Drejtoria e Inspektoratit në Fushë Kosovë ka njoftuar se në kuadër të aktiviteteve të rregullta në terren, ka realizuar inspektime në disa punishte në territorin e komunës.
Sipas njoftimit, gjatë kontrollit në dy prej tyre janë evidentuar shkelje që lidhen me mungesën e mirëmbajtjes si dhe mungesë të theksuar të kushteve të sigurisë në punë.
“Si rezultat i këtyre parregullsive, inspektorët kanë shqiptuar gjoba konform legjislacionit në fuqi dhe kanë urdhëruar ndërmarrjen e masave të menjëhershme për përmirësimin e kushteve të punës”, thuhet në njoftim.
Nga kjo drejtori është theksuar se mbeten të përkushtuar në garantimin e sigurisë në vendin e punës dhe respektimin e standardeve ligjore.
Po ashtu, është bërë apel ndaj të gjithë operatorëve ekonomikë që të zbatojnë rregullat përkatëse në mënyrë rigoroze, në mënyrë që të sigurohen kushte të sigurta për punëtorët.
Leave a Reply