Lëshohet urdhër për ndalimin 48 orë të mësuesit që u pa duke e goditur brutalisht nxënësin në shkollën “Pavarësia”

Kryeprokurori i Prokurorisë Themelore në Prishtinë, Zejnullah Gashi, ka konfirmuar për “Betimi për Drejtësi” se është lëshuar urdhër për ndalimin 48 orë të arsimtarit që dyshohet se ka ushtruar dhunë fizike ndaj një nxënësi në shkollën “Pavarësia” në Prishtinë.

“Po, është lëshuar urdhri për ndalim për 48 orë”, ka konfirmuar Gashi.

Sipas pamjeve që kanë qarkulluar, arsimtari shihet duke goditur nxënësin, ndërsa në një moment edhe nxënësi reagon ndaj tij.

Mësimdhënësi ushtron dhunë fizike ndaj një nxënësi në shkollën “Pavarësia” në Prishtinë