Zëvendësministri i Mjedisit, Planifikimit Hapësinor dhe Infrastrukturës, Hysen Durmishi, ka njoftuar se gjendja e rrugëve që menaxhohen nga ministria, janë në gjendje të mirë.
“Të gjitha rrugët që menagjohen nga MMPHI janë të pastruara dhe në gjendje të mirë”, ka shkruar Durmishi.
Ai ka publikuar edhe disa pamje.
Kryetarja e Forumit të Gruas së LDK-së, Jehona Lushaku- Sadriu e ka akuzuar Qeverinë e Kosovës në krye me kryeministrin Albin Kurtin se po bën fushatë propaganduese me gratë viktima të dhunës.
Përmes një postimi në Facebook, ajo ka thënë se viteve të fundit dhuna ndaj grave ka shënuar rritje.
“Dje, filluan 16 Ditët e Aktivizimit Kundër Dhunës ndaj Grave dhe Vajzave. Sipas të dhënave nga Policia e Kosovës, përgjatë viteve të fundit dhuna ndaj grave është duke shënuar rritje. Ashtu siç ka konstatuar Gjykata Kushtetuese në mars të këtij viti,
shteti jonë ka dështuar të marrë masa për parandalimin e dhunës ndaj grave. Gati çdo e dyta grua ka përjetuar dhunë në familje. Në këtë katrahurë mosveprimi, dje Ministria e Drejtësisë, duke u dërguar mesazhe në telefona privat qytetarëve të Kosovës dhe duke ju thënë se gjoja Ministria paska ashpërsuar dënimet, bëri propagandë mashtruese duke dashur ta prezantojë veten si shpëtuese të grave”, shkruan ajo.
“Me këtë rast, Qeveria Kurti dëshmoi që është mashtruese- se nuk është në kompetencën e saj ashpërsimi i dënimeve; dhe është e paaftë- se nuk ka ka asnjë rezultat në ato që ka kompetencë”, shtoi ajo.Lushaku-Sadriu ka theksuar se “paaftësia” qeverisëse e krerëve aktual është e dëmshme.
Këta janë qeveritarë që as nuk dinë e as nuk mësojnë. Veç mashtrojnë. Padituria e tyre është e frikshme. Paaftësia e tyre qeverisëse është e dëmshme. E propagandën mashtruese e kanë të neveritshme”, shkroi ajo.
Mes tjerash, ajo ka theksuar se sot Ministria e Drejtësisë duhet të japë dy përgjigje.
“A e ka siguruar sistemin elektronik të monitorimit të burgosurve? Sa buxhet enkas ka ndarë për tu ngritur kapacitetet e gjyqtarëve për trajtimin me prioritet të rasteve të dhunës në familje?”.
Teksa përmend raportin e BE-së për Kosovën, ajo tregon mungesën e vullnetit të Qeverisë për dhunën në familje.
“Se sa ka shënuar arritje Qeveria për të adresuar dhunën me bazë gjinore, tregojnë rastet e vrasjeve makabre në dy vitet e fundit të grave nga ish të burgosur të pambikëqyrur; po ashtu, tregon Raporti i BE-së për Kosovën i publikuar këtë muaj, e që konstaton mungesë vullneti e dështim të institucioneve në adresimin e dhunës në familje. Është për keqardhje se si Qeveria bën fushatë politike me gratë viktima të dhunës, duke bërë kështu propagandë mashtruese me një çështje kaq të ndjeshme; çështjen e dhunës ndaj grave”, shkroi Lushaku-Sadriu.
Për Ditën e Forcës, të hënën e 27 nëntorit, presidentja e Kosovës, Vjosa Osmani do të vizitojë në kazermën “Adem Jashari”.
Për këtë ka njoftuar zyra për media e presidencës, duke treguar agjendën për nesër të Osmanit.
”Në orë 11:00, Presidentja e Republikës së Kosovës, Vjosa Osmani viziton kazermën “Adem Jashari”, me rastin e DITËS SË FORCËS. Vendi: Kazerma “Adem Jashari” në Prishtinë”, thuhet në njoftim.
Trajneri Hivzi Ahmeti në emisionin ‘A PLAY’ në ATV, e ka zbuluar emrin trajnerit italian i cili është në negociata me Federatën e futbollit të Kosovës.
Sipas Ahmetit, është Giovanni Colella, i cili ka qenë trajner i Patizanit me të cilin e kishte fituar titullin e Kampionit në Shqipëri.
‘Giovanni Colella është në bisedime me FFK-në, ai është pa klub,por ka interesim nga shumë klube për të, por Colella nëse ka ofertë nga Kosova, ai do t`i refuzonte të gjitha skuadrat tjera’.
Përndryshe kur jemi te pozita e selektorit të Kosova, deri me tani për këtë pozitë kanë shprehur interesim rreth 50 trajnerë.
Disa persona të armatosur tronditën Suharekën dhe gjithë Kosovën, pasi grabitën argjendarinë ‘Diakos’, duke mbushur çantat me ari në vlerë të 250 mijë eurove dhe u më pas u zhdukën.
Para se të arratiseshin ata u gjuajtën me njësinë policore që intervenoi në vendin e ngjarjes, duke e lënë të plagosur një polic. Kryesit e veprës ndodhen ende në arrati, mirëpo dje dhe sot në drejtim të zbardhjes së këtij rasti janë arrestuar tre persona.
Prokurorja e Shtetit, Ervehe Gashi, ka konfirmuar për Sinjalin se është arrestuar edhe personi i tretë i dyshuar për këtë grabitje.
E njëjta dje po ashtu konfirmoi edhe ndalimin e dy personave tjerë të arrestuartë cilët dyshohet se kanë ndihmuar të dyshuarit ta kryejnë grabitjen e armatosur.
Gashi tha se për shkak të ruajtjes së hetimeve, nuk mund të jepen më shumë informacione.
“Interesi i hetimit është sa më pak informata aq më mirë, nuk janë grabitësit por ndihmësit. Dy persona janë arrestu. Të dy janë në ndalim. Jemi në identifikim e sipër të të dyshuarve tjerë”, tha shkurtimisht prokurorja Gashi.
Ndryshe, gjatë ditës së djeshme u gjet vetura e të dyshuarve, e cila ishte braktisur në një bjeshkë.
Sinjali mëson se automjeti me të cilin ata kanë arritur të arratisen, me targa të vjedhura të rajonit të Prishtinës “01”, që sipas pamjeve duket të jetë e tipit “Chevrolet Cruze” u gjet në një bjeshkë.
Nga Policia e kanë konfirmuar se të akoma nuk është zbuluar identiteti i të dyshuarve, por hetimet për identifikimin dhe lokalizimin e vendndodhjes së tyre po vazhdojnë.
Gjithçka dyshohet se ndodhi para orës 16:00, kur të dyshuarit ia mësynë argjendarisë, e cila ndodhet në rrugën “Brigada 123”, zbritën nga një veturë, të maskuar e të armatosur dhe tronditën punëtorin që ndodhej brenda.
Hajnat po dyshohet se kanë lidhur me rrip punëtorin e argjendarisë dhe nisën t’i zbrazin raftet e mbushura me stoli të arit ashtu siç e kishin planifikuar, teksa njëri prej tyre po bënte roje jashtë lokalit me kallashnikov, duke i tmerruar qytetarët në pikë të ditës
Teksa grabitja po kryhej, dikush e njoftoi Policinë dhe intervenimi i njësisë policore ishte i shpejt, ku i gjetën të dyshuarit në vendin e ngjarjes, por që u konfrontuan me ta. Siç shihet në pamjet e publikuara nga Sinjali, posa arrin Policia, njëri polic del nga vetura zyrtare dhe aty nis shkëmbimi i zjarrit.
Për pasojë, një zyrtar policor u plagos me armë zjarri në këmbë, teksa gjatë aksionit mbeti i lënduar edhe një polic tjetër – gjendja e të cilëve fatmirësisht është stabile dhe të njëjtit janë jashtë rrezikut për jetë.
Kjo situatë alarmoi Policinë dhe vuri në lëvizje edhe njësi të tjera policore, por të dyshuarit arritën të largoheshin nga vendi i ngjarjes.
Në njoftimin e fundit të Policisë lidhur me këtë rast, thuhet se derisa po iknin, të dyshuarit kanë vendosur pengesa të ndryshme, në mënyrë që t’ua pamundësojnë zyrtarëve policorë që t’i kapnin, shkruan Sinjali.
Ndonëse arritën të zhduken, duke lënë pak gjurmë, Sinjali mëson se Policia ka aktivizuar tashmë “Unazën e Çeliktë”, ku si rezultat janë shtuar pika kontrolli në lokacione të ndryshme.
Drejtoria Rajonale e Policisë në Prizren ka njoftuar se në bashkëpunim edhe me Drejtoritë e tjera Rajonale janë angazhuar me tërë kapacitetin e tyre për zbardhjen e rastit, identifikimin, lokalizimin dhe arrestimin e të dyshuarve.
Policia po ashtu ka bërë një kërkesë për të gjithë qytetarët që kanë çfarëdo informacioni që mund të ndihmojë në kapjen e kryesve të këtij rasti, të kontaktojnë në numrat e PK-së.
Kryeministri i Kosovës, Albin Kurti, në fjalën e tij në zbulimin e shtatores së Adem Demaçit në sheshin në Podujevë, ka thënë se kjo përmendore do të deklarojë para brezave një virtyt të dyfishtë të shoqërisë.
“Adem Demaçi prehet i qetë sepse jetoi përnjëmend. Ne sot po shpallim në mes nesh se kjo përmendore do të deklarojë para brezave një virtyt të dyfishtë të shoqërisë. Kjo përmendore është një shenjë e guximit dhe barra e drejtësisë., që ne ia interpretojmë vetvetes si garanci të një të ardhme që ia vlen”, ka deklaruar Kurti.
“Baca Adem ishte figura shumë këndore e realiteti i dehur me dashurinë për letërsinë bartës i dashurisë, gazetar i fjalës i lirë në rininë e pjekur, dhe përfaqësues politik i luftës çlirimtare në pjekurinë e vonë”.
Podujeva është bërë qyteti i parë me shtatore të veprimtarit të çështjes kombëtare, Adem Demaçi.
Kryeministri Albin tha se njeriu i popullit, baca Adem ishte personalitet unik në veprimin dhe me gjuhën e tij në vetëmohimin për të tjerët dhe në shqipen tonë të dashur.
“Na nevojitet një homazh i thellë për një shpirt kaq gjithëpërfshirës, ngase u deshtë një guxim i madh për ta mbajtur një shpirt kaq të lirë, kërkohet një vetëdije e paskaje për ta mbajtur një vetëdije të paepur. Për ne si ndjekës të përpjekjeve të tij do të jetë gjithnjë e vështirë të përkufizojmë personalitetin e kësaj përmase por na duhet t’i përkufizojmë në gjuhë dhe në gurë sepse këta janë dy binarët ku mbështetet treni ynë i historisë. Mbi vargun dhe kullën, ne urojmë që monumenti ynë kushtuar heroit tonë të mendimit të lirisë të jetë edhe kullë edhe gjuhë”, tha ai.
Sipas Kurtit, ata që jetojnë me të vërtet nuk janë të shpeshtë dhe kanë një virtyt të pashoq, shprehja e tyre është e barabartë me jetën e tyre, Adem Demaçi na mëson një direktivë të lartë për të gjithë “Kur diktatura nuk e kërcënon lirinë, atëherë duhet dyshuar te liria”.
“Ky njeri i madh të cilit sot ia lartësojmë në mënyrë solemne peshën e gurit, e ktheu lirinë në kusht të ekzistencës dhe në përvojën intime apsolute. Një përvojë e tillë e lirisë e meriton një monument e më shumë. Ky monument dhe fjalët që do ta shoqërojmë me dekada e kanë një synim, në çdo kohë e çdo paqe duhet të na tregojnë se nuk i përkasim asnjë rendi merite po e huqem referencën te baca Adem, si përvojë gjigante e furtunave që i përballte dhe i përvujturi më i fortë i lirisë nën çdo kusht. Adem Demaçi prehet i qet sepse jetojë përnjëmend, ai e kishte devizën e vet, nuk ka pse vlen një jetë pa drejtësinë që duhet për ta mbajtur gjallë”, tha ai, duke shtuar se kjo përmendore është shenja e guximit dhe barra e drejtësisë, që ne i tregojmë vetvetes si garancë të një të ardhme që ia vlen. /kp/
Policia e Kosovës dhe ekspertë të komunikacionit kanë apeluar për kujdes më të shtuar në rrugë, pasi niveli i rrezikshmërisë pas reshjeve të borës është më i lartë, sidomos kur nuk bëhet ndërrimi i gomave të automjeteve. E derisa, gjobat janë të larta, çmimi i gomave nuk ka ndryshuar krahasuar me vitin e kaluar. Megjithatë, ka një ngritje të çmimit sa i përket montimit dhe balansimit të gomave.
Policia e Kosovës në një përgjigje me shkrim, ka theksuar se nga 15 nëntori deri më 15 mars, shoferët duhet t’i kenë të përgatitur automjetet e tyre për qarkullim në kushtet dimërore. Ata gjithashtu shtuan se patrullat në bazë ditore janë në kontroll për të kontribuar së bashku për një siguri më të madhe për të gjithë.
Nol Dedaj, ekspert i komunikacionit, ka thënë për KosovaPress, se mos ndërrimi i gomave të verës në ato të dimrit, çon deri te aksidentet, ku edhe niveli i rrezikshmërisë është i lartë.
Gjithashtu në këtë kontekst, ai bën thirrje për fillimin e programeve të vetëdijesimit që do të duhej të fillojnë nga tetori.
Pronari i njërës nga auto-gomave, Bujar Breznica tregoi se çmimet e gomave nuk kanë ndryshuar shumë nga viti i kaluar, por ato varen nga madhësia dhe tipi i gomave. Ai gjithashtu shpjegon dallimin në mes gomave të dimrit, derisa thekson se në vitin 2021, gomat kanë qenë më shtrenjtët se vitet e fundit.
Ndërkaq për montimin dhe balancimin e gomave, ai thotë se këtë vit çmimi është më shtrenjtë.
Mungesa pajisjeve dimërore, do të shoqërohet me ndëshkim financiar, ku shoferi do të dënohet me një gjobë prej 40 eurosh. Ligji parashikon gjoba prej 100 deri në 300 euro për personat juridikë dhe institucione publike që nuk e mbajnë shoferin e tyre të pajisur me gomat e duhura dimëror, por gjithashtu ka gjoba edhe për mungesë të zinxhirëve./kp
Një këmbësor ka humbur jetën si pasojë e një aksidenti me fatalitet të ndodhur sot rreth orës 00:47 në rrugën “Bill Klinton”, në Pejë.
Sipas Policisë, në këtë aksident kanë qenë të përfshirë, një këmbësor dhe një veturë e cila ka ikur nga vendi i ngjarjes.
“Si pasojë e aksidentit lëndime të rënda trupore ka pësuar këmbësori i cili nuk ka arrite të përballoji plagët dhe i njëjti ka ndërruar jetë. Vdekjen e tij e ka konstatuar mjeku kujdestarë. Trupi i viktimës SH. G. mashkull 41 vjeç, është dërguar për obduksion në Institutin e Mjekësisë Ligjore, ndërsa policia është duke punuar në identifikimin e automjetit të përfshirë në aksident si dhe në kërkim të ngasësit të automjetit”, thuhet në njoftim.
Sulmuesi i Manchester Cityt, Erling Haaland, është bërë lojtari më i shpejtë në histori të Ligës Premier që shënon 50 gola, duke thyer rekordin e mëparshëm të ish-legjendës angleze, Andrew Cole.
Haaland shënoi në minutën e 27-të në duelin mes Manchester Cityt dhe Liverpoolit të shtunën duke e arritur këtë rekord në vetëm 48 ndeshje të luajtura, pas një asistimi nga Nathan Ake.
Ky ishte goli i 18-të i Haalandit në 20 paraqitje në të gjitha garat këtë sezon.
23-vjeçari tani ka lënë prapa vetes shumë sulmues legjendar të Ligës Premier si, Alan Shearer(56), Ruud van Nistelrooy (68), Fernando Torres dhe Mohamed Salah (72), që të gjithë mbrapa Haalandit kur flasim për më të shpejtin që ka shënuar 50 gola.
Ky ishte një rekord që ishte synuar tash e sa kohë nga Haaland duke marrë parasysh sa i pamëshirshëm është para portës. 36 golat e shënuar sezonin e kaluar që ishte sezoni debutues për të në Angli, ishte rekord për një edicion të ligës.
Reprezentuesi norvegjez ka shkëlqyer për “Qytetarët” që prej se iu bashkua nga Borussia Dortmundi vitin e kaluar, duke qenë një ndër lojtarët kryesor në fitimin e tripletës vitin e kaluar.
Haaland tani do të ndjekë rekordin e Shearer për shënimin e 100 golave. Legjenda e të gjitha kohërave e Ligës Premier u desh të luajë 124 ndeshje për të shënuar kaq gola./Telegrafi/