Category: Sport

Ndërsa Kupa e Botës është në kulmin e saj, një analizë është përpjekur t’i përgjigjet një pyetjeje që nuk ka të bëjë fare me golat dhe trofetë – kush është futbollisti më tërheqës në turne.

Ekspertët përdorën raportin e artë, një formulë matematikore që grekët e lashtë e lidhnin me përmasat ideale të fytyrës.

Sipas një analize të kryer nga kompania DreamAI, futbollisti më i pashëm në Kupën e Botës është Rodrigo De Paul i Argjentinës. Pas tij janë Kai Havertz i Gjermanisë dhe Noni Madueke i Anglisë.

Raporti i Artë, i njohur edhe si Phi, është një raport matematik prej 1.618 që është shoqëruar me bukurinë dhe harmoninë për shekuj me radhë. Supozimi është se fytyrat, përmasat e të cilave janë më afër këtij raporti, konsiderohen më tërheqëse. Për studimin, ekspertët nga DreamAI morën 150 nga lojtarët e futbollit më të kërkuar në Google dhe i analizuan ata duke përdorur mjetin e Raportit të Artë të Fytyrës.

“Është interesante që kjo renditje nuk vjen domosdoshmërisht pas famës së futbollit”, tha Georgi Dimitrov, CEO i DreamAI.

“Disa emra që shumë do të kishin pritur të ishin në krye janë renditur dukshëm më poshtë, ndërsa Rodrigo De Paul përfundoi përpara disa prej futbollistëve më të njohur në botë.”

Argjentinasi Rodrigo De Paul fitoi vendin e parë me një rezultat prej 74.18 përqind të përputhshmërisë me raportin e artë.

Menjëherë pas tij është Kai Havertz me 74.10 përqind, ndërsa Noni Madueke është i treti me 73.29 përqind.

Mohamed Salah (73.27 përqind) dhe talenti brazilian Endrick (73.25 përqind) gjithashtu u renditën në pesëshen e parë.

Vendin e gjashtë e zuri lojtari i kombëtares koreano-jugore Son Heung-min, dhe midis dhjetë më të suksesshëmve sipas kësaj analize ishin edhe Nick Woltemade, Jonathan Tah, Wout Weghorst dhe Scott McTominay.

Ronaldo është vetëm 45 vjeç.
Një nga rezultatet më interesante të studimit i referohet Cristiano Ronaldos. Pavarësisht reputacionit të tij si një nga lojtarët e futbollit më fotozhenikë dhe më të ekspozuar ndaj medias në botë, portugezi përfundoi vetëm në vendin e 45-të me 70.98 përqind.

“Ronaldo është ndoshta shembulli më i mirë. Ai është një nga futbollistët që i kushton më shumë vëmendje imazhit, por këtu është vetëm 45 vjeç. Kjo tregon se sa specifik është raporti i artë”, tha Dimitrov.

Ai shtoi se analiza nuk mat stilin, karizmën, vetëbesimin apo popullaritetin. “Ne nuk po masim pamjen, stilin apo vlerën e tregut të dikujt. Ne po shqyrtojmë vetëm përmasat e fytyrës, gjë që është diçka krejtësisht tjetër.”

Kush tjetër është ndër më të nxehtit?
Në top 20 futbollistët e renditur janë edhe Cody Gakpo, João Neves, Bruno Fernandes, Arda Güler, Ivan Toney, Alisson dhe Brahim Díaz.Brahim Díaz

Është gjithashtu interesante që Gjermania ka tre përfaqësues në tetë vendet e para – Kai Havertz, Nick Woltemade dhe Jonathan Tah. Sipas Dimitrov, kjo tregon se si kriteret shkencore të bukurisë shpesh ndryshojnë nga perceptimi publik.

“Kjo analizë tregon se bukuria në letër dhe bukuria në jetën reale nuk janë gjithmonë e njëjta gjë. Disa lojtarë kanë karizëm dhe prani të jashtëzakonshme, por ata nuk përfundojnë domosdoshmërisht në krye të renditjeve si kjo.”

Kombëtarja e Japonisë e nisi aventurën e saj në Kupën e Botës me një barazim 2:2 ndaj Holandës, në një ndeshje që dhuroi emocione dhe spektakël për tifozët.

Megjithatë, vëmendjen pas përfundimit të takimit nuk e morën vetëm futbollistët në fushë, por edhe tifozët japonezë në tribuna, të cilët vazhduan traditën e tyre të admiruar në mbarë botën.

Menjëherë pas ndeshjes, mbështetësit e Japonisë u panë duke mbledhur mbeturinat dhe duke pastruar sektorët ku kishin qëndruar gjatë takimit, duke lënë tribunat pothuajse të pastra.

E për këtë veprim, shtëpia e Futbollit Botëror, FIFA, ka publikuar një video ku shihen tifozët të shumtë duke mbledhur të gjitha mbeturinat në stadium.

The reason Japan fans clean the stadium after each game. Respect. 🤝🇯🇵 pic.twitter.com/o9qJUOLefY

— FIFA (@FIFAcom) June 15, 2026

Ky veprim tashmë është kthyer në një simbol të kulturës dhe disiplinës së tifozëve japonezë, të cilët në çdo turne madhor ndërkombëtar japin shembull me sjelljen e tyre brenda dhe jashtë stadiumeve.

Nuk është hera e parë që tifozët japonezë bëhen lajm për gjeste të tilla, pasi edhe në Botërorët dhe turnetë e mëparshëm ata kanë treguar kulturë të lartë sportive, duke dëshmuar se futbolli nuk ka të bëjë vetëm me atë që ndodh në fushë, por edhe me sjelljen në tribuna.

Lewis Hamilton i ka dhënë fund pritjes gati dyvjeçare për fitore, duke triumfuar për herë të parë me Ferrarin në Çmimin e Madh të Barcelonës.

Shtatë herë kampioni i botës e shfrytëzoi në mënyrë perfekte strategjinë e garës, një periudhë të Virtual Safety Car dhe një plan me tre ndalesa në bokse, për të siguruar fitoren e tij të parë që nga Çmimi i Madh i Belgjikës në vitin 2024.

Hamilton e kaloi vijën e finishit përpara George Russell dhe Lando Norris në Circuit de Catalunya, duke i dhënë Ferrarit një fitore të rëndësishme në sezonin 2026 dhe duke i ndalur serinë pozitive të Mercedesit.

Britaniku nuk e nisi garën në mënyrën ideale, pasi zgjedhja e Ferrarit për gomat e buta në start e penalizoi në xhirot e para. Megjithatë, strategjia me tre ndalesa rezultoi vendimtare në krahasim me dy ndalesat e rivalëve kryesorë, përfshirë Russell dhe liderin e kampionatit, Kimi Antonelli.

Një periudhë e Virtual Safety Car i dha Hamiltonit avantazhin vendimtar, duke i mundësuar një ndalesë me humbje minimale kohe dhe duke i kursyer rreth 10 sekonda në total. Me goma më të freskëta në fund të garës, ai arriti të menaxhojë ritmin dhe të ruajë epërsinë deri në flamurin e kuq.

Drama e garës erdhi me Kimi Antonellin, i cili pas një dueli të fortë me Russell për vendin e dytë, u detyrua të tërhiqej pesë xhiro para fundit për shkak të një defekti teknik në makinën e tij.

Ky rezultat ka ndikuar edhe në renditjen e kampionatit, ku Hamilton tashmë e ka ngushtuar diferencën me Antonellin në 41 pikë, ndërsa Russell mbetet 50 pikë prapa liderit.

Lando Norris përfundoi i treti dhe kompletoi podiumin, duke sjellë një rezultat historik për pilotët britanikë, të cilët për herë të parë që nga viti 1968 zunë tre vendet e para në një garë të Formula 1.

Max Verstappen u rendit i katërti për Red Bull, përpara Oscar Piastrit në vendin e pestë dhe Isack Hadjar në të gjashtin.

Alpine pati një paraqitje të fortë me Pierre Gasly dhe Franco Colapinto në vendet e shtatë dhe të tetë, megjithëse Colapinto mbetet nën hetim pas garës për një shkelje të mundshme gjatë flamujve të verdhë.

Racing Bulls vazhdoi formën pozitive me Liam Lawson në vendin e nëntë dhe Arvid Lindblad që mbylli zonën e pikëve në vendin e dhjetë.

Gabriel Bortoleto përfundoi i 11-ti, Carlos Sainz i 12-ti, ndërsa Esteban Ocon dhe Sergio Perez ishin ndër pilotët që e përfunduan garën në pozicionet e fundit.

Milani duket se e ka identifikuar trajnerin mbi të cilin dëshiron të ndërtojë projektin e ri sportiv. Sipas raportimeve nga mediat italiane, emri që kryeson listën e drejtuesve kuqezi është ai i Ruben Amorim, një nga trajnerët më të vlerësuar të gjeneratës së re në futbollin evropian.

Tekniku portugez ka tërhequr vëmendjen me filozofinë e tij moderne të lojës, e cila bazohet në intensitet të lartë, presion agresiv ndaj kundërshtarit dhe një organizim të mirëfilltë taktik në të gjitha repartet e fushës.

Në rast se marrëveshja do të arrihet, ardhja e Amorim pritet të sjellë një transformim të rëndësishëm në identitetin e lojës së Milanit, me klubin që synon të rikthehet mes skuadrave më konkurruese në Itali dhe në arenën evropiane.

Drejtuesit e klubit po punojnë intensivisht për të hartuar projektin teknik të sezonit të ardhshëm dhe për të vendosur themelet e një cikli të ri sportiv. Në këtë kontekst, emri i Amorim konsiderohet si zgjedhja ideale për të udhëhequr ambiciet e kuqezinjve në vitet e ardhshme.

Megjithatë, ende nuk ka një marrëveshje përfundimtare mes palëve dhe mbetet të shihet nëse negociatat do të avancojnë në javët e ardhshme. Ajo që është e sigurt, është se Milani e sheh trajnerin portugez si kandidatin kryesor për pankinën e klubit dhe si njeriun që mund të udhëheqë një epokë të re në “San Siro”.

Ish-trajneri i Liverpoolit dhe Borussia Dortmundit, Jurgen Klopp, ka kritikuar ashpër politikën e FIFA-s për pushimet e freskimit gjatë ndeshjeve të Kupës së Botës 2026, duke argumentuar se këto ndërprerje po dëmtojnë ritmin e lojës dhe po favorizojnë interesat komerciale më shumë sesa mirëqenien e futbollistëve.

Në një intervistë për televizionin gjerman ZDF, tekniku i njohur vuri në dyshim vazhdimin e këtij rregulli në ndeshjet që zhvillohen në temperatura të larta. Masa, e cila u prezantua për herë të parë në Botërorin e vitit 2014 në Brazil, lejon një ndërprerje prej tre minutash kur temperatura arrin ose kalon 32 gradë Celsius.

FIFA e ka mbrojtur vazhdimisht këtë vendim, duke theksuar se synimi kryesor është mbrojtja e shëndetit dhe sigurisë së lojtarëve. Megjithatë, Klopp nuk pajtohet me këtë arsyetim.

“Futbolli po mbahet peng nga drejtues që qëndrojnë të izoluar në zyra me ajër të kondicionuar”, deklaroi gjermani.

Ai shtoi se ndërprerjet e shpeshta po e cenojnë natyrën e lojës dhe po i heqin futbollit spontanitetin që e ka karakterizuar gjithmonë.

“Një ndeshje e Kupës së Botës duhet të rrjedhë si një lumë. Në vend të kësaj, ne po ndërtojmë diga në mes të lojës që reklamat të mund të kalojnë”, u shpreh Klopp.

Trajneri 59-vjeçar shkoi edhe më tej në kritikat e tij, duke paralajmëruar se futbolli po humbet gradualisht identitetin e vet për shkak të ndikimit në rritje të interesave komerciale.

“Është e rrezikshme për shpirtin e futbollit. Dikur futbolli ishte ngjarja kryesore, ndërsa tani rrezikon të shndërrohet në muzikë sfondi për një spektakël reklamash”, tha ai.

FIFA ka konfirmuar se pushimet për freskim do të mbeten në fuqi edhe gjatë Kupës së Botës 2026, e cila po zhvillohet në Shtetet e Bashkuara të Amerikës, Kanada dhe Meksikë, vende ku temperaturat e larta në disa rajone konsiderohen rrezik potencial për lojtarët.

Megjithatë, Klopp beson se argumenti i mirëqenies së futbollistëve po përdoret si justifikim për zgjerimin e hapësirave komerciale gjatë transmetimeve.

“Po paraqitet si një masë në mbrojtje të lojtarëve, por në realitet është një kafaz i artë i ndërtuar për sponsorët”, përfundoi ai.

Sipas ish-trajnerit të Liverpoolit, ndërprerjet e tilla jo vetëm që prishin ritmin natyral të ndeshjeve, por rrezikojnë të ndryshojnë edhe vetë thelbin e futbollit modern.

Dje në mbrëmje dhe gjatë mesnatës dhe mëngjesit të sotëm janë zhvilluar ndeshjet e rradhës në Kupën e Botës 2026,ku pati rezultate befasuese.

Zvicra e Granit Xhakës dhe Ardon Jasharit nuk e nisi në mënyrën më të mirë këtë botëror,ku në ndeshjen e grupit B barazuan 1:1 kundër nikoqirit të botërorit të kaluar Katarit.

Breel Embolo kaloi Zvicrën në epërsi në minutën e 17-të nga penalltia për 1:0,por në minutat e fundit Miro Muheim shënoi autogol për të barazuar rezultatin dhe ia siguroi 1 pikë Katarit që është e para në histori të botërorit  për këtë kombëtare.

Ndeshja kryesore u zhvillua ndërmjet Brazilit dhe Marokos,takim ky që poashtu përfundoi me barazim 1:1.

Ismael Saibari kaloi në epërsi marokenët në minutën e 21-të në 1:0,por më pas Vincius Jr barazoi në minutën e 32-të në 1:1 ku në fund të dyja ekipet ndan pikët.

Ndeshja tjetër e grupit C ishte ajo ndërmjet Haitit dhe Skocisë,ku skocezët fituan me rezultat 1:0 falë golit të shënuar nga John McGinn dhe Skocia pas xhiros së parë të grupit C është lider me 3 pikë.

Befasia e rradhës ndodhi në grupin D,ku Turqia u mposhtë nga Australia me rezultat 2:0.

Nestory Irankunda shënoi në minutën e 27-të për 1:0,teksa në minutën e 75-të Connor Metcalfe vulosi 3 pikët për Australinë duke ia siguruar një fitore të rëndësishme kundër turqve.

Sonte në program pritet të luhen ndeshjet e grupeve E dhe F,ku në grupin E Gjermania takohet kundër Curacaos dhe Bregu i Fildishtë kundër Ekuadorit,kurse në grupin F Holanda luan kundër Japonisë teksa Suedia kundër Tunizisë.

New York Knicks janë kampionët e rinj të NBA-së. Të udhëhequr nga një Jalen Brunson i jashtëzakonshëm, skuadra nga “Big Apple” mposhti San Antonio Spurs me rezultat 94:90 në ndeshjen e pestë të finaleve, duke siguruar titullin e parë kampion pas 53 vitesh pritje.

Brunson ishte protagonisti absolut i mbrëmjes, duke realizuar 45 pikë dhe duke vendosur një rekord të ri të klubit për numrin më të madh të pikëve të shënuara nga një lojtar i Knicks në një ndeshje finale të NBA-së.

Ylli i New Yorkut mori përgjegjësinë mbi vete në pjesën e dytë të takimit, ku realizoi 29 nga 45 pikët e tij, duke përmbysur rrjedhën e një ndeshjeje që në shumë momente dukej se po anonte nga Spurs. Ai e mbylli sfidën me 14 realizime nga 27 tentativa, katër treshe, 13 gjuajtje të sakta nga vija e gjuajtjeve të lira, si dhe kontribuoi me tri kërcime, tri asistime dhe dy vjedhje topi.

Knicks hasën vështirësi të mëdha në pjesën e parë, duke shënuar vetëm 37 pikë dhe duke vuajtur përballë mbrojtjes së fortë të San Antonios. Victor Wembanyama dominoi nën kosh me pesë bllokime vetëm në pjesën e parë, ndërsa Spurs shkuan në pushim me epërsi.

Megjithatë, gjithçka ndryshoi pas pushimit. Brunson mori kontrollin e lojës, duke shënuar vazhdimisht në momentet vendimtare dhe duke rikthyer Knicks në garë.

San Antonio pati gjithashtu një paraqitje të shkëlqyer nga talenti i ri Dylan Harper, i cili realizoi 25 pikë, shifra më e lartë e karrierës së tij deri më tani, ndërsa Wembanyama e mbylli ndeshjen me një paraqitje solide në të dyja anët e parketit.

Megjithatë, as performancat e tyre nuk mjaftuan për të ndalur Brunsonin. Në minutat e fundit, organizatori i lojës së New Yorkut realizoi pikët vendimtare që i dhanë epërsinë ekipit të tij, ndërsa Knicks e ruajtën avantazhin deri në sirenën përfundimtare.

Me këtë triumf, New York Knicks e rikthejnë trofeun “Larry O’Brien” në qytet për herë të parë që nga viti 1973, duke i dhënë fund një pritjeje 53-vjeçare dhe duke shkruar një nga kapitujt më të rëndësishëm në historinë e klubit.

Në qendër të festës ishte Jalen Brunson, njeriu që me 45 pikët e tij hyri përgjithmonë në historinë e Knicks dhe të NBA-së.