ATV

Blog

  • Donart Hasanaj “Ylli I Javës”i xhiros së 15-të në Albi Mall Superligë

    Donart Hasanaj “Ylli I Javës”i xhiros së 15-të në Albi Mall Superligë

    Donart Hasanaj është shpallur “Ylli i Javës”për xhiron e 15-të të Albi Mall Superligë.

    Hasanaj ishte lojtari kryesor në fitoren e Prishtinës së Re kundër Prishtinës,ku shënoi një gol dhe asistoi në tjetrën.

    Përndryshe Hasanaj pasi mori këtë çmim Hasanaj u shpreh mjaft i lumtur,dhe thotë se ndaj Prishtinës kanë bërë një lojë të mirë.

    “Kemi pasur një ndeshje shumë të vështirë kundër FC Prishtina, të cilët kryesojnë tabelën, por edhe ne e kemi përgatitur ndeshjen kundër tyre shumë mirë. Është e vërtetë që kemi pasur shumë ndryshime, duke na u ndërruar në 15 xhiro tre trajnerë, por atmosfera momentale është shumë e mirë në skuadër.Si në aspektin individual, ashtu edhe në atë ekipor, kemi luajtur shumë mirë dhe e shfrytëzoj rastin t’i falënderoj bashkëlojtarët për kontributin, që unë ta marr këtë çmim sot”

    Kujtojmë që Prishtina e Re ka 12 pikë në pozitën e fundit pas 15 xhirove në Albi Mall Superligë.

  • Arrestohet vushtrriasi për dy raste të vjedhjeve të naftës

    Arrestohet vushtrriasi për dy raste të vjedhjeve të naftës

    Policia e ka arrestuar një person për veprën penale “Vjedhje” në qytetin e Vushtrrisë, të hënën.

    Në njoftimin e lëshuar për media thuhet se nga provat dhe informacionet e siguruara gjatë hetimit, dyshohet se i dyshuari gjatë muajit nëntor, në intervale të ndryshme kohore, “në dy raste ka kryer vjedhje të sasisë së naftës, ku i dyshuari kishte vjedhur naftë nga gjeneratori i ankuesit”.

    I dyshuari është shoqëruar në stacion policor dhe pas intervistimit, me aktvendim të prokurorit kompetent, ndaj tij është caktuar masa e ndalimit policor për 48 orë.

  • Trafiku Urban: Në momentin që alokohen paratë ne dalim në punë, u kërkojmë falje qytetarëve

    Trafiku Urban: Në momentin që alokohen paratë ne dalim në punë, u kërkojmë falje qytetarëve

    Ka vazhduar edhe sot protesta e punëtorëve të “Trafikut Urban” si dhe operatorëve privatë në kryeqytet.

    Kryetari i Sindikatës së “Trafikut Urban”, Ilmi Gashi ka thënë se s’ka qarkullim të autobusëve në Prishtinë pa u alokuar paratë.

    Sipas tij, Komuna i detyrohet “Trafikut Urban” 2.4 milionë euro. Ai gjithashtu i kërkoi falje qytetarëve për situatën e krijuar, por që siç tha kjo zgjedhje u është imponuar.

    “Protesta vazhdon dhe sot edhe tutje deri në alokimin e mjeteve borxh që detyrohet Komuna të lshyjë borxhet ndaj ‘Trafikut urban’ dhe operatorëve privatë. Deri në këto momente, vendimi që është marrë ditën e enjte për bartjen e të hyrave vetjake për vitin 2024 në vitin 2025 që arrin vlera e asaj shume 28 milionë është dërguar nga Komuna te Ministria e Financave. Po presim nga Ministria e Financave për të kthyer këtë vendim me pozitivitet për ne gjë që i alokon ato mjete që është ai vendim. Komuna i detyrohet Trafikut Urban 2.4 milionë borxh. Shpresojmë që sot ose nesër mos po reflektojnë. Në momentin që alokohen paratë ne dalim në punë, gjysmë ore na duhet kohë për tu kthyer në normalitet. Sa të realizohet bartja ne fillojmë punën. Qytetarëve u kërkojmë falje. S’është bërë kjo me dashjen tonë, na është imponuar”, tha ai.

  • Propozohet shkarkimi i kryesuesit dhe kërkohet që Agron Qalaj ta lëshojë mbledhjen e KPK-së

    Propozohet shkarkimi i kryesuesit dhe kërkohet që Agron Qalaj ta lëshojë mbledhjen e KPK-së

    Në mbledhjen e Këshillit Prokurorial të Kosovës (KPK), anëtari Visar Krasniqi ka propozuar të shkarkohet nga pozita kryesuesi Ardian Hajdaraj dhe më pas kanë lëshuar sallën bashkë me Veton Shabanin.

    Siç raporton Betimi për Drejtësi, Krasniqi ka kërkuar edhe nga Agron Qalaj, i caktuar tash U.D. i kryeprokurorit të Shtetit, që ta lirojë takimin e Këshillit, me arsyetimin se është person i paautorizuar të qëndrojë në këtë takim.

    “Propozimi im është shkarkimi yt nga pozita e anëtarit të Këshillit dhe automatikisht bie edhe prej kryesuesit. Meqenëse jemi bë hajgarexhi në takime të Këshillit, po bëjmë propozime qysh na teket, qysh na vijnë ndër mend”, tha Krasniqi.

    Kujtojmë se Qalaj u caktua në këtë pozitë, pas shkarkimit të Besim Kelmendit, vendim ky që u quajt i paligjshëm dhe ndaj tij pati reagim nga ambasada amerikane.

  • SHBA-ja dhe Siria shkatërrojnë depot e armëve të ISIS

    SHBA-ja dhe Siria shkatërrojnë depot e armëve të ISIS

    Ushtria amerikane njoftoi të dielën, 30 nëntor, se së fundmi ka shkatërruar 15 vende ku ndodheshin depot me armë të ISIS‑it në jug të Sirisë.

    Komanda Qendrore Amerikane (CENTOM) njoftoi se, në bashkëpunim me forcat siriane, identifikuan dhe asgjësuan këto depo përgjatë provincës Rif Dimashq gjatë disa sulmeve ajrore e shpërthimeve në tokë që u zhvilluan mes datave 24 dhe 27 nëntor.

    Sipas deklaratës zyrtare, operacioni çoi në shkatërrimin e më shumë se 130 mortajave (armë që lëshojnë predha) dhe raketave, si dhe armë zjarri automatike, mitralozë, mina kundërtank dhe materiale për ndërtimin e bombave. Gjithashtu, janë gjetur dhe shkatërruar sasi të lëndëve narkotike.

    Komandanti i CENTCOM‑it, admirali Brad Cooper, tha se ky “operacion i suksesshëm siguron që lufta kundër ISIS‑it të jetë e qëndrueshme”, duke mos i lejuar grupit asnjë hapësirë për të “rilindur”, me sulme terroriste qoftë në Shtetet e Bashkuara apo vende të tjera.

    Sipas raportimeve, ndërsa ISIS në të kaluarën kontrollonte territore të mëdha në Siri dhe Irak, pas humbjeve të mëdha ushtarake të koalicionit të udhëhequr nga SHBA‑të, tani grupi është shpërndarë në celula të vogla.

    Megjithatë, mbetet rreziku i ripërtëritjes së aktiviteteve të tij dhe ky sulm i përbashkët synon ta pengojë këtë.

  • Luigi Mangione rishfaqet në gjykatë për një dëgjim paraprak në New York

    Luigi Mangione rishfaqet në gjykatë për një dëgjim paraprak në New York

    Pasi u akuzua për vrasjen e ish-drejtorit të “UnitedHealthcare”, Brian Thompson, Luigi Mangione është kthyer në gjykatë të hënën për një dëgjim paraprak, pra një hap i ri në rastin shtetëror që përfshin edhe akuza federale. 

    Zyra e prokurorisë pritet të përpiqet që të sigurojë që prova kryesore mes tyre ,një armë dhe shënime që sipas hetuesve lidhen me sulmin, të mbeten në dorë të akuzës. 

    Avokatët e Mangi­on­es kundërshtojnë hyrjen e këtyre provave, duke argumentuar se janë marrë në mënyrë të paligjshme, pa mandat dhe pa respek­tim të të drejtave të tij sipas Amendamentit të 4-të të Kushtetutës Amerikane

    Pavarësisht që akuzat për terrorizëm në nivel shtetëror më herët u hodhën posht nga një gjykatës, Mangione ende përballet me akuzën për vrasje në shkallë të dytë dhe në nivel federal ai rrezikon dënim me vdekje nëse shpallet fajtor.
    Ky dëgjim paraprak shënon hapin vendimtar në një proces që ka ngjallur vëmendje të madhe, jo vetëm për rrethanat e krimit, por edhe për debatet mbi të drejtat kushtetuese, drejtësinë, dhe etikën në sektorin e sigurimeve shëndetësore.

  • Policia e Kosovës hap konkurs për disa pozita të larta administrative

    Policia e Kosovës hap konkurs për disa pozita të larta administrative

    Policia e Kosovës ka shpallur sot konkursin e ri të punësimit për disa pozita me karakter financiar dhe administrativ, duke ofruar gjithsej shtatë vende të lira pune. Konkursi është publikuar më 1 dhjetor 2025, me referencë zyrtare 10/1-01/SRS/0779/2025.

    Pozitat e hapura janë:

    Zyrtar i Lartë i Aseteve – 1 vend
    Zyrtar i Lartë i Financave – 2 vende
    Zyrtar i Lartë i Kontabilitetit – 1 vend
    Zyrtar i Lartë Shpenzues në Drejtorinë e Buxhetit dhe Financave – 1 vend
    Zyrtar i Lartë i të Hyrave – 2 vende

    Policia e Kosovës fton të gjithë kandidatët e interesuar të aplikojnë sipas kritereve dhe udhëzimeve të specifikuara në njoftimin zyrtar të publikuar në faqen e institucionit:
    www.kosovopolice.com/shpallje/mundesi-punesimi

    Konkursi mbetet i hapur në përputhje me afatet ligjore për aplikim.

  • Vendimi i PZAP-së dhe reagimet e VV’së, reagon Hoti: Këta përbuzës të shtetit duhet larguar me votë nga qeverisja

    Vendimi i PZAP-së dhe reagimet e VV’së, reagon Hoti: Këta përbuzës të shtetit duhet larguar me votë nga qeverisja

    Deputeti i LDK-së, Avdullah Hoti, ka kritikuar ashpër qeverisjen katërvjeçare të VV-së, duke thënë se LDK-ja është detyruar të fokusohet në parandalimin e dëmeve në ekonomi, shoqëri dhe integritetin shtetëror, të shkaktuara nga vendime arbitrare dhe ligje jokushtetuese.

    Ai theksoi se shumë ligje janë rrëzuar nga Gjykata Kushtetuese dhe se ankesa e LDK-së në PZAP për votimin e diasporës jashtë përfaqësive diplomatike, synon mbrojtjen e integritetit të procesit zgjedhor.

    Hoti kritikoi reagimin e qeverisë ndaj vendimit të PZAP-së dhe tha se ata “nuk kuptojnë esencën e integritetit shtetëror”, duke bërë thirrje që qeveria aktuale të largohet me votë.

  • Ylli i basketbollit Klay Thompson i lë emrin jahtit të tij “Stallion” sipas së dashurës së tij Megan Thee Stallion

    Ylli i basketbollit Klay Thompson i lë emrin jahtit të tij “Stallion” sipas së dashurës së tij Megan Thee Stallion

    Klay Thompson sapo bëri lëvizjen më të bujshme të “offseason”, duke i vendosur jahtit të tij të dashur një emër të ri, të frymëzuar nga vetë Megan Thee Stallion.

    Ylli i NBA-së e zbuloi gjestin romantik gjatë një dite me diell në det, duke treguar me krenari emrin e ri të anijes “Thee Stallion.”

    Miqtë thonë se Klay nuk ndalonte së qeshuri teksa prezantoi emrin, duke bërë shaka se donte një mjet që të pasqyronte “energjinë e vërtetë të “Hot Girl”. Fotot u përhapën menjëherë në rrjetet sociale, ndërsa fansat e adhuruan këtë bashkim të papritur midis mjeshtrit të 3-pikëshave në “Warriors” dhe reperes superyll Megan Thee Stallion. Memet shpërthyen, editet u bënë virale, dhe interneti ra dakord se kjo është ndoshta lëvizja më ikonike dhe më qesharake e Klay deri tani.

    Mesa duket “Splash Brother” i Klay-t me Curry-n ka kaluar zyrtarisht në një “Hot Girl Summer” me Megan-in mbi ujë.

  • Rizvanolli: Po nis instalimi i filtrave në Termocentralin “Kosova B”

    Rizvanolli: Po nis instalimi i filtrave në Termocentralin “Kosova B”

    Ministrja në detyrë e Ekonomisë, Artane Rizvanolli ka njoftuar se do të fillojë instalimi i filtrave në Termocentralin “Kosova B”.

    Ajo thotë se tashmë janë përmbushur të gjitha kushtet teknike por edhe ligjore, duke theksuar se po bëhet me financimin e rreth 90 milionë euro nga Bashkimi Evropian.

    “Po nis instalimi i filtrave në Termocentralin “Kosova B” pasi janë përmbushur të gjitha kushtet teknike e ligjore, përfshirë dilatimin e bojlerëve në vitin 2023. Këtë vit, KEK ka realizuar edhe modernizimin e turbinës në njësinë B1. Me rreth 90 milionë euro financim nga BE, filtrat do të ulin emetimet e pluhurit deri në 35 herë dhe oksideve të azotit (NOx) deri në 4 herë, duke i sjellë në përputhje me standardet e BE-së dhe duke përmirësuar ndjeshëm cilësinë e ajrit në Obiliq, Fushë Kosovë, Prishtinë dhe në gjithë Kosovën. Faleminderit Bashkimit Evropian për mbështetjen afatgjatë në modernizimin e sektorit tonë të energjisë dhe mbrojtjen e mjedisit, si dhe faleminderit punonjësve dhe menaxhmentit të KEK-ut për punën shumëvjeçare për ta çuar këtë projekt kompleks deri në fazën e implementimit. Ky është një hap konkret drejt furnizimit më të pastër dhe më të sigurt me energji për familjet dhe bizneset tona, dhe drejt një të ardhmeje më të shëndetshme për qytetarët e Kosovës”, ka shkruar Rizvanolli.