ATV

Blog

  • Kolona në dy pikat kufitare, pritje deri një orë për të dalë dhe hyrë në Kosovë

    Kolona në dy pikat kufitare, pritje deri një orë për të dalë dhe hyrë në Kosovë

    Në dy vendkalimet kufitare Dheu i Bardhë dhe Merdare janë krijuar kolona deri në 500 metra. Qytetarët janë duke pritur deri në një orë për të dalë dhe për të hyrë në territorin e Kosovës.

    Të dhënat e fundit të publikuar nga Qendra Kombëtare për Menaxhim Kufitar, tregojnë se dy vendkalimet kufitare të lartë cekura janë më të ngarkuarat, transmeton Telegrafi.

    Kurse, vendkalimet tjera janë të lira për qarkullim ku dalja dhe hyrja mund të bëhet nga tre deri në pesë minuta.

    Qytetarët mund të informohen në kohë reale lidhur me gjendjen në kufi duke klikuar KËTU.

  • ​Konferenca e Londrës, 110 vjet nga ndarja e trojeve shqiptare

    ​Konferenca e Londrës, 110 vjet nga ndarja e trojeve shqiptare

    110 vjet më parë ka përfunduar punimet Konferenca e Londrës, në të cilën është vendosur përgjysmimi i trojeve shqiptare dhe fati i saj.

    Konferenca e Ambasadorëve ka filluar punimet në dhjetor 1912, duke vazhduar deri më 29 korrik 1913.

    Ajo mund të ketë qenë përcaktuese e të ardhmes së Shqipërisë mbi pavarësinë e vendit, por siç dihet nga ajo konferencë, Shqipëria ka dalë e përgjysmuar në kufijtë e saj.

    Konferenca është diktuar prej shpërthimit të Luftës së Parë Ballkanike. Aty kanë marrë pjesë fuqitë e mëdha të Evropës, përfaqësuesi i Perandorisë Otomane dhe përfaqësues të fuqive ballkanike, me përjashtim të Shqipërisë (që nuk njihej) dhe Greqisë (që nuk e kishte nënshkruar armëpushimin).

    Nga kjo konferencë ka dalë Traktati i Londrës, mbi ndarjen e territoreve që kanë dalë jashtë Perandorisë Otomane prej fuqive të mëdha dhe aleatëve të tyre. Ky Traktat ka mbetur i fshehtë deri në Konferencën e Versajës (1918).

    Të gjitha fuqitë e mëdha kanë paraqitur versionin e tyre të hartës së Shqipërisë. Harta më e favorshme për shqiptarët ishte ajo e propozuar nga Austro-Hungaria.

    Pas shumë diskutimesh, më 29 korrik 1913, ambasadorët kanë marrë një vendim formal për të njohur Principatën e Shqipërisë si shtet sovran të pavarur nga Perandoria Osmane, duke e copëtuar edhe njëherë dhe duke marrë dy të tretat e trojeve shqiptare.

    Më poshtë shihni hartën e propozimit të qeverisë shqiptare, propozimit të Francës, Rusisë dhe Ligës së krijuar Ballkanike (Bullgaria, Greqia, Serbia dhe Mali i Zi), si dhe vendimin e marrë nga konferenca e ambasadorëve.

    This image has an empty alt attribute; its file name is image-34.png

    Harta me propozimet e Qeverisë së përkohshme të Vlorës për hartën e Shqipërisë, propozimet e Francës, Rusisë dhe ligës së Ballkanit (Serbia, Bullgaria dhe Greqia) si dhe kufijtë e tanishëm të propozuar dhe miratuar nga konferenca e Londrës (ky territor tani quhet Shqipëri).

  • Temperaturat sot deri në 31 gradë Celsius

    Temperaturat sot deri në 31 gradë Celsius

    Instituti Hidrometeorologjik i Kosovës ka informuar se gjatë fundjavës parashihet të mbajë mot me diell.

    Sipas parashikimeve, temperaturat minimale do të lëvizin ndërmjet 9-13 gradë Celsius, ndërsa maksimalet e ditës parashihen të lëvizin ndërmjet 29-31 gradë Celsius.

    “Do të fryjë erë e lehtë deri mesatare nga drejtimi i verilindjes”, ka informuar IHMK.

    Ndërsa, të dielën pritet të mbajë mot me vranësira të pjesshme dhe intervale me diell. Sipas parashikimeve, në fushat termike nuk parashihet të ketë ndryshime të mëdha.

    “Minimalet do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 28-32 gradë Celsius”, thuhet në njoftim.

    Era do ta mbajë drejtimin e njëjtë nga verilindja, shpejtësia e së cilës mund të arrijë deri 4 m/s.

  • Rrëzohet helikopteri i ushtrisë australiane

    Rrëzohet helikopteri i ushtrisë australiane

    Është duke u kryer një kërkim për katër anëtarët e ekuipazhit të një helikopteri të ushtrisë australiane pasi u rrëzua në Queensland.

    Helikopteri MRH-90 Taipan u rrëzua pranë “Shkëmbit të Barrierës së Madhe” në orën 22:30 të së premtes gjatë stërvitjeve të përbashkëta ushtarake me SHBA-në.

    Një helikopter shpëtimi thuhet se ka pikasur mbeturina pranë ishujve Whitsunday, raporton skynews.

    Ministri australian i Mbrojtjes, Richard Marles u tha gazetarëve se “helikopteri kishte në bord katër anëtarë të ekuipazhit. Për shkak se ishte një helikopter tjetër i pranishëm, kërkim/shpëtimi ka filluar menjëherë”.

    “Ndërsa po flasim me ju tani, katër anëtarët e ekuipazhit ende nuk janë gjetur, por misioni i kërkim/shpëtimit po vazhdon”, deklaroi ai.

    Australia dhe Shtetet e Bashkuara aktualisht po kryejnë stërvitje ushtarake përgjatë bregut australian që këtë vit përfshin 13 vende dhe më shumë se 30 mijë personel. /

  • Rasti Klan Kosova, reagon edhe presidentja Osmani

    Rasti Klan Kosova, reagon edhe presidentja Osmani

    Presidentja e Kosovës, Vjosa Osmani, ka reaguar për rastin e Klan Kosovës, pasi sot MINT refuzoi ankesën e televizionit dërguar në ARBK për çështjen e pezullimit të certifikatës së biznesit Klan Kosova sh.p.k.

    Në këtë reagim, ajo thotë se “liria e mediave nuk është privilegj, por një e drejtë themelore që mbështet funksionimin e një shoqërie demokratike”.

    E para e shtetit thotë se “është detyrë e secilit në shoqërinë tonë që ta vlerësojmë lirinë e mediave, ta mbrojmë atë dhe të krijojmë kushte për të, në përputhje me kornizat e përcaktuara me Kushtetutën dhe ligjet e Republikës sonë”.

    Presidentja thotë se “respektimi i Kushtetutës dhe i ligjeve janë thelbësore për ruajtjen e rendit, drejtësisë dhe kohezionit social”.

    “Promovimi i lirisë së medias brenda kufijve të ligjit, sikurse edhe mbështetja ligjore e fjalës së lirë dhe të drejtës për informim janë parime bazike të shoqërisë sonë, të cilat burojnë edhe nga akti më i lartë juridik i shtetit tonë”.

    “Çdo dilemë ligjore rreth rastit të licensës së mediumit Klan Kosova, duhet të sqarohet deri në fund nga instancat përkatëse të sistemit të drejtësisë të Republikës së Kosovës”.

    “Presidentja e Republikës pret që kjo të bëhet duke zbatuar ligjin, pa ndërhyrje, bazuar në parimet e paanshmërisë dhe integritetit”, ka theksuar Presidentja Osmani në këtë reagim.

  • QUINT dhe BE reagojnë për vendimin e MINT ndaj Klan Kosovës

    QUINT dhe BE reagojnë për vendimin e MINT ndaj Klan Kosovës

    Ambasadorët e QUINT-it dhe Zyra e Bashkimit Evropian përmes një komunikate të përbashkët kanë reaguar ndaj vendimit të Ministrisë së Tregtisë për pezullimin e licencës së televizionit Klan Kosova.

    Ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara, si dhe Bashkimi Evropian në Kosovë kanë shprehur shqetësimin e tyre të thellë për vendimin e sotëm të Ministrisë ku konfrimohet pezullimi i licencës së Klan Kosova.

    Ne reagim thuhet se një vendim i tillë është jopropocional e që do të ketë pasoja në plurlalizmin mediati në Kosovë. QUINT potencon se heqja e licencës së çdo media është hap i rëndësishëm që kërkon shqyrtim rigoroz.

    “Ne jemi veçanërisht të shqetësuar se heqja e licencës së biznesit të Klan Kosovës është një vendim joproporcional që do të ketë pasoja në pluralitetin mediatik në Kosovë. Revokimi i licencës së çdo media është një hap i rëndësishëm që kërkon shqyrtim rigoroz. Liria e shprehjes dhe e informimit janë tipare thelbësore të shoqërive demokratike. Presim një proces të drejtë dhe transparent ligjor për zgjidhjen e situates”, thuhet në komunikatën e QUINT.

  • Vrasje e trefishtë në Rufc të Lipjanit, reagon kryeministri Kurti

    Vrasje e trefishtë në Rufc të Lipjanit, reagon kryeministri Kurti

    Tre anëtarë të familjes Bekteshi, burrë e grua dhe djali i tyre, kanë mbetur të vdekur në fshatin Rufc të Vjetër të Lipjanit.

    Ngjarja e rëndë ka ndodhur rreth orës 16:30, ka konfirmuar policia. Dyshohet se kryefamiljari, rreth 60-vjeçar, e ka vrarë bashkëshorten dhe të birin e tyre, dhe më pas ka qëlluar dhe veten me armë zjarri.

    Lidhur me këtë ngjarje tronditëse ka reaguar kryeministri Kurti, i cili përmes një statusi në facebook, ka shkruar se është i trishtuar pamasë nga lajmi i kobshëm për vdekjen tragjike të tre anëtarëve të familjes Bekteshi nga fshati Rufc i Vjetër i Komunës së Lipjanit.

    “Përtej rrethanave që do të sqarohen nga autoritetet, tronditje të tilla lënë boshllëk në zemrat e secilit prej nesh. Sot, jemi pranë familjarëve e miqve të viktimave. Familjes Bekteshi i shpreh ngushëllimet më të sinqerta për humbjen e madhe, sikurse edhe të gjithë qytetarëve të Komunës së Lipjanit”, ka shkruar Kurti. /atvlive.tv

  • Trafikuan 18 vjeçaren, gjykata e Pejës i dënon me 23 vjet e gjysmë burgim

    Trafikuan 18 vjeçaren, gjykata e Pejës i dënon me 23 vjet e gjysmë burgim

    Me 23 vjet burgim gjithsej janë dënuar pesë persona nga Gjykata Themelore e Pejës për veprën penale trafikim me njerëz.

    K.G , në tetor të vitit 2021 ishte keqtrajtuar, mashtruar e detyruar të kryejë shërbime seksuale në këmbim të hollave në shuma prej 50 deri në 200 euro.

    “Të akuzuarës M.Xh i përcakton dënim me burg ne kohëzgjatje prej 3 vite dhe dënimin me gjobë në shumën prej pesëqind (500) euro .Të akuzuarit I. M i caktohet dënim me burgim në kohëzgjatje prej pesë (5) vite, dhe dënim me gjobë në shumë prej 1.000 euro. Të akuzuarës E.Z tre ( 3) vite dhe dënimin me gjobe ne shumen prej pesëqind (500). Të akuzuari M.I në kohëzgjatje prej gjashtë (6) vite, si dhe dënim me gjobe ne shumen prej njëmijë (1.000) €. Te akuzuarit i shqiptohet dënim unik ne kohëzgjatje prej shatë (7 ) vite si dhe dënim me gjobë në shumë prej dymijë (2.000) €,. Të akuzuarit J. A dënim me burgim ne kohëzgjatje prej pesë (5) vite, dhe dënim me gjobe ne shumen prej njëmijë (1.000)”, thuhet në vendimin e Gjykatës Themelore të Pejës.

    Prokurorja e rastit Lumturije Vuçetaj në një intervistë për ATV, ka thënë se 18 vjeçarja është treguar bashkëpunuese gjatë tërë procesit gjyqësor, përkundër presionit të vazhdueshëm.

    Sipas Prokurorisë provat në këtë rast kanë drejtuar në hetime edhe të rasteve të tjera.

    Organi i akuzues thotë se vendimi dënues në këtë rast përçon një mesazh.

    Ndërkohë mbrojtja e të akuzuarve ka paralajmëruar se do ta apelojë dënimin.

    Aktakuza në këtë rast ishte ngritur në mars të vitit të kaluar, disa muaj pasi viktima kishte paraqitur rastin. Ajo ishte trajtuar në tetor të vitit 2021 në Qendrën e Mjekësisë Familjare në Malishevë si pasojë e gjendjes jo të mirë psikofizike. /atvlive.tv

    Edicionin Qendror të lajmeve në ATV e gjeni në videon më poshtë:

  • Vendimi i MINT për mbylljen e Klan Kosovës, reagon ministrja Hajdari

    Vendimi i MINT për mbylljen e Klan Kosovës, reagon ministrja Hajdari

    Ministrja e Industrisë, Ndërmarrësisë dhe Tregtisë në një postim në Facebook i ka qëndruar mbrapa vendimit të dikasterit që udhëheq që sot mori vendim për të mbyllur Klan Kosovën. Ajo ka thënë se fakti që Klan Kosova është media nuk amnistohet nga shkeljet që pretendohen.

    Postimi i plotë:

    Çdo biznes me veprimtari në Republikën e Kosovës, e ka për obligim që të respektojë Kushtetutën dhe ligjet e vendit tonë.

    Ndërsa, Ministria e Industrisë, Ndërmarrësisë dhe Tregtisë është e vendosur për të mbrojtur rendin dhe ligjin në çdo rast brenda fushëveprimit të saj, pa përjashtim e pa diskriminim.

    Fakti që një biznes sh.p.k., mes shumë veprimtarive të tjera, merret edhe me media, nuk e amniston aspak prej llogaridhënies për shkeljet ligjore që i kryen, sado i fuqishëm që të jetë ekonomikisht apo politikisht.

    Për sa i përket vendimmarrjes në kuadër të MINT, procedimi i rastit Klan Kosova sh.p.k. ka përfunduar.

    I ftoj Policinë e Kosovës dhe prokurorët kompetentë, që të ndërmarrin hapat e nevojshëm ligjorë për të hetuar, deri në fund, shkeljet ligjore të kryera nga ana e këtij biznesi, si dhe nga ana e disa zyrtarëve të ARBK, për të cilat shkelje ligjore kjo Ministri ka parashtruar kallëzim penal para disa javësh.

  • Reporterët pa Kufij: Duke ia pezulluar licencën, Qeveria e Kurtit po e shtyn drejt mbylljes Klan Kosovën

    Reporterët pa Kufij: Duke ia pezulluar licencën, Qeveria e Kurtit po e shtyn drejt mbylljes Klan Kosovën

    Një prej organizatave më të mëdha për mbrojtjen e gazetarëve dhe lirisë së medias kanë reaguar ndaj vendimit të Qeverisë së Kosovës për pezullimin e certifikatës së biznesit të Klan Kosova.

    Reporterët pa Kufij kanë thënë se me një vendim të tillë po kërcenohen rëndë pluralizmi i informacionit.

    Sipas kësaj organizate, duke pezulluar certifikatën e Klan Kosova, Qeveria e Kurtit po e shtyn televizionin drejt mbylljes dhe kanë bërë thirrje që vendimi të rrezohet.