Presidenti i ShBA-së, Joe Biden deklaroi sot se ai priste që Irani të sulmonte Izraelin “më herët se sa vonë”, duke dhënë një vlerësim pesimist edhe pse ai paralajmëroi Teheranin kundër ndërmarrjes së një veprimi të tillë.
Duke iu përgjigjur pyetjeve të gazetarëve pasi mbajti vërejtjet në një konventë të liderëve të të drejtave civile, Biden tha se këndvështrimi i tij i zymtë bazohej në raportet e inteligjencës që ai nuk kishte lirinë t’i përshkruante më tej.
I pyetur se çfarë do t’i thoshte Iranit për një sulm të mundshëm, Biden ishte i shkurtër. “Mos”, u përgjigj ai.
Izraeli po përgatitet për një sulm të drejtpërdrejtë të paprecedentë nga Irani ndaj objektivave të qeverisë që të shtunën, sipas njerëzve të njohur me vlerësimet e inteligjencës perëndimore, raporton Bloomberg.
Shefja e UNMIK-ut, Caroline Ziadeh, ka thënë se rasti i fundit i femicidit në Kosovë paraqet një rast tjetër të mjerueshëm të një jete të shuar në mënyrë të pakuptimtë.
Kjo vdekje, sipas saj, “është një humbje e pakthyeshme për familjen e gruas, por është gjithashtu një plagë për të gjithë shoqërinë”.
Ajo u kërkoi autoriteteve të sigurojnë drejtësi të shpejtë.
“UNMIK-u solidarizohet dhe do të vazhdojë të mbështesë të gjithë individët dhe organizatat që po luftojnë për t’i dhënë fund dhunës ndaj grave”, shkroi në X shefja e UNMIK-ut, Caroline Ziadeh.
Presidenti i Francës, Emmanuel Macron, ka theksuar nevojën për normalizimin e marrëdhënieve ndërmjet Kosovës dhe Serbisë.
Në një konferencë për shtyp të premten në Paris me Edi Ramën, kryeministrin e Shqipërisë, Macron tha se normalizimi i marrëdhënieve ndërmjet Kosovës dhe Serbisë është i domosdoshëm për të gjitha çështjet rajonale.
“Dua të tregoj vendosmërinë e Francës për Ballkanin Perëndimor. Kjo ka të bëjë me bashkimin e Evropës për ta bërë atë më të fortë në sfondin e agresionit rus në Ukrainë. Shqipëria ka vazhduar rrugën evropiane me vendosmëri, besim në mbështetjen tonë. Ne jemi të impresionuar nga totaliteti të reformave dhe kapacitetit për të avancuar. Dua të mirëpres zërin e fuqishëm në rajonin e Shqipërisë në skenën ndërkombëtare. Në të gjitha çështjet rajonale, normalizimi i marrëdhënieve ndërmjet Serbisë dhe Kosovës është i nevojshëm”, tha Macron.
Rama u prit me një ceremoni shtetërore nga Macron, ndërsa tha se nuk e kishte imagjinuar një mikpritje të tillë.
Pas takimit me Vuçiqin, Macron kërkoi që Kosova dhe Serbia të zbatojnë Marrëveshjen për rrugën e normalizimit, të arritur vitin e kaluar, duke theksuar se Franca do të sigurohet që çdo hap i kësaj marrëveshjeje të përmbushet.
Numri i pacientëve që kanë kërkuar trajtim në Shërbimin Emergjent të Qendrës Klinike Universitare të Kosovës gjatë tremujorit të parë të këtij viti është mbi 22 mijë e 200 pacientë, raporton Ekonomia Online.
Drejtori i Shërbimit Emergjent në QKUK, Naser Syla, në një intervistë për Ekonomia Online thotë se 1381 raste kanë qenë nga aksidentet e komunikacionit, kurse 12 raste te lëndimeve me armë zjarri dhe 17 me armë të ftohta.
“Gjatë këtij tremujorit në Qendrën Emergjente prape kemi pas numër tepër të madh të pacientëve, ka qenë shumë e frekuentuar pavarësisht prej asaj që e dimë prej vitit të kaluar ku kanë qenë mbi 92 mijë pacientë që janë trajtuar. Gjatë kësaj periudhe në Qendrën Emergjente kanë kërkuar ndihmë dhe janë trajtuar 22mijë e 219 pacientë, d.m.th prapë i bie mesatarja përmbi 270pacientë brenda 24 orëve, çka tregon se në një hapësirë prej 503 metra katror dhe me vetëm 29 shtretër dhe me një staf ku dihet që numri i mjekëve dhe specializantëve të mjekësisë emergjente është i vogël në Kosovë”, thotë Syla.
“Prej këtyre që 523 operacioneve duhet ta ceki prej numrit total të pacientëve (5801 pacientë), 1381 raste kanë qenë nga aksidente të komunikacionit kurse 12 raste te lëndimeve me armë zjarri dhe 17 me armë të ftohta, me mjete janë mjete shpuese, prerje etj, kurse 62 prej tyre kanë qenë si shkak i traumës apo rrahjes. Këto janë shifrat që hyjnë ë në kuadër të 5081 pacientëve”, thotë tutje Syla.
Sfidë, Syla e sheh ballafaqimin me familjarë të pacientëve, pasi shpesh herë stafi shëndetësor fyhet e sulmohet nga ta. Për këtë, thotë se kanë rritur edhe numrin e pjesëtarëve të sigurimit.
“Puna në mjekësinë emergjente është shumë sfiduese e tash sfidat janë të shumta. Janë edhe të aspektit fizik, emocional, psikik, edhe aspektit stresogjen. Kur flasim fizik është qasje e shumë palëve në qendrën emergjente, disa prej tyre nuk kanëqasje humane, për ata edhe e kemi edhe numrin më të lartë tësigurimit në qendrën emergjente. Shpesh kemi probleme tëaspektit të një sjelljes sulm të kuadrit përcjellës, po them për njerëzit përcjellës sepse me pacientë nuk ka ndodhur asnjë spital të ketë mospajtim apo mos koordinim, mirëpo problemin më tëmadhe e bën përcjellësi kështu që kemi x raste që stafi shëndetësor keqtrajtohet dhe fyhet në mënyrën më të keqe prej cilëve dhe stafit përcjellës”, u shpreh Syla.
Syla potencon se Qendra Emergjente ka një hapësirë prej 503 metrave katrorë, të cilën e konsideron të pamjaftueshme në krahasim me vëllimin e kërkesave për trajtim. Sa i përket furnizimit me aparatura thotë se ata qëndrojnë mirë, e që njëjtë vlerëson edhe gjendjen me sigurimin e barnave esenciale.
“Qendra Emergjente e ka një hapësirë të ngushtë edhe atëherëkur është kriju prej vitit 99’ e ka një hapësirë tejet të ngushtëdikur 503 metra katror. I kemi 20 shtretër dhe po presim me shku renovimi i Qendrës Emergjente ku do shtohet edhe për tre shtretër kapacitet por prape se prape 503 metra janë, jemi ngushtë por me veprimin e fundit te QKUK-së dhe Ministrisë sëShëndetësisë… po presim të shohim në rinovim dhe shpresojmëqë do të kryhen në afat sa më të shkurt dhe të freskohet pak, tëmarrim aparatura, shtretër dhe gjëra të reja”, u shpreh Syla.
Një studim i fundit zbulon se alergjia e qumështit prek mbi gjysmën e 1 vjeçarëve në botë dhe përbënë 40% të alergjive ushqimore për fëmijët nga një deri dy vjeç.
“Publiku i përgjithshëm duhet të jetë më i vetëdijshëm për alergjitë e qumështit. Ata mendojnë se kjo gjë nuk është serioze”, tha Dr Ruchi Gupta, profesor i pediatrisë në Shkollën Northwestern të Mjekësisë në Çikago.
Në një hulumtim kombëtar prej rreth 52 mijë familjeve amerikane ku u përfshinë më shumë se 38 mijë familje me fëmijë, studiuesit zbuluan se gati 2% e fëmijëve raportojnë simptoma të qëndrueshme të alergjisë ndaj qumështit IgE.
Simptomat e kësaj alergjie janë shtrëngimi i fytit dhe vështërsi në frymëmarrje.
Ministri i Punëve të Brendshme, Xhelal Sveçla, është shprehur i tronditur nga vrasja e 21-vjeçares dje në Ferizaj dhe me rrethanat e krimit.
Sveçla tha se përkundër përpjekjeve për ta rritur sigurinë për vajzat dhe gratë, rastet si vrasja e djeshme, sipas tij, janë thirrje për reflektim për të gjitha institucionet e për shoqërinë.
”Përgëzoj Policinë e Kosovës për reagimin e shpejtë në arrestimin e dorasit dhe do të kujdesem që të ndërmarrim gjithçka që na takon si Ministri e Punëve të Brendshme në zbardhjen e të gjitha rrethanave të rastit dhe përgjegjësisë së secilit zyrtar. Pavarësisht arrestimit të dorasit, është e domosdoshme sjellja e drejtësisë pa vonesë”, shkroi Sveçla.
Dje rreth orës 14:40 një grua 21-vjeçare është vrarë në Qendrën për Punë Sociale në Ferizaj, ndërsa i plagosur nga ish-bashkëshorti i saj ka mbetur vëllai i viktimës, 15-vjeçar.
Prokuroria Speciale e Kosovës ka njoftuar se ka ngritur aktakuzë ndaj një shtetasi të Kosovës me iniciale M.D., për shkak të dyshimit se ka kryer veprën penale “Krim kundër njerëzimit” dhe “Shkelje të rëndë të ligjeve dhe zakoneve që zbatohen në konfliktet e armatosura që nuk janë të karakterit ndërkombëtar”.
Sipas Prokurorisë Speciale, këto vepra u kryen ndaj vajzave dhe grave të komunitetit ‘’Yazzidi’’ gjatë konfliktit në Siri dhe Irak, në periudhën kohore 2014-2017.
Në njoftim thuhet se kjo çështje penale tashmë ka kaluar në kompetencë të Departamentit Special të Gjykatës Themelore në Prishtinë për procedurë të mëtutjeshme.
Pas fillimit të luftës në Siri dhe në kohën kur grupi terrorist, Shteti Islamik kishte marrë hov në Lindje të Mesme vlerësohet se disa vite me radhë, duke filluar nga viti 2011, më shumë se 350 shtetas të Kosovës udhëtuan drejt Sirisë dhe Irakut. Shumica prej tyre u rreshtuan përkrah grupit militant Shteti Islamik.
Duke marrë këtë për shkas qysh në vitin 2015, Kosova kishte miratuar ligjin i cili ndalonte pjesëmarrjen e shtetasve të Kosovës në luftëra të huaja. Bazuar në këtë ligj, shkeljet parashohin dënime deri në 15 vjet burgim për të akuzuarit.
Në prill të 2019-s, Kosova i ktheu 110 shtetas nga Siria, në mesin e të cilëve katër ish-luftëtarë të ISIS-it, 32 gra dhe 74 fëmijë, ndërsa në korrik të vitit 2021, autoritetet kanë riatdhesuar edhe 11 shtetas nga Siria.
Sipas të dhënave të Qendrës Kosovare për Studime të Sigurisë (QKSS), të publikuara në mars të vitit 2023, “shumica e të kthyerve, me të arritur në Kosovë, janë arrestuar dhe u janë nënshtruar proceseve gjyqësore kundër tyre”.
Në mbledhjen e komisionit për arsim nuk ishte asnjëri prej deputetëve të opozitës.
Ata e bojkotuan punën e këtij komisioni, ku pritej të shqyrtohej projektligji për tekste shkollore, i cili dyshohet se nuk pati votat e mjaftueshme kur u miratua në lexim të parë në Kuvend.
Të pranishëm në këtë komision ishin vetëm deputetët e pushtetit dhe ministrja e Arsimit, Arbërie Nagavci.
Pretendimet e disa deputetëve, ministrja tha se janë përgjegjësi e administratës dhe beson se do të trajtohen në mënyrën e duhur.
“Pres që të gjithë deputetët t’i japin mbështetje. Sepse është një ligj që ka qenë i munguar për disa vite. Ligji aktual ka më shumë se një dekadë në përdorim. Ka qenë i mangët dhe nuk i ka përfshirë ndryshimet që janë rezultat i kohës. Apeloj që ta mbështesin dhe reforma në arsim duhet të kemi qëllim të përbashkët”, tha Nagavci.
Pas mbledhjes, deputeti i Vetëvendosjes, njëkohësisht nënkryetari i Komisionit për Arsim, Ardian Gola, tha se janë duke e pritur përgjigjen zyrtare nga administrata e Kuvendit, për ta vërtetuar nëse ka pasur kuorum për kalimin e këtij Projektligji apo jo. Gola shtoi se nuk mund t’i ndalin procedurat, përkundër dyshimeve.
“Nëse ka diçka kontestuese ashtu si po ngrihet nga opozita, është komisioni për legjislacion, për mandate edhe për rregullore, që ka për obligim dhe mandat për me interpretu nëse është shkelë rregullorja apo jo. Ne si komision nuk guxojmë të ndalim automatizimin e kësaj procedure, por duhet të procedojmë në përputhje me obligimet që vijnë nga seancat plenare, nga përfundimet që vijnë nga kryetari që reflektojnë seancën. Nuk guxojmë të prejudikojmë kurrfarë epilogu në ankesat e ngritur, nuk jemi adresa e duhur për t’i adresuar ato. Është kabineti i kryetarit dhe administrata”, tha Gola.
Dyshime janë ngritur fillimisht nga vetë disa deputetë të Lëvizjes Vetëvendosje, e pastaj edhe nga të opozitës, të cilët thonë se në ditën kur u votua për projektligjin në fjalë, nuk ka pasur kuorum në Kuvend.
Ish-komandanti Sylejman Selimi u paraqit sërish në gjykatë, si i akuzuar për krime lufte kundër popullatës civile.
Në rastin “Drenica 1” të kthyer në rigjykim para 6 vjetësh, me të njëjtën akuzë po ballafaqohet edhe Jahir Demaku. Dyshja e UÇK-së, sipas prokurorisë speciale, kishte rrahur një person në fshatin Likoc të Skenderajt.
Dëshmia e dëshmitarit A mbi të cilën bazohet pika e vetme e aktakuzës, sipas prokurores speciale, është mjaft bindëse që të akuzuarit të shpallen fajtorë.
“Ka treguar se i njeh te akuzuarit. Dhe si i ka parë të njëjtit duke rrahur një person. Gjykata do të bindet se të njëjtit kanë kryer veprën dhe do t’i shpallë fajtor”, tha prokurorja speciale, Florije Salihu-Shamolli.
Por, avokatët mbrojtës vlerësuan se dëshmitarit nuk duhet t’i falet besimi.
“Nuk ka prova që është kryer krim. Dëshmia e dëshmitarit nuk është e besueshme. Nuk caktohet koha e kryerjes”, tha Mexhit Syla, avokat i Jahir Demakut.
“Ne vazhdim do ta shihni se dëshmia e tij është e pabazuar. Në shkresat e lëndës nuk do ta gjeni askënd që e përmend të njëjtën ngjarje për të cilën flet dëshmitari A”, tha Artan Qerkini, avokat i Sylejman Selimit.
Selimi e Demaku vendosën të mbrohen në heshtje, derisa u deklaruan të pafajshëm.
Në vazhdim, me pajtimin e palëve, trupi gjykues mori vendim që deklarata e dëshmitarit të lexohet, për të vazhduar me procedurat tjera.
Veç kësaj, prokuroria e as pala mbrojtëse, nuk propozuan dëshmi të tjera e as prova, përveç aplikimit të dëshmitarit A për statusin e veteranit luftëtar.
Në këtë drejtim, erdhi faza e fjalës përfundimtare, e cila u caktua në fund të prillit, meqë palët kërkuan kohë të përgatiten.
Sylejman Selimi si i dënuar në rastet Drenica 1 dhe 2, kishte vuajtur dënimin prej 8 vjetësh burgim. Kështu, edhe nëse shpallet fajtor, nuk do të vuajë tjetër dënim. Por, nëse shpallet i pafajshëm, do të kompensohet për një periudhë të qëndrimit në burg.
Në vitin 2018, rasti për krime lufte, ishte kthyer në rigjykim, për të filluar gjykimi tek tani në prill të 2024-tës, pasi lënda ka kaluar nga Gjykata Themelore e Mitrovicës në atë të Prishtinës.
Kadetë nga vende të ndryshme, përfshirë SHBA-në e Turqinë erdhën në Kazermën “Adem Jashari”. Ata do të jenë pjesëmarrës të “Javës Ndërkombëtare të Kadetëve” që filloi të mbahej nga kjo e premte.
Kadetët thanë se kjo është një mundësi e jashtëzakonshme për t’i zhvilluar aftësitë e tyre.
“Deri më tani, ata kanë qenë shumë mikpritës dhe ne jemi mirënjohës që jemi këtu dhe për të dëgjuar dhe mësuar nga një forcë shumë më e vogël… Për të përhapur njohuritë e mia, për bashkëpunimin e përbashkët me vende të tjera dhe… 08:12 aftësi të ndryshme, pra të mësojmë nga njëri-tjetri dhe të mësojmë secilën prej aftësive tona dhe se si mund të integrohemi dhe mbrojmë në mënyrë efektive”, tha kadeti nga forcat hapësinore të SHBA-së, Aaron Whitlock.
Për dikë ardhja në Kosovë për herë të parë ishte mjaft emocionuese.
“Është hera e parë që jam në Kosovë. Janë gjëra të ngjashme që dhe ne i bëjmë në shkollën tonë atje dhe po ndihem sikur në shtëpinë time. Ky program internacional për një javë shumë i mirë dhe kemi qejf të vazhdojmë dhe në të ardhmen”, thotë një pjesëmarrës.
U kërkua që këtë praktikë ta ndjekin edhe shtetet e tjera.
Edhe për kadetët e kazermës “Adem Jashari” kjo ishte mundësi e mirë për t’i ditur aktivitetet që kolegët e tyre nga vendet e ndryshme i bëjnë.
Kadetët do të marrin njohuri për sistemin e edukimit ushtarak, si dhe do të marrin pjesë në aktivitete të përbashkëta ku do të njoftohen edhe me kulturën e Kosovës.
