Blog

Eksperti kroat i çështjeve rajonale, Davor Gjenero, ka thënë se ndalimi i valutës serbe nga ana e qeverisë kosovare prodhoi “publicitet të mirë për palën serbe” nga ana e bashkësisë ndërkombëtare. Ai megjithatë e mbështeti në plotni vendimin si “të duhur” dhe “në funksion të sovranitetit shtetëror” të Kosovës, përveç që tërheq vërejtjen e moskonsultimit me aleatët, që sipas tij, do të bënte që legjitimiteti i vendimit të shoqërohej edhe me mbështetje adekuate.

Gjenero nuk vëren asnjë problem as me legalitetin dhe as legjitimitetin e vendimit të ndalimit të dinarit – e quan madje të mirë edhe për vetë serbët e Kosovës – por, vështron në atë që është prodhuar “pakënaqësi” si pasojë e çështjes së moskomunikimit të vendimeve nga ana e qeverisë së udhëhequr nga Albin Kurti te bashkësia ndërkombëtare.

Ndërsa këto që ai quan “politika të pavarura” të Kurtit, Gjenero na thotë se janë shkaku i pakënqësisë së te komuniteti euroatlantik “e veçanërisht te Shtetet e Bashkuara të Amerikës”.

“Është e qartë që amerikanët qëndrojnë të pakënaqur me Qeverinë e Kurti sepse ai s’është i përgatitur të diskutojë rreth vendimeve të tij përpara se t’i merr dhe ai nuk është duke i konsultuar për politikat; në mënyra të tjera, ai po provon të udhëheq me politika të pavarura dhe kjo është diçka që shkakton një lloj pakënaqësie mes partnerëve euroatlantikë, veçanërisht ShBA-në”, ka thënë Davor Gjenero në një bisedë me Nacionalen.

“Pavarësisht kësaj, fakti qëndron që ky vendimi për shmangien e dërgimit të pakontrolluar të dinarit në Kosovë përmes kufijve, nuk është diçka që do të ishte ose zgjidhje e keqe për vetë serbët e Kosovës ose diçka që nuk do të ishte diçka në shpërputhje me Kosovën si shtet të pavarur. Në fund, të gjitha këto çështje do të pranoheshin nga ndërkombëtarët si legjitimiteti si vendime”, shton ai.

Për njohësin kroat të çështjeve rajonale, Davor Gjenero, çështja është veçse te komunikimi i çështjeve me mbështetësit e shtetit kosovar.

“Për Kosovën do të ishte më mirë të konsultohej me aleatët e saj rreth kohës dhe rreth asaj se si të zbatojë disa vendime me amerikanët dhe evropianët, por kjo nuk do të thotë që Kosova duhet të zbehë ose heq çfarëdo vendimi që përmbush pavarësinë e Kosovës dhe funksionalitetin e sovranitetin e saj shtetëror”, na thotë ai.

Oficeri i Forcës së Sigurisë së Kosovës (FSK), Drin Merturi ka diplomuar në Kursin Bazik për Oficer të Këmbësorisë në Shtetet e Bashkuara të Amerikës (SHBA).

Lajmin e ka bërë të ditur FSK nëpërmjet një postimi në “Facebook”, ku thuhet se Merturi ka treguar rezultate të larta në shkollim duke përfaqësuar Kosovën dhe FSK-në në mesin e shumë vendeve nga mbarë bota.

“Forca e Sigurisë së Kosovës po rrit numrin e oficerëve të shkolluar nga partnerët strategjik me standardeve më të larta të vendeve të NATO-s”, thuhet ndër tjera në njoftimin e tyre.

Drin Merturi është djali i dëshmorit të Kombit, Ilir Merturi që flijoi jetën në luftën çlirimtare për lirinë e Kosovës.

Njoftimi i plotë nga Forca e Sigurisë së Kosovës:

Oficeri i FSK-së diplomon në SHBA

OF1 Drin Merturi ka diplomuar në Kursin Bazik për Oficer të Kembesorise në Shtetet e Bashkuara të Amerkiës (SHBA),, duke treguar rezultate të larta në shkollim , dhe duke përfaqësuar Kosovën dhe FSK-në, ne mesin e shumë vendeve nga mbatë bota.

Trajnimi IBOLC i mbajtur në bazen ushtarake “Fort Moore” ne Geogria, të ShBA-së, është trajnim bazik për oficer të kembsoris i cili zgjat 20 javë.

Gjatë kësaj kohe oficeret testohen në detyra individuale si navigimi, qitje, pergaditje fizike dhe në detyra profesionale dhe ekipore siq është udheheqja e togut në misione ushtarake.

Forca e Sigurisë së Kosovës po rrit numrin e oficerëve të shkolluar nga partnerët strategjik me standardeve më të larta të vendeve të NATO-s.

Kryeparlamentari Glauk Konjufca, ka kujtuar dyvjetorin e pushtimit të Rusisë ndaj Ukrainës.

Konjufca tha se kjo shënon fazën kur në mënyrën më të qartë, botës iu ofruan dy propozime, njëri që sipas tij, thërret për radhitje në emrin e lirisë, dinjitetit e demokracisë, dhe tjetri që do nënshtrim, pushtim e krime kundër njerëzimit.

“Republika e Kosovës është krenare që angazhohet fuqishëm, pa mëdyshje dhe ambiguitet, në anën e drejtë të historisë, duke iu bashkuar asistencës dhe solidaritetit të botës demokratike ndaj Ukrainës, që ashtu si ne aspiron integrim në NATO dhe Bashkim Evropian”, tha Konjufca.

Tutje, Konjufca tha se në këto dy vite, Rusia e Vladimir Putinit ka bërë çmos për ta pushtuar përfundimisht Ukrainën, duke mos ia dalë, por sipas tij, ka angazhuar edhe satelitët e saj në Evropë për të mbjellë destabiliteti, pasiguri, shpërnqëndrim, luftë e përçarje.

“Me një Serbi të gatshme për t’ shtyrë planet e Putinit në rajonin tonë dhe Evropë, mbështetja dhe angazhimi ynë për fitoren e Ukrainës bëhet edhe më kuptimplotë. Liria e popujve, sovraniteti i vendeve, është goditja më e rëndë ndaj tiranëve dhe tiranive të tyre”, ka shkruar Konjufca në Facebook.

Kryeministrja e Serbisë, Ana Brnabiq, ka thënë se deklarata e ministrit të Jashtëm kroat Gordan Gërliq-Radman për Serbinë dhe Aleksandar Vuçiqin ishte një gjest diplomatikisht i vrazhdë dhe i papranueshëm.

“Frustrimi i Kroacisë dhe makthi i tyre më i keq është se Vuçiq ulet në karrigen “serbe”, tha ajo për TV Prva, duke reaguar ndaj deklaratës së kryediplomatit kroat për Vuçiqin dhe uljen në shumë karrige kur bëhet fjalë për politikën e jashtme.

Ajo thotë se deklarata e Gërliq-Radman është një tjetër presion ndaj Serbisë, “siç është rezoluta e Parlamentit Evropian lidhur me Kosovën dhe mosvendosjen e sanksioneve ndaj Rusisë”.

Instituti Kombëtar i Shëndetësisë Publike të Kosovës ka treguar se sa është niveli i ajrit sot në kryqytet.

Në postimin e tij në Facebook thuhet se ajri është i shëndetëshëm në Prishtinë.

Indeksi i cilësisë së ajrit kryeqendrën e vendit për sot është 41, ditë më parë IKShPK-ja kishte raportuar për ajër të ndotur.

Policia e Kosovës ka njoftuar se një flamur është djegur dje në Zveçan.

Flamuri i djegur ishte i Kosovës.

Rasti është iniciuar si “nxitje e urrejtjes, përçarjes dhe mosdurimit”.

“Persona të dyshuar të panjohur kanë djegur një flamur. Njësitet policore kanë dalë në vendin e ngjarjes dhe janë duke hetuar rastin. Lidhur me rastin është informuar edhe prokurori”, thuhet në njoftimin e policisë.

Në Qendrën Kryesore të Mjekësisë Familjare në Prishtinë që nga 1 marsi, pediatria do të funksionojë me vetëm një ndërrim nga ora 07:00, deri në orën 15:00. Kjo për shkak se një pediatre do të dal në pension gjatë këtij muaji. Ndërkaq, si pasojë e mungesës së pediatërve të specializuar dhe në bazë të udhëzimit administrativ, në kuadër të kujdesit parësor shëndetësor, nuk mund të ketë zëvendësime të reja.

Kështu thotë kryeshefi i Departamentit të Mjekësisë Familjare në Qendrën Kryesore të Mjekësisë Familjare (QKMF) në Prishtinë, Valdet Hashani në një intervistë për KosovaPress.

Ai tregon se parashihet që pediatria në QKMF-në e kryeqytetit brenda pak vitesh të mbyllet si njësi, derisa tregon se aktualisht janë tre pediatëra specialistë dhe një shefe e pediatrisë, e që sipas tij, në asnjë rrethanë nuk mund t’i mbulojnë dy ndërrime.

Hashani theksoi se kanë njoftuar që në fillim të vitit, se nga 1 marsi, pediatria do të funksionojë me vetëm një ndërrim.

Ndër të tjera, Hashani potencoi se si pasojë e mungesës së specializimeve nga pediatria dhe në pamundësi për të pranuar pediatërë të ri për shkak të legjislacionit në fuqi, QKMF-ja, do të punojë shtatë ditë të javës me një ndërrim nga ora 07:00, deri në orën 15:00.

Hashani theksoi se shumë shpejtë do të pensionohet edhe dermatologu, internisti dhe reumatologu.

Ai shtoi se ky vendim është marrë që nga viti 2000 dhe është në bazë të librit të verdhë, ku janë bërë politikat shëndetësore të pasluftës, sipas së cilave specializimet të cilat gjenden në kujdes parësor, të vazhdojnë të punojnë aty ku kanë punuar deri në pensionim.

Përveç këtyre, Hashani potencoi se në bazë të rrethanave, pediatria brenda 5-6 vjetëve, do të mbyllet tërësisht si njësi.

Ai potencoi se koncepti i Mjekësisë Familjare duhet të fillojë të implementohet në të gjithë territorin e Republikës së Kosovës, përfshirë edhe QKMF-në.

Ndërkaq, sipas nenit 15 të udhëzimit administrativ në kuadër të Kujdesit Parësor Shëndetësor, profesionistët shëndetësor që ofrojnë shërbime shëndetësore në IKPsh janë: specialist i Mjekësisë Familjare, Doktor i Mjekësisë, Doktor i Stomatologjisë, Specialist i Pedodoncisë dhe preventivës, farmacist i diplomuar, Specialist i Biokimisë klinike, Infermier i/e diplomuar, mami e diplomuar, teknik laborant, teknik i farmacisë, radiologu e të tjerë.

Tutje, në këtë nen thuhet se në QKMF-të, ku funksionon materniteti, është i domosdoshëm Gjinekologu dhe Neonatologu ose Pediatri, derisa potencohet se punën vazhdojnë në KPSh, si konsulent të Mjekëve Familjarë deri në pensionim.

Përzierja në veprimet politike në Maqedoni të Veriut nga kryeministri Albin Kurti po konsiderohen nga analistët politikë si përçarje dhe tendencë për të përzgjedhur pushtetin atje, raporton Ekonomia Online.

Ata kërkojnë që Qeveria e Kosovës të merret me problemet e brendshme e të mos anojnë te asnjëra parti.
Analisti politik, Ismail Tasholli thotë për Ekonomia Online se kjo përzierje në zgjedhjet e Albin Kurtit në zgjedhjet atje, është praktikë që krijon shembullin e “fesateve”.

“Nuk ka të drejtë sepse janë territore tjera, Kushtetuta tjera edhe tjera kontekste juridike. Kjo përzierje është praktikë që krijon shembullin e ‘fesateve’ dhe përçarjeve të panevojshme. Paramendoni një situatë sikur ata të krijonin një parti brenda territorit të Kosovës ose edhe Tirana të përcillte të njëjtën praktik dhe të krijonte po ashtu këtu parti politike dhe keni parasysh rezultatet e një përçarje totale”, u shpreh Tasholli.

Kritika për këtë qëndrim të Kurtit ka edhe analisti tjetër politik, Arbnor Sadiku, veçse këtë rol thotë se do duhej ta luante Shqipëria. Ai rekomandon që kryeministri të merret me problemet e brendshme.

“Unë mendoj që është një gabim sepse vet shteti i Shqipërisë nuk është duke ndërhy në Maqedoni të Veriut kurse Kosovës i ka dal rend ku ne kemi ende problemet tona thash edhe më parë nuk e kem shtetësinë ende të përfunduar të kryer në kuptimin që nuk jemi pranuar në organizatë të Kombeve të Bashkuara kemi probleme me shtyrje sovranitetit të plotë në veriun e Kosovës kemi mosmarrëveshje të hapura me Serbin e tashti përzihemi ne në punët e Maqedonisë së Veriut, veçanërisht tek partitë shqiptare atje, ku konsideroj që është e pavend sepse këtë rol do duhej ta lunte Shqipëria”, thotë Sadiku.

Ai thekson se institucionet kosovare nuk duhet të anojnë për pushtetin në Maqedoni të Veriut, teksa e sheh si tendencë që Ali Ahmeti ta humb pushtetin.

“Faktikisht shkakton një përçarje dhe më një farë forme e pengon atë rezonimin qytetarë të brendshëm atje, si me thënë konkurrencën e lidhë edhe demokracinë atje sepse vetë fakti që mund të mbahet edhe domethënë në njërën palë ose tjetrën i bie që po krijohet njëfarë lloj një anësie për ndryshuar pushtetin atje. Pra opozita për të humbur Ali Ahmeti pushtetin dhe për të ardhur opozita e shqiptarëve në pushtet dhe aq më tepër me mbështetjen e qeverisë së Republikës së Kosovës, gjë që këtë rol do duhej nëse do duhej dikush ta lunte do të ishte qeveria e Shqipërisë shteti shqiptarë jo Kosova sepse Kosova ende i ka problemet e saj përbrenda”, deklaroi ai.