Blog

Dëshmitari Naim Elshani ka rrëfyer se si në një moment, derisa ishin të mbështetur për muri, dy paramilitar serbë e kishin marrë dhe dërguar në një grumbull prej 30 kufomash, ku kishte humbur ndjenjat dhe më pas e kishte parë vetën të mbuluar me njërën nga to. Këtë deklarim Elshani e bëri në seancën gjyqësore ndaj të akuzuarit për krime lufte gjatë viteve 1998-1999 në Istog, Ekrem Bajroviq, raporton “Betimi për Drejtësi”.

Ai tha se përkundër kërcënimeve nga komandanti i stacionit policorë në Gurakoc, Millosh Stojkoviq që të lëshojnë shtëpitë e tyre nga fshati, ata kishin rezistuar duke mos u larguar.

Më pas dëshmitari Elshani tha se duke e parë gjendjen e rënduar nga lufta përreth fshatrave, kishin vendosur të largohen nga shtëpitë e tyre më 7 maj 1999, për të vijuar rrugën për në Shqipëri, ashtu edhe siç ishin urdhëruar nga paramilitarët serb.

Ai tha se në një moment ishin grumbulluar rreth 30 mijë njerëz në një livadh të madh, të cilët sipas tij, ishin civil nga Peja dhe Drenica.

Tutje, ai tha se në një moment ishin ndaluar nga paramilitarët serbë që ishin të armatosur dhe ishin vendosur përreth një muri të një shkollë në rrugën për qytetin e Klinës për t’i plaçkitur, dhe sipas tij, këta paramilitar aty në mes të oborrit e kanë rrahur personin me emër Hasan Elshani.

Elshani tha se arsyeja e maltretimit të Hasan Elshanit qëndron ngase të njëjtin sistemi i atëhershëm serb e akuzonte për bartje të armeve ilegalisht.

Gjithashtu, Elshani deklaroi se në një moment kur ishte mbështetur për muri e kishte parë të akuzuarin Bajroviq të veshur me uniform të policisë dhe se nga personat që ishin të mbështetur për muri e kishte tërhequr për ta shpëtuar personin me emrin Ahmet Elshanin.Dhe krejt kjo sipas dëshmitarit Elshani, ishte bërë pasi që gruaja e Ahmet Elshanit ishte me nacionalitet boshnjak, siç është edhe i akuzuari Bajroviq.

Tutje, dëshmitari Elshani tha se në një moment derisa ishin të mbështetur për muri dy paramilitar serbë e kishin e kishin marrë atë për të vozitur traktor, por se më pas e kishin dërguar në një grumbull kufomash, ku sipas tij, ishin rreth 30 persona të vrarë.

I njëjti tha se me të parë ato kufoma ishte ndaluar dhe ishte lutur që Zoti ta ndihmoi pasi që dy paramilitaret serbë i kishte parë të parapërgatitur për ta ekzekutuar.

“E bana ni lutje, dhe thash o Zoti im nëse ka Zot të lutem më ndihmo”, tha Elshani.

Pas kësaj situate, Elshani tha se nuk kishte ndjerë dhimbje apo krismë dhe se pavetëdije e kishte parë vetën mbi kufomat e njerëzve sa që ishte i mbuluar me njërën nga to.

Më pas ai tha se e kishte parë veten në pasqyrë se nuk ka faqen.

Elshani, duke u përgjigjur në pyetjet e prokurori special, Ilir Morina tha se vetëm një herë gjatë luftës e kishte parë të akuzuarin Bajroviq dhe atë te momenti kur kishte shpëtuar personin Ahmet Elshani, e që që tash sipas tij është i vdekur.

Ndërkaq, Elshani shtoi se të akuzuarin Bajroviq e njeh edhe para luftës dhe se me të nuk kishte asgjë të keqe.

Gjatë deklaratës së tij, dëshmitari Elshani rrëfeu se si dy paramilitar serbë në një moment derisa ishin të mbështetur për muri e shtynin drejt zjarrit një person për ta djegur.

Paraprakisht në këtë seancë u dha fjala hyrëse nga palët në procedurë, ku prokurori Morina tha se sot po kërkohet drejtësi për 16 civilët e vrarë shqiptarë nga forcat policore dhe ushtarake serbe e që në mesin e tyre ishte edhe i akuzuari Bajroviq.

Tutje, Morina tha se në gjykatë do të dëgjohen dy kategori të dëshmitarëve dhe atë dëshmitarët okular në vendin ku ka ndodhur krimi dhe kategoria e dytë që do të flasin për personaliteti, sjelljet e të akuzuarit para gjatë dhe pas luftës.

Gjithashtu disa fjalë patën edhe të dëmtuarit, ku njëri nga ta, Adem Geca tha se është një nga 220 profesorët e rrahur nga forcat paramilitare dhe ushtarake serbe, e që pjesë e tyre sipas tij, ishte edhe vet i akuzuari.“Unë jam viktimë e tij direkt, na ka lënë të gjithëve me pasoja”, tha Geca.

Kurse i dëmtuari tjetër, Ylber Lipa tha se ka të vrarë 8 anëtar të familjes gjatë kohës së luftës në Komunën e Istogut.

Ndërkaq, i dëmtuarit, Dyldy Shala rrëfeu një rast se si ishin mbyllur disa civil shqiptarë ku dëgjoheshin të bërtiturat e tyre dhe plumbat nga maltretimet që i bëheshin prej paramilitarëve serbë.Tutje, fjalën hyrëse e dha mbrojtësi i të akuzuarit Bojrovqit, avokati Ljubomir Pantoviq, i cili tha se synimi i mbrojtës në këtë rast është që të dëshmojnë se i mbrojturi i tij nuk ka qenë kryes i veprës penale për të cilin akuzohet.

Pantoviq tha se nuk mohojnë krimet e kryera në Staradran dhe Gurakoc sepse sipas tij, ato krime kanë ndodhur por se i mbrojturi i tij nuk ka qenë kryes i tyre. Edhe i akuzuari Bojrovq mohoi që ka bërë krime lufte, duke thënë se nuk kryes i veprës penale për të cilin akuzohet dhe tha se ndihet i pafajshëm për të gjitha pikat e aktakuzës.

Me përfundimin e dëshmisë së Elshanit seanca u ndërpre për tu caktuar e radhës në fillim të vitit 2024.

Ekrem Bajrovci po akuzohet nga Prokuroria Speciale e Republikës së Kosovës për veprën penale “Krime Lufte” në qytetin e Istogut.

Një burrë është arrestuar në Gjakovë pasi në gjendje të dehur kishte sulmuar fizikisht djalin e tij.

Sipas raportit 24-orësh të Policisë, me vendim të prokurorit i dyshuari është dërguar në mbajtje.

“Gjakovë 20.12.2023 – 00:05. Është arrestuar i dyshuari mashkull kosovar pasi që në gjendje të dehur ka sulmuar fizikisht djalin e tij viktimën mashkull kosovar. Me vendim të prokurorit i dyshuari është dërguar në mbajtje”, thuhet në raport.

Lideri i Koresë së Veriut, Kim Jong Un, tha se Peniani nuk do të ngurrojë të kryejë sulm bërthamor, nëse “një armik na provokon me armë bërthamore”, raportuan mediat shtetërore të enjten.

Kimi i bëri këto komente gjatë një takimi me ushtarët që po punonin në bazën raketore të ushtrisë dhe i uroi ata për lëshimin e raketës balistike interkontinentale nga Peniani në fillim të kësaj jave, raportoi agjencia shtetërore e lajmeve KCNA.

Ai tha se testimi i raketës dëshmoi besnikërinë dhe qëndrimin e fuqishëm të forcave të armatosura, dhe se ishte “një shpjegim i qartë i zhvillimit të strategjisë dhe doktrinës bërthamore të DPRK-së për të mos ngurruar të kryejë sulm bërthamor kur armiku provokon me armë bërthamore”, sipas KCNA.

DPRK-ja është shkurtesë e emrit zyrtar të Veriut, Republika Demokratike Popullore e Koresë.

Të hënën, Koreja e Veriut e lëshoi në det raketën Hwason-18 ICBM gjatë një stërvitjeje që kishte për qëllim t’i paralajmëronte Shtetet e Bashkuara dhe Korenë e Jugut për hapa konfrontues. Si arsye për këtë, Koreja e Veriut e përmendi një takim të vonshëm mes SHBA-së dhe Koresë së Jugut për të biseduar për frenimin e planeve të saj bërthamore.

SHBA-ja, Koreja e Jugut dhe Japonia e kanë kritikuar testimin raketor të Koresë së Veriut duke e cilësuar si provokim dhe duke thënë se i ka shkelur shumë rezoluta të Këshillit të Sigurimit të OKB-së të cilat ia ndalojnë Veriut aktivitetet balistike.

Dy ditë më vonë, bombarduesit amerikanë me rreze të gjata veprimi kryen stërvitje të përbashkëta me avionët luftarakë të Japonisë dhe Koresë së Jugut, në shenjë force kundër Koresë së Veriut.

Bombarduesi B-1B është në gjendje të bartë ngarkesë të madhe të armëve konvencionale. Në të kaluarën, Koreja e Veriut e ka cilësuar fluturimin e bombarduesit amerikan mbi Gadishullin Korean si dëshmi e armiqësive amerikane dhe është përgjigjur duke kryer testime raketore.

Kim Jong Un tha se testimi i raketës balistike të hënën dëshmoi se Koreja e Veriut mund të përgjigjet, nëse Shtetet e Bashkuara do ta marrin “një vendim të gabuar kundër saj”.

Por, shumë ekspertë të huaj thonë se Koreja e Veriut ende përballet me pengesa teknologjike për të zotëruar raketa balistike interkontinentale me kokë bërthamore me të cilat do të mundë ta godiste SHBA-në./REL/

Presidentja e Kosovës, Vjosa Osmani do të mbajë sot (e enjte) takimin e radhës të Këshillit për Demokraci dhe të Drejta të Njeriut.

Sipas njoftimit, takimi do të fillojë nga ora 9:30.

Është plagosur mbrëmë një person me armë zjarri në Fushë-Kosovë, njoftoi Policia e Kosovës.

Sipas policisë deri tek ky incident ka ardhur pas një mosmarrëveshje në mes të dy grupeve me nga dy persona.

Lidhur me këtë rast janë arrestuar dy persona, teksa dy të tjerë mbetën të ende të panjohur për policinë.

I dyshuari i plagosur gjendet në QKUK-së për trajtim mjekësor me përcjellje policore, ndërsa tek i dyshuari i dytë është gjetur dhe konfiskuar një pistoletë.

Për këtë rast policia ka identifikuar edhe një person që gjendet në arrati.

“Rr.Nëna Terezë-Fushë Kosovë,20.12.2023-22:00. Janë arrestuar dy të dyshuar meshkuj kosovarë pasi që pas një mosmarrëveshje me dy të dyshuar të tjerë për momentin të panjohur ka ardhur deri tek incidenti i plagosjes me armë zjarri te njërit prej të dyshuarve të lartcekur. I dyshuari i plagosur gjendet në QKUK-së për trajtim mjekësor me përcjellje policore, ndërsa tek i dyshuari i dytë është gjetur dhe konfiskuar një pistoletë. Lidhur me rastin është identifikuar edhe i dyshuari i tretë i cili deri me tani gjendet në arrati. Është konsultuar prokurori kujdestar i cili ka lëshuar aktvendim mbi ndalimin e personave te dyshuar. Rasti është duke u hetuar”, thuhet në njoftim.

Gjeneral brigade Bundeswehr-it Ralf Hammerstein, ka thënë se siguria në Kosovë po përkeqësohet dukshëm dhe NATO po e shton praninë e saj në pranverë, edhe me ndihmën e Bundeswehr-it – forcat e armatosura të Gjermanisë.

Siguria në rajonin e Ballkanit është e brishtë, prandaj dhe Shqipëria po forcon ushtrinë. Ministri i Mbrojtjes, Niko Peleshi tha se nuk jemi para një rreziku konkret, por konfliktet në veri të Kosovës ndikojnë që të shtohen masat.

Luftërat e hapura në botë dhe situata e tensionuar në rajonin e Ballkanit, për ministrin e Mbrojtjes të Shqipërisë Niko Peleshi duhet të jenë gjithmonë një alarm për Shqipërinë. Duke folur nga Shkodra, Peleshi tha se Shqipëria është një vend i sigurt si shtet anëtar i NATO-s, por gjithsesi kërkon që Forcat e Armatosura të jenë vigjilente dhe në gatishmëri.

“Jemi në moment të rëndësishëm sepse siguria është prioritet për shkak të konflikteve që po zgjerohen në mbarë botën. Ne jemi në një rajon të brishtë, pra në Rajonin e Ballkanit Perëndimor, fati i mirë është që jemi anëtar të NATO-s por gjithsesi konfliktet e fjetura të rajonit tonë delikat janë të lidhura me situatën e sigurisë në botë. Ne përgatitemi për më të keqen dhe shpresojmë për më të mirën”, tha Peleshi, raporton. Ju i keni ndjekur ngjarjet, s’ka ndonjë sekret, dy janë pikat e nxehta në Ballkan: veriu i Kosovës dhe Bosnja e Hercegovina për shkak të lidershpit të Republika Sërpskas. Ju i keni ndjekur zhvillimet e fundit, për fat të keq, një pjesëtar i policisë së Kosovës mbeti i vrarë nga një sulm terrorist në veri të Kosovës”, tha ai më tej, raporton “ReportTv”.

Ministri tha se qëllimi është për të rritur interesin e të rinjve për t’u bërë pjesë e ushtrisë shqiptare.

Tenderi që peshon 263 mijë euro do t’i sigurojë Policisë së Kosovës 10 mijë palë këpucë. Kontrata është nënshkruar më 14 dhjetor me kompaninë vendase “Solid”.

Policia e Kosovës do të furnizohet më 10 mijë palë këpucë të reja së shpejti.

Kështu thotë kontrata e nënshkruar më 14 dhjetor, e cila është publikuar në faqen zyrtare të Komisionit Rregullativ të Prokurimit Publik.

Ato do të punohen nga ndërmarrja vendore për prodhimin e këpucëve “Solid”, kompani kjo e cila e ka bazën në Suharekë sipas Sinjalit.

Për këtë prokurim publik, Policia e kishte parashikuar vlerën e kontratës prej 265 mijë eurove, po firma suharekase e këpucëve e ka ofruar çmimin me të ulët, atë prej 263 mijë eurove.