Category: Sport

Skuadra e Trepçës përmes një komunikate ka njoftuar për emërimin e Ajet Shoshollit si drejtor i përgjithshëm i klubit.

Shosholli do të jetë përgjegjës për drejtimin dhe menaxhimin e përgjithshëm të klubit, duke u siguruar që të gjitha aspektet e operacioneve të jenë në përputhje me standardet më të larta të profesionalizmit dhe ekselencës, raporton KosovaPress.

“Një figurë që ka lënë gjurmë të thella në historinë e futbollit kosovar, Shosholli sjell me vete një pasuri të madhe përvoje, vizioni dhe përkushtimi për sportin.

Ai do të punojë ngushtë me stafin dhe lojtarët për të zhvilluar dhe zbatuar strategji që do të rikthejnë klubin në majat e futbollit kosovar dhe do të sjellin fitore të mëdha për tifozët tanë besnikë”, shkroi Trepça në komunikatën e klubit.

“La Gazzetta dello Sport” raporton se Romelu Lukaku është gati të hapë bisedimet me Milanin dhe Napolin, por Chelsea nuk do ta shesë sulmuesin belg për më pak se 30 milionë euro dhe nuk është i hapur për një marrëveshje të re huazimi.

Lukaku është i destinuar të largohet nga Chelsea në merkaton e verës pas një huazimi një vjeçar te Roma dhe gjigantët e Serisë A, Milan dhe Napoli janë të interesuar për reprezentuesin belg.

Vetëm pak ditë më parë, “Sky Sport Italia” raportoi se kuqezinjtë kishin intensifikuar bisedimet me blutë, ndërsa “Gazzetta” shton sot se belgu është i hapur për një rikthim në San Siro, tek rivali i Interit, Milani, përcjellë KosovaPress.

Gjatë konferencës së tij të parë për shtyp si trajner i Napolit të mërkurën, Antonio Conte nuk e fshehu interesimin e tij për ish-yllin e Interit, por “Partenopei” duhet të shesë Victor Osimhen përpara se të hapë bisedimet me Chelsean dhe sulmuesin e tyre.

Mesfushori i Anglisë, Phil Foden, është larguar nga kampi i “Tre Luanëve” në Euro 2024 në Gjermani dhe është kthyer në Britaninë e Madhe për lindjen e fëmijës së tij të tretë. Në një deklaratë, Federata e Futbollit në Angli tha se lojtari i Manchester Cityt, 24 vjeç, duhej të kthehej në shtëpi për shkak të një “çështjeje të ngutshme familjare”.

Shpresohet që Foden të rikthehet me skuadër deri të dielën, ditën e ndeshjes së 1/16 të Anglisë kundër Sllovakisë. Në prill, Foden dhe partnerja e tij Rebecca Cooke njoftuan në Instagram se ishin në pritje të një fëmije të tretë. Ata kanë dy fëmijë. Djali Ronnie, pesë vjeç dhe vajza True, e cila është dy vjeç.

Foden, i cili ka 37 paraqitje, filloi të tre ndeshjet e Anglisë në grup në turne deri tani, duke përfshirë barazimin e së martës me Slloveninë. Skuadra e Gareth Southgate përfundoi në krye të Grupit C me pesë pikë nga tre ndeshje.

Ndeshja e tyre në 1/16 do të zhvillohet në Gelsenkirchen.

Cristiano Ronaldo nuk e ka ndërmend së ndaluar duke luajtur futboll, e me vitet e tij sulmuesi portugez është duke vazhduar të lë gjurmë në histori të futbollit.

Me ndeshjen e tij me Kombëtaren e Portugalisë kundër Gjeorgjisë, Ronaldo është bërë futbollisti me më së shumti paraqitje në një kampionat.

Përpos këtij rekordi, emri i Ronaldos në librin e rekordeve përmendet shpesh.

39-vjeçari po ashtu gjatë këtij Evropiani është futbollisti që ka vrapuar me shpejtësinë më të madhe.

Portugalia vetëm se ka siguruar kualifikimin, ndërkaq Gjeorgjia luan për fitore.

Faza e parë, ajo e grupeve të Kampionatit Evropian të futbollit tashmë është mbyllur nga ku kanë dal 16 skuadrat më të mira. Në fazën e eliminimi direkt, përkatësisht 1/16, do të kemi duele tejet të forta.

Ballafaqimi i titanëve të futbollit evropian nuk do të mungojë aspak, ndërkohë që tashmë janë mësuar edhe datat e këtyre super-ballafaqimeve.

Ky është kalendari:

Hakan Calhanoglu dhe agjenti i tij Gordon Stipic thuhet se u përpoqën të sigurojnë një kontratë të re me Interin pas interesimit të Bayern Munichut.

Në javët e fundit, raporte të shumta nga Turqia dhe Gjermania detajuan interesin e gjigantëve bavarez për të blerë yllin e Interit këtë verë. Ai dukej i hapur ndaj lëvizjes dhe ishte në kontakt me klubin, i cili po konsideronte të niste një ofertë prej 70 milionë eurosh për nënshkrimin e tij, raporton KosovaPress.

Pas ditëve të pasigurisë, Calhanoglu më në fund foli dhe lëshoi një deklaratë duke konfirmuar synimet e tij për të ecur përpara me Interin pavarësisht interesimit të Bayern Munich, duke mbyllur idenë e një lëvizjeje të mundshme këtë verë.

“Gazzetta dello Sport” detajon se si Calhanoglu dhe agjenti i tij Stipic u përpoqën të përdorin interesin e Bayernit për të siguruar një kontratë të re me Interin që do të përfshinte një vit shtesë në marrëveshjen e tij aktuale dhe një rritje të lehtë rroge.

Drejtuesit e “Nerazzurrëve” e mbyllën menjëherë idenë, duke e bërë të qartë se një kontratë e re nuk do të ofrohej, duke bërë që mesfushori turk të tërhiqej dhe të përjashtonte një lëvizje te gjiganti bavarez.

Katër vendet e treta më të mira në grupe kalojnë tutje në fazën e eliminimit direkt, por kush do e gjejë rrugën për aty?

“EURO 2024” po shkon në drejtim të fazës eliminuese, aty ku do të mbeten vetëm 16 kombëtare.

Zgjerimi i turneut nga 16 ekipe në 24 ka bërë që të ketë nevojë për një ndryshim të procesit, kështu duke bërë që më shumë ekipe të kalojnë grupet.

“Gazeta Express” ju sjellë kombëtaret që janë shumë afër të sigurojnë kalimin tutje nga faza e grupeve.

Ka gjashtë grupe në “EURO 2024”, por vetëm katër kombëtare kalojnë në 16 më të mirat.

Kombëtaret që janë të pozicionuara në vendin e tretë në grup janë të përfshira me një tabelë dhe ekipet me performancën më të mirë marrin biletën për fazën tjetër.

Renditja bëhet në bazë të këtyre faktorëve:

Pikët

2. Goldiferenca

3. Golat e shënuar

4. Fitoret

5. Disiplina (kartonët e verdhë dhe të kuq)

6. Renditja në kualifikimet për EURO

Renditja finale e vendeve të treta bëhet zyrtarisht kur të përfundojë faza e grupeve.

Megjithatë, një numër kombëtaresh e kanë vendosur vetën në një pozitë të fortë e të palëkundshme.

Holanda dhe Sllovenia e kanë kompletuar fazën e tyre të grupit dhe do të kualifikohen tutje si 2 kombëtaret më të mira nga vendet e treta.

Hungaria përfundoi e treta në grupin A me tri pikë, por goldiferenca e saj prej minus 3 mund t’i prishë punë.

Kroacia veçse është eliminuar pasi Anglia nuk arriti të fitojë ndeshjen e saj të fundit në grupe ndaj Sllovenisë.

Trajneri i Rubin Kazanit, Rashid Rakhimov ka folur për faqen e klubit për incidentin e Mirlind Dakut në Kampionatin Evropian Euro 2024.

Pas ndeshjes me Kroacinë në Euro 2024, Daku morri altoparlantin dhe filloi të fyejë serbët dhe maqedonasit, ku reagimet më pas ishin të shumta, ndërsa UEFA e suspendoi sulmuesin e Rubin Kazanit për dy ndeshje, raporton KosovaPress.

Pezullim për Dakun ka paralajmëruar edhe Rubin Kazani, ndërsa trajneri Rakhimov foli për këtë çështje.

Kur u pyet për sjelljen e Dakut në Euro 2024, Rakhimov tha:

“Dhe pse duhet ta trajtoj këtë në ndonjë mënyrë pozitive? Sigurisht, negativisht. Këtu gjendja emocionale e lojtarit nuk duhet të mbingarkohet. Mendoj se ai është i vetëdijshëm për gjithçka, kupton gjithçka në mënyrë perfekte dhe duke biseduar me të, ia kam bërë të qartë se çfarë është e drejtë dhe çfarë është e gabuar. Para së gjithash, ai është një futbollist që duhet të mendojë të tregojë cilësitë e tij më të mira në fushë”.

I pyetur nëse mund të ketë probleme në skuadër, pasi që ka futbollistë serb aty, Rakhimov tha:

“Nuk mendoj kështu. Mirlindin të gjithë e njohin shumë mirë. Nuk ka zemërim në veprimet e tij, ai është mjaft i shoqërueshëm, mjaft i shoqërueshëm dhe e di që ai është shumë i shqetësuar për këtë tani, por ju jeni një i rritur, duhet të mendoni se çfarë po bëni. Nuk mendoj se të gjithë ne që qëndrojmë këtu po e jetojmë jetën tonë pa gabime. Ju mësoni nga gabimet dhe shpresoj që ky të jetë një mësim i mirë për të”.

Skuadra e Dukagjinit ka njoftuar se do të nis sot fazën përgatitore për sezonin e ri të Superligës së Kosovës.

E sot do të jetë dita e parë e trajnerit Ismet Munishi në krye të skuadrës së Dukagjinit, raporton KosovaPress.

“Ju njoftojmë se sot duke filluar nga ora 17:00 në stadiumin ’18 Qershori’ në Klinë do të fillojmë përgatitjet për sezonin e ri 2024/25”, shkruante në komunikatën e Dukagjinit.

Po ashtu, klubi nga Klina paralajmëroi se gjatë ditëve në vazhdim do të njoftojë edhe për transferimet e reja.

Trajneri i Zvicrës Murat Yakin theksoi ‘besimin e madh’ të skuadrës së tij përpara ndeshjes së tyre në raundin e 16-të të Kampionatit Evropian Euro 2024 me Italinë, duke sugjeruar se skuadra ‘sinqerisht nuk mund ta presë’ ndeshjen.

Zvicra impresionoi në fushatën e saj të Grupit A në turne, duke mposhtur Hungarinë 3:1 në ndeshjen e tyre hapëse përpara se të barazonte me Skocinë në ndeshjen vijuese. Në ndeshjen e fundit të grupit, Zvicra barazoi me Gjermaninë 1:1, raporton KosovaPress.

Gjërat kanë qenë shumë më të vështira për Italinë, e cila mezi arriti të mposht 2:1 Shqipërinë në ndeshjen e saj të parë në Euro 2024 përpara se të pësonte një humbje të dhimbshme 1:0 nga Spanja. Gjërat dukeshin të tmerrshme kundër Kroacisë derisa një gol i barazimit në minutat e fundit nga Mattia Zaccagni siguroi një pikë jetike, duke i lejuar ekipit të kalonte tutje.

Duke folur për median zvicerane “Srf”, Yakin diskutoi fillimisht mentalitetin e Zvicrës në drejtim të përplasjes së tyre në raundin e 16-të me Italinë.

“Ne po luajmë për të. Nuk mund të themi se jemi favoritë, sepse përballemi me Italinë, por barazimi ndaj Gjermanisë na ka dhënë shumë besim dhe nuk mund të fshihemi. Ne e ndoqëm me kujdes ndeshjen e Italisë, duke analizuar taktikat dhe strategjinë, do të thellohemi në këto ditë. Sinqerisht nuk mund të presim. Ata janë të paparashikueshëm, por ne jemi të përgatitur. Edhe nga pikëpamja mendore, ne kemi mjaft cilësi për t’i mbijetuar një ndeshje si kjo. Në realitet ne nuk duam të shqetësohemi shumë për Italinë, në fakt mendoj se e kundërta është e vërtetë sepse gjërat po funksionojnë mirë për ne”, tha Yakin.

Ai ka dhënë mendimet e tij për Italinë dhe sesi Zvicra po i afrohet ndeshjes.

“Italia ka një ligë të shkëlqyer që më pëlqen shumë, shumë strategjike dhe taktike. Kombëtarja ka lojtarë të mëdhenj, do të jetë një sfidë e madhe. Ne po shikojmë veten, por sigurisht që duhet të fokusohemi edhe te kundërshtari, varësisht se ku qëndrojnë pikat e forta dhe të dobëta të italianëve. Ata kanë mënyra të ndryshme të lojës, gjë që i bën ata të rrezikshëm. Por ata do të mendojnë edhe për ne. Jemi në formë të mirë, jemi të paparashikueshëm dhe do të përpiqemi të marrim diçka nga kjo lojë”, tha Yakin.

Së fundi, Yakin diskutoi pikat e forta të ekipit të tij në Zvicër dhe ndikimin e tifozëve.

“Intensiteti i lartë dhe vullneti për të vrapuar na kanë bërë të fortë kohët e fundit. Sistemi ynë, strategjia jonë funksionon dhe ne kemi në krah elementin e befasisë dhe sigurisht tifozët tanë të mëdhenj. Kur edhe Manuel Akanji apo Granit Xhaka nxjerrin në pah mbështetjen, kjo do të thotë vërtet diçka. Edhe kundër Gjermanisë, ku ata ishin qartësisht në pakicë, tifozët tanë ishin kaq të zhurmshëm dhe dominues. Ishte e mrekullueshme se si na mbështetën për 90 minuta”, tha Yakin.