Kryeministri Albin Kurti e ka emëruar Përparim Kryeziun në pozitën e zëvendësministrit të parë të Arsimit dhe Shkencës.
Gjatë mandatit të kaluar, Kryeziu ka mbajtur pozitën e zëdhënësit të Qeverisë.
“ Kryeministri Kurti e uroi z. Kryeziu për detyrën e re dhe i dëshiroi suksese në përmbushjen e përgjegjësive të reja”, thuhet në njoftim.
Kryeministri Albin Kurti tha se me kryetarin e PDK-së, Bedri Hamza dhe kryetarin e LDK-së, Lumir Abdixhiku e kuptuan njëri-tjetrin në taket ku u diskutua për çështjen e Presidentit.
I pyetur për emrin e Vjosa Osmanit, Kurti tha se nuk kanë mbledhur nënshkrime për askënd.
“Ne nuk kemi mbledhur nënshkrime për askënd, për shkak se edhe nëse ne imbledhim nënshkrimet, ne mund të mbërrijmë në rastin më të mirë teorik te numri 66, i cili është aq larg numrit 80. Nuk e mbërrijmë dot. Prandaj kot ne mund të nxjerrim kandidat”, tha ai pas takimit të sotëm me Abdixhikun.
Ai tha se mbrëmë ka qenë në Prekaz te Rifat Jashari, ndërsa nuk u përgjigj direkt nëse kanë folur për çështjen e Presidentit.
Por Kurti tha pas takimit me kryetarin e LDK-së, Lumir Abdixhiku se zgjidhja është te tri subjektet më të mëdha politike në vend: LVV-ja, PDK-ja dhe LDK-ja.
“Po, kam qenë mbrëmë te baca Rifat. Kur u takuam për festimet e përvjetorit të 18-të të pavarësisë, besuam që do të kemi mundësi që të qëndrojmë pak bashkë dhe të rrimë, sepse s’jemi parë kaherë. Nuk qe një mundësi e tillë. E kishim lënë të takohemi dhe shkuam atje. Biseduam për zhvillimet politike, biseduam për shumë çështje, mirëpo natyrisht që zgjidhja është në mesin e këtyre tri subjekteve politike”, tha ai.
Kurti tha se “kur duhet të propozosh njerëz jashtë partive politike, as përmasa, as temperatura e mbështetjes nuk është identike”.
Afati kalimtar i verës pritet të sjellë tension dhe lëvizje të mëdha në “Etihad Stadium”, teksa Manchester City përballet me sfidën për ta mbajtur në radhët e veta një nga shtyllat kryesore të skuadrës, Rodri.
Sipas raportimeve të mediumit gjerman Bild, mesfushori spanjoll ka hyrë seriozisht në radarët e dy gjigantëve të La Liga, Real Madrid dhe Barcelona. Të dy klubet thuhet se po përgatisin oferta të konsiderueshme financiare për ta bindur 29-vjeçarin që të rikthehet në Spanjë.
Rodri ka qenë figurë kyçe në sukseset e Cityt në vitet e fundit, duke kontrolluar ritmin e lojës në mesfushë dhe duke dhënë kontribut vendimtar në trofetë e fituar në arenën vendore dhe evropiane. Kontrata e tij me kampionët e Anglisë është e vlefshme deri më 30 qershor 2027, çka i jep klubit anglez një avantazh të rëndësishëm në çdo negociatë të mundshme.
Megjithatë, interesimi në rritje nga Spanja pritet të rrisë presionin mbi drejtuesit e Cityt, të cilët mund të detyrohen t’i ofrojnë kushte të reja dhe përmirësime kontraktuale për ta bindur mesfushorin të vazhdojë projektin në Manchester.
Me verën që afrohet dhe spekulimet që shtohen, e ardhmja e Rodrit mbetet një nga temat më të nxehta të merkatos evropiane.
Federata e Basketbollit të Kosovës ka publikuar listën e zgjeruar të lojtarëve të ftuar për ndeshjen e dytë parakualifikuese drejt FIBA EuroBasket 2029, nën drejtimin e përzgjedhësit Bujar Loci.
Në këtë grumbullim janë përfshirë: Valon Bunjaku, Divine Myles, Musab Mala, Jon Ismajli, Mikaile Tmusic, Erjon Kastrati, Arian Qallaku, Muhamedali Janjeva, Samir Zekiqi, Bardh Istrefi, Gëzim Morina, Dardan Kapiti dhe Lis Shoshi – një kombinim i përvojës dhe energjisë së re që synon të vazhdojë paraqitjet pozitive të përfaqësueses.
Ndërkohë, pjesë e ftesave nga shtabi teknik kanë qenë edhe Dardan Berisha, Drilon Hajrizi dhe Meriton Ismaili, por ata nuk do të jenë në dispozicion për këtë përballje. Pas vlerësimit nga stafi mjekësor, është vendosur që lojtarët të vazhdojnë procesin e rikuperimit, pasi nuk janë ende në gjendje optimale për paraqitje.
Kosova do të përballet me Slovakia më 27 shkurt 2026, nga ora 19:00, në palestrën sportive “Sezai Surroi” në Prizren, në kuadër të parakualifikimeve për EuroBasket 2029, në një ndeshje me rëndësi të madhe për rrugëtimin evropian të Dardanëve.
UEFA ka konfirmuar pezullimin e përkohshëm të Gianluca Prestianni, në kuadër të një hetimi disiplinor që lidhet me pretendimet për abuzim racist ndaj Vinícius Júnior.
Incidenti dyshohet të ketë ndodhur gjatë ndeshjes së parë mes Benfica dhe Real Madrid, e zhvilluar në Lisbonë, ku mbrojtësi i skuadrës portugeze akuzohet për komente me përmbajtje raciste në drejtim të sulmuesit brazilian.
Sipas raportimeve, Vinícius Júnior e ka denoncuar menjëherë rastin te arbitri i takimit, duke bërë që të aktivizohet protokolli zyrtar i UEFA-s kundër racizmit. Si pasojë, ndeshja u ndërpre për rreth dhjetë minuta, ndërsa zyrtarët zbatuan procedurat e parashikuara nga rregullorja për situata të tilla, përpara se loja të rifillonte.
Si rrjedhojë e pezullimit të përkohshëm, Prestianni nuk do të jetë në dispozicion për ndeshjen e kthimit që zhvillohet të mërkurën në mbrëmje.
UEFA ka bërë të ditur se hetimet janë ende në proces dhe se vendimi përfundimtar disiplinor do të merret pas një shqyrtimi të plotë të të gjitha provave dhe raporteve zyrtare.
Prishtina e Re ka shënuar një fitore tejet të rëndësishme në luftën për mbijetesë,duke mundur skuadrën e Drenicës me rezultat 2:0.
Pjesa e parë pati raste të shumta për shënim,por më efikas ishin mysafirët të cilët shënuan në fund të pjesës së parë përmes Lorik Dobratiqit në 1:0,dhe me këtë rezultat përfunduan 45 minutat e parë.
Edhe në pjesën e dytë Prishtina e Re menaxhoi mjaft mirë lojën,dhe në minutën e 57-të Dobratiqi shënoi edhe golin e dytë për 2:0.
Deri në fund më gola nuk pati,dhe kështu Prishtina e Re siguron 3 pikë të rëndësishme në luftë për mbetje në Albi Mall Superligë.
Prishtina e Re pas kësaj xhiroje tubon 21 pikë dhe ngritet në pozitën e 9-të,teksa Drenica bie në vendin e fundit me po aq pikë.
Në xhiron e rradhës Prishtina e Re e pre Llapin,teksa Drenica i shkon në udhëtim Ballkanit.
Janë zhvilluar ndeshje tejet interesante në ligën më të fortë të basketbollit në botë NBA.
Los Angeles Lakers ka pësuar humbje në shtëpi kundër Boston Celtics me rezultat 111:89.
25 pikët e Luka Doncic nuk mjaftuan që Lakers ta shmagë humbjen,njësoj sikurse edhe 20 pikë të realizuara të Lebron James.
Në anën tjetër tek Celtics Jaylen Broën me 32 pikë e 8 kërcime ishte më efikasi në fitoren e kësaj skuadre,teksa në anën tjetër Payton Pritchard me 30 pikë e 8 asistime.
Portland Trail Blazers ndërkohë mundi në udhëtim Phoenix Suns me rezultat 92:77.
Jerami Grant dhe Donovan Clingan me 23 pikë secili ishin basketbollistët më të mirë tek Blazers,ndërkohë që Toumani Camara kontribuoi me 10 kërcime.
Tek Suns më i miri Collin Gillespie me 18 pikë të realizuara,ndërkohë që Jalen Green me 13 pikë ishte i dyti më pikë të realizuara.
Sipas të dhënave të publikuara nga Agjencia e Statistikave e Kosovës, gjatë muajit janar gjithsej 16,110 familje në Kosovë kanë përfituar nga skema e ndihmës sociale.
Komuna me numrin më të madh të familjeve përfituese është Mitrovica me 1,521 familje, e ndjekur nga Vushtrria me 965, Gjakova me 911, Peja me 888 dhe Lipjani me 886 familje.
Ndërkaq, numrin më të ulët të përfituesve e ka Juniku me 37 familje, pasuar nga Mamusha me 14, Parteshi me 42, Graçanica me 51 dhe Kllokoti me 54 familje.
Të dhënat pasqyrojnë dallime të theksuara ndërmjet komunave sa i përket nivelit të përfitimit nga skema e ndihmës sociale, duke reflektuar gjendjen socio-ekonomike në rajone të ndryshme të vendit.
Trajneri i Manchester United Michael Carrick ka vlerësuar në mënyrë pozitive mesfushorin brazilian Casemiro.
Carrick thotë se braziliani ka një ndikim tek ekipi kohët e fundit,dhe se kjo bëri që ekipi të ketë rezultatet e mira në ndeshjet e fundit.
Përdryshe Carrick shton se do të jetë shumë e vështirë për ta zëvendësuar brazilianin në repartin e mesfushës,kjo në rast se Casemiro largohet nga Old Trafford,dhe se ylli brazilian pritet të largohet në fund të sezonit.
Kujtojmë që Casemiro ka bërë 25 paraqitje këtë sezon me Man United,duke arritur të shënoj 5 gola e bëri 2 asistime.
Fëmijët në pjesë të verilindjes së SHBA-së do të qëndrojnë në shtëpi të hënën, pasi një stuhi e fuqishme dimërore detyroi mbylljen e shkollave dhe shtyu zyrat dhe sistemet e transportit publik të punojnë me “orare emergjente”, me zyrtarët në të gjithë rajonin që paralajmërojnë për borë të madhe, erëra të forta dhe kushte të rrezikshme udhëtimi.
Stuhia tashmë ka bllokuar udhëtimin përgjatë Bregut Lindor nga Uashingtoni në New England, me linjat ajrore që anulojnë mijëra fluturime dhe zyrtarët që u bëjnë thirrje njerëzve të qëndrojnë “larg rrugëve”.
Moti dimëror në verilindje mund të ngadalësojë gjithashtu përpunimin, transportin dhe dorëzimin e postës dhe pakove, tha Shërbimi Postar i SHBA-së.
Historic storm brings NYC to a standstill as bomb cyclone dumps more than 13 inches of snow – with more expected https://t.co/KKIqTDI3ak pic.twitter.com/XYJLvWs0ed
— New York Post (@nypost) February 23, 2026
Qyteti i Nju Jorkut, distrikti më i madh shkollor i vendit, urdhëroi mbylljen e të gjitha ndërtesave të shkollave publike për një ditë.
Kryebashkiaku Zohran Mamdani shpalli gjendje të jashtëzakonshme dhe urdhëroi që automjetet jo thelbësore të largoheshin nga rrugët e qytetit nga nata e së dielës deri në mesditën e së hënës, duke thënë se makinat e pastrimit dhe ekipet e emergjencës kishin nevojë për pastrimin e rrugëve ndërsa reshjet e dëborës u intensifikuan.
Heavy bands of snow over New York City. This is the kind of storm you'll be telling your children and grandchildren about. We're going to see some very impressive snowfall totals when this is over. pic.twitter.com/XIXJGoUnxX
— Nicholas Isabella (@NycStormChaser) February 23, 2026
Qyteti është nën paralajmërimin e parë për stuhi dëbore që nga viti 2017.
Zyrat e qytetit do të mbyllen për shërbime fizike, dhe punonjësit jo-thelbësorë të bashkisë mund të punojnë nga distanca.
“Po i bëj thirrje çdo banori të New Yorkut të qëndrojë në shtëpi”, tha Mamdani.
E guvernatorja e New Yorkut, Kathy Hochul, tha se kishte aktivizuar 100 anëtarë të Gardës Kombëtare për të ndihmuar në Long Island, New York City dhe Lower Hudson Valley – zona që pritet të përballen me peshën e borës së madhe dhe erërave bregdetare.
Stuhia gjithashtu detyroi mbylljen e kompleksit të selisë së OKB-së në Manhattan të hënën.
Siç është thënë më tej, disa pjesë të verilindjes mund të shohin deri në dy metra borë dhe shpërthimet e erës mund të arrijnë 70 mph, duke rritur rrezikun e rënies së pemëve dhe ndërprerjeve të energjisë elektrike, sipas Departamentit të Sigurisë Kombëtare.