet se këtu përfshihet edhe formimi i Asociacionit të komunave me shumicë serbe në Kosovë.

    Edhe pse konkluzionet u përgatitën me kohë dhe nuk u kontestua përmbajtja e tyre, miratimi ishte i pasigurt deri në momentin e fundit, sepse ishte një paketë konkluzionesh me të gjitha temat që ishin në rend dite gjatë dy ditëve sa u zhvillua samiti.

  • Qytetarët e fajësojnë BE-në për sanksionet e mundshme ndaj Kosovës: Po ia mban anën Serbisë

    Qytetarët e fajësojnë BE-në për sanksionet e mundshme ndaj Kosovës: Po ia mban anën Serbisë

    Qytetarët janë shprehur të shqetësuar me mundësinë që Kosovës t’i vendosen sanksione nga Bashkimi Evropian, ndërkaq fajësojnë BE-në se po i mban anën Serbisë, raporton EO.

    Ndër veprimet që janë përmendur pezullimi i programit të fondeve për Kosovën, pezullimi i mbështetjes së vazhdueshme për prokurimin dhe nënshkrimin e kontratave, pezullimin e pjesëmarrjes në ngjarjet e nivelit të lartë, e kështu më radhë.

    Por qytetari Hasan Syla, konsideron se BE-ja po i mban krahun të fortit (Serbisë) e po e shkel të dobëtin.

    Thotë se grupet kriminale nuk po dënohen nga ndërkombëtarët.

    “Gjithmonë më të fortit ia kanë mbajtur krahun, e të dobëtin e kanë shkelur. E gjithë bota na ndihmoi, e tani e gjithë bota kundër neve. Nuk e di pse. E gjithë bota po e sheh çka po bëjnë kriminelët në veri dhe ne po mbesim fajtorë ata jo”, u shpreh ai.

    Ndërsa Shaqir Syla, e ka quajtur hipokrizi paralajmërimet e Bashkimit Evropian për të vendosur sanksione ndaj Kosovës.

    Syla ka përmendur gjenocidin e Serbisë të kryer në Kosovë, me ç’rast thotë se serbët kanë më shumë të drejta se në çdo vend të botës.

    “Kjo është hipokrizi e BE-së me miqtë e tonë ndërkombëtarë, por ne më parë kemi thënë mik nuk është ai që nuk të ndihmon e që e don armikun tënd. Ai nuk është mik. Ne kemi pasur nevojë për aso miq që janë të drejtë dhe të fortë, por ka ndryshuar bota, janë rreshtuar kah i forti. Ai qe 20 vite na ka djegur, shkelur, na ka bërë llom, na ka përzënë prej këtu. Sot atë po e favorizojnë, e neve po na dënojnë, pa bërë asgjë. Ne nuk kemi dalur andej kufirit, ata kanë hyrë brenda kufirit. Është dashur BE dhe SHBA-ja mos ta lejojnë Serbinë të flasë për Kosovën. Ne jemi shtet i pavarur. Mundemi të bisedojmë për të drejta të serbëve këtu, të drejta të cilat nuk i ka askush në Evropë. S’kam dëgjuar që ka dikush të drejta më shumë se serbët që kanë këtu. Është hipokrizi i llojit të vetë dënimi i Kosovës”, u shpreh ai.

    Bajram Arifaj, po ashtu qytetar nga Prishtina ka thënë së nuk është e drejtë që BE-ja ta dënoj Kosovës, pasi sipas tij, Kosova nuk ka faj në këtë rast.

    Fidaim Berisha, tha se veprimet e policisë në veri të vendit i konsideron të ligjshme, pasi sipas tij, ata kanë qenë në mbrojtje te territorit.

    “Po për mendimin tim këto janë punë politike se ata kanë bërë gjenocid ndaj policisë së ton, ndaj KFOR-it kanë bërë dhunë. Edhe policia e Kosovës ka mbrojtur popullatën dhe ka mbrojtur territorin tonë. Mirëpo tash një punë politike po sjellët, në as një shtet nuk mundet me ndodh që të bëjnë presion ndaj një populli, ndaj policisë edhe të quhet Kosova agresore, Albin Kurtin, kur Albin Kurti veç do ta mbroj vendin edhe territorin e vetë”, tha ai.

  • MKRS thotë se lista e OJQ-ve përfituese në thirrjen për art dhe trashëgimi ishte fshirë për shkak të disa gabimeve teknike, ripublikon sërish atë

    MKRS thotë se lista e OJQ-ve përfituese në thirrjen për art dhe trashëgimi ishte fshirë për shkak të disa gabimeve teknike, ripublikon sërish atë

    Ministria e Kulturës, Rinisë dhe Sportit(MKRS) ditën e enjte ka publikuar listën e Organizatave Joqeveritare (OJQ-ve) përfituese në thirrjen për art dhe trashëgimi, por të njëjtën e kishte fshirë menjëherë pas publikimit.

    Kjo ngjalli reagime të shumta nëse do të ndryshonte lista, a do të shtohej, ose a do të largohej nga lista ndonjë organizatë, ose nëse do të ndryshohej shuma e fitimit të secilës organizatë.

    Për Portalin Dukagjini nga MKRS kanë thënë se “lista është ripublikuar sot”.

    Sipas tyre, lista ishte fshirë nga uebfaqja e Ministrisë për shkak të disa gabimeve teknike.

    “Kjo është lista për pyetjet që i keni parashtruar. Lista është ripublikuar sot për shkak të përvjedhjes së disa gabimeve teknike”, thuhet shkurtimisht në përgjigjen e MKRS-së.