Blog

Në Zveçan një qytetare ka raportuar në polici se persona të panjohur i kanë vënë zjarrin një lokali të saj qëllimshëm.

Siç njofton policia vlera e dëmit është e lartë dhe është duke u hetuar.

“Zveçan 08.03.2024 – 00:45. Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, thuhet në raportin e policisë.

KEDS ka njoftuar se sot do të kryhen punime të domosdoshme në sistem dhe për pasojë në disa vende do të ketë mungesë të energjisë elektrike.

Orari sipas rajoneve:

Prishtinë

Nga NS 110/35/10[kV] Palaj do të ndërprehet:

Dalja 10[kV] Prelluzha (kodi:18024003) nga ora 10:30 deri në ora 15:00

Vendet: Plemetin, Stanovci i Ulët, Prilluzha, Lumi i Madh, Gllavotin, Zhilivodë, Strovc, Bequku dhe Hamidi.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Punime nga pala e tretë

Nga NS 110/10(20) [kV] Prishtina 2 do të ndërprehet:

Dalja 20[kV] J10 Dalja nr.5 PR2-PR7 (Kodi: 11000076) prej orës 08:00 – 08:15 dhe 10:45 – 11:00

Vendet: Ndue Perlleshi (një pjesë), Shaqir Ingrishta (një pjesë), Enver Maloku (një pjesë), Ukshin Kovaqica (një pjesë), Theodor Muzaka (një pjesë), Muharrem Fejza (një pjesë) dhe Ahmet Korenica (një pjesë).

Arsyeja: Krijimi i kushteve të punës pa tension, manipulim me ndarësit e tensionit të mesëm për realizimin e punimeve që duhet të kryhen sipas pëlqimit elektro-energjetik dhe projektit të aprovuar.

Nga NS 110/10(20[kV] Prishtina 7 do të ndërprehet:

Dalja 20[kV] J27 Dalja nr.5 PR7-PR2 ( kodi: 19000076 ) prej orës 08:00 – 08:15 dhe 10:45 – 11:00.

Vendet: Një pjesë e rrugës Muharrem Fejza në afërsi të shkollës.

Arsyeja: Arsyeja: Krijimi i kushteve të punës pa tension, manipulim me ndarësit e tensionit të mesëm për realizimin e punimeve qe duhet te kryhen sipas pëlqimit elektro-energjetik dhe projektit të aprovuar.

NS 110/35/10 [kV] Prishtina 1

Nga Dalja 10[kV] J23 Komuna e re do të ndërprehet:

NS 10/0.4[kV] TS Përroi i Njelmët- Zhvillim dhe përforcimi rrjetit (Kodi: 10000015135) prej 10:00 – 14:00

NS 10/0.4[kV] TS TSBmet.400kVA Petrit Sinani “SACH” L.L.C. (Kodi: 10000015169) prej 10:00 – 14:00

Vendet: rr.Tirana dhe Ramiz Cërrnica.

Arsyeja: Për realizimin e sistemit hyrje/dalje 10 kV, sipas pëlqimit elektro-energjetik dhe projektit të aprovuar, si dhe rekomandimeve nga komisioni i pranimeve teknike.

Nga TS 110/10(20)kV Mazgit do të ndërprehet:

Dalja 10kV Shkabaj (kodi: 15019002) nga ora 10:30 deri 15:00.

Vendet: Shkabaj,pjese te Mazgitit,”American School of Kosova,Ibrahim Bacaliu “HIB PETROL” shpk,gim Lluka “Radio TV-DUKAGJINI”SH.P.K,Iber Lepenci,Ambullanta (e Kek-ut),Lagje e Re Hade- Shkabaj,Agim Gashi NTP “AGIMI COM,BAST Trade

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Pejë

Nga NS 35/10[kV] Gurakoci do të ndërprehet:

Dalja 10[kV] Zallqi (Kodi: 50052003) prej ores 11:00 deri në ora 15:00

Vendet: Fshatrat: Bllagaq, Dobrushë (një pjesë), Drejë, Zhabllaq (një pjesë), Gurakoc (një pjesë), Koshë (një pjesë), Oprashkë, Osojanë, Prekallë (një pjesë), Shalinovicë, Trubohovc, Tuqep, Zabllaq dhe Zallq.

Nga TS 110/10(20)kV Peja 2 do të ndërprehet:

Dalja 10kV Loxha (kodi: 51000008) nga ora 10:30 deri ora 15:00

Vendet: Loxha Qerhane, Loxha3, Loxha2, Graboc, Loxha1, Loxha e reja,Elezaj Raushiq, Raushiq Ademajt, Strellci I Ulët, Raushiq Xhamia, Raushiqi ri, Raushiq, Molika, Gazmend Shabanaj, Zagerma, Lubeniq, Strellci Ulët, Lufajt, Sali Likaj, Raushiq Mahalla, Likaj, Raushiq Kulla.

Arsyeja: Mirëmbajtje preventive – ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Prizren

Nga NS 110/35/10 [kV] Prizreni 1 do të ndërprehet:

Dalja 10 [kV] Rahoveci (kodi: 30000015) prej orës 10:00 deri në ora 15:00

Vendet: rrugët: 13 Liqeni i Hasit, 15 Faik Çabrati (një pjesë), 451 Hysni Morina (një pjesë), 462 Qenë Qenaj (një pjesë), Arban (një pjesë), Atmagjë (një pjesë); fshatrat: Krajk, Landovicë dhe Tupec.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Nga NS 110/35/10 kV Theranda do të nderprehet:

Dalja 10kV Shiroka (kod: 32000019)prej orës 09:00 deri në orën 11:00

Vendet: Fshati Shirokë, një pjesë e rrugës 560 Brigada 123,Sopije,Dubrave

Arsyeja: Ndërprerje emergjente,, shtrëngimi i përçuesve dhe ndërrimi i izolatorëve 10 kV. – shtimi i vajit në transformatorët 10/04.kV.

Nga NS 110/35/10 kV Theranda do të ndërprehet:

Dalja 10 [kV] Mushtishti (kodi: 32000002) prej ores 09:00 deri në ora 11:00

Vendet: Sopija I, Sopija II, Dubrava, Mushtishti, Savrova, Bukoshi, Vraniqi dhe Baqevci.

Arsyeja: Ndërprerje emergjente, shtrëngimi i përçuesve dhe ndërrimi i izolatorëve 10 kV. – shtimi i vajit në transformatorët 10/04.kV.

Ferizaj

Nga NS 35/10[kV] Ferizaj III do të ndërprehet:

Dalja 10 [kV] Gaçka (kodi: 40042002) prej orës 10:00 deri në ora 15:00

Vendet: Fshatrat: Bajnicë, Burnik, Gaçkë, Gaçkë e Epërme, Gërlicë, Gërlicë e Epërme, Greme (një pjesë), Izhancë, Koshtane, Semajë dhe Varosh (një pjesë).

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Njoftime për punime KOSTT-i

NS 110/35/10[kV] Lipjani

Nga Dalja 10[kV] Sllovia do të ndërprehen:

Këto nëstacione nga ora 10:00 deri në ora 14:00

NS 10/0.4[kV] Llugaxhi (bazenti) (Kodi:41000003098)

NS 10/0.4[kV] Smallush IV (Langët) (Kodi:41000003092)

NS 10/0.4[kV] Milazim Emrush Konjufca (Kodi:41000003099)

NS 10/0.4[kV] Marevci (Kodi:41000003096)

NS 10/0.4[kV] Pompat e ujit (Gadime) (Kodi:41000003097)

NS 10/0.4[kV] TS.Gllavicë (Kodi:41000003193)

NS 10/0.4[kV] TS.Marevc- Menderesi (Kodi:41000003194)

NS 10/0.4[kV] Marevc- Feim Shabani (Kodi:41000003243)

NS 10/0.4[kV] Gadime e Ulët (Kodi:41000003401)

NS 10/0.4[kV] Autostrada (Kodi:41000003435)

Vendet: Një pjesë e Llugagjive, një pjesë e Smallushës, Pompate Ujit Gadime, një pjesë e Gllavicës, një pjesë e Marevcit, një pjesë e Gadimes së Ulët, dhe një pjesë e Autostradës.

Arsyeja: Punime nga KOSTT-i, punimet që do të kryhen në riparimin e OPGW në LP 420/1 NS Kosova B – NS Ferizaj 2.

NS 110/35/10[kV] Lipjani

Nga Dalja 10[kV] Banullë do të ndërprehet:

NS 10/0.4[kV] TS Mareci ( Kodi: 41000012465) Prej orës 10:00 deri në ora 14:00

Vendet: Një pjesë e Marecit.

Arsyeja: Punime nga KOSTT-i, punimet që do të kryhen në riparimin e OPGW në LP 420/1 NS Kosova B – NS Ferizaj 2.

Mitrovicë

Nga NS 110/10[kV] Skenderaj do të ndërprehet:

Dalja 20 [kV] Runiku(Kodi: 74000005) prej orës 10:30 deri në ora 15:00

Vendet: Fshatrat: Bajë, Çiatk, Qubrel, Kastriot (një pjesë), Klinë e Epërme (një pjesë), Kllodernicë, Kostërc, Kotorr, Leqinë, Padalishtë, Pemishtë, Radishevë (një pjesë), Runikë, Runikë-Lagjja: Kapllan Ahmeti, Dëshmorët e Kombit, Dardania, Dautaj, Miftaraj, Lagja e Re, Misiraj, Sejdiu, Shtruhera, te Kisha dhe te Xhamija, Suhogrll dhe Vitak.

Arsyeja: Mirëmbajtje preventive- ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Gjakovë

Nga TS 110/10(20)[kV] Gjakova 2 do të ndërprehet:

LP 10kV Ekektrom – Deva (kodi: 81000003) nga ora 08:00 deri në ora 09:00

Vendet: Abdurrahim Buza, Aleksandër Moisiu, Anton Qeta, Asim Vokshi, Avni Rrustemi, Bashkim Idrizi, Dëshmorët e Lirisë, Faik Konica, Gjergj Fishta, Ilir Soba, Isa Grezda, Kongresi i Manastirit, Korab Binxhiu (një pjesë), Lidhja e Prizrenit, Mic Sokoli, Rr.Migjeni, Orize, Londra, Uashingtoni, Yjet e Erenikut dhe Ymer Prizreni.

Arsyeja: Ndërprerje emergjente, ndërrimi i vajit në TS Spitali N. Rexha (81000003050).

Gjilan

Nga NS 110/35/10[kV] Vitia do të ndërprehet:

Dalja 10 [kV] Gërmova (kodi: 61067003) prej orës 10:30 deri në ora 15:00

Vendet: Gërmovë, Goshicë, Sadovinë e Jerlive dhe Verban, Dëbelldeh, Buzovik, Binqa, Shushtë, një pjesë e Kabashit.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë

Nga Olivier Guérot

Të drejtat e grave nuk reduktohen vetëm në pranimin e luleve më 8 mars, pavarësisht nga simbolika që lidhet me të. Përkundrazi, kjo ditë është një mundësi për t’u interesuar për 364 ditët e tjera të vitit (madje sivjet 365), për të bërë një bilanc të veprimeve që mund të jenë realizuar (ose jo) për të siguruar respektimin e të drejtave të grave.

Parlamentarët francezë kanë bërë shumë më tepër sesa dhurimi i luleve: disa ditë para 8 marsit, ata vendosën të përfshijnë të drejtën e abortit në kushtetutë me një shumicë dërmuese të dyja dhomave së bashku (780 për, 72 kundër). Kjo nuk është një dhuratë, por një njohje e një aspirate legjitime të grave për të vendosur për trupin e tyre.

Franca është vendi i parë në botë që i jep mbrojtje kushtetuese ndërprerjes vullnetare të shtatzënisë. Ky është një motiv krenarie sepse, me këtë miratim pothuajse unanim, Franca tregon se është ende një ofrues i ideve të përparimit dhe lirisë dhe mund të frymëzojë edhe përtej kufijve të saj. Krenaria nuk e pengon përulësinë. Përulësi sepse Franca nuk ka qenë gjithmonë e para në njohjen e të drejtave të grave. Përulësi, para së gjithash, duke kujtuar të gjitha ato gra që për shumë vite e kanë paguar me lotët, vuajtjet, vdekjen e tyre mungesën e një mundësie ligjore për abortin. Përulësi duke kujtuar gjithmonë të gjithë ata që jetojnë në vende ku kjo e drejtë mbetet e shkelur, me ligj apo në praktikë.

Së fundi, përulësi, sepse në Francë ka ende një rrugë të gjatë për të bërë për barazinë e vërtetë midis burrave dhe grave, e cila reflektohet në fakte dhe në praktikë. Kjo luftë për barazi midis burrave dhe grave nuk është një luftë gjinore. Përkundrazi: kur duam të atakojmë liritë e një populli, gjithmonë fillojmë me sulme ndaj grave. Duke mbrojtur barazinë midis grave dhe burrave, ne po mbrojmë barazinë midis çdo qenieje njerëzore. Feminizmi është një universalizëm.

Prandaj, diplomacia franceze është një diplomaci feministe.

Çfarë do të thotë diplomaci feministe? Kjo fillon me një komponent kombëtar dhe një kërkesë të brendshme brenda ministrisë sonë për të arritur barazinë midis grave dhe burrave nëpërmjet disa masave: emërimi i mjaftueshëm i grave në detyra me përgjegjësi, ndihma e grave dhe burrave nëpërmjet mentorimit dhe trajnimit të duhur për të çliruar veten nga stereotipet që ne të gjithë, si burrat ashtu edhe gratë, shpesh jemi të brendësuar në mënyrë të pandërgjegjshme dhe të ndihmohen gratë t’i thyejnë tavanet e xhamit. Nga ana e jashtme kjo nënkupton edhe diplomaci që e bën mbrojtjen dhe promovimin e të drejtave të grave dhe vajzave një ndër prioritetet e veprimit tonë. Vitet e fundit është krijuar një rrjet referuesish lidhur me barazinë, të pranishëm në çdo post për të siguruar zbatimin e kësaj diplomacie feministe.

Në Kosovë, Ambasada e Francës rregullisht kryen aktivitete konkrete, në terren, në komuna, në shkolla. Gjithmonë në partneritet, sepse, çdoherë për hirë të përulësisë, nuk kemi mësime për të dhënë, por kemi përvoja për të ndarë. Vitin e kaluar financuam një aktivitet të OSBE-së për të ndihmuar komunat të organizohen në luftën kundër dhunës në familje dhe për të mbrojtur viktimat. Ky aktivitet ishte pjesë e zbatimit të Konventës së Stambollit, universalizimin e së cilës mbron Franca. Këtë vit ne po mbështesim një OJQ kosovare, EcoKosWomen, që të kryejë aktivitete në dy drejtime: së pari të sensibilizojë dhe të shpjegojë nëpër shkolla se çfarë janë menstruacionet dhe pse ky realitet i trupit të femrës, ndonëse është intim, nuk është tabu. Një aktivitet i realizuar me vajza të reja dhe gjithashtu djem të rinj. Më pas EcoKosWomen, sërish me mbështetjen tonë, kryen aktivitete për t’i bindur vendimmarrësit për uljen e çmimit të produkteve të higjienës menstruale dhe në veçanti për TVSH-në. Produktet e higjienës menstruale taksohen sikur të ishin një luks, edhe pse ato janë nevoja elementare. Në Francë, ne e kemi ulur këtë taksë në normën minimale. U bëj thirrje të gjithë liderëve politikë, dhe partive politike të përfaqësuara në Kuvendin e Kosovës, që menjëherë ta adresojnë këtë çështje që nuk është çështje partiake por politike: kush dëshiron t’i taksojë produktet e higjienës menstruale si produkte luksi?

Bashkimi europian bazohet në vlerat e pandashme dhe universale të dinjitetit njerëzor, lirisë, barazisë dhe solidaritetit. Duke u siguruar që gratë të vendosin vetë për trupin e tyre, duke punuar në mënyrë që trupi i tyre të mos jetë më objekt tabush, burim ndalimesh apo paragjykimesh, ne po avansojmë në Francë dhe në Kosovë drejt të njëjtit ideal. Ambasada është krenare që e përkrah Kosovën në këtë rrugë.

Ambasada ndan gjithashtu krenarinë e gjithë Francës për organizimin e Lojërave Olimpike dhe Paralimpike këtë verë, të cilat synohen gjithashtu të jenë të barabarta. E takova ekipin e Kosovës në xhudo në qendrën e tyre stërvitore në Pejë dhe më impresionoi atmosfera e seriozitetit, dhe një qetësi që shpreh siguri. Sukseset e Kosovës në këtë sport janë mahnitëse dhe gratë dhe vajzat janë në ballë të tij. Ato në masë të madhe kanë kontribuar në ngritjen e flamurit me ngjyrë të kaltër dhe të verdhë të Republikës së Kosovës duke bërë të jehojë himni i saj. Këtë verë sigurisht që do të mbështes sportistët francezë, por zemra ime do të jetë edhe me luaneshat kosovare në tatami të xhudos.

(Op-Ed i shkruar nga ambasadori i Francës në Kosovë, Olivier Guérot, me rastin e 8 Marsit – Ditës Ndërkombëtare të Gruas)

Muaji i shenjtë i Ramazanit shënohet këtë vit nën hijen e luftës në Gazë. Për këtë arsye ndjeshmëria tek besimtarët është më e madhe, në veçanti në xhaminë al-Aksa në pjesën lindore të Jerusalemit, që është vendi i tretë më i shenjtë i fesë islame.

Zakonisht gjatë Ramazanit, palestinezët myslimanë festojnë me darka festive të përbashkëta pas një dite agjërimi. Por, këtë vit ka pak atmosferë festive për festën, e cila fillon më 10 mars ndërkohë që lufta ndërmjet Izraelit dhe Hamasit po vazhdon në Gazë.

Mbi 30,000 palestinezë janë vrarë nga forcat izraelite në Gazë, sipas Ministrisë së Shëndetësisë së lidhur me Hamasin.

Sheiku Mohammed Hussein është myftiu i Jerusalemit dhe Palestinës dhe predikuesi kryesor në xhaminë al-Aksa.

Në një intervistë për Zërin e Amerikës ai thotë se ekziston një ndjenjë e përgjithshme shqetësimi në territoret palestineze dhe në mbarë botën për luftën në Gazë që po ndikon tek të gjithë palestinezët.

“Ka një shqetësim të përgjithshëm këtu dhe nëpër botë për atë që po ndodh tani ndërkohë që lufta po vazhdon në Gazë. Keni parë se si po protestohet nëpër gjithë botën duke kërkuar armëpushim. Kemi parë se si një i ri në Amerikë e dogji veten në shenjë proteste për atë që po ndodh në Rripin e Gazës. Shpresojmë për vendosjen e një armëpushimi dhe në veçanti para Ramazanit,” thotë ai.

Xhamia al-Aksa në Jerusalem konsiderohet si vendi i tretë më i shenjtë i fesë islame, pas Mekës dhe Medinës. Qindra mijëra palestinezë falen në këtë xhami gjatë Ramazanit.

Sheik Hussein thotë se lutja në al-Aksa është e rëndësishme për myslimanët gjatë Ramazanit.

“Xhamia e al-Aksës lidhet me besimin islamik. Njerëzit falen në al-Aksa sepse lutjet aty konsiderohen më me peshë se çfarëdo lutjesh të tjera. Në sytë e Zotit dukesh shumë i devotshëm dhe shpërblimi konsiderohet më me vlerë se në çfarëdo vendi tjetër,” thotë ai.

Vendi ku qëndron al-Aksa është vend i shenjtë edhe për hebrenjtë, për të cilët ai është i njohur si Mali i Tempullit dhe është vendi ku dy tempujt e parë hebrenj ishin ndërtuar dhe më vonë shkatërruar. Ky vend gjendet mbi Murin Perëndimor, vendin më të shenjtë për judaizmin.

Al-Aksa shpesh është shndërruar në arenë përplasjesh të dhunshme ndërmjet palestinezëve dhe forcave izraelite të sigurisë dhe sulmeve të palestinezëve ndaj besimtarëve hebrenj që kryejnë ritet fetare pranë Murit.

Në fakt, Hamasi e quajti sulmin e 7 tetorit kundër Izraelit, që nxiti luftën aktuale në Gazë – “Përmbytja al-Aksa”.

Ministri izraelit për Siguri Kombëtare Itamar Ben Gvir, që i takon vijës së ashpër, ka bërë thirrje për të kufizuar numrin e palestinezëve që u lejohet të hyjnë në al-Aksa gjatë Ramazanit.

Por deri më tani, ai është kundërshtuar nga drejtuesit e forcave izraelite të sigurisë, të cilët thonë se kufizimet e tilla do të provokojnë dhunë.

Izraeli nuk i lejon myslimanët e rinj të falen në al-Aksa as gjatë muajit të Ramazanit, për shkak të, siç thonë ata, shqetësimeve se do të përleshen me forcat izraelite. Policia gjithashtu njofton se po konsideron të kufizojë numrin e palestinezëve nga Bregu Perëndimor që do t’iu mundësohet hyrja në Jerusalem gjatë kësaj periudhe të tendosur.