ATV

Blog

  • Ryshfeti për pushime mjekësore: Çmimet varionin 10–50 euro, Policia jep detaje për mjekun e arrestuar dje në Vushtrri

    Ryshfeti për pushime mjekësore: Çmimet varionin 10–50 euro, Policia jep detaje për mjekun e arrestuar dje në Vushtrri

    Policia e Kosovës ka dhënë detaje lidhur me arrestimin e mjekut me inicialet A.V., i cili dyshohet për kryerjen e veprës penale “marrja e ryshfetit”.

    Sipas njoftimit të policisë, i dyshuari kishte kërkuar dhe pranuar shuma të ndryshme parash nga pacientët, në këmbim të lëshimit të raporteve për pushime mjekësore. Çmimet për këto raporte varionin nga 10 deri në 50 euro.

    “Dyshohet se i dyshuari kishte përfituar personalisht nga shërbimet e ofruara për qytetarët. Pas intervistimit, ai është dërguar në mbajtje me vendim të prokurorit,” thuhet në raportin 24-orësh të Policisë së Kosovës.

    Prokuroria Themelore në Mitrovicë ka konfirmuar gjithashtu se arrestimi u bë pas hetimeve disa mujore dhe zbatimit të masave të veçanta hetimore. Mjeku akuzohet për marrje ryshfeti për lëshimin e vërtetimeve mjekësore.

    Hetimet ndaj tij vazhdojnë.

  • Osmani takon Presidentin e Mauritanisë në Riad, bisedojnë për forcimin e marrëdhënieve bilaterale

    Osmani takon Presidentin e Mauritanisë në Riad, bisedojnë për forcimin e marrëdhënieve bilaterale

    Presidentja e Kosovës, Vjosa Osmani ka takuar në Riad homologun e saj nga shteti i Mauritanisë, Mohamed Ould Cheikh El Ghazouani.

    Osmani përmes një postimi në Facebook tha se me homologun e saj bisedoi për forcimin e marrëdhënieve bilaterale mes dy shteteve.

    “Një takim shumë i mirë në Riad me Presidentin e Mauritanisë, Mohamed Ould Cheikh El Ghazouani.Biseduam për forcimin e marrëdhënieve miqësore ndërmjet Kosovës dhe Mauritanisë, gatishmërinë për të punuar së bashku në nivel ndërkombëtar, si dhe për angazhimin tonë të ndërsjellë në thellimin e bashkëpunimit bilateral”, ka shkruar Osmani në Facebook.

  • “Keni 24 orë për t’u paraqitur në polici”, Policia tregon të vërtetën e frikshme pas e-mailit

    “Keni 24 orë për t’u paraqitur në polici”, Policia tregon të vërtetën e frikshme pas e-mailit

    Policia e Kosovës ka njoftuar opinionin publik për qarkullimin e disa e-maileve të rreme, të cilat pretendojnë të jenë dërguar nga zyrtarë të lartë të Policisë së Kosovës, si dhe nga organizata ndërkombëtare si FBI dhe INTERPOL.

    Në këto mesazhe, qytetarëve u kërkohet të paraqiten brenda 24 orësh në selinë e policisë, duke u kërcënuar me veprime të menjëhershme. Policia e Kosovës sqaron se dokumentet e përfshira në këto e-maile janë të falsifikuara dhe nuk kanë asnjë vlefshmëri zyrtare.

    “Në këto e-maile, të emërtuara ‘FTESË/ARRESTIM I MENJËHERSHËM’ dhe që pretendohet se janë lëshuar nga stafi i lartë menaxhues i PK-së, Agjencia e Sigurisë Kibernetike, FBI, Policia e Krimit Kibernetik dhe INTERPOL, qytetarëve u kërkohet të paraqiten në polici brenda 24 orësh. Policia e Kosovës thekson se këto nuk janë dokumente zyrtare dhe janë falsifikuar me qëllim të caktuar”, thuhet në njoftimin zyrtar të PK-së.

  • Katër shtetas turq arrestohen në Fushë Kosovë

    Katër shtetas turq arrestohen në Fushë Kosovë

    Policia e Kosovës ka arrestuar katër persona të dyshuar, shtetas të Turqisë, pas një aksioni të zhvilluar në Fushë Kosovë.

    Gjatë kontrollit të ushtruar në vendbanimet e tyre, njësitet policore kanë gjetur dhe sekuestruar 1482 gram substancë narkotike të llojit marihuanë, 590 euro para të gatshme, tetë telefona mobil, një automjet (furgon), një laptop, si dhe disa gjësende të tjera që lidhen me rastin.

    Sipas njoftimit të Policisë, të gjitha provat e sekuestruara janë marrë për ekzaminim, ndërsa me vendim të prokurorit kujdestar, katër të dyshuarit janë dërguar në mbajtje për procedura të mëtejshme hetimore.

    Hetimet lidhur me rastin janë ende në zhvillim./Telegrafi/

  • Si t’i ruani xhinset e errëta nga zbehja – truku i thjeshtë me një përbërës natyral

    Si t’i ruani xhinset e errëta nga zbehja – truku i thjeshtë me një përbërës natyral

    Xhinset e zeza dhe blu të errëta janë të domosdoshme në garderobë, por shpesh zbehen pas larjeve, sidomos kur janë të reja.

    Kjo ndodh sepse boja e tyre del nga materiali gjatë larjes, veçanërisht kur përdoret ujë i nxehtë, detergjent i fortë ose larje e shpeshtë. Këto gjithashtu i bëjnë xhinset të humbasin formën dhe të duken të vjetra.

    Sipas Leanna Spektor, eksperte stili dhe bashkëthemeluese e Brand House Direct, ka një mënyrë të thjeshtë për ta parandaluar zbehjen e xhinseve.

    “Mjafton një filxhan uthull e bardhë në larje dhe pak kujdes”, pohon ekspertja.

    Ja çfarë duhet të bësh:

    Shtoni një filxhan uthull të bardhë në lavatriçe;

    Lani xhinset, duke i kthyer mbrapsht;

    Përdorni ujë të ftohtë, jo të nxehtë.

    Pse funksionon?

    Uthulla është një fiksues natyral i ngjyrës – ndihmon që boja të lidhet më fort me pëlhurën dhe të mos dalë gjatë larjes;

    Gjithashtu, heq mbetjet e detergjentit që dëmtojnë ngjyrën;

    Larja e xhinseve duke i kthyer në anën tjetër dhe me ujë të ftohtë mbron ngjyrën dhe formën e xhinseve.

    Këshilla shtesë:

    Lani xhinset sa më rrallë;

    Përdorni detergjent të butë për rroba të errëta;

    Mos përdorni zbutës dhe mos i thani në tharëse – thani në ambiente për të ruajtur ngjyrën dhe formën.

  • Sot nis Forumi i Paqes në Paris, Kurti përfaqëson Kosovën

    Sot nis Forumi i Paqes në Paris, Kurti përfaqëson Kosovën

    Sot fillon Forumi i Paqes të Parisit, i cili është një ngjarje ndërkombëtare vjetore që mbahet në Paris, e krijuar për të promovuar bashkëpunimin global dhe qeverisjen shumëpalëshe përballë sfidave botërore.

    Kryeministri në detyrë i Republikës së Kosovës, Albin Kurti, ka udhëtuar dje për në kryeqytetin e Francës, ku do të marrë pjesë në Forumin e Paqes në Paris, me ftesë të Presidentit francez, Emmanuel Macron.

    Gjatë qëndrimit në Paris, krahas pjesëmarrjes në Forumin e Paqes, kryeministri Kurti do të zhvillojë takime bilaterale në margjina të Forumit.

    Ndërkaq, mbrëmë ishte i ftuar nderi në darkën e shtruar nga Qarku diplomatik i Parisit.

  • KEDS paralajmëron ndërprerje të gjata të rrymës në disa qytete të Kosovës

    KEDS paralajmëron ndërprerje të gjata të rrymës në disa qytete të Kosovës

    KEDS ka njoftuar se të mërkurën, më 29 tetor, do të realizohen disa ndërprerje të planifikuara të energjisë elektrike në rajone të ndryshme të Kosovës, për shkak të punimeve të domosdoshme për sigurinë e sistemit si dhe projekteve investive në rrjetin elektrik. Ndërprerjet do të prekin zona të Prishtinës, Pejës, Ferizajt, Mitrovicës dhe Gjakovës, me kohëzgjatje të ndryshme, varësisht nga natyra e punimeve që do të kryhen.

    Më poshtë gjeni orarin e detajuar të ndërprerjeve sipas rajoneve:

    Prishtinë
    Punime të domosdoshme për siguri të sistemit

    Nga TS 35/10[kV] Mazgiti
    Koha: 08:00 – 10:00
    Vendet: Nici Petroll, Te Bazeni-Halim Thaqi, Amazona, fshati Stanovc i Ulët, Lumi i Madh (banesat), Stanovc i Epërm, Bujaria B.M, Bakshi, fshati Prugovc, Milloshevë te shkolla, Hamdi Aliu Qendra rekreative sportive afariste dhe “Barileva” Sh.P.K.
    Arsyeja: Ndërprerje për siguri, punimi i kokave në trafostacion.

    Punime në projekte investive

    Nga TS 110/10(20)[kV] Prishtina 7
    Koha: 09:00 – 20:00
    Dalja 10[kV] Grand Store
    Vendet: Grand Store, Fjolla-Kavaja, Çagllavica 1, Bajram Krasniqi L. Janina, Lagja Marigona 1, Servisi i Gorenjes, Lagjja Qëndresa 1 dhe 2, Lagjja NICI-Veterniku, Lagjja “Katër Dardhat”, Veterniku, AL TRADE Sh.P.K.
    Arsyeja: Konvertimi i daljes nga 10kV në 20kV.

    Dalja 10[kV] Fabrika e Kasetave
    Koha: 09:00 – 20:00
    Vendet: Fabrika e Kasetave, Hajvali Vorret dhe Busia Petroll.
    Arsyeja: Konvertimi i daljes nga 10kV në 20kV.

    Pejë
    Punime të domosdoshme për siguri të sistemit

    Nga TS 110/10(20)[kV] Peja 2
    Koha: 10:00 – 15:30
    Vendet: Loxha, Graboc, Raushiq, Strellc i Ulët, Lubeniq, Zagerma e zona përreth.
    Arsyeja: Intervenim për eliminimin e defekteve të evidentuara nga inspektimi me dron.

    Nga NS 35/10kV Peja II
    Koha: 07:30 – 10:30
    Vendet: rr. Ali Pashë Tepelena, Avdyl Frashëri, Dr. Nuredin Çeku, Eqrem Çabej, Gjergj Fishta, Halil Turku, Isa Boletini, Maria Shllaku, Rifat Burxheviq dhe Shaban Spahija.
    Arsyeja: Punime në lidhësen kabllovike për siguri të sistemit.

    Ferizaj
    Punime në projekte investive

    Nga TS 110/35/10[kV] Lipjani
    Koha: 09:00 – 17:00
    Vendet: Dobratin, Gushtericë e Poshtme, Livagjë, Sllovi, Smallushë, Çollapek dhe Gllavicë.
    Arsyeja: Ngritja e shtyllave në rrjetin e tensionit të mesëm.

    Nga TS 35/10[kV] Ferizaj II
    Koha: 09:00 – 18:00
    Vendet: rr. Vëllezërit Gërvalla, rr. Emin Duraku, rr. Gëzim Sahiti, rr. e Reçakut, rr. Sali Çeku, rr. Cen Dugolli dhe rr. Ahmet Kaçiku.
    Arsyeja: Konvertimi i daljeve në 20kV dhe ndërrimi i transformatorit tek TS Vizioni Sh.P.K.

    Nga TS 110/35/10[kV] Ferizaj 1
    Koha: 09:00 – 18:00
    Daljet: “Rexhep Bislimi 2” dhe “Vëllezërit Gërvalla 1”
    Vendet: Lagjet Astrit Bytyqi, Halim Spahia, 28 Nëntori, Haki Braha, Talinovci dhe Lagjja e Re.
    Arsyeja: Projekte investive dhe ndërrim i pajisjeve në trafostacione.

    Mitrovicë
    Punime në projekte investive

    Nga TS 110/10[kV] Mitrovica 2
    Koha: 09:00 – 17:00
    Vendet: Fshati Vinarc.
    Arsyeja: Punime në projektin “Vinarc Kullë -1 Lahovitë”.
    (Ndërprerjet do të jenë të herëpashershme gjatë këtij intervali)

    Punime nga pala e tretë

    Nga TS 110/10(20)[kV] Vushtrria 2
    Koha: 09:00 – 13:00
    Vendet: rr. Dëshmorët e Kombit.
    Arsyeja: Ndërrimi i transformatorit sipas projektit të miratuar.

    Gjakovë
    Punime të domosdoshme për siguri të sistemit

    Nga TS 110/10(20)[kV] Gjakova 2
    Koha: 10:30 – 15:30
    Vendet: Bistrazhin, Damjan, Dol, Fshaj, Gërqinë, Kusar, Lipovec, Marmull, Marash, Pjetërshan, Raç, Ramamat, Rrezin dhe Smaq.
    Arsyeja: Eliminimi i vërejtjeve sipas projektit të sigurisë M.25.07.026.

    Dalja 10[kV] Ura e Terzive
    Koha: 11:30 – 15:30
    Vendet: Damjan, Fshaj, Kushavec, Muhadër, Pnish, Rogovë, Smaq dhe Ujz.
    Arsyeja: Ndërrimi i transformatorëve matës rrymor 10kV.

    Punime në projekte investive

    Nga TS 35/10[kV] Gjakova I
    Koha: 09:00 – 17:00
    Vendet: rr. Lekë Dukagjini.
    Arsyeja: Kyçja e konsumatorëve ekzistues në rrjetin e ri.

    🟡 KEDS kërkon mirëkuptimin e qytetarëve për këto ndërprerje të përkohshme, duke theksuar se punimet janë të nevojshme për përmirësimin e cilësisë dhe sigurisë së furnizimit me energji elektrike në tërë vendin.

  • Fëmijët nuk duhet t’i bëjnë detyrat me prindërit, sipas psikologëve

    Fëmijët nuk duhet t’i bëjnë detyrat me prindërit, sipas psikologëve

    Shumë prindër besojnë se nëse nuk e kontrollojnë procesin e kryerjes së detyrave të shtëpisë, fëmija i tyre nuk do të mësojë mirë, por hulumtuesit nga Universiteti i Teksasit në Austin dhe Duke u provuan të kundërtën.

    Ata kanë mbledhur të dhëna për mënyrën se si përfshirja e prindërve në procesin e mësimdhënies ndikon në notat dhe zbuloi se asistenca e prindërve është e padobishme dhe ndikon negativisht në rezultatet e provimeve të mëpasshme.

    Ja përse një fëmijë (dhe jo prindërit e tij) duhet të jetë përgjegjës për detyrat e shtëpisë:

    1. Fëmija humbet motivimin për të mësuar

    Sipas rezultateve të këtij hulumtimi, sa më shumë që prindërit janë të përfshirë në procesin e kryerjes së detyrave të shtëpisë me fëmijët e tyre, aq më pak fëmija do të dëshirojë të mësojë.

    Fëmijët, prindërit e të cilëve ulen pranë tyre dhe u tregojnë se çfarë të bëjnë, duke kontrolluar çdo hap dhe madje duke bërë detyrat e shtëpisë për ta, kanë motivim më të ulët. Megjithatë, nxënësit, prindërit e të cilëve nuk u ushtrojnë presion për të mësuar kanë një dëshirë më të madhe për të mësuar diçka të re.

    Si prind, përpiquni të lironi frenat dhe të ndihmoni vetëm nëse fëmija juaj ua kërkon vetë. Në këtë rast, ju duhet t’i shpjegoni fëmijës atë që ai nuk e kuptoi, por ju nuk duhet të bëni detyrat për ta.

    2. Ata nuk mësojnë të jenë të përgjegjshëm!

    Duke bërë që fëmija juaj të bëjë detyrat e shtëpisë, duke kontrolluar procesin dhe duke i ndëshkuar për gabmet, ju merrni përgjegjësinë e tyre për të studiuar, që do të thotë që e largoni atë nga fëmija juaj.

    Prandaj, për sa kohë që ju jeni atje duke e kontrolluar, fëmija nuk do të marrë përgjegjësinë. Sipas psikologëve, duke marrë përgjegjësitë e fëmijës prindi, nuk u bën atyre asnjë favor, sepse kjo mund të ndikojë në perceptimin e tyre për gjërat në jetën e tyre si të rritur.

    Dënimi dhe lavdërimet duhet të jenë prezentë në mënyrë që një person të dijë se çfarë të zgjedhë. Le të ndodhin gabimet.

    Aftësia për të qenë përgjegjës për veprimet dhe për të shpërndarë në mënyrë të përshtatshme vëmendjen dhe kohën në të ardhmen është më e rëndësishme sesa aftësia për të kryer gjithmonë saktë detyrat.

    3. Marrëdhënia midis prindërve dhe fëmijës dëmtohet

    Në vend që të kontrolloni çdo detyrë, psikologët rekomandojnë ndërtimin e një marrëdhënie besimi me fëmijën tuaj dhe shpenzimin e më shumë kohe së bashku. Lexojini fëmijës me zë të lartë, diskutoni gjërat që po ndodhin në shkencë dhe në botë dhe gjeni gjëra të reja interesante për të bërë së bashku.

    Nëse nuk jeni të gatshëm të pranoni asnjë notë tjetër përveç 10-ës, pyesni veten pse e keni këtë fiksim. Fëmijët nuk ndihen të dashur në një familje ku një notë e keqe mund të ndryshojë plotësisht mënyrën se si trajtohen.

    Psikologët thonë se studimi është detyra personale e secilit fëmijë, ndërsa detyra personale e prindërve është ta duan pafundësisht fëmijën e tyre. Dashuria është më e rëndësishme se notat, apo jo?

  • Kurti nga Parisi: Diskutim me institutin francez për gjeopolitikën dhe të drejtat e pakicave

    Kurti nga Parisi: Diskutim me institutin francez për gjeopolitikën dhe të drejtat e pakicave

    Kryeministri në detyrë i Kosovës, Albin Kurti, ka bërë të ditur se ka zhvilluar një takim me Institutin Jacques Delors, një institut me qendër në Paris, i themeluar nga një prej arkitektëve më të mëdhenj të Bashkimit Evropian.

    “Në takim u diskutua për gjeopolitikën dhe ndikimin e saj në Ballkanin Perëndimor,” ka shkruar Kurti në “X” të martën.

    Ai ka theksuar se ka shfrytëzuar rastin për të nxjerrë në pah nevojën për një qasje vendimtare dhe të bazuar në meritë në procesin e zgjerimit të BE-së, si një çelës për sigurinë evropiane përballë rreziqeve aktuale gjeopolitike.

    Sipas Kurtit, gjatë takimit u diskutuan gjithashtu investimet e Kosovës në mbrojtje, mbrojtja kushtetuese dhe praktike e të drejtave të njeriut dhe të pakicave, si dhe lidhja e pandashme midis axhendave ekonomike dhe parimeve demokratike.

    “Ishte kënaqësi të takohesha me Institutin Jacques Delors, një organizatë e nderuar me seli në Paris, e themeluar nga emri i saj, një nga arkitektët më të mëdhenj të BE-së, për një diskutim mbi gjeopolitikën dhe ndikimin e saj në Ballkanin Perëndimor. Shfrytëzova rastin për të theksuar nevojën për një qasje vendimtare dhe të bazuar në meritë ndaj zgjerimit nga BE-ja, si një çelës për sigurinë evropiane përballë rreziqeve aktuale gjeopolitike. Diskutuam gjithashtu investimet në mbrojtje të Kosovës, mbrojtjen kushtetuese dhe praktike të të drejtave të njeriut dhe të pakicave, si dhe lidhjen e pandashme midis axhendave ekonomike dhe parimeve demokratike”, ka shkruar Kurti.

  • Pas mjegullës dhe ftohtit të mëngjesit, ja sa do të shkojnë temperaturat sot

    Pas mjegullës dhe ftohtit të mëngjesit, ja sa do të shkojnë temperaturat sot

    Sot në Kosovë pritet të mbajë mot kryesisht me diell dhe i ngrohtë gjatë orëve të mesditës, ndërsa mëngjesi do të jetë i ftohtë, me mundësi për mjegull në disa lugina. Sipas parashikimeve, mjegulla do të shpërndahet menjëherë pas orëve të para të paradites.

    Temperaturat pritet të luhaten nga 1 gradë Celsius në mëngjes, deri në 18 gradë Celsius në orët e ditës.

    Edhe në Shqipëri, Maqedoninë e Veriut, Luginën e Preshevës dhe Mal të Zi, e mërkura do të karakterizohet nga mot stabil me ndikim anticiklonik. Mëngjeset në disa zona do të jenë të ftohta, me mundësi për ngrica, mjegull dhe brymë, ndërsa gjatë ditës parashikohet rritje e ndjeshme e temperaturave.

    Stabiliteti atmosferik do të vazhdojë edhe në ditët në vijim. Nga e enjtja e deri në fundjavë, moti do të mbetet kryesisht me diell dhe me vranësira të pakta lokale. Në mëngjese dhe gjatë natës mund të ketë mjegull të lehtë, e cila nuk do të zgjasë shumë.

    Në përgjithësi, pjesa e dytë e javës do të karakterizohet nga ditë të ngrohta dhe me diell.