Category: Sport

Pasi fitoi titullin e kampionit, Ballkani do të synoj që ta pasurojë sezonin edhe me një trofe tjetër. Skuadra e Ilir Dajës do të ballafaqohet me Prishtinën në finalen e Kupës së Kosovës.

Para ndeshjes, trajneri i Prishtinës, Emanuel Ogbo, ka deklaruar se kjo është një finale që Prishtina duhet të shkojë me synimin e vetëm për ta fituar atë, përcjellë KosovaPress.

“Finale për të arritur objektivin që është vendosur nga të gjithë, ekipi dhe klubi. Besoj se është finale që duhet ta fitojmë, sepse Prishtina është klubi më i madh në Kosovë dhe nuk mund të ngelë pa e ngritur një trofe në sezon. Është e vetmja rrugë që Prishtina siguron Evropën dhe Prishtina e meriton të jetë në Evropë. Unë jam gjithmonë optimist në çdo betejë, në çdo luftë që futem dua të jem fitimtar. Nesër duam të shohim diçka interesante, të bëjmë mrekullinë, duke besuar në aftësitë tona dhe gjithmonë duke besuar në Hirin e Zotit, ka thënë Egbo për faqen zyrtare të klubit.

Ndeshja do të zhvillohet në stadiumin “Rexhep Rexhepi” në Drenas me fillim nga ora 15:00.

Laura Fazliu do të luftojë për medalje të bronztë në Kampionatin Botëror të xhudos që po mbahet në Abu Dhabi, ku fitoi tri ndeshje dhe humbi një, atë të çerekfinales.

Fazliu në xhiron e parë ishte e lirë, në xhiron e dytë ajo mposhti me Ëazaari, kroaten Katarina Kristo, transmeton KosovaPress.

Garuesja kosovare në xhiron e tretë mposhti me Ëazaari dhe Ippon, garuesen ruse Dali Liluashvili.

Laura në çerekfinale humbi me Ëazaari, nga garuesja e Sllovenisë Andreja Leski.

Pas asaj ndeshje ajo u kualifikua të garoj në repasazh, ku mposhti me Ippon australianen Katharina Haecker. Për medalje të bronztë ajo takohet me kanadezen Catherine Beauchemin-Pinard.

Toni Kroos ka njoftuar tërheqjen e tij pas dhjetë vitesh në Real Madrid përpara finales së Ligës së Kampionëve të klubit të tij në “Wembley” muajin e ardhshëm. Reprezentuesi gjerman është gati të tërhiqet plotësisht nga futbolli dhe lajmin e ka thënë përmes një postimi në Intsagram.

34-vjeçari tha se ishte ‘i lumtur dhe krenar’ që gjigantët spanjollë ishin ‘klubi i tij i fundit’ dhe theksoi dëshirën e tij për të përfunduar me një fitore kundër Borussia Dortmundit në kompeticionin kryesor evropian.

“17 korrik 2014 – dita e nisjes së raportit tim në Real Madrid, dita që ndryshon kohën e jetës. Jetën ime si futbollist, por sidomos si person. Ishte fillimi i një kapitulli të ri në klubin më të madh në botë. Pas 10 vitesh, në fund të sezonit ky kapitull merr fund”, ka shkruar fillimisht Kroos, përcjellë KosovaPress.

“Kurrë nuk do ta harroj atë kohë të suksesshme! Veçanërisht dua të falënderojë të gjithë ata që më pritën me zemër të hapur dhe më besuan. Por do të doja t’ju falënderojë, juve madrilenë, për dashurinë tuaj nga dita e parë deri në të fundit. Njëkohësisht ky vendim që karriera si futbollist aktiv të mbyllet do të jetë pas kampionatit evropian”.

“Jam i lumtur dhe krenar, që në mendjen time gjeta kohën e duhur për vendimin tim dhe që mund ta zgjidhi vetë. Ambicia ime ishte gjithmonë të përfundoja punën në kulmin e nivelit të performancës sime. Tani e tutje ka vetëm një mendim kryesor, trofeun e 15 të Ligës së Kampionëve! HALA MADRID Y NADA MAS! ”, ka shkruar Kroos.

Nesër zhvillohet ndeshja finale e Kupës së Kosovës, ndërmjet Ballkanit dhe Prishtinës. Kjo ndeshje luhet në stadiumin “Rexhep Rexhepi” në Drenas, në orën 15:00.

Komisioni i Gjyqtarëve brenda Federatës së Futbollit të Kosovës ka vendosur për gjyqtarët që do ta ndajnë drejtësinë në këtë finale, me Genc Nuzën kryesor, e të cilit do t’i asistojnë Granit Hyseni dhe Arbnor Bullatofci, derisa gjyqtar i katërt do të jetë Ilir Mehmeti. Në VAR do të jetë Alban Shala, kurse AVAR, Besnik Morina.

Ylli i Romës, Paulo Dybala është lënë jashtë skuadrës së Argjentinës për miqësoret e ardhshme dhe më e rëndësishmja në Copa America, por janë përfshirë Lautaro Martinez, Leandro Paredes dhe Nico Gonzalez.

“La Seleccion” do të luajë me Ekuadorin dhe Guatemalën muajin e ardhshëm si përgatitje për turneun, i cili fillon kundër Kanadasë më 20 qershor. Trajneri Lionel Scaloni emëroi skuadrën e tij prej 29 lojtarësh, e cila do të reduktohet në 26 për Kupën e Amerikës.

Megjithatë, Dybala nuk është as në listën e gjerë, që do të thotë se lojtari i Romës do të mungojë në këtë turne. “La Joya” ka luftuar gjatë gjithë sezonit me lëndimet, të cilat i kanë dëmtuar pjesën më të madhe të karrierës së tij.

Shoku i tij i skuadrës nga Roma, Leandro Paredes është në grup, me mbrojtësin e Fiorentinës, Lucas Martinez Quarta dhe anësorin Nico Gonzalez, përcjellë KosovaPress.

Sulmuesi i Interit, Lautaro Martinez është thirrur, së bashku me sulmuesin e Monzas, Valentin Carboni, i cili është i huazuar nga “Nerazzurrët”.

Carboni është vetëm 19 vjeç dhe bëri 30 paraqitje në Serie A këtë sezon për Monza, duke shënuar dy gola dhe duke dhënë katër asistime.

Një darkë e mrekullueshme me rreth 250 të ftuar në një restorant elegant pranë Champs-Elysées shënoi lamtumirën e Kylian Mbappé në kryeqytetin francez të hënën mbrëma, pasi njoftoi se ai nuk do të vazhdojë në Paris Saint-Germain. Ngjarja konfirmoi marrëdhënien e akullt me Al-Khelaifi, të cilin ai nuk e ftoi, dhe u kthye në një tjetër të dhënë për destinacionin e ardhshëm të yllit.

Por, nëna e tij, Fayza Lamari, pas darkës është pyetur se ku do të luajë francezi sezonin e ardhshëm. Përgjigja e saj, duke buzëqeshur, nuk mund të ishte më zbuluese se kaq “Mendoj se tashmë e dini”, tha ajo, përcjellë KosovaPress.

Futbollisti 25-vjeçar tashmë po përgatit jetën në Madrid. Siç raportoi Relevo më 18 maj, tashmë ka mesazhe me lojtarë nga klubi madrilen. Plani është sepse deklarata zyrtare do të publikohet një javë pas finales së Ligës së Kampionëve, më 1 qershor. Për momentin, fokusi i klubit madrilen është në Ëembley dhe askush nuk dëshiron që telenovela me francezin të ndryshojë atmosferën ose të prishë atë që skuadra po arrin. Megjithatë, çdo ditë shfaqet një e dhënë që konfirmon se ai do të veshë fanellën e bardhë.

Grupi i tifozëve të kombëtares së Shqipërisë, të njohur me emrin si ‘Tifozat Kuq e Zi’ kanë reaguar ashpër ndaj vendimit të Federatës së Futbollit të Shqipërisë për të shpallur kandidaturën e përbashkët me Serbinë për organizimin e Euro 2027 për grupmoshat U21.

Para gati më shumë se dy jave, presidenti i FSHF-së, Armando Duka, kishte konfirmuar kandidaturën e përbashkët të Shqipërisë me Serbinë për organizimin e Kampionatit Evropian 2027 për grupmoshat U21.

Arsyetimi i Dukës mbi këtë ishte se Shqipëria nuk i plotëson kushtet elementare për organizimin e kësaj ngjarje.

Ai kishte thënë se duhet angazhim i madh i dy qeverive të dy vendeve respektive, madje e kishte cilësuar si “lajm të mirë” për popullin shqiptar dhe atë serb.

Ky njoftim nuk ishte pritur aspak mirë nga tifozët shqiptar anembanë botës dhe tani Tifozat Kuq e Zi kanë ndërmarrë një nismë për të shprehur mllefin e tyre ndaj këtij vendimi të FSHF-së.

Përmes një videoje të publikuar në rrjetet sociale, shihet se si ‘TifozAt Kuq e Zi’ kanë ngjyrosur me të kuqe rrugët pranë zyrave të FSHF-së, si dhe kanë ngjitur disa fotografi të luftës dhe gjenocidit që ushtria serbe ka ushtruar në popullin e Kosovës.

“Kundërshtojmë çdo nismë që mundohet ti rregulloj imazhin një populli barbar e gjenocidal.

Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë”, thuhej në postimin e tyre.

View this post on Instagram

A post shared by Tifozat Kuq e Zi (@tifozatkuqezi)

Sonte zhvillohet përballja e katërt finale mes Golden Eagle Yllit dhe Trepçës.

Mitrovicasit po udhëheqin 2:1 në serinë finale dhe nëse fitojnë do të shpallen kampionë, ndërkohë që therandasit luajnë për fitore dhe për të barazuar serinë finale në 2:2, në mënyrë që titulli i kampionit të vendoset në Mitrovicë, në ndeshjen e pestë finale.

Në ndeshjen e parë fituan ‘Xehetarët’ 77:68, kurse në sfidën e dytë fituan therandasit 80:79, derisa në përballjen e mbrëmshme fituan mitrovicasit 85:78.

Ylli e kërkon titullin e tretë në histori të klubit, pasi kishte fituar më 2021 dhe 2022, derisa Trepça e kërkon titullin e kampionit pas 12 vjetësh, pasi herën e fundit fituan më 2012, kurse në përgjithësi e kanë fituar titullin katër herë.

Trepça në gjysmëfinale eliminoi Sigal Prishtinën 3:0, derisa Golden Eagle Ylli, në çerekfinale mundi Bashkimin 2:0 dhe Pejën në gjysmëfinale 3:2.

Ndeshja zhvillohet të dielën nga ora 17:00.

Boksieri ukrainas Oleksandr Usyk është mbreti i peshave të rënda, pasi mposhti Tyson Furyn.

Usyk triumfoi ndaj Furyt me vendim të ndarë të gjyqtarëve, duke u shpallur kampion i padiskutueshëm i peshave të rënda.

Ukrainasi e arrin këtë për herë të parë që nga Lennox Lewis në vitin 2000. Ka raportime të ndryshme gjatë orëve të fundit për një rimeç mes tyre.

Sipas mediave britanike, një rimeç i mundshëm mund të zhvillohet në javën e fundit të tetorit, me datën 26 që është përmendur si një datë e mundshme.

Oleksandr Usyk është kampioni i padiskutueshëm i botës në boks në kategorinë e rëndë.

Boksieri ukrainas e mundi britanikun Fury pas 12 raundeve.

Ishte një vendim i ndarë dhe i ngushtë që vendosi për fituesin nga gjyqtarët.

Ishte raundi i tetë ai që bëri diferencën, me Usyk që ishte gati ta nokautonte Furyn.

“Po ndihem mirë, shumë njerëz u lutën për mua jua dua të gjithëve, jam shumë i lumtur. Njerëzit e mi do të jenë të lumtur mendoj, është një fitore e madhe, jo vetëm për mua, është një fitore e madhe për shtetin tim, për ushtarët që po mbrojnë shtetin tim”.

“Mendoj se babai im po më shikon dhe është shumë i lumtur. Baba, të dua. Unë mundem, ju më thatë se unë mundem”.

“Nuk dua të tregoj mungesë respekti për gjyqtarin, por mendoj se ai e ndali nokautin në raundin e nëntë. Ishte një paraqitje e jashtëzakonshme, diçka e pabesueshme”, përfundoi ukrainasi

Tani, Usyk ka të gjithë titujt në pronësi në kategorinë e rëndë.