Blog

Ditën e sotme Izraeli ka kthyer trupat e 15 palestinezëve në Rripin e Gazës.

Kështu u tha nga zyrtarë të spitalit në territorin palestinez.

Ky veprim u bë një ditë pasi militantët palestinezë i dorëzuan Izraelit trupin e një pengu, sipas marrëveshjes së armëpushimit të brishtë që është në fuqi pas dy vitesh lufte, raporton AP.

Marrëveshja ishte kështu, Izraeli kthen trupat e 15 palestinezëve për çdo peng izraelit që i dorëzohet.

Spitali “Nasser” në qytetin Khan Younis konfirmoi se 15 trupat e pajetë u sollën atje.

Ky kthim ndodhi pak pasi Izraeli konfirmoi se mbetjet e marra të premten në mbrëmje i përkisnin një izraeliti që kishte vdekur duke luftuar kundër Hamasit gjatë sulmit të 7 tetorit 2023,  sulm që shënoi edhe fillimin e luftës.

Zyra e kryeministrit Benjamin Netanyahu njoftoi se trupi ishte i Lior Rudaeffit.

Që prej hyrjes në fuqi të armëpushimit më 10 tetor, militantët palestinezë kanë kthyer trupat e 23 pengjeve, përfshirë edhe atë të Rudaeffit, ndërsa pesë trupa të tjerë mbeten ende në Gazë.

Duke përfshirë edhe trupat e kthyer të shtunën, Izraeli ka dorëzuar gjithsej trupat e 300 palestinezëve.

Zyrtarët e shëndetësisë në Gazë kanë hasur vështirësi në identifikimin e tyre për shkak të mungesës së pajisjeve për analiza ADN-je dhe deri më tani kanë arritur të identifikojnë vetëm 89 prej tyre, sipas Ministrisë së Shëndetësisë së Gazës.

Bisedimet e paqes në Stamboll mes Pakistanit dhe sundimtarëve islamistë talibanë të linjës së ashpër në Afganistan kanë përfunduar pa marrëveshje, por armëpushimi mes dy shteteve fqinje do të vazhdojë të jetë në fuqi.

Zëdhënësi i talibanëve, Zabihullah Mujahid, fajësoi Pakistanin për kolapsimin e bisedimeve, duke thënë se delegacioni i Islamabadit kishte “sjellje të papërgjegjshme dhe kishte mungesë të bashkëpunimit”.

Përmes një postimi në X, Mujahid e akuzoi Pakistanin se “nuk shfaqi gatishmëri për të marrë ndonjë përgjegjësi për sigurinë e Afganistanit, apo edhe të veten”.

Ai shtoi se armëpushimi “deri më tani nuk është shkelur nga ne dhe ai do të vazhdohet që të respektohet”.

Disa runde bisedimesh të ndërmjetësuara nga Turqia dhe Katari janë mbajtur në Stamboll që nga muaji i kaluar. Rundi i fundit u mbajt më 6-7 nëntor dhe u udhëhoq nga Abdul Haq Wasiq, shefi i inteligjencës të talibanëve dhe nga gjenerallejtënant, Asim Malik, kreu i Shërbimit të Inteligjencës të Pakistanit.

Më herët, zyrtarët pakistanezë, përfshirë ministri e mbrojtjes, Khawaja Asif, thanë se dështuan bisedimet në Stamboll, duke shtuar se nuk ka plane për negociata të tjera.

Asif tparalajmëroi se nëse territori i Afganistanit përdoret për të sulmuar Pakistanin, armëpushimi do të përfundojë.

Ai paraprakisht kishte paralajmëruar se dështimi për të arritur një marrëveshje do të çonte në një “luftë të hapur”.

Rundi i fundit i bisedimeve në Stamboll u përball me probleme që në fillim. Për shembull, kur nisën bisedimet pati këmbim zjarri më 6 nëntor në Spin Boldak mes ushtarëve talibanë dhe forcave pakistaneze.

Edhe pse të dyja palët akuzuan njëra-tjetrën për inicimin e zjarrit, sipas raportimeve lokale, civilët e pësuan rëndë gjatë këtij incidenti. Të paktën pesë civilë, përfshirë katër gra, u vranë dhe gjashtë të tjerë u plagosën.

Ndërkaq, gjatë përleshjeve të tetorit mes Pakistait dhe talibanëve u vranë të paktën 50 civilë afganë dhe 450 të tjerë u plagosën. Luftimet u ndalën pas ndërmjetësimit të Turqisë dhe Katarit dhe palët arritën një armëpushim.

Pakistani po ashtu ka konfirmuar se gjatë përleshjeve janë vrarë të paktën 23 ushtarë të tij dhe janë plagosur 29 të tjerë.

Dhuna erdhi pas shpërthimeve në Kabul më 9 nëntor, për të cilat autoritetet talibane fajësuan Pakistanin.

Dikur aleatë të ngushtë, që ndajnë një kufi prej 2.600 kilometrash, të dyja palët përkeqësuan raportet pas pretendimeve të Islamabadit se Afganistani strehon grupe militante, përfshirë Tehrik‑e Taliban Pakistan (TTP). Pakistani pretendon se autoritetet talibane po lejojnë TTP-në që të përdorë territorin afganë për t’u trajnuar dhe si qendër logjistike për sulme brenda Pakistanit. Qeveria talibane mohon këto pretendime./REL/

Ish-banorja e Big Brother VIP Kosova, Vesa Vllasaliu, shumë shpesh është përfolur për jetën e saj private.

E kohën e fundit poshtë e lartë kanë qarkulluar informacione se e njëjta është në një lidhje romantike me futbollistin Mirlind Daku.

Një veprim i fundit i Vllasaliut ka zyrtarizuar gjithçka.

Vesa shihet teksa i uron ditëlindjen një vajze të vogël, por ajo që mori vëmendjen e ndjekësve ishte prania e Mirlind Dakut në foto, ku ai shihet duke mbajtur në krahë vogëlushen.

Një gjë e tillë është interpretuar si konfirmimi zyrtar i lidhjes së tyre, pasi është hera e parë që Vesa e ndan një imazh ku Daku shfaqet hapur në profilin e saj.

Një operacion i gjerë kërkim-shpëtimi është duke u zhvilluar sot në fshatin Bresalc të Komunës së Gjilanit, pas raportimit për një person të zhdukur.

Sipas njoftimit nga Shoqata e Kosovës për Kërkim-Shpëtim (SHKKSH), në terren janë angazhuar ekipet profesionale të saj, ndërsa përfshirë është edhe njësia e dronave, e cila po mbështet kërkimet nga ajri për të mbuluar sa më shumë zonë në mënyrë sa më efektive.

“Operacioni po vazhdon me përkushtim të plotë, dhe ne falënderojmë të gjithë vullnetarët që po kontribuojnë në këtë mision human dhe profesional,” thuhet në njoftimin e SHKKSH-së.

Operacioni po vijon, ndërsa autoritetet dhe vullnetarët mbeten në terren deri në gjetjen e personit të zhdukur.

Ekipet e Shoqatës së Kosovës për Kërkim-Shpëtim (SHKKSH) janë angazhuar sot në një operacion kërkimi në fshatin Bresalc, Komuna e Gjilanit, pas raportimit për një person të zhdukur.

Kështu bëhet e ditur në postimin e tyre në Facebook.

“Në terren po punon edhe njësia jonë e dronave, duke mbështetur kërkimet nga ajri për të mbuluar sa më shumë terren në mënyrë efektive.

Operacioni po vazhdon me përkushtim të plotë, dhe ne falënderojmë të gjithë vullnetarët që po kontribuojnë në këtë mision human dhe profesional”, thuhet në postim. /Telegrafi/