ATV

Blog

  • “Nuk ka projekt ende për Zvërnecin”, Ministrja e Ekonomisë: Jemi në fazë studimi dhe projektimi

    “Nuk ka projekt ende për Zvërnecin”, Ministrja e Ekonomisë: Jemi në fazë studimi dhe projektimi

    Ministrja e Financave dhe Ekonomisë dhe Inovacionit, Delina Ibrahimaj tha pas mbledhjes së qeverisë se ende nuk ka një projekt për zhvillimin e zonës së Zvërnecit.

    Në një deklaratë për mediat pas mbledhjes së qeverisë, Ibrahimaj u shpreh se qeveria shqiptare është ende në fazë studimi dhe projektimin dhe po punon me arkitektë të mjedisit dhe peizazhit.

    Sipas saj qëllimi i qeverisë është që ky projekt të realizohet pasi është fitimprurës dhe me impakt në turizëm.

    “Nuk ka ende një projekt për zhvillimin e zonës së Zvërnecit. Po punojmë me arkitektë të mjedisit peizazhit, jemi ende në fazë studimi dhe projektimi. Qeveria shqiptare nuk e ka një projekt final që ta ndajë me publikun. Në momentin që do na vijë një propozim, duhet të plotësojë të gjitha kushtet mjedisore. Është në qëllimet tona që projekti të miratohet të vazhdojë brenda parametrave të BE dhe të bëhet transparencë për publikun. Ne duam që një projekt i kësaj përmase financuare të vijë në Shqipëri edhe për impaktin që mund të ketë në sektorin e turizmit sipas çdo standardi.

    4 miliardë ka qenë projekti i parë që është refuzuar nga qeveria shqiptare për probleme të ndikimit të mjedisit. Arsyeja pse investitorët duan të vijnë në Zvërnec është natyra, ndaj është në interesin e tyre që natyra të mbrohet”, deklaroi Ibrahimaj./A2CNN

  • Momente tensioni në Kaliforni, surfisti arrin t’i shpëtojë peshkaqenit

    Momente tensioni në Kaliforni, surfisti arrin t’i shpëtojë peshkaqenit

    Një surfist nga Kalifornia u detyrua të ndërpriste surfin pasi një dron vuri re një peshkaqen të madh që po e rrethonte.

    Incidenti ndodhi pranë plazhit Seascape, kur fotografi Nick Bertocchini e vuri re kafshën duke notuar vazhdimisht rreth surfistit.

    Në një video të postuar në rrjete sociale, peshkaqeni shihet duke iu afruar surfistit, i cili është ulur në dërrasën e tij.

    Pasi i riu u njoftua për praninë e peshkaqenit, ai filloi të notonte shpejt drejt bregut.

    Më vonë, Bertocchini foli me surfistin, i cili i tha se kishte vite që bënte surf në zonë dhe se kishte vënë re se prania e peshkaqenëve pranë plazhit Seascape po bëhet më e shpeshtë.

    Bertocchini tha se shpesh sheh peshkaqenë kur filmon vijën bregdetare dhe ka vëzhguar shumë “takime” midis këtyre grabitqarëve dhe surfistëve profesionistë.

    Në shumicën e rasteve, tha ai, peshkaqenët duket se po eksplorojnë mjedisin e tyre dhe po ecin përpara.

  • Vidhet arka e xhamisë në Isniq të Deçanit

    Vidhet arka e xhamisë në Isniq të Deçanit

    Në fshatin Isniq të komunës së Deçanit, të enjten rreth orës 11:30 është raportuar një rast i vjedhjes së rëndë.

    Sipas ankuesit, persona të panjohur dyshohet se kanë hyrë në xhaminë e fshatit dhe kanë vjedhur arkën ku ishin të vendosura para.

    Shuma e parave të vjedhura nuk dihet.

    Rasti është raportuar tek organet e rendit dhe është duke u hetuar.

  • Publikohen këngët e papublikuara të Shpat Kasapit, Selvija emocionon me njoftimin

    Publikohen këngët e papublikuara të Shpat Kasapit, Selvija emocionon me njoftimin

    Humbja e parakohshme e këngëtarit Shpat Kasapi vazhdon të lërë gjurmë të thella në skenën muzikore dhe te publiku që e ka ndjekur ndër vite.

    Bashkëshortja e tij, Selvija, ka bërë të ditur se artisti ka lënë pas disa këngë të papublikuara, të cilat do të publikohen gradualisht për të ruajtur trashëgiminë e tij muzikore.

    Në një postim emocional në rrjetet sociale, ajo ka ndarë ndjenjat e saj të dhimbjes dhe krenarisë, duke theksuar se një nga projektet e para që do të publikohet është kënga me titull “NANA”, e cila pritet të publikohet në YouTube.

    Sipas saj, këngët mbartin mesazhe të forta emocionale dhe lidhen me tema të mallit, familjes dhe jetës në emigracion, duke reflektuar edhe ndjeshmërinë artistike të Kasapit.

    Selvija theksoi se publikimi i këtyre projekteve është një mënyrë për ta mbajtur gjallë zërin e tij dhe për t’ia sjellë publikut artin që ai nuk arriti ta ndajë gjatë jetës.

    Fansat e këngëtarit kanë reaguar me komente mbështetëse, duke shprehur emocion dhe mirënjohje për vendimin që muzika e tij të vazhdojë të publikohet edhe pas ndarjes nga jeta.

  • Moment i sikletshëm në Shtëpinë e Bardhë: Trump has vështirësi teksa dekoron heroin e luftës

    Moment i sikletshëm në Shtëpinë e Bardhë: Trump has vështirësi teksa dekoron heroin e luftës

    Presidenti i SHBA-së, Donald Trump, pati një moment të sikletshëm gjatë ceremonisë së Medaljes së Nderit në Shtëpinë e Bardhë, kur ai mezi priste ta fiksonte dekoratën më të lartë ushtarake amerikane rreth qafës së një veterani të dekoruar.

    Momenti i pazakontë dhe i komentuar gjerësisht ndodhi të enjten, më 18 qershor 2026, gjatë një ceremonie zyrtare në Sallën Lindore të Shtëpisë së Bardhë, ku Trump nderoi tre heronj nga luftërat e Vietnamit dhe Afganistanit.

    Problemi lindi kur erdhi koha për t’ia dorëzuar medaljen Majorit të pensionuar të Ushtrisë Amerikane, Nicholas Dockery, një hero i luftës në Afganistan.

    Ndërsa kamerat u afruan, Trump u përpoq për disa momente të vendoste tokëzën në shiritin e nderit rreth qafës së Major Dockery.

  • Zhduket një person në Novobërdë, Policia fillon hetimet

    Zhduket një person në Novobërdë, Policia fillon hetimet

    Në fshatin Makresh i Epërm, në komunën e Novobërdës, është raportuar një rast i personit të zhdukur.

    Sipas njoftimit, më 18.06.2026, një femër kosovare ka informuar se fqinji i saj, një mashkull kosovar, është larguar nga shtëpia në periudhën 16–18 qershor dhe që nga ajo kohë nuk dihet vendndodhja e tij.

    Rasti është raportuar tek organet kompetente dhe aktualisht po hetohet nga autoritetet përkatëse për të sqaruar rrethanat e zhdukjes së tij.

  • Votat për karriget e parlamentit: Kush janë të parët dhe të fundit e partive?

    Votat për karriget e parlamentit: Kush janë të parët dhe të fundit e partive?

    Është duke shkuar drejt finalizimit procesi i zgjedhjeve të parakohshme të 7 qershorit.

    Komisioni Qendror i Zgjedhjeve gjatë së premtes po vazhdon me rinumërimin e 9 vendvotimeve të mbetura nga 185 të tilla në tërë Kosovën.

    Por tashmë, kur dihen edhe emrat se secila nga partitë kryesore sa ulëse do të ketë në parlament, kush janë “1-shat” e partive dhe kush renditet në fund të listës që do të jenë në përbërje të legjislaturës së 11-të të Kuvendit?

    Lëvizja Vetëvendosje me 53 mandate
    I pari me vota është kreu i këtij subjekti politik, Albin Kurti, me 324 mijë e 329 vota, shkruan Klankosova.tv.

    E 53-ta në listën e LVV-së është Fjolla Ujkani, e cila është e fundit për nga votat, me 15 mijë e 115 vota.

    Partia Demokratike e Kosovës me 22 deputetë drejt Kuvendit

    Ndërkaq, në krye të listës së Partisë Demokratike të Kosovës me 22 deputetë, për sa i përket numrit të votave, është kryetari i partisë, Bedri Hamza, me 126 mijë e 942 vota, kurse e 22-ta është Ariana Shoshi Musliu, e cila ka marrë 18 mijë e 620 vota.

    Lidhja Demokratike e Kosovës me 18 ulëse

    Listën e Lidhjes Demokratike të Kosovës me 18 ulëse në Kuvend e kryeson kandidatja për presidente, Vjosa Osmani, e cila ka 92 mijë e 235 vota. Paris Guri, që është deputeti i fundit I zgjedhur nga kjo parti, ka siguruar 16 mijë e 263 vota, shkruan .

    7 anëtarë të Aleancës fituan karrige në Kuvend

    44 mijë e 782 vota i ka fituar i pari i Aleancës, Ardian Gjini, parti kjo që përfaqësohet në legjislaturën e 11-të me shtatë deputetë.

    9 mijë e 858 vota kanë shkuar për Teuta Haxhiun, e cila është deputetja e fundit e zgjedhur nga kjo parti.

  • Përleshje fizike në Prishtinë, policia jep detaje: Mbetën dy persona të lënduar

    Përleshje fizike në Prishtinë, policia jep detaje: Mbetën dy persona të lënduar

    Të enjten mbrëma u plagosën dy persona pas një përleshje në Prishtinë. Policia të premten njoftoi se dy persona ishin sulmuar fillimisht nga një i dyshuar e më vonë i dyshuari është lokalizuar dhe është parë se ishte i plagosur.

    Sipas Policisë, njëri prej viktimave dhe i dyshuari janë dërguar në QKUK, e viktima raportohet të jetë në gjendje të rëndë.

    “Dy viktimat meshkuj kosovarë, kishin pësuar lëndime si pasojë e sulmit nga i dyshuari mashkull kosovar. Pas një kohe është lokalizuar i dyshuari i cili kishte pasur një plagë në këmbë dhe është dërguar në QKUK për tretman mjekësor. Në rast dyshohet se është përdorur një armë. Njëri nga viktimat dhe i dyshuari gjenden në QKUK nën mbikëqyrje të policisë për shkak të lëndimeve dhe sipas mjekut viktima është në gjendje të rëndë shëndetësore”, thuhet në raportin e PK-së.

    Njësitë relevante të policisë kanë dalë në vendin e ngjarjes dhe është konfiskuar vetura në të cilën kishte ndodhur rasti.

    Me vendim të prokurorit të dyshuarit i është caktuar masa e ndalimit policor.

  • 34-vjeçari në Ferizaj e gjen një kuletë me para e dokumente në rrugë dhe e dorëzon në Polici, lajmërohet pronari

    34-vjeçari në Ferizaj e gjen një kuletë me para e dokumente në rrugë dhe e dorëzon në Polici, lajmërohet pronari

    Policia e Rajonit të Ferizajt ka njoftuar se dje një burrë ka gjetur një portofol me dokumente personale dhe 160 euro, të cilin e ka dorëzuar në Polici

    Në stacion është paraqitur më pas pronari i portofolit, të cilit i janë kthyer dokumentet dhe paratë.

    “Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj. Menjëherë pas gjetjes, ai e ka dorëzuar portofolin në stacionin policor në Ferizaj. Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh. Drejtoria Rajonale e Policisë në Ferizaj e falënderon publikisht qytetarin F.Abazi për veprimin e tij shembullor dhe human. Ky gjest dëshmon përgjegjësi të lartë qytetare dhe kontribuon në forcimin e besimit dhe bashkëpunimit ndërmjet policisë dhe komunitetit”, thuhet në njoftim.

  • Daka: Vendi nuk mund të shkojë në zgjedhje çdo gjashtë muaj

    Daka: Vendi nuk mund të shkojë në zgjedhje çdo gjashtë muaj

    Ish-kryetarja e Komisionit Qendror të Zgjedhjeve, Valdete Daka, ka bërë thirrje për dialog dhe kompromis ndërmjet partive politike, duke vlerësuar se vendi nuk mund të vazhdojë të mbetet në një situatë të pafundme bllokade institucionale.

    Në FIVE në TV Dukagjini, Daka tha se përgjegjësia për tejkalimin e krizës politike bie mbi partitë parlamentare, të cilat sipas saj duhet të gjejnë një gjuhë të përbashkët për formimin e institucioneve dhe për të siguruar stabilitet politik.

    Sipas Dakës, nëse nuk arrihet një marrëveshje politike, Kosova rrezikon të mbetet e bllokuar në një cikël të vazhdueshëm zgjedhjesh dhe qeverish me mandat të kufizuar.

    “Partitë politike nuk e di cila me cilën, ajo që është në pushtet dhe njëra nga paritë opozitare apo dy apo të gjitha, duhet të dialogojnë dhe të arrijnë një marrëveshje që vendi të shkojë përpara. Përndryshe do të sillemi në këtë rrethin vicioz, çdo 6 muaj do të kemi zgjedhje, ushtrues të detyrës, qeveri në detyrë. Do të kemi para që shpenzohen kot, në vend që të shpenzohen për të mirën e qytetarëve…

    Nga ajo që kemi parë por edhe nga disa deklarata të disa eksponentëve të LDK=së, shihet që kanë gatishmëri që të bëjnë një koalicion. Mirëpo megjithatë mbetet peng emri i Vjosa Osmanit. Pse shkuam në zgjedhje, ishte mu ai emër për shkak të cili shkuam në zgjedhje. Dhe se a do të ketë LDK-ja emër tjetër është çështje tjetër, meqenëse e gjithë fushata e cila është zhvilluar, sloganet të gjitha kanë qenë në drejtim që zonja Osmani ta merre mandatin e dytë si presidente. Se sa do të arrihet kjo të tejkalohet, mbetet të shohim në ditët ne vijim”, ka thënë Daka.