ATV

Blog

  • Remitencat shënojnë rritje, kaq para dërgoi diaspora gjatë vitit 2023

    Remitencat shënojnë rritje, kaq para dërgoi diaspora gjatë vitit 2023

    Vlera remitencave në gjashtë muajt e pare të këtij viti ka arritur 635 milionë euro, që paraqet rritje prej 13 për qind krahasuar me periudhën e njëjtë të vitit 2022.

    Banka Qendrore e Kosovës njofton se shuma e remitancave vetëm në muajin qershor 2023 ishte 123.9 milionë euro, ose me një rritje prej 18 për qind krahasuar me periudhën e njëjtë të vitit 2022.

    Sipas BQK-së, prurjet më të mëdha të remitancave gjatë këtij muaji ishin përmes agjencive për transferimin e parave dhe kanaleve tjera, konkretisht përmes IFJB 58.4 %, bankave 15.4% dhe kanalet tjera 26.2%.

    “Vlera remitencave deri në fund të qershorit 2023 shënoi rreth 635 milion euro, që paraqet rritje prej 13% krahasuar me periudhën e njëjtë të vitit 2022. Remitancat kryesisht vijnë nga shtetet BE-së rreth 60% e gjithsej remitancave, prej të cilave kryeson Gjermania me 38.1% dhe ndiqen nga Zvicra me 17.6% dhe SHBA rreth 7.5%. Sipas vlerësimeve preliminare remitancat për muajin korrik ishin rreth 116 .8 milion euro. Prurjet më të mëdha edhe gjatë këtij muaji kanë qenë përmes IFJB 50.9 %, ndërsa përmes bankave 18.5% dhe kanalet tjera 30.5%”, thuhet në raportin e BQK-së për statistikat financiare dhe remitancat, raporton KosovaPress.

  • Punëtorët e sigurimit fizik në KEK protestojnë për të dytën herë me radhë gjatë këtij muaji

    Punëtorët e sigurimit fizik në KEK protestojnë për të dytën herë me radhë gjatë këtij muaji

    Punëtorët e sigurimit fizik në Korporatën Energjetike të Kosovës kanë protestuar të hënën para objektit të KEK-ut dhe Qeverisë së Kosovës.

    Protesta nisi në sheshin “Zahir Pajaziti”, duke vazhduar përpara zyrave të KEK-ut dhe objektit të Qeverisë, derisa në shenjë pakënaqësie ata hodhën edhe vezë para zyrave të KEK-ut.

    Kjo protestë, e dyta me radhë gjatë këtij muaji, po mbahet për shkak të mospërmbushjes së premtimit nga pushteti për kthimin e tyre në kuadër të KEK-ut./atvlive.tv/

  • Tekstet shkollore, mbi 51 mijë aplikime në platformën e-Kosova

    Tekstet shkollore, mbi 51 mijë aplikime në platformën e-Kosova

    Zëvendësministri i Arsimit, Taulant Kelmendi, ka thënë se deri sot në orën 09:00 janë pranuar 51 mijë e 200 aplikime në platformën e-Kosova për subvencionimin e teksteve dhe materialeve shkollore.

    “Në platformën e-Kosova për subvencionimin e teksteve dhe materialeve shkollore deri sot në ora 09:00 janë pranuar 51,200 aplikime”, ka shkruar Kelmendi.

    Gjatë javës së kaluar ministrja Arbërie Nagavci ka bërë të ditur se këtë vit nuk do të shpërndahen librat nëpër shkolla, mirëpo do t’i blejnë prindërit e më pas ata do të subvencionohen nga shteti.

  • Tetë persona dërgohen në mbajtje, penguan personat zyrtarë

    Tetë persona dërgohen në mbajtje, penguan personat zyrtarë

    Policia ka njoftuar se tetë persona janë shoqëruar në stacion policor pasi dyshohet se kanë penguar personat zyrtar ne kryerje te detyrës zyrtare, ku edhe ka rezultuar me lëndim te disa personave zyrtar.

    Të dyshuarit janë dërguar ne mbajtje.

    “PENGIM I PERSONIT ZYRTAR – Kaçanik 27.08.2023-00:30. Tete persona te dyshuar janë shoqëruar ne stacion pasi që te njëjtit kishin penguar personat zyrtar ne kryerje te detyrës zyrtare, ku edhe ka rezultuar me lëndim te disa personave zyrtar. Te njëjtit me vendim te prokurorit pas intervistimit janë dërguar ne mbajtje.”

  • “Njohja reciproke parakusht”/ Kurti: Ballkani Perëndimor duhet të mbështesë zgjerimin, të kryhen reformat

    “Njohja reciproke parakusht”/ Kurti: Ballkani Perëndimor duhet të mbështesë zgjerimin, të kryhen reformat

    Zyra e Kryeministrit ka dhënë detaje për darkën e mbrëmshme të punës të ftuar nga kryeministri i Sllovenisë, Golob në kuadër të Forumit të Bledit, ku mori pjesë edhe Albin Kurti.

    Nën temën “Solidaritet për Sigurinë Globale” brenda së cilës po zhvillohet forumi këtë vit, gjatë darkës u diskutua për bashkëpunimin rajonal, anëtarësimin e Ballkanit Perëndimor në Bashkimin Evropian dhe sigurinë.

    Sipas ZKM-së, kryeministri ka theksuar rëndësinë e zbatimit të marrëveshjeve të arritura vitin e kaluar në Procesin e Berlinit ku veçoi atë për lirinë e lëvizjes.

    “Më 1 janar 2024 të gjithë qytetarët e Republikës së Kosovës do të lëvizin pa viza në vendet e Bashkimit Evropian ndërkohë që do të ju kërkohen viza për në Bosnje dhe Hercegovinë. Në këto 50 ditët e mbetura para Samitit në Tiranë, është e rëndësishme që të fillojë zbatimi i plotë i tri marrëveshjeve që kemi nënshkruar në Berlin.

    Kryeministri mirëpriti thirrjet e Kryeministrit të Sllovenisë, Robert Golob dhe presidentit të Këshillit Evropian, Charles Michel, për fokusim në zgjerimin e Bashkimit Evropian si dhe mundësitë për vendet e Ballkanit Perëndimor dhe nënvizoi respektimin e pakicave dhe njohjen reciproke si parakusht.”, thuhet në njoftim.

    Po ashtu Kurti ka deklaruar se Bashkimi Evropian duhet të zgjerohet.

    “Ballkani Perëndimor duhet të mbështesë zgjerimin dhe vendet aspirante duhet të kryejnë reformat të cilat përshpejtojnë anëtarësimin.”

  • Vazhdon edhe sot gjykimi ndaj Thaçit dhe të tjerëve

    Vazhdon edhe sot gjykimi ndaj Thaçit dhe të tjerëve

    Ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimit, do dalin para trupit gjykues përsëri sot.

    Seanca pritet të zhvillohet me fillim nga ora 09:00.

    Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.

    Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagës prej nëntorit të vitit 2020.

  • Sot protestojnë punëtorët e sigurimit fizik të KEK-ut

    Sot protestojnë punëtorët e sigurimit fizik të KEK-ut

    Shoqata Sindikale e Sigurimit Fizik në KEK (Korporata Energjetike e Kosovës)  sot do të zhvillojë një protestë.

    Protesta pritet të nis në sheshin “Zahir Pajaziti” për të vazhduar përpara zyrave të KEK-ut dhe objektit të Qeverisë.

    Kjo protestë pritet të zhvillohet me fillim nga ora 10:00.

    Kujtojmë se para disa ditësh të njëjtit kanë protestuar për shkak të mospërmbushjes së premtimit nga pushteti për kthimin e tyre në kuadër të KEK-ut.

     

     

  • Parashikimi i motit për sot dhe nesër në Kosovë dhe rajon

    Parashikimi i motit për sot dhe nesër në Kosovë dhe rajon

    Dita e sotme në vendin tonë do të jetë kryesisht me mot të kthjellët dhe mot me diell.

    Temperaturën minimale për ditën e sotme do ta mbajë Prishtina me 16 gradë Celsius, ndërsa atë maksimale Peja me 34 gradë Celsius.

    Edhe dita e nesërme do të jetë me mot të kthjellët dhe intervale me diell, por gjatë pasdites pritet të ketë edhe reshje shiu.

    Temperaturën minimale për ditën e nesërme do ta mbajë qyteti i Prishtinës me 15 gradë Celsius, ndërsa atë maksimale Peja me 30 gradë Celsius.

    Ndërkohë, në Shqipëri do të ketë mot me diell. Temperaturën minimale do e ketë Gjirokastra me 19 gradë Celsius, ndërsa ajo maksimale do të jetë në Korçë me 38 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • Lajçak paralajmëron takime me Kurtin dhe Vuçiqin

    Lajçak paralajmëron takime me Kurtin dhe Vuçiqin

    Miroslav Lajçak, i dërguari i Bashkimit Evropian për dialogun Kosovë-Serbi, ka treguar për takimin të cilin në Bruksel e kishte me Gabriel Escobarin, emisarin e Shteteve të Bashkuara të Amerikës për Ballkanin Perëndimor.

    Lajçak ka thënë se ky takim ishte koordinues për sfidat që i presin – përmendi situatën në Veriun e Kosovës, për të cilën Lajçak thotë se de-përshkallëizmi i tij mbetet lartë në agjendën e tij.

    Në lidhje me këtë, Lajçak në vazhdim paralajmëroi për takime me kryeministrin e Kosovës Albin Kurtin, si dhe presidentin e Serbisë, Aleksandër Vuçiq.

    ”Ndërsa ritmi në Bruksel u ngadalësua gjatë verës, sfidat në Ballkanin Perëndimor nuk u zhdukën. Një fushë e veçantë që ka mbetur lart në agjendën time është situata në veri të Kosovës”, ka shkruar Lajçak në Facebook, të dielën.

    ”Për t’u përgatitur për muajt e ardhshëm dhe për të forcuar më tej përpjekjet tona të përbashkëta, ftova Zëvendës Ndihmës Sekretarin Escobar në Bruksel për diskutime të thelluara dhe takime koordinuese. Së bashku me ekipet tona diskutuam në detaje çështjet e dialogut, ndamë vlerësime të situatës aktuale, zhvillimet e muajve të fundit dhe pritshmëritë për periudhën e ardhshme. Dhe ne gjithashtu u siguruam që të harmonizonim hapat dhe prioritetet e nevojshme të ardhshme”.

    ”Përpara qirasë tradicionale të javës së ardhshme në Bruksel, do të udhëtoj për në Alpbach, Bled dhe Beograd, ku do të takohem me kryeministrin Kurti dhe presidentin Vuçiç, por edhe me një numër partnerësh, miqsh dhe ekspertësh për Ballkanin Perëndimor dhe global. zhvillimet politike”, ka thënë ai.

    Në Veriun e Kosovës ka pasur situatë të përshkallëzuar, poqë ishte arritur një marrëveshje në mes Kosovës dhe Brukselit.

    Brukseli kërkon nga Qeveria e Kosovës që të zbatojë të gjitha pikat e marrëveshjes në mënyrë që Brukseli t’i shfuqizojë masat ndëshkuese ndaj Kosovës.

  • Prishtina Parking ndryshon orarin e parkingjeve në Qendër

    Prishtina Parking ndryshon orarin e parkingjeve në Qendër

    Ndërmarrja Publike Lokale Prishtina Parking ka njoftuar se nga 28 gushti do të ndryshohet orari i parkingjeve në Zonën 1, e njohur si Qendra e Qytetit.

    Kjo kompani ka njoftuar të dielën në Facebook se konform Rregullores për Organizimin dhe Shfrytëzimin e Parkingjeve të Komunës së Prishtinës, nga ora 07:00 deri në 23:00, nga e hëna deri të shtunën parkingu do të mund të shfrytëzohet me pagesë. Deri më tani, orari i parkingut me pagesë ka qenë deri në orën 19:00.

    “Konform Rregullores për Organizimin dhe Shfrytëzimin e Parkingjeve të Komunës së Prishtinës nga data 28.08.2023 do të ndryshohet orari i parkingjeve (parkingje komerciale dhe rezidenciale) në Zonën 1 (Qendra e Qytetit), duke filluar nga ora 7:00 deri në ora 23:00, nga e hëna deri të shtunën”, thuhet në njoftim.

    Në Zonën 1, parkingu për një orë kushton 1 euro.