Blog

PISA ka publikuar rezultatet e testit për vitin 2022, me Kosovën që ka zënë vendin e 76-të nga 80 shtetet pjesëmarrës për lexim, kurse vendin e 77 për shkencë.

Pak më mirë, Kosova ka performuar në matematikë, duke u renditur vë vendin e 73-të nga 80 shtetet pjesëmarrëse.

Rezultatet e testit janë publikuar të martën, ndërsa u prezantuan nga Ministria e Arsimit në një konferencë për media.

Programi për Vlerësimin Ndërkombëtar të Studentëve (PISA) është një vlerësim ndërkombëtar i aftësive dhe njohurive të 15-vjeçarëve. PISA vlerëson performancën e nxënësve mbi detyrat e jetës reale që konsiderohen të rëndësishme për pjesëmarrje efektive në shoqërinë e të rriturve dhe për mësimin gjatë gjithë jetës.

PISA është një projekt i Organizatës për Bashkëpunim Ekonomik dhe Zhvillim (OECD. Në Irlandë, projekti menaxhohet nga Qendra e Kërkimit Arsimor në emër të Departamentit të Edukimit dhe Aftësive.

Mursel Plava, babai i dorasit në vrasjen e Liridona Ademajt, Granit Plavës, ka thënë se djali i tij është i vdekur për të.

Ai ka treguar se Graniti jetonte vetëm me gruan dhe fëmijët e tij, ndërsa ai vetë në Kroaci dhe se kishte dy ditë që kishte ardhur në Kosovë.

“Është shumë e vështirë për tri shtëpitë. Nuk po mundem as me paramendu. Nuk mund ta besoj që djali im e ka bërë këtë. I them hetuesisë ta çojnë deri në fund, si ka ardhur deri te kjo, kush ka qenë iniciator. Me marrë dënimin e merituar”, tha ai.

“Kurrë se kisha menduar që e bënë atë punë. Nëse Graniti e ka bo këtë rast le ta merr dënimin e merituar”, tha ai.

“Gruaja e tij është e tronditur, nuk po mundet me besu. Nuk e kam takuar. Nuk du me shku me taku, du mu qetësu, nuk jam në gjendje me taku”, tha ai për Indeksonline.

“Nëse Graniti e ka bërë këtë vepër, është i vdekur për mua, është i vdekur për jetë”, tha babai i dorasit.

Ai gjithashtu i ka shprehur ngushëllime familjes së të ndjerës.

Në testin PISA të kryer në vitin 2022, Mali i Zi ka arritur rezultatet më të këqija që nga viti 2012, sipas të dhënave të sapo publikuara nga OECD.

Në testim morën pjesë 5793 nxënës nga 63 shkolla malazeze. Këtë vit morën pjesë nxënës pesëmbëdhjetëvjeçarë nga 80 vende të botës.

Në të njëjtën kohë, rezultatet janë më të këqijat që nga viti 2012 në të tri fushat që mbuluan testet – matematikë, lexim dhe shkencë.

Shumë nën mesataren e anëtarëve të OECD

Në të gjitha fushat, studentët tanë kanë një numër pikësh dukshëm më të ulët krahasuar me mesataren në vendet e OECD.

Nxënësit 15 vjeçarë në Mal të Zi kishin 406 pikë në matematikë, ndërsa mesatarja në nivelin e OECD është 472. E njëjta gjë është në lexim (405 pikë Mali i Zi – 476 pikë mesatarja e OECD), dhe rezultati më i keq është në shkencë. (403 pikë Mali i Zi – 485 pikë mesatarja e OECD).

Kështu, Mali i Zi është i 54-ti nga 80 vende në matematikë, i 56-ti në lexim dhe i 62-ti në shkencë.

Fëmijët nga Singapori kanë rezultatet më të mira

Kur bëhet fjalë për matematikën, fëmijët nga Singapori kanë rezultatet më të mira (575 pikë), ndërsa Mali i Zi është 406.

Fëmijët nga Singapori gjithashtu kishin rezultatet më të mira në lexim (543), të ndjekur nga Irlanda (516) dhe Japonia (516). Për kujtesë, rezultati ynë është 405.

Singapori kryeson gjithashtu në shkencë (561), përpara Japonisë (547).

Estonia dhe Irlanda kanë rezultatin më të mirë, deri tani më të ulët për vendet e rajonit tonë

Për sa i përket Evropës, studentët më të mirë në matematikë janë nga Estonia (510), Zvicra (508) dhe Holanda (493). Studentët në Maqedoninë e Veriut (389), Shqipëri (368) dhe Kosovë (355) kanë rezultatet më të ulëta.

Në lexim, nxënësit nga Irlanda kishin rezultatin më të mirë (516), të ndjekur nga Estonia (511) dhe Finlanda (490). Studentët nga Maqedonia e Veriut (359), Shqipëria (358) dhe Kosova (342) kanë performancën më modeste në atë fushë.

Kur bëhet fjalë për shkencën, rezultatet më të mira i kanë fëmijët nga Estonia (526), ​​Finlanda (511) dhe Irlanda (504), ndërsa më të këqijat nxënësit nga Maqedonia e Veriut (380), Shqipëria (376) dhe Kosova (357).

Kreu i PSD-së, Dardan Molliqaj ka kritikuar Qeverinë Kurti pas rezultateve në testin PISA, ku Kosova u rendit në vendet e fundit, shkruan Reporteri.net.

Molliqaj ka thënë se Qeveria Kurti bëjnë matematikë veç për hesape të veta.

“Andaj, rezultatet e PISA nuk mund të mbeten vetëm numra; ato janë aktakuzë për një qeveri që i shërben vetëm një qytetari dhe një koalicioni të vogël ministrash e deputetësh për më shumë privilegje, më shumë begati. Një mentalitet i tillë e përjetëson dhe riprodhon gjendjen e rëndë në arsim në fund të listës”, ka shkruar mes tjerash ai.

Reagimi i plotë:

Këta bëjnë matematikë veç për hesape t’veta

Rezultatet katastrofale të testit PISA po nxjerrin në pah indiferencën e qeverisë së shpresës për çfarëdo investimi afatgjatë, nëse nuk është investim në spektaklin e liderit. Asnjë lëvizje për të ndryshuar këtë gjendje, për të tjerët që s’janë në rrethin e ngushtë të lidershipit. Së pari Villat në Marigona, pastaj klasat e çerdhet? E njohim këtë skenar.

Është ditur në krye të herës kur e dekoroi Nagavcin me pozitën e Ministres. Dekorim për besnikërinë partiake, asgjë më shumë. Rezultati në PISA është veç më i keq sesa në vitin 2018. U konfirmua kur e pengoi reformën në arsim në Kamenicë.

A e keni vërejtur se si bash në arsim, zëvendësministrat njëri pas tjetrit japin dorëheqje, vasalja e Kurtit vazhdon monotoninë. 5 çerdhe nga 160 të premtuara. Shpërfillja totale nga ana e qeverisë për të investuar në arsim shihet prej larg.

Andaj, rezultatet e PISA nuk mund të mbeten vetëm numra; ato janë aktakuzë për një qeveri që i shërben vetëm një qytetari dhe një koalicioni të vogël ministrash e deputetësh për më shumë privilegje, më shumë begati. Një mentalitet i tillë e përjetëson dhe riprodhon gjendjen e rëndë në arsim në fund të listës.

Foto Ilustrim: Vrapimi i Nagavcit pas nderimeve e i pushtetit pas votave, pengoi reformën më të rëndësishme në arsim në Kosovë.

Kompania Rajonale e Ujësjellësit “Gjakova”, njofton se janë duke shpërndarë vërejtje me përmbarim ndaj konsumatorëve të cilët kanë borxhe të mbledhura mbi 100 euro, për t’i njoftuar paraprakisht mbi masat dhe procedurat që jan të detyruar t’i ndjekin konform rregulloreve në fuqi.

Sipas njoftimit, konsumatorët të cilët njoftohen paraprakisht me anë të “Vërejtjes para ngritjes së Procedurës për Ekzekutim te Përmbaruesi Privat”, në afat prej 7 ditësh janë të detyruar të paraqiten në zyrat e KRU “Gjakova” me qëllim të kryerjes së obligimit ndaj borxhit ose ri programimit të tij me këste deri 24 muaj.

“Në rast të mos përgjigjes ndaj obligimeve kundrejt borxhit të akumuluar në afat prej 7 ditësh, përkundër dëshirës sonë ne si ofrues i shërbimeve jemi të detyruar të ngrisim procedurat përmbarimore, tek Përmbaruesit Privat, ku ju si konsumator ngarkoheni me shpenzime shtesë”, thuhet në njoftim.

Sipas komunikatës e njëjta vlen për të gjithë zonën ku operon KRU “Gjakova”, Gjakovë, Rahovec, Prizren duke përfshirë të gjitha kategoritë e debitorëve, amvisëri, komerciale, ente dhe industri.

Neuropsikiatri Sami Rexhepi, në një prononcim për Ekonomia Online, tha se është shumë shqetësuese për një shoqëri shumë të vogël, siç është Kosova, që brenda pak muajve të ndodhin këto vrasje e plaçkitje të armatosura. 

Sipas tij, përgjegjës për këto rast janë edhe institucionet, ngase thotë se njerëzit që kanë kryere vrasje e grabitje, ata më herët kanë qenë të lirë rrugëve edhe pse kanë pasur 17 vepra penale.

Rexhepi tha se vrasja e Liridona Ademaj është një vrasje shumë e rëndë pasi ka qenë e planifikuar dhe me paramendim. Ai tha se problem këtu është se vendi është në tranzicion kulturor.

“Është një vrasje shumë e rëndë për shkak se është një vrasje e planifikuar dhe që ka ndodh me paramendim. Çka ka mujt me shty? Thjesht është një numër shumë i madh i vrasjeve kohëve të fundit, mandej kemi pas edhe disa raste të vetëvrasjes, krejt po flasim për dy muajt e fundit që është shqetësuese edhe që në një moment na duhet me u ndal dhe me menduar se ka po shkojmë si shoqëri, apo çka jemi duke bërë si shoqëri për me parandaluar këto raste. Ne nuk mundemi me marr model Zvicrën se jemi mentalitet krejt tjetër, nuk mundemi me marr model Kanadanë se i kemi specifikat tona por duhet ta ndërtojmë këtë shtet konform rrethanave të cilave jetojmë dhe funksionojmë, qoftë në aspektin ekonomik, në zhvillimin ekonomik që është në shkallë shumë të ultë, qoftë në aspektin e presionit psikologjik që e kemi prej një kushëriri që nuk ta donë të mirën dhe këto dy aspekte e kanë tërheq vëmendjen aq shumë, saqë shumë pak po merremi me jetën e përditshme të individit”.

“Është një problem se ne jemi në një tranzicion kulturor. Ne i kemi konsideruar se sistemi i vlerave tona, të familjes sonë është patriarkal dhe shumë i prapambetur dhe po ikim prej këtij sistemi të vlerave dhe ta marrim një sistem tjetër të vlerave. Ky është një fenomen me të cilën duhet të merren sociologët si fenomen shoqëror, mirëpo një person i cili ka shkuar në Skandinavi dhe e sheh se atje funksionon shteti e plot shtete dhe e kupton sistemin, ai kurrë nuk mundet  me u bo suedez apo finlandez dhe e lë një sistem të vlerave ku te ne, familja është shumë e shenjtë që mjerisht ka filluar të shkatërrohet dhe e merr një sistem të vlerave se ata nuk e kanë sistem të vlerave me vra gruan por ky ka mbet pa asnjërin sistem të vlerave”, tha ai.

Rexhepi tha se është shumë brengosëse që kohëve të fundit në një kohë të shkurtër në Kosovë kanë ndodhur disa vrasje e plaçkitje, për të cilën tha se nuk mund të jenë normale për një vend të vogël si Kosova

Ai ka shtuar se përgjegjës në këto rast janë edhe institucionet përgjegjëse me politikat e tyre sa i përket dënimeve, kjo sipas tij, njerëzit që kanë kryere këto grabitje, ata më herët kanë qenë të lirë në rrugë edhe pse kanë pasur 17 vepra penale.

“Është shumë brengosëse kohëve të fundit ku ndodhën dy, tri vetëvrasje përnjëherë, dy, tri vrasje përnjëherë, një plaçkitje e madhe. Këtu nuk po flasim për diçka normale si shoqëri. Fenomene të tilla ka gjithkund nëpër botë, nuk është vetëm te ne, mirëpo ne jemi komunitet shumë i vogël. Fatkeqësisht edhe ne edhe mediet kemi filluar të shndërrohemi në zjarrfikës, ne reagojmë në momentin kur i del diku flaka, nuk po punojmë mjaftueshëm për të mos vijmë te ajo flakë dhe atëherë fillojmë të akuzojmë dhe me kërkuar fajtorë, pasi është bërë dëmi. Kur flasim ne si shoqëri jemi bashkëfajtor, përgjegjës është shteti qoftë me politika sa i përket dënimeve ose ndodhin grabitje e vrasje e thotë e ka kryer një vepër penale dikush të cilin e rëndojnë 17 vepra penale e me 17 vepra penale ai ka qenë në rrugë. Këto janë gjëra të cilat një shoqëri nuk guxon me i toleruar”, tha ai.

Neuropsikiatri Rexhepi tha se problem është edhe që një numër i dhunës në familje shkaktohet nga personat që abuzojnë me substanca narkotike, për të cilën tha se në Kosovë nuk ka institucione që merren me trajtimin e këtyre personave, raporton EO.

“Po e marrim shembull dhunën e në familje, prej diku 380 raste që i kam me aktvendimeve të gjykatës me aktvendime këtu, një numër shumë i madh është i personave të cilët abuzojnë me substanca narkotike. Në momente kur ata mbesin pa substanca narkotike, me të cilat abuzojnë mbesin pa pare atëherë janë të dhunshëm tek anëtaret e familjes, dhe kjo dhunë nuk mundet me u ndal derisa nuk merret një hapë për trajtimin e tyre. Ne nuk kemi institucione në Kosovë të cilat merren me trajtimin. E kemi pas së fundi repartin e sëmundjeve të varshmërisë, në  Klinikën e Psikiatrisë i cili ka kapacitete shumë të vogla, i cili mundet me u marr me një detopsikim, por trajtimi i një personi me varshmëri kërkon vite, rehabilitim e risocializim ne nuk kemi institucione të tilla këtu tek ne në këtë kuptim. Po e marrim dhunën në familje apo dhunën ndaj gruas nuk mundet me u arsyetuar se dikush i ka pas tri katër urdhërua dhe prapë ka arritur deri tek sulmi”.

“Domethënë dëgjon apo bëhet sa me thënë nuk janë masa të cilat vërtetë ndikojnë. E marrim edhe dhunën ndaj fëmijëve, prej kujt më së shumti shkaktohet. Nuk është prej varfërisë, por janë qoftë prej konflikteve mes prindërve që e zhvillojnë  një fëmijëri traumatike të cilët më vonë do të janë persona të cilët njësoj do të jenë të dhunshëm, qoftë prej personave që abuzojnë më alkool dhe këto janë ato efektet të cilat mundemi me i përmirësuar edhe me e pa dikush forcën e dorës së shtetit.  Nuk mund të bredh rrugëve i lirë një person me 17 vepra penale, ai është mos seriozitet. Nuk mund dikush, i cili tri katër herë ka pasur urdhër mbrojtje për mos me iu afruar bashkëshortes me iu afruar bashkëshortes, ne po e lejojmë ai me e vra bashkëshorten”.

“Këto janë ato probleme të cilat unë po them se duhet secili duhet të ndalemi dhe të shohim se çka po bëjmë ne. secili për veti, sigurisht se unë nuk mund të kem ndikim në zhvillimin e politikave ekonomike sepse nuk është fushë e imja, unë nuk mundem me u marr me sendimin e zemrës, sendeve të gjakut, se unë jam psikiatër. Edhe a po mundem unë me i përmbush gjitha ato çka priten prej meje. Qoftë shoqëria, qoftë vetëm shteti i cili me paguan. Sa po i përmbushi ato dhe sa më tepër i përmbushin ne i dëshmojmë një seriozitet shumë më të madh dhe një përkushtim shumë më të madh në ndërtimin e shtetit tonë, se në fakt ne jemi duke  e përmbushur amanetin e atyre të cilët u dëshmuan për këtë shtet. Neve na mbetet me e ndërtuar dhe me e zhvillu. Është pjesë e përgjegjësisë sonë”, tha ai.

Ministria e Kulturës, Rinisë dhe Sportit (MKRS) ka shënuar Ditën Ndërkombëtare të Vullnetarzimit, me synim pjesëmarrjen e të rinjve në zhvillimin e politikave dhe programeve në Kosovë, raporton Ekonomia Online.

Në këtë ngjarje përfaqësues nga Ministria, Zyra e UNICEF-it në Kosovë, Vullnetarët e Kombeve të Bashkuara dhe të rinjtë vullnetarë kanë ofruar kohën dhe aftësitë e tyre për zhvillimin e komuniteteve, dhe promovimin e rëndësisë dhe formave të përfshirjes së të rinjve në zhvillimin e politikave dhe programeve për të rinjtë, apo përfshirjen direkte në programe të tilla.

Të kishin mundësi të dëgjojnë nga përfaqësuesit e lartë-cekur për mbështetjen, politikat dhe programet që lidhen me zhvillimin e vullnetarizmit dhe pjesëmarrjes së të rinjve.

Sylejman Elshani, zv.ministër i Kulturës Rinisë dhe Sportit, tha se vullnetarizmi është përvojë tejet e mirë, dhe se do të vazhdojnë punën në këtë drejtim. Madje tha se puna vullnetare të njihet si përvojë e pune.

“Vullnetarizmi është një përvojë tejet e mirë, puna vullnetarë kontribuon në rritjen e shoqërisë. Së bashku me UNICEF-in kemi bërë shumë projekte. Për të përkrahur vullnetarizmin, në kuadër të Ministrisë vazhdojmë përpjekjet tona për punën vullnetare. Puna vullnetare duhet të njihet si përvojë pune, ne do të vazhdojmë punën për vullnetarizëm”.

Benjamin Samuel Fisher, zëvendës shef i UNICEF-it, tha së gjatë viteve të fundit numër i madh i të rinjve kanë bërë punë vullnetare. Ai pohoi se bashkë me Ministrinë po punojnë në avancim në këtë drejtim, raporton EO.

“Është kënaqësi që sot të shprehë mirënjohjen tonë për punën që po bëjmë në Kosovë, gjatë viteve të fundit kemi parë numër të madhe të rinjve të Kosovës”.

“Slogani për këtë vit është ‘Fuqi për të gjithë’, dëshira e të rinjve është diçka që nevojitet të rinjtë kanë nevojë të shpenzojnë energjinë e tyre, në vlerësojmë kontributin e secilit të rijnë këtu në Kosovë dhe në të gjithë botën”.

Blerim Azizi, koordinator i Kombeve të Bashkuara në Kosovë, tha se Kosova ka nevojë për një ligj që e përcakton punën vullnetare.

“Jemi bashkë për të festuar ditën e vullnetarizmit. Është provoja e punës së vazhdueshme nuk ka dyshim së kjo shtyn përpara një qëllim në Kosovë dhe kudo në botë, duke luftuar edhe ndotjen, jo të gjithë mund të përfshihen në këtë punë, në veçanti personat me aftësi të kufizuar është më së miri për një mjedise gjithëpërfshirës, Ministria e Rinisë, Kluturës dhe Sportit po e ngritë punën e vullnetarizmit, Kosova ka nevojë për një ligj specifik për vullnetarizmin”.

Kryetari i Partisë Demokratike të Kosovës, Memli Krasniqi ka reaguar pas publikimit t rezultateve të testit PISA, ku Kosova është radhitur më keq se në vitin 2014 dhe 2018.

Krasniqi ka thënë se analfabetizmi qeveritar ka prekur dhe po shkatërron shkollat e Kosovës.

“Sot u konfirmua rënia e thellë e rezultateve të nxënësve të Kosovës në testin e PISA-s në lexim, matematikë dhe shkencë. Kosova renditet, praktikisht, në fund të tabelës së 80 shteteve pjesëmarrëse. E dhembshme! E tmerrshme! Në secilën fushë ka rënie drastike të pikëve, krahasuar me vitin 2014 dhe vitin 2018, kur është mbajtur për herë të fundit testi PISA. Ne e kemi ditur, por tashmë edhe po dëshmohet, se qëllimi i kësaj Qeverie nuk ka qenë asnjëherë reforma arsimore e as përmirësimi i jetesës së qytetarëve tanë. Analfabetizmi qeveritar, fatkeqësisht, tashmë po shkatërron edhe shkollat tona!”, është shprehur lideri i PDK-së.

Kryetari i AAK-së, Ramush Haradinaj, ka pritur në takim ambasadorin e ri të Shqipërisë në Kosovë, Petrit Malajn.

Haradinaj, theksoi se me Malajn kanë biseduar për zhvillimet e fundit dhe sfidat e Kosovës që kanë të bëjnë me sigurinë dhe perspektivën euro-atlantike.

“Duke i uruar mirëseardhje dhe punë të mbarë në Kosovë, me Ambasadorin Malaj diskutuam për zhvillimet që po kalon Kosova, Shqipëria dhe rajoni dhe për proceset që na presin, veçanërisht për sfidat e Kosovës në çështjet që kanë të bëjnë me sigurinë dhe perspektivën euro-atlantike”, shkroi Haradinaj.

“Shqipëria gjithmonë ka luajtur rol konstruktiv duke qenë mbështetëse e pakursyer e Kosovës në të gjitha fazat e lirisë dhe shtetndërtimit të saj”.

Ish-zyrtarja e OSBE-së në Kosovë, Sandra Mitchell, gjatë dëshmisë së saj ka thënë se kishin marrë informata nga popullsia civile në Kosovë se Ushtria Çlirimtare e Kosovës (UÇK) ndalonte persona.

Dëshmitarja Mitchell tha se sa i përket funksionit policor që bënte UÇK, ata arrestonin kriminelë dhe persona të cilët i konsideronin si kolaboracionistë, raporton “Betimi për Drejtësi”.

“Po sidomos në ato zona ku ishte operacionale UÇK-ja dhe kishte një perimetër dhe çka do të thotë, e kishin siguruar tokën dhe territorin dhe duhet të kalojë përmes pikave të kontrollit për të hyrë në këtë territor, ne e quanim zona ku nuk penetronin do të forcave serbe, kështu e njihnim ne përveç kur bënin sulme të drejtpërdrejta. Këto ishin zona të siguruara nga UÇK-ja dhe ata kryenin punën e policimit në këto zona, përpiqeshin të kërkonin një gjysmë shërbimi qeveritar. Sa takon punës së policisë që bënin ata, ata arrestonin kriminelët, por edhe arrestonin personat që i konsideronin si kolaboracionistë”, tha Mitchell.

Përgjigja e Mitchell, erdhi pasi përfaqësuesja e Zyrës së Prokurorit të Specializuar, prokurorja Deborah Mayer e pyeti se a ka marrë informata apo raporte nga vetë banorët lidhur me persona të ndaluar nga UÇK-ja.

Lidhur me misionin e saj për monitorimin e të ndaluarve, Mitchell tregoi se si raportoheshin këto raste tek ata. Sipas saj, atëkohë vinin shumë informacione të drejtpërdrejta nga popullata civile.

“Kjo ka qenë një problem i madh për popullatën në të gjithë Kosovën në atë kohë. Prandaj, përfaqësuesit lokalë politikë na thonin, vetë anëtarët e familjes vinin në zyrat tona dhe raportonin që ishte zhdukur një anëtar i familjes, ishin shumë të shqetësuar sepse i përcillnin nga një organizatë ndërkombëtare tek tjetra dhe ndonjëherë kur shkonim në fshat, dëgjonim nga përfaqësuesit e fshatit se persona të ndryshëm janë të ndaluar ose tashmë janë të zhdukur”, tha Mitchell.

Mitchell i ndau në dy kategori se si bëheshin ndalimet në kohën e luftës kur edhe ajo ishte e ngarkuar me mision në Kosovë.

“Po i ndaj në dy kategori; një kategori ishin shqiptarë të Kosovës që hapnin një ditë derën, shkonte një polic-oficer serb, donte informacion, e merrte një nga anëtarët e familjes dhe e qonte në stacionin e Policisë, ka të ngjarë që ky person as të mos shihej më gjallë dhe krijoi përshtypje fillimisht që ky person ishte i ndaluar ose nga policia serbe, por kishte edhe raste kur kishte luftime në një zonë të caktuar dhe një person nuk kthehej më në shtëpi dhe në këtë rast këta persona klasifikoheshin si persona të zhdukur. Më pas dolën dhe raste, por jo në tetor-nëntor, por pas disa muajsh që kishim shkuar atje, disa javë, persona mbaheshin të ndaluar nga UÇK-ja. Kemi dëgjuar nga Policia Serbe se kishte oficer të Policisë Serbe që ata besonin që kishin mbajtur të ndaluar apo ishin nënarrestin e UÇK-së”, shpjegoi dëshmitarja Mitchell.