ATV

Blog

  • Luana Bajrami me rol kryesor në filmin e ri francez “La Dernière patiente”

    Luana Bajrami me rol kryesor në filmin e ri francez “La Dernière patiente”

    Aktorja shqiptare Luana Bajrami do të jetë një nga protagonistet e filmit të ri francez me metrazh të gjatë “La Dernière patiente”, premiera e të cilit pritet të mbahet në kinematë franceze gjatë muajit shtator.

    Krahas Bajramit, në kastin e filmit bëjnë pjesë edhe aktorët Anouk Grinberg dhe Félix Lefebvre. Filmi është realizuar me regji të Rémi Bassaler, i cili bashkë me Mario Defer ka shkruar edhe skenarin.

    Ngjarja ndjek historinë e Judith, një mjeke që ndodhet vetëm një ditë larg pensionimit. Jeta e saj merr një kthesë të papritur kur në derën e ordinancës paraqitet Aida, një grua tetë muajshe shtatzënë, e cila nuk ka qasje në kujdes shëndetësor. Përballë një sistemi shëndetësor në krizë, Judith vendos ta ndihmojë, duke nisur një natë që do të sfidojë bindjet dhe misionin e saj si mjeke.

  • 10 filmat që nuk duhen humbur gjatë korrikut

    10 filmat që nuk duhen humbur gjatë korrikut

    Muaji korrik sjell një sërë premierash dhe produksionesh të shumëpritura, duke ofruar zgjedhje për adhuruesit e zhanreve të ndryshme. Nga filmat aksion e aventurë deri te dramat dhe animacionet familjare, publiku do të ketë mundësi t’i ndjekë si në kinema, ashtu edhe në platformat e transmetimit.

    Sipas BBC-së, në mesin e 10 filmave më të rekomanduar për këtë muaj janë: “Evil Dead Burn”, “The Odyssey”, “Spider-Man: Brand New Day”, “Enola Holmes 3”, “Minions & Monsters”, “Moana”, “Gail Daughtry and the Celebrity Sex Pass”, “Remake”, “Reading Lolita in Tehran” dhe “Her Private Hell”.

    Lista përfshin rikthime të shumëpritura të disa prej ekskluziviteteve më të njohura, por edhe projekte të reja që pritet të tërheqin vëmendjen e publikut gjatë këtij muaji.

  • Filmi “Dua” i Blerta Bashollit prezantohet sonte në Festivalin FEMA në Francë

    Filmi “Dua” i Blerta Bashollit prezantohet sonte në Festivalin FEMA në Francë

    Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të shfaqet sonte në edicionin e 54-t të Festivalit FEMA në Francë.

    Shfaqja është planifikuar të nisë në orën 20:30, ku filmi do të prezantohet para publikut ndërkombëtar të festivalit. “Dua” vjen pas suksesit të arritur në Festivalin e Kanës, ku u nderua me çmimin SACD Semaine de la Critique – Cannes 2026.

    Sipas organizatorëve, pas prezantimit në festival, filmi pritet të nisë së shpejti edhe shfaqjet në kinema.

    Ngjarja zhvillohet në Kosovën e viteve ’90 dhe sjell historinë e popullit shqiptar përmes personazhit kryesor, Dua, rol i interpretuar nga aktorja Pinea Matoshi.

  • Jonid Jorgji bëhet anëtar i Akademisë Evropiane të Filmit

    Jonid Jorgji bëhet anëtar i Akademisë Evropiane të Filmit

    Kryetari i Qendrës Kombëtare të Kinematografisë në Shqipëri, Jonid Jorgji, është përzgjedhur zyrtarisht si anëtar i Akademisë Evropiane të Filmit (European Film Academy).

    Lajmi është bërë i ditur nga Qendra Kombëtare e Kinematografisë, e cila e cilësoi këtë përzgjedhje si një vlerësim të rëndësishëm për kontributin dhe angazhimin e Jorgjit në zhvillimin e sektorit audiovizual.

    Sipas QKK-së, anëtarësimi në këtë institucion prestigjioz pritet të forcojë përfaqësimin e kinematografisë shqiptare në skenën evropiane, duke krijuar mundësi të reja bashkëpunimi dhe promovimi për kineastët shqiptarë.

    Ky zhvillim vjen në një periudhë të rëndësishme për industrinë e filmit në Shqipëri, në kuadër të përpjekjeve për reformimin e sektorit dhe rritjen e prezencës së tij në arenën ndërkombëtare.

  • Tre persona të plagosur nga të shtënat me armë zjarri në Podujevë

    Tre persona të plagosur nga të shtënat me armë zjarri në Podujevë

    Tre persona kanë mbetur të plagosur nga të shtënat me armë zjarri pak minuta më parë në Podujevë.

    Lajmin e ka konfirmuar zëdhënësi i policisë për rajonin e Prishtinës, Enis Pllana i cili ka bërë të ditur se të njëjtit janë dërguar në QKUK për trajtim të nevojshëm mjekësor.

    Pllana ka bërë të ditur se njësitë policore po vijojnë me ndërrmarjen e veprimeve operative-hetimore me qëllim të sqarimit të plotë të rrethanave të ngjarjes.

    “Rreth orës 13:30, është pranuar informata për të shtëna me armë zjarri në Podujevë. Policia ka dalë menjëherë në vendin e ngjarjes dhe nga informacionet e para dyshohet se tre persona janë plagosur dhe të njëjtit janë dërguar në QKUK, për trajtimin e nevojshëm mjekësor. Aktualisht, njësitet policore po vijojnë me ndërmarrjen e veprimeve operativo- hetimore me qëllim të sqarimit të plotë të rrethanave të ngjarjes”, ka thënë ai./teve1.info/

  • Të shtëna me armë në Podujevë, dyshohet për persona të plagosur

    Të shtëna me armë në Podujevë, dyshohet për persona të plagosur

    Të shtëna me armë në Podujevë, policia në vend të ngjarjes

    Të shtëna me armë po raportohet të ketë ndodhur sot në qendër të Podujevës, ndërsa njësitet policore dhe ambulanca janë në vend të ngjarjes.

    Kaltrina Shala, zëdhënësja e Prokurorisë Themelore të Prishtinës ka bërë të ditur për Telegrafin se pas pranimit te informatës nga Policia e Kosovës, Prokurori kujdestar nga Departamenti për Krime të Renda ka dalë menjëherë në vendin e ngjarjes.

    “Lidhur me rastin ju njoftojmë se pas pranimit të informatës nga Policia e Kosovës, Prokurori kujdestar nga Departamenti për Krime të Rënda, ka dalë menjëherë në vendin e ngjarjes, me qëllim të ndërmarrjes së veprimeve hetimore për zbardhjen e rrethanave të kësaj ngjarje”, tha Shala.

    Siç tha ajo deri më tani këto informata i posedojnë: “Për më shumë informacione ju njoftojmë me kohë”.

    Ndërkaq, sipas raportimeve të para nga mediat loakle disa persona kanë mbetur të plagosur dhe janë parë të shtrirë në shesh mirëpo dyshohet edhe për të vdekur.

  • Albion Rrahmani drejt Serie A, sulmuesi kosovar shumë pranë transferimit te Venezia

    Albion Rrahmani drejt Serie A, sulmuesi kosovar shumë pranë transferimit te Venezia

    Albion Rrahmani është vetëm një hap larg aventurës së re në futbollin italian. Sulmuesi i Kosovës pritet të bëhet futbollisti më i ri i Venezias, duke i dhënë fund qëndrimit të tij te Sparta e Pragës.

    Sipas gazetarit të njohur italian Matteo Moretto, marrëveshja mes të gjitha palëve është arritur dhe transferimi tashmë konsiderohet i mbyllur. Kanë mbetur vetëm procedurat përfundimtare, me Rrahmanin që pritet t’i nënshtrohet vizitave mjekësore, përpara se të firmosë kontratën me klubin italian.

    Ky transferim do t’i japë 25-vjeçarit mundësinë të provojë veten në Serie A, një nga kampionatet më prestigjioze në Evropë, pas eksperiencave të tij në Kosovë, Rumani dhe Republikën Çeke.

    Rrahmani e ndërtoi emrin e tij te Ballkani, ku shkëlqeu nën drejtimin e trajnerit Ilir Daja, para se të transferohej te Rapidi i Bukureshtit. Performancat e mira në Rumani i siguruan më pas kalimin te Sparta e Pragës, ndërsa tani karriera e tij pritet të vazhdojë në elitën e futbollit italian.

    Gjatë karrierës, reprezentuesi i Kosovës ka veshur gjithashtu fanellat e Llapit, Bashkimit, Malishevës dhe Minatorit, duke ndërtuar gradualisht rrugën drejt një transferimi në një prej ligave më të forta në botë.

  • 4 Korriku 2026 shpallet zyrtarisht “Dita e Miqësisë Amerikane në Prishtinë”

    4 Korriku 2026 shpallet zyrtarisht “Dita e Miqësisë Amerikane në Prishtinë”

    Në ngjarjen “America and Kosovo: A Freedom Story for the Next 250 Years”, Kryetari i Kryeqytetit, Përparim Rama, shpalli zyrtarisht 4 Korrikun 2026 “Ditën e Miqësisë Amerikane në Prishtinë”,

    Me këtë, Rama tha se po riafirmon miqësinë e veçantë dhe partneritetin ndërmjet Kosovës dhe SHBA-së.

    Në të njëjtën ngjarje, Çelësi i Kryeqytetit iu nda profesorit amerikan, Daniel Serëer, ndërsa me Hyjneshën në Fron u nderuan Edward Joseph, Besa Pinchotti dhe Mario Marquez, për kontributin e tyre në forcimin e miqësisë ndërmjet Kosovës dhe Shteteve të Bashkuara të Amerikës.

    “Urime 250-vjetori i Shteteve të Bashkuara të Amerikës!”, shkroi në fund të njoftimit Komuna e Prishtinës.

  • Shifrat që surprizojnë: Sa paguhen donatorët e spermës në botë?

    Shifrat që surprizojnë: Sa paguhen donatorët e spermës në botë?

    Dhurimi i spermës është një proces që përdoret për të ndihmuar çiftet apo individët që nuk mund të kenë fëmijë natyrshëm, ndërsa për donatorët ofron edhe kompensim financiar.

    Sipas Donatesperm.com, në botë donatorët e spermës mund të përfitojnë deri në 1,400 dollarë në muaj, plus 300 dollarë shtesë për raste të suksesshme, varësisht nga frekuenca e vizitave dhe kohëzgjatja e angazhimit në program.

    Gjatë fazës së përzgjedhjes, kandidatët mund të marrin një bonus një herë pas pranimit në program, ndërsa pagesa zakonisht bëhet përmes çekut apo formave të tjera të rimbursimit.

    Donatorëve u kërkohet zakonisht të paraqiten në klinikë të paktën dy herë në javë për një periudhë minimale prej rreth gjashtë muajsh, ndërsa shuma totale e përfituar varet nga numri i dhurimeve dhe cilësia e tyre.

    Megjithatë, theksohet se për shumë donatorë, motivi kryesor mbetet ndihma për çiftet që dëshirojnë të krijojnë familje.

    Së fundi, në Kosovë ish banorja e BBVK-së, Xhuliana Nura ka ndjekur trajtim me IVF (fertilizim in vitro), duke realizuar endrrën për t’u bërë nënë vetushqyese.

  • Prattipati nderohet me fanellën e Kosovës me numrin 250 nga Federata e Futbollit

    Prattipati nderohet me fanellën e Kosovës me numrin 250 nga Federata e Futbollit

    E Ngarkuara me Punë në Ambasadën e Shteteve të Bashkuara të Amerikës në Kosovë, Anu Prattipati, është nderuar me një fanellë të ekipit kombëtar të Kosovës me numrin 250, për nder të 250-vjetorit të Pavarësisë së ShBA-së.

    Përmes një njoftimi, Ambasada amerikane në Kosovë falënderoi Federatën e Futbollit të Kosovës për këtë gjest simbolik, duke e cilësuar atë si një shprehje të miqësisë së fortë ndërmjet dy vendeve.

    “Faleminderit Federata e Futbollit të Kosovës për këtë gjest domethënës dhe për festimin e miqësisë së qëndrueshme midis dy vendeve tona”, thuhet në njoftim.