ATV

Blog

  • Arthur Hayes: Rënia e Bitcoin-it jashtë loje pasi cikli katërvjeçar ka marrë fund

    Arthur Hayes: Rënia e Bitcoin-it jashtë loje pasi cikli katërvjeçar ka marrë fund

    Bitcoin, me çmim aktual mbi 121 mijë dollarë, nuk pritet të hyjë në një treg rënës (bear market) në muajt e ardhshëm, sipas Arthur Hayes, bashkëthemelues dhe drejtor i investimeve në kompaninë Maelstrom. Ai thekson se kushtet monetare mbështetëse do të vazhdojnë, duke e bërë ciklin tradicional katërvjeçar të “halving”-ut pothuajse të parëndësishëm për ecurinë e çmimit.

    Në esenë e tij të publikuar të enjten, me titull “Rroftë Mbreti!”, Hayes argumenton se rëniet e mëparshme të Bitcoin-it në vitet 2014, 2018 dhe 2022 nuk kanë qenë rezultat i halving-ut, por pasojë e shtrëngimit monetar global. Gjatë këtyre periudhave, çmimi i Bitcoin-it kishte rënë me 70% deri në 80% nga kulmi i tregut rritës, shkruan CoinDesk.

    Edhe CoinDesk kishte shprehur një pikëpamje të ngjashme në vitin 2023, duke theksuar se cikli i katërvjeçarëve të Bitcoin-it ndikohet më shumë nga politikat monetare dhe likuiditeti në tregjet fiat, sesa nga vetë procesi i përgjysmimit të shpërblimeve të minierave.

    “Ndërsa afrohet përvjetori i katërt i këtij cikli, shumë tregtarë po përpiqen të ndjekin modelin historik për të parashikuar fundin e tregut rritës,” shkruan Hayes. Sipas tij, cikli tradicional ka përfunduar dhe rritja e madhe e likuiditetit të parasë fiat që po ndodh do të vazhdojë ta mbajë tregun në fazë bull (rritëse).

  • Drejtori i Policisë pret në takim shefin e EULEX-it, diskutojnë për sigurinë në vend

    Drejtori i Policisë pret në takim shefin e EULEX-it, diskutojnë për sigurinë në vend

    Më 9 tetor 2025, drejtori i Përgjithshëm i Policisë së Kosovës, kolonel Gazmend Hoxha, së bashku me bashkëpunëtorët e tij, priti në një takim zyrtar shefin e misionit të EULEX-it në Republikën e Kosovës, z. Giovanni Pietro Barbano.

    Sipas një njoftimi zyrtar nga Policia e Kosovës, gjatë këtij takimi u diskutua për gjendjen aktuale të sigurisë në vend, forcimin e bashkëpunimit ndërmjet dy institucioneve dhe përgatitjet policore për procesin zgjedhor.

    “Me datën 09.10.2025 drejtori i Përgjithshëm i Policisë së Kosovës kolonel Gazmend Hoxha me bashkëpunëtorë priti në një takim shefin e misionit të EULEX-it në Republikën e Kosovës z. Giovanni Pietro Barbano. Gjatë këtij takimi u diskutua rreth gjendjes aktuale të sigurisë në vend, si dhe për ngritjen e mëtejme të bashkëpunimit ndërmjet dy institucioneve, për ta pasur një ambient sa më të qetë dhe të sigurt për të gjithë qytetarët pa dallim. Ndër temat e diskutuara ishte edhe ajo për planifikimin dhe angazhimin policor në mbarëvajtjen e procesit zgjedhor, ku tanimë Policia e Kosovës veçse ka ndërmarrë të gjitha masat e nevojshme policore në aspektin e sigurisë.”

  • Kujdes Raport shqetësues: TikTok-u u rekomandon porno’grafi fëmijëve

    Kujdes Raport shqetësues: TikTok-u u rekomandon porno’grafi fëmijëve

    Një raport i ri nga organizata për të drejtat e njeriut “Global Witness” ka zbuluar se algoritmi i TikTok-ut u rekomandon përmbajtje pornografike dhe shumë të seksualizuar fëmijëve, edhe kur janë aktivizuar cilësimet e sigurisë.

    Sipas raportit të publikuar nga BBC, studiuesit krijuan llogari të rreme që imitonin përdorues 13-vjeçarë, duke vendosur data lindjeje të rreme dhe duke aktivizuar “modalitetin e kufizuar” funksion që, sipas TikTok-ut, duhet të bllokojë përmbajtje për të rritur ose me përmbajtje sugjestive.

    Megjithatë, edhe pa bërë kërkime, në seksionin “mund t’ju pëlqejë” u shfaqën terma të kërkimit seksualizues, që çonin në video të grave që simulonin akte seksuale, shfaqnin të brendshmet në publik, apo ekspozonin pjesë intime të trupit. Në disa raste, përmbajtja përfshinte pamje të hapura pornografike me seks penetrues, të fshehura mes videove të pafajshme për të shmangur sistemet e moderimit.

    “Global Witness”, që njihet për hetimet e saj mbi ndikimin e teknologjisë në demokraci, të drejtat e njeriut dhe mjedisin, tha se e zbuloi rastësisht këtë problem gjatë një studimi tjetër në prill.

    Pasi u informua për gjetjet, TikTok deklaroi se kishte ndërmarrë masa të menjëhershme për të hequr përmbajtjen e papërshtatshme dhe për të përmirësuar sistemin e sugjerimeve të kërkimit.

    Megjithatë, kur studiuesit e përsëritën eksperimentin në fund të korrikut dhe gusht të këtij viti, rezultati ishte i njëjtë aplikacioni vazhdonte të rekomandonte përmbajtje të natyrës seksuale për llogaritë e fëmijëve.

    TikTok këmbëngul se nëntë nga dhjetë videot që shkelin udhëzimet hiqen para se të shikohen, por raporti i ri ngre pyetje serioze për sigurinë e të miturve në platformë dhe efektivitetin e sistemeve të saj të kontrollit.

  • Van Basten shpërthen ndaj La Ligës: “Barcelona – Villarreal në SHBA? Një komedi e vërtetë!”

    Van Basten shpërthen ndaj La Ligës: “Barcelona – Villarreal në SHBA? Një komedi e vërtetë!”

    Legjenda e futbollit holandez, Marco van Basten, ka reaguar ashpër pas lajmeve se ndeshja ndërmjet Villarreal dhe Barcelonës do të zhvillohet në Shtetet e Bashkuara të Amerikës.

    Ish-ylli i Milanit e ka cilësuar këtë vendim si “të pakuptimtë dhe tallje me futbollin”, duke kritikuar ashpër drejtuesit e La Ligës.

    “Pse luhet Villarreal – Barcelona në SHBA? Çfarë po bëjmë këtu? Është një komedi e pastër!”, deklaroi Van Basten.
    “Është plotësisht qesharake, madje një formë mashtrimi. Për mua, kjo tregon falimentimin e plotë të La Ligës.”

    Vendimi për ta zhvilluar ndeshjen jashtë Spanjës ka shkaktuar shumë debat në botën e futbollit, me shumë figura që ndajnë mendimin e Van Bastenit, duke e parë si një tentativë për përfitime financiare në kurriz të traditës sportive.

    La Liga pritet të japë një sqarim zyrtar mbi arsyet e këtij vendimi në ditët në vijim.

  • Në hendboll – xhiroja e tretë fillon të premten e përfundon të hënën

    Në hendboll – xhiroja e tretë fillon të premten e përfundon të hënën

    Me ndeshjen Samadrexha – Ulpiana fillon xhiroja e tretë e Superligës së Kosovës në hendboll në konkurrencë të femrave.

    Kjo ndeshje zhvillohet të premten (nesër) nga ora 19:00 në palestrën “Afrim Bunjaku” në Samadrexhë.

    Të shtunën janë dy ndeshje tjera.

    Nga ora 15:00 në Junik takohen Shqiponja e Gjakovës dhe Kastrioti i Ferizaj. Nga ora 16:00 në Shtime luhet ndeshja mes Ferizajt e Prishtinës.

    Xhiroja e tretë mbyllet me ndeshjen Istogu – Besa, që në program është të hënën nga ora 19:00. Kjo ndeshje zhvillohet në palestrën “Dresha” në Banjë. /ATVLIVE.TV

  • Dyshim për El Clasicon: Joan Garcia mund të mungojë kundër Real Madridit!

    Dyshim për El Clasicon: Joan Garcia mund të mungojë kundër Real Madridit!

    Barcelona mund të përballet me një mungesë të rëndësishme në ndeshjen më të madhe të sezonit, El Clasicon ndaj Real Madridit, pasi portieri Joan Garcia është në dyshim për shkak të një problemi fizik.

    Sipas raportimeve të Mundo Deportivo, stafi mjekësor i Barcelonës po vlerëson me kujdes gjendjen e tij dhe nuk dëshiron të marrë asnjë rrezik që mund të përkeqësojë dëmtimin.

    Garcia ka treguar formë të shkëlqyer këtë sezon dhe është bërë një prej pikave më të forta të skuadrës, ndaj mungesa e tij do të ishte një goditje për blaugranat në duelin kundër rivalit historik.

    Vendimi përfundimtar pritet të merret në ditët në vijim, në varësi të ecurisë së rikuperimit.

    Të gjithë sytë tani janë te rikthimi i mundshëm i Garcia-s – a do të jetë gati për El Clasico?

  • Dolly Parton mohon thashethemet për shëndetin e saj

    Dolly Parton mohon thashethemet për shëndetin e saj

    Ylli i muzikës country, Dolly Parton, ka qetësuar fansat me një video të publikuar në rrjetet sociale, ku shkruan: “Nuk kam vdekur ende”, pas shqetësimeve që lindën nga deklaratat e motrës së saj, Freida, për gjendjen e saj shëndetësore.

    Muajin e kaluar, Dolly kishte shtyrë një sërë koncertesh në Las Vegas, duke përmendur “sfida shëndetësore”, dhe i kishte shtyrë ato për shtatorin e vitit 2026.

    “E di që shumë mendojnë se jam më e sëmurë nga ç’jam në të vërtetë. A dukem e sëmurë?” – tha ajo me humor. “Po punoj fort! Dua t’ju falënderoj për lutjet dhe kujdesin. Kam disa probleme të vogla që i kam lënë pas dore, sidomos pas sëmundjes dhe humbjes së burrit tim, Carl, por tani po i trajtoj.”

    Këngëtarja 78-vjeçare shtoi se po ndjek trajtime mjekësore në spitalin Vanderbilt, por theksoi se nuk bëhet fjalë për diçka serioze.
    “Duhej të anulonja disa angazhime për të qenë pranë mjekëve, por dua t’ju siguroj se nuk po vdes,” tha ajo duke buzëqeshur.

    Dolly reagoi edhe ndaj një fotografie të rreme të krijuar me inteligjencë artificiale, ku aktorja Reba McEntire shfaqej pranë “shtratit të saj të vdekjes”:
    “Oh Zot, na kishin bërë të dukeshim sikur ishim gati për t’u varrosur! Po të isha me të vërtetë duke vdekur, Reba do të më kishte vizituar shumë më herët,” u shpreh ajo me të qeshur.

    Në përfundim të videos, Parton mbeti besnike ndaj shpirtit të saj optimist:
    “Zoti nuk ka përfunduar ende me mua, dhe as unë nuk kam mbaruar me punën time. Ju dua që kujdeseni dhe vazhdoni të luteni për mua.”

  • Von der Leyen i mbijeton votëbesimit në Parlamentin Evropian

    Von der Leyen i mbijeton votëbesimit në Parlamentin Evropian

    Presidentja e Komisionit Evropian, Ursula von der Leyen, i ka mbijetuar me lehtësi dy mocioneve të votëbesimit në Parlamentin Evropian të enjten, pasi deputetët kundërshtuan përpjekjet e grupeve të ekstremit të djathtë dhe të majtë për ta shkarkuar atë.

    Ajo e fitoi votëbesimin e ligjvënësve të BE-së në Parlamentin me 720 ulëse. Von der Leyen e mori mbështetjen e 378 ligjvënësve në votimin e parë, si dhe të 383 të tjerëve në të dytin.

    Von der Leyen tha në një postim në X se e vlerëson thellësisht mbështetjen dhe se ekipi i saj i komisionarëve do të punojë ngushtë me Parlamentin për t’u përballur me sfidat e Evropës.

    Këto rezultatet ishin pak më të mira për shefen e ekzekutivit të BE-së sesa ato në korrik, kur 360 ligjvënës votuan kundër një mocioni të ngritur kryesisht nga deputetë të ekstremit të djathtë, pak më pak se 401 votat që mori ajo i mori për t’u rizgjedhur për një mandat të dytë në korrik 2024.

    Edhe pse mocionet e votëbesimit kishin shumë pak gjasa të arrinin shumicën prej dy të tretash të nevojshme për ta rrëzuar von der Leyenin, disa ligjvënës thanë se ato mund të nxjerrin në pah pakënaqësinë e përgjithshme ndaj udhëheqjes të saj dhe ta destabilizojnë Parlamentin e BE-së, mbështetja e të cilit është e nevojshme për miratimin e ligjeve.

    Partitë jashtë rrymave kryesore kanë kuptuar se mocionet e votëbesimit – që dikur përdoreshin rrallë – janë të lehta për t’u ngritur pas zgjedhjeve të vitit 2024, të cilat e rritën numrin e deputetëve të ekstremit të djathtë në mbi 100, ndërsa nevojiten vetëm 72 për të mbështetur një mocion të tillë.

    Të dy mocionet kritikuan von der Leyenin për pranimin e një marrëveshjeje të pabalancuar tarifash me Shtetet e Bashkuara dhe për propozimin e një marrëveshjeje tregtare me bllokun e Amerikës së Jugut, Mercosur, që kritikët thonë se kërcënon bujqit dhe mjedisin.

    Marrëveshjet me SHBA-në dhe Mercosurin do t’i nënshtrohen votimeve në Parlamentin Evropian në muajt e ardhshëm.

  • Eder Militao rrëfen momentet e errëta: “Mendova të tërhiqesha nga futbolli pas dëmtimit të dytë”

    Eder Militao rrëfen momentet e errëta: “Mendova të tërhiqesha nga futbolli pas dëmtimit të dytë”

    Mbrojtësi brazilian i Real Madridit, Éder Militao, ka ndarë një rrëfim prekës për periudhën më të vështirë të karrierës së tij, kur pësoi për herë të dytë dëmtimin e rëndë në ligamentet e gjurit (ACL).

    Në një intervistë emocionale, Militao pranoi se gjatë rikuperimit të dytë e kishte vënë seriozisht në dyshim të ardhmen e tij në futboll.

    “Me dëmtimin e dytë të gjurit, shumë gjëra më kaluan nëpër mend… madje edhe mendimi për t’u tërhequr nga futbolli,” – tregoi ai.

    Futbollisti 27-vjeçar theksoi se përballja me dy dëmtime të njëpasnjëshme të ligamentit ishte një sfidë jashtëzakonisht e vështirë, por mbështetja e familjes dhe shokëve të skuadrës e ndihmoi të mos dorëzohej.

    “Nuk është e lehtë të luftosh pas dy dëmtimeve të tilla në një kohë të shkurtër. Por falë gruas, vajzës dhe bashkëlojtarëve të mi, ja ku jam sot – gati të luaj dhe të jap maksimumin,” – shtoi Militao.

    Pas muajsh rehabilitimi të gjatë, braziliani është rikthyer në formacionin e Real Madridit, duke treguar forcë, vendosmëri dhe një histori frymëzuese për këdo që përballet me sfida në karrierë.

  • Dua Lipa shfaq shkëlqimin e saj me poza provokuese dhe këmbë të gjata

    Dua Lipa shfaq shkëlqimin e saj me poza provokuese dhe këmbë të gjata

    Ylli i pop-it ndërkombëtar, Dua Lipa, ka bërë sërish bujë në rrjetet sociale me disa fotografi mahnitëse që ndau së fundmi me ndjekësit e saj në Instagram.

    Nën mbishkrimin “Never not having fun”, artistja tregoi edhe një herë stilin e saj të guximshëm dhe energjinë që e karakterizon.

    Në imazhet e publikuara, Dua shfaqet duke shkëlqyer me një fustan të shkurtër transparent të dekoruar me rrathë metalikë shumëngjyrësh që pasqyrojnë dritën, duke i dhënë një efekt glamuroz dhe festiv veshjes.

    Fustani, i përbërë nga një rrjetë elegante me elementë të mëdhenj dekorativë, vjen i kombinuar me sandale të zeza me taka dhe vathë të mëdhenj rrethorë në ngjyrë ari, të cilët plotësojnë në mënyrë perfekte pamjen ekstravagante.

    Fotografitë, të realizuara në një ambient të brendshëm me dekor klasik, tregojnë Duan në poza spontane dhe energjike – e ulur mbi një piano, e shtrirë në divan me një gotë në dorë, dhe duke qeshur me gjithë shpirt.

    Me një makijazh natyral dhe flokë të tërhequr prapa, ajo dëshmon se ndonjëherë më pak është më shumë – edhe kur ndriçon si një yll nate.

    Ky postim u prit me entuziazëm nga fansat dhe ndjekësit e saj në Instagram, të cilët nuk ngurruan të shprehin admirim për stilin e saj. /Telegrafi/