Category: Sport

Raporte të shumta në Itali pretendojnë se shefi i delegacionit të Italisë, Gigi Buffon, ka kërkuar të takohet me drejtuesit e Federatës Italian të Futbollit (FIGC( për të diskutuar të ardhmen e tij me kombëtaren dhe planet e tyre afatgjata dhe kjo vjen pak dit pas eliminimit të Italisë nga Euro 2024.

Kishte raporte se ish-portieri kishte vendosur të jepte dorëheqje, por sipas “Sky Sport Italia” dhe “Tuttosport”, kjo ende nuk ka ndodhur. Në fakt, Buffon ka kërkuar një takim me shefat e FIGC për të diskutuar planet afatgjata dhe pozicionin e tij brenda projektit, përcjellë KosovaPress.

Trajneri Luciano Spalletti emëroi Buffon si shef të delegacionit të Italisë në shtator 2023. Sipas raportimeve, Buffon dëshiron të sigurojë që të ketë kushte për të vazhduar projektin pas një eliminimi kaq zhgënjyes nga kampionati evropian.

Sipas “Tuttosport”, Spalletti gjithashtu mund të përfshihet në bisedime me fituesin e Kupës së Botës 2006.

As presidenti i FIGC-së Gabriele Gravina dhe as trajneri Spalletti nuk dhanë dorëheqje pas daljes së Italisë nga EURO 2024, por Gravina shpalli zgjedhjet e Federatës për 4 nëntor 2024.

Sot do të dihen edhe dy çerekfinalistët e fundit që do t’u bashkohen Gjermanisë, Spanjës, Francës, Portugalisë, Anglisë dhe Zvicrës.

Nga ora 18:00 zhvillohet ndeshja Rumani – Holandë, ku Tulipanët mbeten favoritë pavarësisht se po luajnë me një fituese grupi.

Në anën tjetër, Austria në top formë ka përballë Turqinë, dhe shumica e ekspertëve po e shohin si favorite për të kaluar në fazën tjetër.

Do të zhvillohet një ndeshje e kategorisë së rëndë sonte me fillim nga ora 18:10 ndërmjet Francës dhe Belgjikës në “Merkur Spiel-Arena” në Düsseldorf, me të dy këto kombëtare që synojnë kalimin në çerekfinale të Kampionatit Evropian të futbollit, Euro 2024.

Trajneri i Francës Didier Deschamps nuk ka probleme të mëdha me listën për t’u marrë përpara ndeshjes së raundit të 16-të. Trajneri i Francës ka në dispozicion të gjithë skuadrën e tij. Sulmuesi Kylian Mbappe, luajti 90 minutat e plota kundër Polonisë dhe është i gatshëm edhe për sot.

Ja formacionet e mundshme:

Franca: (4-2-3-1) Maignan, Kounde, Saliba, Upamecano, Hernandez, Kante, Tchouameni, Dembele, Griezmann, Rabiot, Mbappe

Belgjika: Casteels, Castagne, Faes, Vertonghen, Theate, Tielemans, Onana, Doku, De Bruyne, Carrasco, Lukaku.

Spanja fitoi me dominim të plotë në ndeshjen kundër Gjeorgjisë të cilën e mposhti me rezultat 4-1, derisa në çerekfinale do të ballafaqohet me Gjermaninë.

Para ndeshjes me Gjermaninë, trajneri i Spanjës, De La Fuente ka thënë se skuadra e tij është më e mira në këtë evropian.

“Ne kemi shumë besim dhe një ekip me talent, cilësi dhe përkushtim. Të jesh i bindur për aftësinë tënde është shumë e rëndësishme. Nuk dua të ofendoj askënd, por ne kemi ekipin më të mirë në këtë turne”, tha De la Fuente.

“Gjermania është një ekip fantastik, ata kanë disa nga lojtarët më të mirë në botë dhe janë shumë të organizuar, shumë të disiplinuar. Por ata do të përballen me një ekip shumë të ngjashëm me ta, shumë të përkushtuar, shumë mirë të organizuar, të vështirë për t’u kapërcyer, të uritur me shumë ambicie. E di që është gjëja e zakonshme të thuhet, por në futboll, janë detajet e vogla që do të vendosin ndeshjen dhe çfarë do të ndodhë në fund”, shtoi ai.

Mesfushori i Anglisë, Declan Rice, ka insistuar që ai dhe bashkëlojtarët e tij te Anglia janë plotësisht në mbështetje të Gareth Southgate .

Karriera e Southgate si trajner i “Tre Luanëve” për pak sa nuk përfundoi me një humbje poshtëruese ndaj Sllovakisë në raundin e 16-të në Euro 2024 të dielën mbrëma.

Megjithatë, një gol fantastik në minutën e 95-të nga Jude Bellingham e shpëtoi atë dhe ndeshja shkoi në vazhdime, pas së cilës Anglia siguroi fitore me rezultat 2-1 duke u kualifikuar në çerekfinale.

Southgate është përballur me kritika të shumta publike për përzgjedhjen e ekipit të tij dhe ngurtësinë taktike, me skuadrën e tij ende nuk ka bërë paraqitje bindëse pas ndeshjeve kundër Serbisë, Danimarkës, Sllovenisë dhe tani Sllovakisë.

Megjithatë, Anglia është ende e pamposhtur në Euro, dhe lojtarët e Southgate po i qëndrojnë besnikë shefit të tyre, sipas Rice.

Duke folur për “BBC Sport” pas fitores dramatike të së dielës, Rice reflektoi: ‘Nuk mund ta përshkruaj ndjenjën që përfaqësoj Anglinë në raundin e 16-të të Kampionatit Evropian. Ne jemi të bashkuar, do të bëjmë gjithçka për të mbrojtur këtë trajner. Ne do të vazhdojmë të luftojmë, është nder të jemi pjesë e saj”, ka thënë Rice.

Kampionati Evropian i futbollit do t’i mësojë sot edhe dy çerekfinalistë të tjerë që do të dalin nga dy ballafaqime jashtëzakonisht interesante.

Nga ora 18:00 në stadiumin “Merkur Spiel-Arena” në Düsseldorf do të ballafaqohen Franca me Belgjikën, dy kombëtare këto që synojnë t’i shkojnë deri në fund këtij kompeticioni, raporton KosovaPress.

Ndeshje tjetër interesante do të jetë edhe ajo e orës 21:00 ndërmjet Portugalisë dhe Sllovenisë. Portugezët hyjnë në këtë ndeshje si favorit, por ky kampionat ka ditur të ofrojë befasi, andaj mbetet për t’u parë edhe epilogiu i kësaj sfide.

Përgatiti: Arton Hamiti

Klubi i Suharekës do të jetë për herë të parë pjesë e Supërligës së Kosovës, pasi u shpall kampion në Ligën e Parë.

Por, ende pa filluar kampionati, problemet për këtë skuadër kanë filluar. Klubi i cili u themelua vetëm para një viti nuk ka qasje të plotë në stadiumin e qytetit, meqë komuna ia kishte dhënë në shfrytëzim për 10 vjet, skuadrës tjetër po ashtu kampione, Ballkanit.

Zyrtarë nga klubi i Suharekës nuk folën para kamerës, megjithatë televizioni pati qasje në kërkesën drejtuar komunës.

“Pasi kemi arritur të njëjtin status ligjor dhe sportiv me FC Ballkanin, kërkojmë që të trajtohemi me të njëjtat kritere dhe mundësi si ata. Kjo do të thotë qasje të papenguar në stadiumin e qytetit për stërvitje dhe ndeshje, si dhe përfshirje në vendimmarrjet që ndikojnë në përdorimin e tij”, thuhet në kërkesën e Ballkanit.

Teksa tha se po bëjnë gjithçka për t’i ndihmuar klubet e qytetit, kryetari Bali Muharremaj tregoi për një zgjidhje alternative që mund ta ofrojë komuna për këtë problematikë.

“Ai është një vendim i asamblesë komunale. Ne iu kemi thënë të drejtohen me një kërkesë, sepse po mundohemi ta përgatisim një fushë tjetër që e kemi”, tha Muharremaj.

Ndërkaq, zyrtarë nga Ballkani, përmes telefonit, thanë se pagesa për shfrytëzimin e stadiumit është simbolike. Në lidhje me kërkesën e skuadrës tjetër për qasje në stadium, shtuan se është kompetencë e komunës.

Dy lojë tejet interesante do të zhvillohen sot në fazën e 1/16-tës së Kampionatit Evropian.

E para do të jetë në mes të Anglisë dhe Sllovakisë, e cila zhvillohet “Veltins Arena” në Gelsenkirchen, nga ora 18:00.

Derisa loja e dytë luhet në mes të Spanjës dhe Gjeorgjisë.

Kjo përballje zhvillohet në “RheinEnergieSTADION”, në Koln.

Mbetet të shihet nëse në çerekfinale do të shkojnë dy favoritët Anglia dhe Spanja, apo do të ketë befasi.

UEFA ka vendosur që t’i përjashtojë dy gjyqtarët spanjollë, Alejandro Hernandez dhe Jesus Gil Manzano, nga “Euro 2024” pas ankesave për gjykimin e tyre, kanë raportuar të premten  mediume të ndryshme angleze.

Hernandez, i cili shërbeu si zyrtar i VAR-it, u përball me kritika për refuzimin e pretendimit për penallti të Skocisë në humbjen 1:0 ndaj Hungarisë të dielën e kaluar.

Ndërsa Manzano u kritikua për gabimin e tij gjatë fitores 1:0 të Francës ndaj Austrisë.

Krahas dy gjyqtarëve në shtëpi janë dërguar edhe ndihmësit, Diego Barbero Sevilla dhe Angel Nevado Rodriguez.

Ky vendim që e ka marrë UEFA e ka lënë gjyqtarin Martinez Munuera si përfaqësuesin e vetëm spanjoll për pjesën e mbetur të “Euro 2024”.

Ish-arbitri i La Ligas, Iturralde Gonzalez, i ka bërë thirrje Federatës Spanjolle të Futbollit të përmirësojë marrëdhëniet me UEFA-n pas largimit të katër nga pesë arbitrat pas fazës së grupeve.

“Ka nevojë urgjente për një përfaqësues spanjoll në komitetin e arbitrave”, ka thënë  Gonzalez për “Cadena SER”.

Ylli i futbollit italian dhe kapiteni i Përfaqësueses së Kosovës, Amir Rrahmani në rrjetin e tij social Instagram ka publikuar një video mjaftë interesante, duke dhënë edhe një lajm të rëndësishëm.

Ai shihet brenda një kuzhine duke asistuar kuzhinierin e famshëm, maestron Vincenzo Capuano në përgatitjen e një pice.

Me këtë rast Rrahmani ka treguar se shumë shpejtë në Prishtinë, do hapet piceria me 13 pica speciale, prej të cilave një e zgjedhur si kampione e botës.

Pizzeria mban emrin “CAPVIN 13” dhe do të jetë në Rrugën B në kryeqytet.

View this post on Instagram

A post shared by Amir Rrahmani (@amir_rrahmani13)