ATV

Blog

  • Këto janë vendimet e Komisionit Disiplinor të FFK-së

    Këto janë vendimet e Komisionit Disiplinor të FFK-së

    Komisioni Disiplinor i shkallës së parë në përbërje; Metë Çeku – kryetar, Dukagjin Zefi, Avni Shala, dhe Donat Lushaku – anëtarë, në mbledhjen e mbajtur me datë 06.09.2023 shqyrtoi procedurat e hapura nga Komisioni i Garave pas përfundimit të ndeshjeve të xhiros së trtetë – katërt të Albi Mall Superligës dhe xhiros së tretë të Viva Fresh Ligës së Parë, Grupi A dhe B, si dhe Ligave të rangjeve tjera, edicioni 2023-2024. Pas shqyrtimit komplet të materialit të siguruar nga zyrtarët e ndeshjeve dhe incizimeve televizive mori këto:

    V E N D I M E:

    FC ”Prishtina”. Në minuten 34 të ndeshjes, tifozët vendas ”Plisat”, hudhin mjete piroteknike në fushën e lojës, me ç`rast demtohet fusha me bari natyral. Sipas raportit të delegatit të ndeshjes Prishtina – Malisheva dhe xhirimeve televizive. Bazuar në nenin 52 paragrafi 1 pika C dhe neni 10 pika 2 / A të Rregullores disiplinore; Dënohet me gjobë në shumë prej 1000 euro. Afat i pagesës është 8 tetë ditë kur vendimi bëhet i plotfuqishëm. (Rregullorja disiplinore neni 11 paragrafi 1).

    KF ”Vushtrria ”. Në minuten e 25, tifozët e ekipit vendas, hudhin mjete piroteknike në fushën e lojës, për çka ndeshja ishste ndërprer për disa minuta, ndërkaq pas shënimit të golit të dytë të mysafirëve, simpatizuesit vendas prap hudhin mjete piroteknike dhe shishe PVC në fushën e lojës, për çka referi kryesor është detyruar ta zbrazë tribunën ku ishin të vendosur simpatizuesit vendas. Sipas raportit të delegatit të ndeshjes Vushtrria-Ulpiana. Bazuar në nenin 52 paragrafi 1 pika C dhe neni 10 pika 2 / A të Rregullores disiplinore; Dënohet me gjobë në shumë prej 800 euro. Afat i pagesës është 8 tetë ditë kur vendimi bëhet i plotfuqishëm. (Rregullorja disiplinore neni 11 paragrafi 1).

    Lojtari i ”Dinamo ”, Dardan Qerkini nr fanelle 6 dhe nr ID 003887M91. Në min 27, ndërhyrje nga prapa si lojtar i fundit në lojtarin kundershtar ku i pamundësohet mundësia e pastërt e shënimit të golit dhe ndëshkohet me karton të kuq direkt. Sipas raportit të personave zyrtar të ndeshjes Dinamo-Drenica. Bazuar në nenin 39 paragrafi 3 të Rregullores disiplinore; Dënohet me 2 (dy) ndeshje moslojë sipas radhës organizuar nga FFK.

    Lojtari i KF ”Dinamo” , Elbasan Thaqi nr fanelle 5 dhe nr ID 001606M91. Në min 86, ndëshkohet me karton të kuq direkt për shkak të ndërhyrjes së pakontrrolluar ndaj lojtarit kundërshtar, ku i njëjti pranon gabimin dhe kërkon falje për gjestin e bërë dhe lëshon fushën në mënyrë sportive. Sipas raportit të personave zyrtar të ndeshjes Dinamo-Drenica. Bazuar në nenin 40 paragrafi 1 pika D i Rregullores disiplinore; Dënohet me 2 (dy)) ndeshje mos lojë sipas radhës organizuar nga FFK.

    Drejtori sportiv i KF ”Dinamo”, Genc Hyseni nr ID 026379M83. Në min 27, pas ndëshkimit me karton të kuq të lojtarit D.Qerkini, drejtori sportiv Genc Hyseni fillon të shajë dhe ofendojë rëndë nga bankina me ç’rast gjyqtari kryesor e ndëshkon me karton të kuq direkt. Sipas raportit të personave zyrtar të ndeshjes Dinamo-Drenica. Bazuar në nenin 40 paragrafi 1 pika D të Rregullores disiplinore; Dënohet pa të drejtë ushtrim të detyrës zyrtare për 2 (dy) ndeshje të organizuara nga FFK.

    Lojtari i KF “ Sharri” , Besnik Brava nr fanelle 7 dhe nr ID 007596M0. Në ndeshjen e xhiros së dytë të Ligës së Dytë Lepenci-Sharri, ndëshkohet me karton të kuq (ofendim ndaj gjyqtarit). Bazuar në nenin 40 paragrafi 1 pika D i Rregullores disiplinore; Dënohet me 2 (dy) ndeshje mos lojë sipas radhës organizuar nga FFK.

    Lojtari i KF “Tefik Çanga“, Thesar Ismaili nr e fanelle 20 dhe nr personal 1232029745. Në ndeshjen e xhiros së dytë të Ligës së Dytë, Opoja-Tefik Çanga , ndëshkohet me karton të kuq (kacafytje). Bazuar në nenin 46. paragrafi 1 pika A të Rregullores disiplinore; Dënohet me 3 (tre) ndeshje moslojë sipas radhës organizuar nga FFK.

    Lojtari i KF “Drenica” , Getuar Istrefi nr fanelle 30 dhe nr ID 017282M08. Në ndeshjen e xhiros së dytë të Superligës së kadetëve Drenica-Ballkani, ndëshkohet me karton të kuq (ofendim ndaj gjyqtarit). Bazuar në nenin 40 paragrafi 1 pika D i Rregullores disiplinore; Dënohet me 2 (dy)) ndeshje mos lojë sipas radhës organizuar nga FFK.

    Lojtari i KF “2 Korriku“, Omer Rakovica, futbollist i KF 2 Korriku nr fanelle 14 dhe nr ID 014346M08. Në ndeshjen e xhiros së dytë të Superligës së kadetëve 2 Korriku-Ferizaj, ndëshkohet me karton të kuq (kacafytje e ndërsjellt). Bazuar në nenin 46, paragrafi 1 pika A të Rregullores disiplinore; Dënohet me 3 (tre) ndeshje moslojë sipas radhës organizuar nga FFK.

    Lojtari i KF “Ferizaj”, Isuf Lalinovci nr fanelle 9 dhe nr ID 027258M07. Në ndeshjen e xhiros së dytë të Superligës së kadetëve 2 Korriku – Ferizaj, ndëshkohet me karton të kuq (kacafytje e ndërsjellt). Bazuar në nenin 46. paragrafi 1 pika A të Rregullores disiplinore; Dënohet me 3 (tre) ndeshje moslojë sipas radhës organizuar nga FFK.

    Lojtari i KF “Ferizaj” , Patrik Jupa nr fanelle 7 dhe nr ID 022949M08. Në ndeshjen e xhiros së dytë të Superligës së kadetëve 2 Korriku-Ferizaj, ndëshkohet me karton të kuq (ofendim). Bazuar në nenin 40 paragrafi 1 pika D i Rregullores disiplinore; Dënohet me 2 (dy) ndeshje mos lojë sipas radhës organizuar nga FFK.

    Lojtari i KF “Trepça”, Rinor Hasani nr fanelle 4 dhe nr ID 004560M05. Në ndeshjen e xhiros së dytë të Superligës së juniorëve Vjosa – Trepca, ndëshkohet me karton te kuq direkt (ndërhyrje). Bazuar në nenin 45 paragrafi 1 pika A të Rregullores disiplinore; Dënohet me 2 (dy) ndeshje moslojë sipas radhës organizuar nga FFK.

    Lojtari i KF “ Flamurtari”, Ermal Nuza nr fanelle 20 dhe nr ID 003196M05. Në ndeshjen e xhiros së dytë të Superligës së juniorëve Ballkani-Flamurtari , ndëshkohet me karton të kuq direkt (ofendim). Bazuar në nenin 40 paragrafi 1 pika D i Rregullores disiplinore; Dënohet me 2 (dy) ndeshje mos lojë sipas radhës organizuar nga FFK.

    Trajner i KF “Vushtrria“, Besart Cecelia nr ID 00378A, në ndeshjen e xhiros së dytë të Superligës së juniorëve Trepça’89-Vushtrria, ndëshkohet me karton të kuq (fyrje ndaj gjyqtarit). Bazuar në nenin 40 paragrafi 1 pika D të Rregullores disiplinore; Dënohet pa të drejtë ushtrim të detyrës zyrtare për 2 (dy) ndeshje të organizuara nga FFK.

    Lojtari i KF “Drenica”, Gentrit Sadrijaj nr fanelle 23 dhe nr ID 006709M05. Në ndeshjen e xhiros së parë të Ligës së Parë të juniorëve Drenica – Feronikeli 74 , ndëshkohet me karton të kuq (kacafytje e ndërsjellt). Bazuar në nenin 46. paragrafi 1 pika A të Rregullores disiplinore; Dënohet me 3 (tre) ndeshje moslojë sipas radhës organizuar nga FFK.

    Lojtari i KF “Feronikeli 74“, Vlorian Cervadiku nr fanelle 11 dhe nr ID 006194M06 . Në ndeshjen e xhiros së parë të Ligës së Parë të juniorëve Drenica – Feronikeli 74 , ndëshkohet me karton të kuq (kacafytje e ndërsjellt). Bazuar në nenin 46. paragrafi 1 pika A të Rregullores disiplinore; Dënohet me 3 (tre) ndeshje moslojë sipas radhës organizuar nga FFK.

    Lojtarja e KFF ”Presingu”, Jeta Misini e nr fanelle 17 dhe nr ID 020103F04. Në ndeshjen e xhiros së dytë të Superligës së vajzave–grave KFF ”Kosova VR” – KFF ”Presingu”, ndërhyn në mënyrë të palejuar ndëshkohet me karton të verdhë dhe me pas bënë sjellje jo sportive (shtyen me dorë gjyqtarin kryesor) me ç’rast ndëshkohet me karton të kuq direkt. Bazuar në nenin 40 paragrafi 1 pika D i Rregullores disiplinore; Dënohet me 2 (dy)) ndeshje mos lojë sipas radhës organizuar nga FFK.

    Zyrtari i KFF ”Presingu” Granit Halili nr ID022311M88. Në ndeshjen e xhiros së dytë të Superligës së vajzave – grave KFF ”Kosova VR” – KFF ”Presingu”, pas një vendimi nga gjyqtari anësor Granit Haliti fillon me fjalë të rënda dhe kërcënuese ndaj gjyqtarit anësor dhe ndëshkohet me karton të kuq direkt. I njejti vazhdon me ofendime. Bazuar në nenin 40 paragrafi 1 pika D të Rregullores disiplinore; Dënohet pa të drejtë ushtrim të detyrës zyrtare për 2 (dy) ndeshje të organizuara nga FFK.

    Drejtori sportiv i KF ”Prishtina e RE” , Sami Boroci nr personal 11749721052 . Në ndeshjen Vllaznia(P)-Prishtina e Re ndëshkohet me karton të kuq direkt (ofendim ndaj gjyqtarit kryesor). Bazuar në nenin 40 paragrafi 1 pika D të Rregullores disiplinore; Dënohet pa të drejtë ushtrim të detyrës zyrtare për 2 (dy) ndeshje të organizuara nga FFK.

    Përfaqësuesit zyrtar i KF ”Dinamo” , Ridvan Ramadani nr ID 014544M66. Lëshim në protokolin e ndeshjes ku para fillimit të ndeshjes kur është dërguar faqja e parë e protokolit në FFK drejtori sportiv i KF ” Dinamo”, Genc Hyseni nuk ishte i evidentuar. Përfaqësuesi zyrtar i KF ”Dinamo”, ka lejuar evidentimin e tij në protokol pas përfundimit të ndeshjes. Sipas protokolit të ndeshjes Dinamo-Drenica. Bazuar në nenin 52 paragrafi 1 pika B të Rregullores disiplinore i shqiptohet masa disiplinore QORTIM.

    Delegati i ndeshjes Dinamo – Drenica , Arben Osmani. Në protokolin para fillimit të ndeshjes kur është nënshkruar nga dy përfaqësuesit zyrtar dhe delegati është dërguar faqja e parë e protokolit në FFK drejtori sportiv i KF ” Dinamo”, Genc Hyseni nr ID 026379M83 nuk ishte i evidentuar. Pasi që ndëshkohet me karton të kuq direkt nga gjyqtari kryesor për shkak të ofendimit nga bankina, nuk kishte të drejtë të ishte aty në perfundim të ndeshjes drejtori sportiv i KF ” Dinamo”, Genc Hyseni evidentohet në protokol që është në kundërshtim me rregullore. Sipas protokolit zyrtar te ndeshjes Dinamo Drenica. Bazuar në nenin 52 paragrafi 1 pika B të Rregullores disiplinore i shqiptohet masa disiplinore QORTIM.

    Përfaqesuesi zyrtar i KF ”Prishtina e Re” , Valon Hyseni nr ID 021060M85. Lëshim në protokolin e ndeshjës ku para fillimit të ndeshjes kur është dërguar faqja e parë e protokolit në FFK drejtori sportiv i KF ”Prishtina e Re”, Sami Boroci nuk ishte i evidentuar. Perfaqesuesi zyrtar i KF Prishtina e Re ka lejuar evidentimin e tij në protokol pas përfundimit të ndeshjes. Përfaqësuesi zyrtar i KF Prishtina e Re, ka lejuar evidentimin e tij në protokol pas përfundimit të ndeshjes. Sipas protokolit të ndeshjes Vllaznia (P) – Prishtina e Re. Bazuar në nenin 52 paragrafi 1 pika B të Rregullores disiplinore i shqiptohet masa disiplinore QORTIM.

    Delegati i ndeshjes Vllaznia P- Prishtina e Re, Osman Dragusha. Në protokol para fillimit të ndeshjes kur është nënshkruar nga dy përfaqësuesit zyrtar dhe delegatit është dërguar faqja e parë në FFK, drejtori sportiv i KF ”Prishtina e Re”, Sami Boroci me nr pers 1174971052 nuk ishte i evidentuar në protokol. Pasi që ndëshkohet me karton të kuq direkt nga gjyqtari kryesor për shkak të ofendimit nga bankina nuk kishte të drejtë të ishte aty, në perfundim të ndeshjes drejtori sportiv Sami Boroci evidentohet në protokoll që është në kundërshtim me rregullore. Sipas protokolit zyrtar të ndeshjes Vllaznia P- Prishtina e Re. Bazuar në nenin 52 paragrafi 1 pika B të Rregullores disiplinore i shqiptohet masa disiplinore QORTIM.

    Hapje e Procedurës:
    FC ”Prishtina”. Në min 7 dhe 25 , tifo grupi “Plisat” , hedhin mjete piroteknike në fushë për këtë shkak gjyqtari kryesor ndërprenë ndeshjen per 1 min . Sipas raportit të personave zyrtar të ndeshjes Llapi-Prishtina dhe xhirimit televiziv. Bazuar në nenin 32 paragrafi 1 të Rregullores disiplinore kërkohet deklaratë shtesë nga përfaqësuesi për siguri i FC “Prishtina” . Afati datë 12.09.2023 ora 13:00.

    KËSHILLA JURIDIKE
    Pala e pakënaqur në këto vendime ka të drejtë në ushtrimin e ankesës drejtuar Komisionit Disiplinor të shkallës së dytë – Komisionit për Ankesa në afatin kohor prej; 8 (tetë) ditësh nga data e sjelljes së këtij vendimi; datë 06.09.2023, respektivisht publikimit në faqen zyrtare të Federatës së Futbollit të Kosovës. Ankesa e ushtruar nga ana e palës së ankimuar nuk e ndalon ekzekutimin e vendimit.

    Prishtinë, datë 06.09.2023
    Komisioni disiplinor; shkalla e parë,
    Kryetar: Metë Çeku

  • Abdixhiku thotë se “Rruga e re” do të prezantohet në një Konventë të madhe: 30 kapituj, ofrojnë alternativat tona për zhvillim

    Abdixhiku thotë se “Rruga e re” do të prezantohet në një Konventë të madhe: 30 kapituj, ofrojnë alternativat tona për zhvillim

    Kreu i LDK-së, Lumir Abdixhiku, ka thënë se pas dy ditësh koordinim me bartësit e ekipeve programore kanë arritur që të finalizojnë rrugëtimin e ri që sipas tij i duhet Kosovës.

    Abdixhiku shkruan se “Rruga e re” e LDK-së e shtron hapur vizionin e partisë për shërimin e polarizimit shoqëror që ka ngulfatur vendin tash e sa kohë, që projekton rikthimin e Kosovës në vend të lirisë, demokracisë e integrimit euroatlantik dhe jo në një vend të frikës, persekutimit e izolimit.

    Siç ka shkruar Abdixhiku program i formuluar ka 30 kapituj dhe ofon alternativa për secalin sektor.

    Ai ka thënë se ky program do të bëhet publik në një Konventë të madhe programore dhe se LDK është e hapur që më pas të marr komentet dhesugjerimet e tjera.

    “Cinizmin e cinikët, në thatësinë e mendimeve, do t’i lëmë në një anë. S’kemi kohë të humbasim. Është koha të flasim për ide e projekte konkrete. Është koha të bëjmë kapërcimin e madh dhe në politikë dhe në diskutime publike jashta saj. Urrejtja e popullizmit s’dallon fundja nga cinizmi. Të dyja janë boshe – e kjo shoqëri mundet më shumë se kaq.

    ‘Rruga e Re’ është zgjidhja.Ju ftojë ta përcjellni shpalosjen tonë në çdo hap”, ka shkruar Abdixhiku.

  • Osmani takon komandantin e FSK-së para se të udhëtojë për në selinë e NATO-s

    Osmani takon komandantin e FSK-së para se të udhëtojë për në selinë e NATO-s

    Para udhëtimit zyrtar për në selinë e NATO-s, presidentja e Kosovës, Vjosa Osmani, priti në takim pune komandantin e Forcës së Sigurisë së Kosovës, gjenerallejtënant Bashkim Jasharin.

    Komandantja supreme u njoftua nga Jashari lidhur me aktivitetet dhe zhvillimet aktuale në FSK, me theks të veçantë për procesin e realizimit të Planit Gjithëpërfshirës të Tranzicionit gjatë vitit 2023 dhe rritjen e mirëqenies së ushtarëve të FSK-së.

    “Presidentja Osmani diskutoi me gjenerallejtënant Jasharin për bashkëpunimin dhe koordinimin e ngushtë me partnerin kryesor strategjik, Shtetet e Bashkuara të Amerikës, si dhe me shtetet e tjera të NATO-s, lidhur me çështje të sigurisë në vend dhe rajon. Të dy ritheksuan se vizioni ynë i përbashkët është që Republika e Kosovës të zhvillojë ushtrinë e saj në përputhje me standardet e vendeve anëtare të NATO-së, për të qenë forcë e ndërveprueshme në misionet e përbashkëta me forcat aleate në shërbim të paqes, stabilitetit dhe sigurisë rajonale dhe globale”, ka njoftuar Presidenca e Kosovës.

    Presidentja Osmani, do të takohet më 7 shtator me Sekretarin e Përgjithshëm të NATO-s, Jens Stoltenberg, në selinë e NATO-s në Bruksel.

  • Kaloi dyfishin e shpejtësisë së lejuar, gjobitet shoferi në Gjilan

    Kaloi dyfishin e shpejtësisë së lejuar, gjobitet shoferi në Gjilan

    Policia e Kosovës ka njoftuar se në Gjilan, njësiti rajonal i komunikacionit rrugor, ka mbajtur pikë kontrolli të automjeteve në rrugën Gjilan-Kamenicë.

    Në njoftim thuhet se gjatë kontrollit, kanë hasur në një kundërvajtës i cili në zonën ku kufizimi i shpejtësisë është 50 km/h, ka vozitur me shpejtësi 109 km/h.

    Të njëjtit policia i ka shqiptuar gjobë prej 300 eurosh, tri pikë negative dhe ndalim i vozitjes prej tre muajsh.

  • ​Mblidhen nënshkrimet për themelimin e Komisionit hetimor për Rezervat Shtetërore

    ​Mblidhen nënshkrimet për themelimin e Komisionit hetimor për Rezervat Shtetërore

    Deputeti, Arben Gashi, ka bërë të ditur se janë dorëzuar nënshkrimet për themelimin e Komisionit Parlamentar lidhur me procedurat për furnizimin dhe menaxhimin me rezervat shtetërore, si dhe për keqpërdorimet dhe abuzimet e mundshme me këto rezerva.

    Shefi i Grupit Parlamentar të LDK-së, Arben Gashi nëpërmjet një postimi në Facebook, ka thënë se e vërteta është e duhura për të gjithë e për të gjitha, është pikënisje për gjithçka.

    “Çka është bërë me rezervat shtetërore? Kush, kur, ku, pse dhe si janë përfshirë në këto procese dhe cili është epilogu i veprimeve të tyre? A kanë qenë kontratat në pajtim me ligjit dhe a i kanë kryer palët detyrimet sipas atyre kontratave? Është koha e fundit që të gjithë t’i dorëzojnë faktet e të dorëzohen para të vërtetës së domosdoshme”.

    “Shteti dhe shoqëria kanë nevojë që të dinë të vërtetën!”, ka thënë Gashi.

  • Njihuni me ​fshatin e Kosovës që ka miliona euro pasuri nëntokësore

    Njihuni me ​fshatin e Kosovës që ka miliona euro pasuri nëntokësore

    Fshati Slivovë në vendin tonë ka rezultuar të ketë pasuri të mëdha nëntokësore, thuhet në një studim të “Western Tethyan Resources”.

    Sipas studimit të fundit, miniera e arit në këtë fshat që gjendet në kilometrin e 7-të në dalje të Prishtinës ka rezultuar të ketë vlerë aktuale të arit rreth 27 milionë dollarë.

    Ariana Resources PLC (AIM:AAU) tha se filiali Western Tethyan Resources (WTR) ka përfunduar një vlerësim paraprak ekonomik (PEA) për projektin e arit në Slivovë, në Kosovë, ku ka rezultuar të ketë një vlerë aktuale rreth 27 milionë dollarë amerikanë.

    Duke përdorur një ulje prej 8 për qind, WTR vlerësoi një normë të brendshme kthimi prej 29 për qind me një çmim ari prej 1,835 USD/oz bazuar në kostot kapitale prej 33.4 milionë dollarë amerikanë në fillim dhe 9.4 milionë dollarë në vazhdim, përcjell KP.

    Prodhimi parashikohet të jetë 13,000 ons ari në vit gjatë një linje miniere shtatëvjeçare, si nëntokësore ashtu edhe të hapura, me ritme rikuperimi midis 92-94.5%.

    WTR ka një marrëveshje fitimi me Avrupa Minerals ku mund të fitojë deri në 85% të projektit duke shpenzuar 1.8 milion euro dhe deri në 85% të kostos së një studimi më të detajuar të fizibilitetit.

    Një interes neto i atribuar nën fitimin ende nuk është vlerësuar, thuhet në deklaratë.

    Kerim Sener, drejtori menaxhues i Ariana-s, tha se: “Ky është një rezultat i shkëlqyer për projektin e arit në Slivova, duke demonstruar potencialin e tij ekonomik dhe duke theksuar mundësitë për të përmirësuar projektin në një afat më të gjatë.

    “Potenciali më i gjerë i eksplorimit të zonës së projektit Slivova, në veçanti mundësia për të përcaktuar rënien e mëtejshme të mineralizimit xeheror ekzistues, premton rritje të mëtejshme ekonomike.

    “Tani po kërkojmë të përfundojmë punën e mëtejshme për ta demonstruar këtë potencial, nëpërmjet një programi eksplorimi me faza.”

    WTR shtoi se kjo punë do të përfshijë një program gërmimi për të përmirësuar eksplorimin në zonat në kufi me zonën e burimeve parësore, duke synuar veçanërisht Dzemailj dhe Valijevishte.

    Gjatë pjesës tjetër të vitit 2023, kompania synon të fillojë studimin bazë mjedisor, vlerësimin e ndikimit social dhe të përfundojë planifikimin për një program shpimi.

  • Hasani: Udhëzimi për largimin e kryetarëve kundërkushtetues, nëse shkon në Gjykatë do të rrëzohet

    Hasani: Udhëzimi për largimin e kryetarëve kundërkushtetues, nëse shkon në Gjykatë do të rrëzohet

    Ish-kryetari i Gjykatës Kushtetuese të Kosovës, Enver Hasani, ka thënë se një udhëzim administrativ i lëshuar nga Ministria e Administrimit të Pushtetit Lokal për largimin e kryetarëve të komunave nga funksioni, është në kundërshtim me Kushtetutën e Kosovës. Në një intervistë për Radion Evropa e Lirë, ai e mbështet këtë qëndrim te mungesa e një Ligji për iniciativë qytetare apo referendum.

    Mes tjerash, Hasani, aktualisht profesor i së Drejtës dhe Marrëdhënieve Ndërkombëtare në Universitetin e Prishtinës, ka thënë se pushteti po tregon mungesë vullneti për zgjidhjen e situatës në veri të Kosovës, dhe se dorëheqja e kryetarëve të katër komunave të banuara me shumicë serbe në atë pjesë do të ishte vendimi më i duhur.

    Zoti Hasani, a është udhëzimi i ri administrativ për largimin e një kryetari komune në përputhje me Kushtetutën e Kosovës?

    Enver Hasani: Jo, sepse caktimi i të drejtave dhe detyrimeve, dhe mënyra e realizimit të tyre, duhet fillimisht të përcaktohet me ligj. Kushtetuta kërkon ligj. Këtu bëhet fjalë për demokracinë e drejtpërdrejtë, që është kategori kushtetuese, dhe mënyrat e realizimit të saj përcaktohen me ligj, zakonisht quhet Ligj për iniciativën qytetare, Ligj për referendum, ose Ligj për referendum dhe iniciativë qytetare. Kushtetuta tregon se çka mund të jetë dhe çka nuk mund të jetë subjekt i referendumit. Pastaj, ligjvënësi është i lirë që t’i përcaktojë këto dy çështje. Por, këto dy çështje nuk i ka rregulluar Kuvendi i Kosovës, dhe për pasojë ky udhëzim e ka uzurpuar një autorizim ligjor të Kuvendit, dhe e ka normuar një çështje që është dashur të normohet me Ligjin për iniciativën qytetare.

    Çfarë mund të ndodhë tash?

    Enver Hasani: Jam shumë i sigurt se nëse përfundon në Gjykatë Kushtetuese, ky ligj rrëzohet për arsyet që i thashë, por edhe për arsyen tjetër, që udhëzimin administrativ me përmbajtje të thellë të normave ligjore e ka nxjerrë organi administrativ, që është dikasteri ministror. Ky është konflikt i hapur i interesit, sepse këtu nuk bëhet fjalë për specifikimin e procedurave të realizimit të një të drejte, por caktohen të drejta shtesë prej autorizimit të zëvendëskryesuesit, pastaj mandatimit të Komisionit Qendror të Zgjedhjeve për organizim të zgjedhjeve, gjë që mund ta bëjë vetëm ligji, jo udhëzimi administrativ.

    Sipas jush, a mund të procedojë KQZ-ja me këtë udhëzim, nëse i bëhet kërkesë për largim të një kryetari komune?

    Enver Hasani: KQZ-ja, me këtë udhëzim, nuk mund të procedojë, sepse nuk mund t’i japë urdhër për procedim organi administrativ, Ministria e Administrimit të Pushtetit Lokal, për shkak se atë mund ta bëjë vetëm ligjvënësi. Nenet 70 dhe 71 [të Ligjit për Vetëqeverisje Lokale] kanë autorizimin ligjor, dhe caktohen me ligj iniciativat për rregullat normative dhe politika komunale. Për ato ekzistojnë dispozita ligjore, për nenin 72 nuk ekzistojnë, dhe për pasojë nuk ka autorizim për nxjerrje të udhëzimit administrativ. Udhëzimet nxirren për ta zbatuar një ligj, një normë ligjore, dhe duhet të ketë autorizim në ligj. Neni 72 nuk flet fare për autorizim të ministrisë, as Qeverisë, as askujt. Flet për ligj, e ligji nuk ekziston.

    Sipas Ligjit për Vetëqeverisje lokale, zgjedhjet e parakohshme për kryetarë mbahen në tri raste: nëse kryetari jep dorëheqje, nëse qytetarët e kërkojnë shkarkimin e tij përmes peticionit, dhe nëse kryetari nuk paraqitet në vendin e punës për më shumë se një muaj, pa arsye.

    Enver Hasani: Largimi përmes peticionit i ka dy faza. Faza e parë është iniciativa me 20 për qind, dhe faza e dytë është faza e organizimit të zgjedhjeve. Aty ku të organizohen, duhet të shtrohet pyetja: “A jeni për largim të kryetarit të komunës? Po ose Jo”. Kështu formulohet ajo. Këtë formulim nuk mund ta bëjë organi administrativ, Ministria e Administrimit të Pushtetit Lokal. Atë e bën vetëm ligji, duhet bërë ligj. Kjo nuk mund të bëhet me udhëzim.

    Radio Evropa e Lirë: Po në rast se shkohet përpara me këtë udhëzim, a mund të ketë ai ndikim edhe në komunat tjera?

    Enver Hasani: Ai udhëzim shihet që është bërë nga njerëz që e njohin drejtësinë, përkundër që është kundërkushtetues dhe kundërligjor. Ai nuk vlen vetëm për komunat e veriut, vlen për krejt Kosovën. Përmes një udhëzimi të tillë, për gjashtë muaj mund të përmbysen të gjitha rezultatet e zgjedhjeve, gjë që është e ndaluar, është tërësisht jokushtetuese. Aty përmendet 45-ditëshi. Pse përmendet ai afat, me çfarë të drejte? Duhet pasur autorizim ligjor. Pastaj, ku është logjika e autorizimit të KQZ-së, përmes udhëzimit administrativ të ministrisë? KQZ-ja është organ, vetë është organ administrativ. Ata dhe Ministria e Administrimit të Pushtetit Lokal janë të barabartë para ligjit. Ato e zbatojnë ligjin, direkt. Ato e marrin udhëzimin prej ligjit, jo prej njëra-tjetrës.

    Sipas jush, cila është rruga e duhur për dalje nga situata në veri?

    Enver Hasani: Kjo është çështje e mungesës së vullnetit politik nga ana e pushtetit. Nëse pushteti do të donte ta rregullonte këtë punë, kjo çështje do të harrohej. Do të mund të ulej me opozitën dhe t’i thoshte se ne bëmë zgjidhje, i mbajtëm zgjedhjet siç na tha Kushtetua e ligji, dhe siç na përkrahen miqtë tanë ndërkombëtarë. Miqtë tanë nuk e konsiderojnë, sipas standardeve të shteteve të tyre, këtë rezultat, dhe ne për pasojë jemi të delegjitimuar.

    Unë mendoj që Kosova nuk po i bën nder vetes. Mund t’iu thuhet [kryetarëve], ose mos shkoni një muaj në punë, ose jepni dorëheqje. Shumë më dinjitoze është të jepet dorëheqje dhe të mos shkohet në punë, sesa të largohen me nënshkrim. Sepse, në atë mënyrë, pushteti vetëm po u kundërvihet tezave të veta qe pesë-gjashtë muaj, që ata janë legjitimë. Ata nuk janë legjitimë aty. Ata janë legalë, sipas ligjeve dhe Kushtetutës së Kosovës, por legjitimiteti aty është zero.

  • ​Përqindja e shpenzimeve për arsim në Itali shumë më e ulët se mesatarja e BE-së

    ​Përqindja e shpenzimeve për arsim në Itali shumë më e ulët se mesatarja e BE-së

    Italia shpenzon 4.1% të PBB-së (Prodhimit të Brendshëm Bruto) të saj për arsimimin e fëmijëve, një përqindje shumë më e ulët se mesatarja evropiane prej 4.8%, tha Save the Children Italia në një raport të mërkurën.

    Raporti tha se kjo mungesë investimi shkaktoi disa probleme, duke përfshirë mungesën e vendeve për çerdhe dhe mungesën e numrit të shkollave që ofrojnë dreka shkollore dhe programe me kohë të plotë për të ndihmuar familjet në të cilat punojnë të dy prindërit, raporton ANSA.

    Në raport thuhet se, ndërsa sektori i shkollave ishte në qendër të vëmendjes gjatë pandemisë COVID-19, përqindja e shpenzimeve për arsimin jo të lartë ka rënë që kur ka përfunduar urgjenca shëndetësore.

  • ​Një muaj arrest shtëpiak për të dyshuarin për marrje ryshfeti

    ​Një muaj arrest shtëpiak për të dyshuarin për marrje ryshfeti

    Gjykata Themelore në Prishtinë i ka caktuar një muaj arrest shtëpiak personit S.D, i cili dyshohet për kryerje të veprës penale “Marrje ryshfeti”.

    Gjykatësja e procedurës paraprake e ka refuzuar si të pabazuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit.

    Në njoftimin e gjykatës është bërë e ditur se paraburgimi mund të caktohet në rast të mos respektimit të masës së arrestit shtëpiak.

  • Basketboll/ Superliga nis më 22 shtator, shorti hidhet nesër

    Basketboll/ Superliga nis më 22 shtator, shorti hidhet nesër

    Federata e Basketbollit e Kosovës ka njoftuar se, të enjten do të hidhet shorti për Superliga-t e Kosovës në basketboll.

    Në zyrat e FBK-së nga ora 11:00 do të bëhet hedhja e shortit për edicionin e ri të Prince Caffe Superligës, kurse nga ora 11:30 do të bëhet tërheqja e shortit për Superligën e Femrave.

    Edicioni i ri në Prince Caffe Superligën e Kosovës në basketboll do të fillojë më 22 shtator, ndërsa xhiroja e parë te femrat është më 6 tetor.