ATV

Blog

  • Sonte ndodh “hënë e përgjakur” – një pamje që nuk do ta shohim deri në vitin 2028

    Sonte ndodh “hënë e përgjakur” – një pamje që nuk do ta shohim deri në vitin 2028

    Sonte, më 3 mars, në qiell do të ndodhë një eklips total hënor, i njohur edhe si “hënë e përgjakur”.

    Gjatë këtij fenomeni, Hëna merr një nuancë të kuqe të errët ose portokalli sepse Toka bllokon përkohësisht një pjesë të dritës së Diellit që Hëna normalisht reflekton. Ky është gjithashtu eklipsi i fundit total deri në vitin 2028, shkruan N1 Sarajevë.

    Pse Hëna merr një ngjyrë të kuqe?

    Një eklips total hënor mund të ndodhë vetëm gjatë një Hëne të plotë, kur Toka rreshtohet saktësisht midis Diellit dhe Hënës. Efekti i “hënës së përgjakur” ndodh kur hija e plotë e Tokës, ose umbra, mbulon plotësisht Hënën.

    Megjithatë, një pjesë e dritës së Diellit kalon nëpër atmosferën e Tokës. Gjatësitë më të shkurtra të valëve, siç është drita blu, shpërndahen, ndërsa gjatësitë më të gjata të valëve, siç janë e kuqja dhe portokallia, arrijnë në Hënë dhe ndriçojnë sipërfaqen e saj. Sa më shumë pluhur dhe grimca në atmosferë, aq më intensive është nuanca e kuqe.

    Ku do të jetë e dukshme?

    Ky fenomen astronomik nuk do të jetë i dukshëm nga Evropa dhe Afrika. Kushtet më të mira të shikimit do të jenë në Amerikën e Veriut dhe të Jugut, pjesë të Azisë Lindore, rajonin e Paqësorit dhe Australinë. Faza e eklipsit total do të zgjasë pak më pak se një orë, ndërsa shkëlqimi i kuqërremtë do të zgjasë edhe më shumë.

    Kur është mundësia tjetër?

    Edhe pse do të duhet të presim për një tjetër eklips total, eklipset e pjesshme hënore ndodhin më shpesh. Ato ndodhin kur Hëna është e plotë, por Toka nuk është plotësisht e rreshtuar midis saj dhe Diellit. Eklipsi i pjesshëm tjetër pritet në fund të gushtit të këtij viti dhe, ndryshe nga ai i sonte, do të jetë i dukshëm nga Evropa. Nuk kërkohen instrumente të posaçme për ta vëzhguar atë – thjesht dilni jashtë dhe shikoni lart në qiellin e natës.

  • Shefi i NATO-s mbërrin në Shkup, do të takohet me krerët shtetëror

    Shefi i NATO-s mbërrin në Shkup, do të takohet me krerët shtetëror

    Ministri i Mbrojtjes i RMV-së Vlado Misajlovski priti në aeroportin e Shkupit Sekretarin e Përgjithshëm të NATO-s Mark Rutte, i cili ndodhet në vizitë zyrtare në vend.

    “Është nder të mirëpresim Sekretarin e Përgjithshëm të NATO-s Mark Rutte. Në kohë sfidash serioze të sigurisë, është me rëndësi të veçantë që të kontribuojmë së bashku për sigurinë, paqen dhe stabilitetin”, shkroi Misajlovski në Facebook.

    Nga aeroporti i Shkupit, Rutte dhe delegacioni i tij u nisën për në Vilën në Vodno, ku do të pritet nga Presidentja Gordana Siljanovska-Davkova.

    Sekretari i Përgjithshëm do të pritet me nderimet më të larta shtetërore dhe ushtarake në një ceremoni në Zyrën e Presidentit, e më pas do të ketë takim kokë më kokë dhe takim plenar të delegacioneve të RMV-së dhe të NATO-s. Është planifikuar gjithashtu konferencë e përbashkët për shtyp nga Presidentja Siljanovska-Davkova dhe Rutte.

    Sekretari i Përgjithshëm i NATO-s do të takohet gjithashtu me kryeministrin Hristijan Mickoski, si dhe me kryetarin e Kuvendit, Afrim Gashi, pas së cilës do t’u drejtohet deputetëve në Kuvend.

    Rutte do të vizitojë gjithashtu kazermën Ilinden, ku do të marrë pjesë në prezantimin e Grupit të Batalionit të Këmbësorisë së Lehtë (LPBG) të Ushtrisë dhe disa nga pajisjet e kësaj njësie.

    Në këtë aktivitet do të marrin pjesë Ministri i Mbrojtjes Vlado Misajlovski, Shefi i Shtabit të Përgjithshëm Gjeneral Major Sashko Lafçiski, gjeneralë në Ushtri dhe përfaqësues nga Ministria e Mbrojtjes.

    Kjo është vizita e parë e Rutte si Sekretar i Përgjithshëm i NATO-s në Shkup. Ai ishte në vend në nëntor 2021 si kryeministër i atëhershëm i Holandës.

  • Mbrohen në heshtje të akuzuarit për rastin e shpërthimit në lokalin “Sekiraqa” ku vdiqën dy persona

    Mbrohen në heshtje të akuzuarit për rastin e shpërthimit në lokalin “Sekiraqa” ku vdiqën dy persona

    Në Gjykatën Themelore në Prishtinë të martën janë mbrojtur në heshtje gjashtë të akuzuarit për shpërthimin në lokalin “Sekiraqa” më 2007, ku kishin mbetur të vdekur dy persona.

    Në këtë rast Bejtullah Mehmeti, Luan Qerkini, Bekim Suma, Fadil Sadiku, Arbresh Dalipi dhe Mehmet Mehmeti akuzohen se më 24 shtator 2007 në bashkëkryerje më Besnik Hasanin, Shpend Qerimin dhe me ndihmën e Afet Dalloshit, pretendohet se kishin vendosur dhe shpërthyer një mjet plasës në objektin e lokalit “Sekiraqa”, në bulevardin “Bill Clinton” në Prishtinë. Si pasojë e këtij shpërthimi kishin humbur jetën N.M., dhe P.S., dhe ishin lënduar disa persona të tjerë, raporton “Betimi për Drejtësi“.

    Paraprakisht, në këtë seancë gjykatësi Alban Ajvazi, bëri të ditur se ka pranur nja parashtresë nga prokurori i rastit, Armend Hamiti, që të lexohen disa deklarata të dëshmitarëve dhe propozime për administrim të provave.

    Këtë propozim të prokurorit, mbrojtja nuk e kundërshtoi, andaj u pajtuan që provat e paraqitura nga Prokuroria të konsiderohen të lexuara.

    Ndërkaq, sa i përket provave që ndërlidhen me dy të akuzuarit tjerë në këtë rast Besnik Hasani dhe Shpend Qerimi, të cilët veçse janë dënuar, prokurori Hamiti kërkoi që të veçohen nga shkresat e lëndës dhe të mos trajtohen në këtë çështje penale.

    Ndryshe, gjykata e shkallës së parë, më 29 korrik të vitit 2016, shtatë të akuzuarit i kishte liruar nga akuzat për shpërthimin në lokalin “Sekiraqa” në Prishtinë, me arsyetimin se mbrojtjes së të akuzuarve nuk u ishin zbuluar provat shfajësuese dhe se vazhdimi i gjykimit do të shpinte në shkelje të mëtejshme të parimit të gjykimit të rregullt.

    Por, ky rast ishte kthyer në rigjykim në prill të vitit 2017, nga Gjykata e Apelit, pas ankesës së Prokurorisë, se vendimi i Gjykatës Themelore në Prishtinë, nuk ishte i drejtë. Gjetjet e gjykatës së shkallës së parë se moszbulimi i provave shfajësuese përbën arsye për refuzimin e akuzës, sipas Apelit kjo rrethanë nuk përbën arsye për refuzimin e akuzës.

    Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata.

  • Basha dorëzohet përfundimisht, i jep Berishës faqen zyrtare të PD në “Facebook”

    Basha dorëzohet përfundimisht, i jep Berishës faqen zyrtare të PD në “Facebook”

    PD-ja njoftuar se ka marrë kontrollin edhe të faqes së Facebook me 320 mijë ndjekës, të quajtur “Demokratët Euroatlantikë”, faqe e cila më pak ka qenë me emrin Partia Demokratike e Shqipërisë.

    “Partia Demokratike e Shqipërisë lajmëron ri-aktivizimin e faqes tonë origjinale në Facebook. Në vijim të vendimit të formës së prerë të Gjykatës së Apelit të Juridiksionit të Përgjithshëm Tiranë (Vendimi Nr. 723, datë 11 Qershor 2024), i cili konfirmoi të drejtat ligjore mbi emrin, vulën dhe simbolet e Partisë Demokratike të Shqipërisë, bëjmë me dije se emërtimi i përkohshëm në faqen e Facebook, “Demokratët Euroatlantikë” do të ndryshohet në “Partia Demokratike e Shqipërisë” për të reflektuar emrin e ligjshëm të institucionit”, thuhet në njoftim të shpërdarë në këtë faqe.

    Rikthimi i Sali Berishës në Partinë Demokratike në vitin 2022 bëri që kjo forcë politike të kalonte në një kalvar të gjatë procesesh gjyqësore, jo vetëm për drejtimin, por edhe për vulën dhe simbolet.

    Pas disa seancash në të gjitha shkallët e gjyqësorit, Basha u largua dhe krijoi partinë e tij, duke mbajtur një pjesë të simboleve.

    Tani, gati një vit pas zgjedhjeve të 2025, ish-kreu i PD-së ka vendosur të heqë dorë edhe nga i fundit simbol që e lidhte me partinë që drejtoi për më shumë se tetë vjet, faqen zyrtare të Facebook.

  • Kryediplomati kroat: Ndërhyrja e NATO-s në Kosovë më 1999 shpëtoi jetë

    Kryediplomati kroat: Ndërhyrja e NATO-s në Kosovë më 1999 shpëtoi jetë

    Ministri i Punëve të Jashtme dhe Evropiane i Kroacisë, Gordan Grliq Radman, duke komentuar situatën e sigurisë në Lindjen e Mesme dhe rikujtoi ndërhyrjen e NATO-s në Kosovë në vitin 1999, duke theksuar se ajo parandaloi një katastrofë humanitare edhe pse nuk kishte mandat të Kombeve të Bashkuara.

    Ai tha se që nga viti 1945 në botë kanë ndodhur rreth 170 konflikte pa mandat të OKB-së dhe se veprimi operacional i kësaj organizate është penguar shpesh nga vetoja në Këshillin e Sigurimit, raporton HRT.

    Ai ka foli për situatën me Kosovën në vitin 1999 dhe ndërhyrjen e NATO-s, me të cilën u parandalua një katastrofë humanitare dhe u shpëtuan shumë jetë, edhe pse nuk kishte mandat të OKB-së.

    Komentet ai i bëri pas mbledhjes së kryesisë së Bashkimi Demokratik Kroat (HDZ), ku u diskutua për zhvillimet në Lindjen e Mesme, si dhe për vendimin e presidentit Zoran Milanoviq për tërheqjen e ushtarëve kroatë nga Iraku dhe një nga Libani.

    Grliq Radman theksoi se Kroacia, si anëtare e OKB-së dhe e NATO-s, ka detyrime të caktuara ndërkombëtare, duke shtuar se përmes misioneve ndërkombëtare vendi tregon solidaritet, njësoj siç kishte përshëndetur praninë e forcave ndërkombëtare gjatë Luftës së Atdheut.

    Duke komentuar sulmet ndaj Iranit, ai tha se thirrjet ndërkombëtare për ndalimin e programit iranian të raketave balistike dhe atij bërthamor nuk kanë dhënë rezultat, ndërsa shprehu keqardhje për mungesën e fleksibilitetit dhe besueshmërisë së negociatorëve iranianë, gjë që, sipas tij, çoi në ndërhyrjen ushtarake të SHBA-së dhe Izraelit. /rtk

  • MPJD: Katari do t’ua mbulojë shpenzimet e akomodimit turistëve të bllokuar, përfshirë edhe qytetarët e Kosovës

    MPJD: Katari do t’ua mbulojë shpenzimet e akomodimit turistëve të bllokuar, përfshirë edhe qytetarët e Kosovës

    Ministria e Punëve të Jashtme dhe Diasporës ka njoftuar se autoritetet e Katar do të mbulojnë shpenzimet e akomodimit në hotel për turistët që kanë mbetur të bllokuar në vend, si pasojë e rrethanave aktuale dhe kufizimeve të përkohshme të udhëtimit.

    Sipas njoftimit, vendimi ka hyrë në fuqi më 28 shkurt dhe do të mbetet në fuqi deri në rifillimin e operacioneve në aeroport dhe rihapjen e hapësirës ajrore.

    “Masa vlen edhe për qytetarët e Republikës së Kosovës që ndodhen aktualisht në Katar dhe nuk kanë mundësi të largohen përkohësisht nga territori i këtij shteti”.

  • Pranvera po “troket”, si të mbroheni nga poleni dhe alergjitë sezonale

    Pranvera po “troket”, si të mbroheni nga poleni dhe alergjitë sezonale

    Me rritjen e temperaturave, poleni fillon të shkaktojë probleme për ata që vuajnë nga alergjia sezonale, duke sjellë kruarje të syve, rrjedhje të hundës, vështirësi në frymëmarrje dhe teshtima.

    Nëse jeni nga ata që e kanë të vështirë ta përballojnë pranverën, ka disa gjëra që mund të bëni për të lehtësuar simptomat. Tina Patel, opticienе për lente në Feel Good Contacts, ka ndarë disa mënyra për të ulur rrezikun e simptomave të alergjisë këtë pranverë. Këshilla e saj e parë është të mos nxitoni t’i hapni të gjitha dritaret sapo të ngrohet moti.

    Edhe pse është joshëse të fusni ajër të freskët në shtëpi, kjo mund të sjellë edhe një “mysafir” të padëshiruar, polenin. “Hapja e dritareve e ekspozon brendësinë e shtëpisë ndaj polenit që era mund ta ketë shpërndarë, gjë që mund të shkaktojë irritim, lotim të syve dhe të jetë e vështirë për t’u larguar pasi të futet brenda. Mos harroni ta pastroni shtëpinë rregullisht me fshesë me korent dhe të fshini sipërfaqet e prekura me një leckë të lagur për të ndihmuar në largimin e polenit.”

    Ajo rekomandon gjithashtu që personat me alergji sezonale të mos mbajnë lule të freskëta në shtëpi, ose të paktën të informohen mirë për llojin e luleve që sjellin brenda. Tina thotë: “Megjithëse bimët dhe lulet e freskëta e zbukurojnë ambientin dhe i japin ngjyrë shtëpisë, ato ju ekspozojnë ndaj polenit dhe ka gjasa t’i përkeqësojnë simptomat.

    “Merrni parasysh të zgjidhni lule të përshtatshme për personat me alergji si trëndafilat, tulipanët, hortensiat, orkidetë dhe bozhuret.” Është gjithashtu e rëndësishme të përpiqeni të qëndroni sa më pak të ekspozuar ndaj polenit. Tina këshillon: “Për të mbajtur polenin larg, mund të aplikoni vazelinë rreth vrimave të hundës, e cila ndihmon në kapjen e pluhurit, polenit dhe alergjenëve të tjerë përpara se të hyjnë në hundë. “Duhet gjithashtu të bëni dush dhe të ndërroni rrobat sapo të ktheheni në shtëpi pasi keni qenë jashtë, për të larguar polenin nga trupi dhe veshjet”./TAR

     

  • Mossi i reagon sërish Burimit: Unë dua gjak e mish, nuk rrahem me grushta

    Mossi i reagon sërish Burimit: Unë dua gjak e mish, nuk rrahem me grushta

    Pas sulmit fizik ndaj gazetarit Burim Pacolli, Mossi, ka reaguar sërish në rrjete sociale.

    Meqenëse e paralajmëroi se nuk do të ndalet me kaq, reperi ferizajas i ka bërë kërcënime të reja.

    Në një postim në rrjetin social Instagram, Mossi ka thënë se do gjak e mish.

    “Normal unë dua gjak, dua të shoh mish nuk jam kangur me u rrah me grushta por pasi ke ti u bë një përjashtim i cili s’ka me u bë”, shkruan ai.

    Tutje vazhdoi: “Të shohim sërish kush është cekëll a çka është se edhe kokën e enjtur edhe akoma duke folur”.

    Mossi duhet theksuar se është akoma në arrati.

    Duket se kjo ndodhi për shkak të analizave që Burimi ia ka bërë teksteve të tij, projekteve që ka publikuar.

  • Kryetari i Mitrovicës së Veriut, Milan Radojeviq, ftohet në gjykatë për banerin e Krishtlindjes

    Kryetari i Mitrovicës së Veriut, Milan Radojeviq, ftohet në gjykatë për banerin e Krishtlindjes

    Kryetari i Mitrovicës së Veriut, Milan Radojeviq, është ftuar nga Gjykata Themelore në Mitrovicë, Departamenti i Përgjithshëm/Divizioni për Kundërvajtje, për t’u paraqitur më 4 mars 2026, në ora 10:30, lidhur me “Mospërfillja e urdhrave të ligjshëm”.

    Lajmin për KosovaPress e konfirmoi zëdhënësja e gjykatës, Hateme Haxhaj.

    “Radojević është ftuar në cilësinë e të pandehurit ku ai do të dëgjohet lidhur me kundërvajtjen “Mospërfillja e urdhrave të ligjshëm”, për Rendin dhe Qetësinë Publike”- tha Haxhaj

    Ndërkohë, Radojeviq përmes një postimi në Facebook ka bërë të ditur se ka pranuar thirrjen nga gjykata, duke e cilësuar rastin si raport për vendosjen e një banderole për Krishtlindje.

    “Kam marrë një thirrje nga gjykata në lidhje me raportin për vendosjen e një banderole për Ditën e Krishtlindjeve. Do t’i përgjigjem thirrjes, ndërsa banderola do të vendoset përsëri për Krishtlindjet e ardhshme”, ka shkruar ai.

    Zëvendëskomandantia për rajonin e Veriut, Veton Elshani, ka konfirmuar për KosovaPress se Policia e Kosovës “i ka shqiptuar Radojeviqit tiketë për mosrespektim të urdhrit të zyrtarit policor”.

    Më 6 janar 2026, në prag të Krishtlindjes ortodokse, afër selisë së Listës Serbe, në Mitrovicën e Veriut, ishte vendosur një baner me mbishkrimin “Paqja e Zotit, Krishti u lind”.

  • Aro Muric hero i Sassuolos, portieri kosovar dominon javën në Serie A

    Aro Muric hero i Sassuolos, portieri kosovar dominon javën në Serie A

    Portieri i Kosovës, Arijanet Muric, ka dhuruar një tjetër paraqitje të jashtëzakonshme në Serie A, duke qenë protagonist në fitoren 2-1 të Sassuolo ndaj Atalanta.

    27-vjeçari ishte vendimtar me gjashtë pritje të rëndësishme, duke i mohuar disa raste të pastra skuadrës nga Bergamo dhe duke mbajtur ekipin e tij në avantazh deri në fund. Siguria e tij në portë dhe reagimet vendimtare bënë diferencën në këtë përballje.

    Falë performancës mbresëlënëse, Muric u vlerësua me notën 9.5 nga SofaScore, nota më e lartë e ndeshjes dhe njëkohësisht më e larta e javës në elitën e futbollit italian.

    Paraqitja e tij nuk kaloi pa u vënë re, pasi Muric u përfshi edhe në formacionin e javës në Serie A. Në këtë formacion bëjnë pjesë edhe emra të njohur si Luis Henrique dhe Federico Dimarco nga Inter, si dhe De Roon, Luka Modric, Thorstvedt, Berardi, Davis e Rodriguez.

    Muric po konfirmon formën e lartë këtë sezon, duke u shndërruar në një nga pikat më të forta të Sassuolos dhe një nga portierët më në formë në kampionatin italian.