Endrit Thaçi, djali ish-presidentit Thaçi, ka rikthyer në kujtesë një moment të veçantë mes ish-presidentit Hashim Thaçi dhe veprimtarit të çështjes kombëtare Adem Demaçi.
Në videon që ka publikuar në Instagram, veprimtari Demaçi iu drejtuar Thaçit me fjalët: “Po e shpall Pavarësinë, po?”.
Ndërsa ish-presidenti Thaçi ia kthen: “Me emër të Zotit”.
Akademia e Shkencave dhe e Arteve e Kosovës dhe Akademia e Shkencave e Shqipërisë sot organizojnë konferencën shkencore “Ibrahim Rugova – Shkrimtari, Intelektuali, Presidenti”.
Konferenca ndërkombëtare i kushtohet jetës, veprës dhe trashëgimisë intelektuale dhe politike të Presidentit historik të Kosovës, Ibrahim Rugova.
Konferenca do të mbledhë studiues, akademikë, shkrimtarë dhe personalitete të jetës publike nga vendi dhe bota, për të trajtuar dimensionin letrar, kulturor, politik dhe diplomatik të veprës së Rugovës, si një nga figurat më të rëndësishme të historisë moderne shqiptare.
Ngjarja mbahet në Sallën e Akademisë në Prishtinë.
Operacioni i kërkimit për 55 vjeçaren e cila u raportua e zhdukur në Deçan po vazhdon edhe sot.
Kjo u konfirmua nga zëdhënësi i policisë për rajonin e Pejës Driton Rugova.
“Njësitet e Drejtorisë Rajonale të Policisë në Pejë bashkë edhe me Stacionin e Policisë në Deçan po i vazhdojnë kërkimet për personin e zhdukur. Ende nuk është arritur të gjendet”, deklaroi Rugova.
“Në kërkim pos policisë dhe ekipeve të kërkim-shpëtimit, janë të angazhuar edhe Forca e Sigurisë së Kosovës”, u shpreh ai.
Instagrami ka prezantuar zyrtarisht “Instants”, një funksion të ri që u mundëson përdoruesve të ndajnë momente spontane dhe të pafiltruara me persona të caktuar.
“Instants” përshkruhet si një mënyrë e re për të shpërndarë fotografi të çastit me miqtë, ku fotot zhduken pasi shihen nga marrësit. Megjithatë, ato ruhen në arkivin privat të përdoruesit deri në një vit dhe më pas mund të rishpërndahen në formë përmbledhjeje në Stories.
Përdoruesit mund të reagojnë dhe t’u përgjigjen fotove, ndërsa përgjigjet dërgohen drejtpërdrejt në mesazhet private (DM), shkruan KOHA.net.
Krahas funksionit të ri, Instagrami ka lansuar edhe aplikacionin shoqërues “Instants”, i cili ofron qasje më të shpejtë në kamerë. Aktualisht, po shpërndahet për pajisjet iOS dhe Android vetëm në disa shtete të përzgjedhura.
Si funksionon “Instants”? (VIDEO)
Funksioni “Instants” gjendet në këndin e poshtëm të djathtë të mesazheve direkte (DM) në Instagram dhe paraqitet si një grumbull i vogël fotografish.
Kur përdoruesi ndan një foto përmes “Instants”, mund të shtojë një përshkrim, por pas publikimit nuk mund të bëhen ndryshime të tjera. Po ashtu, përdoruesit mund të zgjedhin gjithmonë se me kë dëshirojnë t’i ndajnë fotografitë dhe kanë mundësinë e anulimit në rast se ndryshojnë mendim.
Në pjesën e sipërme të djathtë të “Instants” ndodhet edhe arkivi privat, i cili është i dukshëm vetëm për përdoruesin.
Klubi i Futsallit “Policia e Kosovës” ka arritur një sukses të madh sportiv, duke u shpallur kampion i Ligës së Parë të Futsallit për edicionin garues 2025/2026 dhe duke siguruar pjesëmarrjen në gara në Superligën e Kosovës.
Në njoftimin zyrtar bëhet e ditur se ekipi i Policisë së Kosovës dominoi me rezultat 8:3.
Pas përfundimit të ndeshjes, në një atmosferë festive dhe emocionuese, u zhvillua ceremonia solemne e ndarjes së medaljeve dhe Kupës së Kampionit.
Medaljet dhe trofeu iu dorëzuan ekipit kampion nga kryetari i FFK-së, Agim Ademi dhe drejtori i Përgjithshëm i Policisë së Kosovës, Gazmend Hoxha, në praninë e zyrtarëve të lartë të Federatës së Futbollit të Kosovës, udhëheqjes së klubit Policia e Kosovës dhe Drejtorisë së Sportit të Komunës së Prishtinës.
“Policia e Kosovës shpreh mirënjohje për të gjithë ata që kanë mbështetur ekipin gjatë këtij rrugëtimi dhe uron që ky sukses të shërbejë si motivim për të gjithë. Urime dhe suksese ekipit!”.
Që kur u njoftua për herë të parë, telefoni T1 i Donald Trumpit është përballur me vonesa e ridizajnime.
Këto mund të marrin fund, pasi kompania ka njoftuar se do të lansojë shumë shpejt telefonin e saj të parë inteligjent.
Trump Mobile ka njoftuar se po planifikon të fillojë dërgimin e telefonave për njerëzit që e kanë porositur paraprakisht pajisjen këtë javë.
Drejtori ekzekutiv i kompanisë, Pat O’Brien, e konfirmoi fillimisht lajmin për USA Today.
Sipas Trump Mobile, përdoruesit që kanë porositur paraprakisht një telefon T1 duhet të marrin një email përditësimi me detaje të mëtejshme.
Kompania tha se planifikon të përmbushë të gjitha porositë paraprake brenda disa javëve të ardhshme.
Një njoftim për shtyp i Trump Mobile, i raportuar nga The Verge, thotë se kërkesa për telefonin e ri inteligjent ka qenë “jashtëzakonisht e lartë”.
Sipas O’Brien, kompania është mbingarkuar dhe pritja e gjatë “ka vlejtur pasi po ofrojnë një produkt të mrekullueshëm”.
Një skandal ka tronditur Gjermaninë, pasi Zyra e Prokurorit në Potsdam ka ngritur akuza ndaj një pediatri 45-vjeçar nga Brandenburg për 130 raste të dyshuara abuzimi seksual dhe përdhunimi të të miturve.
Sipas prokurorisë, mjeku dyshohet se ka kryer shumicën e krimeve gjatë ushtrimit të profesionit të tij, përgjatë një periudhe rreth 12-vjeçare, nga dhjetori 2013 deri në nëntor 2025.
Autoritetet bëjnë me dije se pediatri ndodhet në paraburgim që prej nëntorit të vitit të kaluar, pasi nëna e një fëmije ngriti akuza të rënda ndaj tij.
Në janar të këtij viti u zbulua se mjeku kishte abuzuar seksualisht me një të mitur ndërsa punonte në një spital në Rathenow, në perëndim të Berlinit.
Pas denoncimit, policia kreu kontrolle dhe sekuestroi pajisje të shumta elektronike për ruajtjen e të dhënave, ndërsa prokuroria nisi një hetim të gjerë për identifikimin e viktimave të tjera të mundshme.
Sipas autoriteteve gjermane, rreziku i përsëritjes së krimeve ishte një nga arsyet kryesore për mbajtjen e tij në paraburgim.
Ndërkohë, Havelland Clinics njoftoi se ka nisur një hetim të brendshëm dhe do të rishikojë procedurat e sigurisë në institucionet e saj.
Grupi spitalor pranoi se gjatë një vizite mjekësore ishte shkelur parimi i “pranisë së dyfishtë”, që kërkon praninë e dy personave gjatë ekzaminimit të fëmijëve.
“Akuzat dëmtojnë besimin e pacientëve dhe familjeve të tyre”, deklaroi drejtori mjekësor, Mike Lehsnau.
Qeveria në detyrë do të mblidhet sot.
Sipas njoftimit të Kryeministrisë mbledhja do të mbahet në ora 15:00. Në rend dite janë gjithsej 19 pika.
Ndër të tjera, në rend dite në mbledhjen e sotme pritet të bëhen shqyrtimi i disa kërkesave të Ministrisë për Punë, Familje dhe Vlerat e Luftës Çlirimtare.
Ky është rendi i plotë i ditës i mbledhjes së sotme:
Lamine Yamal vazhdon të jetë në qendër të vëmendjes jo vetëm për paraqitjet në fushë, por edhe për imazhin që krijoi gjatë festës së titullit të Barcelonës në La Liga.
Pamjet e talentit spanjoll duke valëvitur një flamur palestinez mbi autobusin e ekipit pas fitimit të titullit kampion i Spanjës, bën gjiron e botës dhe shkaktuan reagime të shumta në rrjete sociale.
Tani, palestinezët duket se i kanë kthyer “nderin” yllit të ri të Barcelonës.
Sipas pamjeve që po qarkullojnë, disa aktivistë palestinezë kanë realizuar një mural të Lamine Yamal në kampin e refugjatëve al-Shati, në perëndim të Qytetit Gaza.
Në mural, Yamal paraqitet pikërisht në momentin kur valëvit flamurin e Palestinës, një imazh që tashmë është kthyer në simbolikë për shumë mbështetës palestinezë në rrjete sociale.
Raportohet se gjatë festës së Barcelonës, flamuri i Palestinës u hodh nga turma drejt lojtarëve.
Yamal e pranoi flamurin pa hezitim, dhe më pas e shpalosi dhe e valëviti para tifozëve që ndiqnin kolonën festive. Veprimi i tij u prit me entuziazëm në turmë dhe u komentua gjerësisht edhe online.
Kosova po hyn në fazën fillestare të fushatës për zgjedhjet e 7 qershorit, të cilat pritet të përcaktojnë balancat e reja politike në vend.
Partitë kryesore kanë intensifikuar aktivitetet dhe përplasjet politike, ndërsa debatet janë fokusuar te sondazhet, raportet mes liderëve dhe rezultatet e mundshme zgjedhore.
Në qendër të zhvillimeve kanë qenë raportet mes Vjosa Osmani dhe Lidhjes Demokratike të Kosovës, si dhe përplasjet politike mes opozitës dhe Lëvizjes Vetëvendosje.
Lidhur me aktualitetin politik në vend, në një prononcim për “Front Online” ka folur ish-kreu i Lëvizjes Vetëvendosje, Visar Ymeri, i cili ka vlerësuar se LVV mund të marrë një rezultat më të dobët krahasuar me zgjedhjet e shkurtit 2025, ndërsa Partia Demokratike e Kosovës mund të shënojë ngritje relative, derisa LDK-ja nuk dihet ende.
Ai ka deklaruar se rezultati i zgjedhjeve të 7 qershorit mbetet i vështirë për t’u parashikuar, duke thënë se zhvillimet e fundit politike kanë ndryshuar dinamikën elektorale në vend.
Ymeri tha se afrimi i vonshëm politik mes Vjosa Osmanit dhe LDK-së ka ndikuar që kjo parti të jetë në qendër të vëmendjes publike.
“Është vështirë të thuhet. Për shkak se bashkimi është bërë tash vonë ndërkohë që dinamika e zhvillimeve është e shpejtë. Deri tash Vjosa Osmani dhe LDK kanë qenë lajmi i ditës, dhe kjo është promovim në vete. E kemi edhe një periudhë deri në zgjedhje”, tha Ymeri.
Sipas Ymerit, çdo rritje e mbështetjes për LDK-në dhe Osmanin do të reflektohet drejtpërdrejt me rënie të votave për LVV-në.
“Çfarëdo rritje e LDK-së dhe Vjosa Osmanit është rënie për LVV. Nuk mund ta them me përqindje e aq më pak më numër votash mirëpo gjykuar nga ky pozicion i tashëm unë e shoh që LVV do ta ketë një rezultat pak më të dobët se shkurti i vitit 2025”, ka deklaruar Ymeri.
Ai komentoi edhe pozicionin e PDK-së, duke thënë se kjo parti mund të shënojë rritje relative.
“PDK mund ta ketë një ngritje relative në raport me dhjetorin, duke e pasur parasysh se PDK ka qenë partia e vetme e madhe më një votë stabile të cilën nuk mund t’ia merr askush”, u shpreh Ymeri