Category: Sport

Përzgjedhësi i Sllovenisë Matjaz Kek e ka uruar Kosovën për fitoren dhe kualifikimin në play-offin e Kampionatit Botëror 2026.

Kosova e dominoi Slloveninë për të shënuar fitore 0-2, sfidë që ishin më të mirë nga fillimi i ndeshjes.

Plotësisht me rezultatin është pajtuar edhe Kek, që vlerësoi lartë Kosovën për paraqitjen e bërë.

“Së pari, ta urojmë kundërshtarin tonë Kosovën, e merituan plotësisht fitoren. Bëmë disa gabime, karton të kuq e pastaj autogol, por ata ishin më të shpejtë, fituan topat e dytë dhe nuk po futeshim në lojë”.

“E ndryshuam formacionin, pastaj kur ke papërgjegjësi, luan jo mirë në këtë nivel duhet ta paguash. Me vetëm 10 lojtarë luajtëm me guxim, por duhet ndoshta të bënim kështu nga fillimi”.

“Nëse e dominuam këtë ndeshje në Prishtinë para një muaji, atëherë sot na dominuan. Të gjithë topat ishin nga ata. Fituan edhe na rrahën, në aspektin sportiv. Absolutisht na dominuan edhe në tribuna të stadiumit”, deklaroi ai.

Kujtojmë, Kosova rikthehet në “aksion” të martën e ardhshme përballë Zvicrës në “Fadil Vokrri”.

Kosova ka regjistruar një fitore të madhe dhe plotësisht të merituar në Lubjanë, duke triumfuar 0-2 ndaj Sllovenisë në ndeshjen e xhiros së pestë të fazës së grupeve në eliminatoret për Kampionatin Botëror.

Me këtë rezultat, Dardanët ngjiten në kuotën e 10 pikëve dhe sigurojnë matematikisht kualifikimin në play-off. Grupi kryesohet nga Zvicra me 13 pikë, ndërsa Sllovenia mbetet me 3 pikë dhe Suedia mbyll renditjen me vetëm 1 pikë.

Ndeshja nisi në mënyrën më të mirë për Kosovën. Në minutën e 6-të, Mërgim Vojvoda dha një pasim të shkëlqyer në thellësi për Fisnik Asllanin, i cili shënoi me qetësi për rezultatin 0-1. Kosova vazhdoi të menaxhonte mirë lojën, duke e mbajtur Slloveninë larg zonës dhe duke e detyruar atë të tentojë nga distanca. Rasti më i rrezikshëm i vendasve erdhi në minutën e 30-të, por portieri Amir Shaipi reagoi me një pritje vendimtare.

Pjesa e parë u mbyll me epërsinë minimale të Dardanëve, të cilët treguan pjekuri taktike dhe rrezikuan edhe me disa gjysmëraste të tjera.

Fillimi i pjesës së dytë solli tension për Slloveninë, që mbeti me 10 lojtarë pas dy kartonëve të verdhë të shpejtë të Petar Stojanovic (47’ dhe 53’). Kosova e shfrytëzoi menjëherë epërsinë numerike.

Në minutën e 64-t, pas një harkimi të Milot Muslijës në zonën e vogël, mbrojtësi slloven Zan Karnicnik devijoi topin në portën e vet, duke dyfishuar rezultatin në 0-2.

Dardanët patën edhe dy mundësi të tjera të mira për të thelluar epërsinë, por Jan Oblak ndali rastin e Veldin Hoxhës, ndërsa një goditje e Muslijës kaloi shumë pranë shtyllës.

Me këtë fitore, Kosova jo vetëm që merr një triumf të rëndësishëm në transfertë, por edhe arrit objektivin madhor të fazës së grupeve: kualifikimin në play-off. Një hap i madh drejt synimit për një vend në Kampionatin Botëror.

Kombëtarja e Zvicrës e ka rikthyer epërsinë në ndeshjen ndaj Suedisë.

Tashmë, “Helvetikët” po fitojnë 2-1.

Golin për zviceranët e shënoi Granit Xhaka, i cili shënoi nga penalltia.

Zvicra tashmë ka 13 pikë, derisa Kosova ka dhjetë pikë, me rezultatet momentale.

Kombëtarja e Kosovës ka dalur në epërsi të dyfishtë në kryeqytetin slloven, Lubjanë.

“Dardanët” e Franco Fodës po fitojnë 2-0.

Është Karnicnik që ka shënuar autogol, në minutën e 63-të.

Žan Karničnik amazing own goal !!

Slovenia 0-2 Kosovopic.twitter.com/wvjpwBeeKg

— Goals Xtra (@GoalsXtra) November 15, 2025

Kosova momentalisht ka dhjetë pikë të tubuara, teksa me këtë rezultat e siguron vendin e dytë dhe play-offin e Botërorit.

53′ Petar Stojanoviq është ndëshkuar me karton të kuq te Sllovenia. Ai mori të dytin të verdhë në minutën e 53-të.

46′ Ka filluar pjesa e dytë mes Sllovenisë dhe Kosovës.

45′ Kosova shkon në pushim mes pjesëve me avantazh 0-1 ndaj Sllovenisë.

26′ Dy goditje të Kosovës, por njëra bllokohet nga mbrojtësi e tjetra pritet nga Jan Oblak.

16′ Dy rivënie nga këndi për Kosovën, por nuk ka gol. Dardanët po e kërkojnë të dytin.

6′ Kosova po avancon. Mërgim Vojvoda gjen Fisnik Asllanin dhe ky i fundit mposht portierin Jan Oblak.

Kombëtarja e Kosovës është në epërsi pas pjesës së parë.

“Dardanët” e drejtuar nga Franco Foda po fitojnë 1-0 ndaj Sllovenisë në “Stozice Stadion”.

Është Fisnik Asllani që ka shënuar golin e vetëm në 45-minutëshin e parë.

Asllani shënoi në minutën e shtatë, pas një kontrolle të hatashme të topit dhe një goditjeje precize në këndin e djathtë të Jan Oblakut.

Momentalisht, Kosova ka dhjetë pikë të tubuara, ndërkohë Zvicra që po barazon pas pjesës së parë me Suedinë, ka 11 pikë.

Kjo do të thotë që në ndeshjen e së martës do të kemi një “mini-finale” në Prishtinë, për një kualifikim direkt në Botëror.

Distria Krasniqi ndezi sërish skenën e xhudos. Xhudistja kosovare, fituese e dy medaljeve olimpike, shkëlqeu të premten në Grand Prixin e Zagrebit, ku u shpall kampione në kategorinë deri 52 kilogramë – një rikthim i fuqishëm pas mungesës së gjatë në gara.

Triumfi në Zagreb është veçanërisht i rëndësishëm për Krasniqin. Për faqen zyrtare të Federatës Ndërkombëtare të Xhudos, ajo tha se “kam kujtime të mira nga Zagrebi. Këtu jam bërë kampione evropiane. Më pëlqen këtu. Është edhe afër kështu që është mirë gjithmonë”, duke treguar lidhjen e veçantë që ka me këtë qytet.

Në finale, kosovarja u përball me hungarezen Reka Pupp, një rivale që e njeh mjaft mirë. Pas 2 minutash e 26 sekondash luftë, Krasniqi realizoi një aksion të bukur për “Ippon”, duke e mposhtur për të dhjetën herë në njëmbëdhjetë ndeshje.

“I them Reka Puppit faleminderit për luftën. Mendoj se kemi pasur shumë përballje, nuk e mbaj mend se sa. Ndoshta në secilën garë është dashur të përballemi me njëra-tjetrën. Gjithmonë është luftë e vështirë. Njësoj ishte edhe kjo e fundit. E respektoj atë shumë, është xhudiste me personalitet shumë të mirë”, u shpreh Krasniqi pas finales.

Kjo ishte gara e parë e saj pas 13 qershorit, kur doli nënkampione e botës në Hungari. Për një sportiste me ritëm të ngjeshur garash, pauza gjashtëmujore ishte e pazakontë.

Ajo e pranoi vetë se “jam shumë e lumtur. Për një kohë të gjatë nuk kam garuar. Nuk më ka ndodhur që të mos garoj për gjashtë muaj, vetëm pas Olimpiadës. Kështu që për mua ishte ditë e mirë. Kam stërvitur shumë dhe mendoj se suksesi është rezultat i punës së madhe pas Kampionatit Botëror. Jam e lumtur që jam në formë të mirë”.

29-vjeçarja tashmë numëron tetë medalje të arta në nivel Grand Prix. Këtë vit ajo ka fituar të bronztën në Grand Slamin e Parisit, të argjendtën në Grand Prixin e Austrisë dhe të artën në Kampionatin Evropian, ndërsa triumfi në Zagreb forcon edhe më shumë statusin e saj në kategorinë 52 kg.

Në fund, Krasniqi theksoi se suksesi nuk ndodh rastësisht, por është rezultat i përkushtimit të gjithë ekipit, i cili punon vazhdimisht për detajet. Ajo shtoi se kjo qasje është arsyeja pse xhudoja kosovare mbetet “spektakolare”.

Të premten në Zagreb garoi edhe Flaka Loxha, e cila u rendit e pesta. Dardan Cena u ndal në luftën e dytë të shtunën, ndërsa të dielën do të garojnë Anes Veseli dhe Shpati Zekaj.

Presidenti i Real Madrid-it Florentino Perez ka paralajmëruar largimin nga detyra,dhe atë para përfundimit të mandatit të tij.

Në ditët në vijim pritet të mbahet mbledhja e përgjithshme e klubit,teksa Perez pritet të kumtojë vendimin për largimin nga kjo pozitë.

Përndryshe ende nuk dihet se cili do të jetë pasardhës i Perez-it në postin e presidentit,ndërkohë që vetë do të mbikëyrë mbarëvatjen e procesit të zgjedhjes së kreut të klubit mbretëror.

Kujtojmë që Florentino Perez njihet si arkitekt i “Los Galacticos”,ku në dy mandatet e tij si president Real Madrid fitoi të gjitha trofetë e mundshme.

Qendërmbrojtësi Dean Huijsen,është larguar nga grumbullimi me kombëtaren e Spanjës.

Hujisen nuk do të ketë mundësi të luaj kundër Gjeorgjisë të shtunën,si dhe ekziston rreziku edhe për ndeshjen e fundit kundër Turqisë.

Përndryshe Huijsen sipas “The Atlethic”është lënë jashtë si një ‘masë paraprake’ pasi përjetoi shqetësime në stërvitjen e së premtes,por nuk duket të ketë ndonjë shqetësim serioz për dëmtimin e Huijsen në këtë fazë, megjithëse ai do t’i nënshtrohet një skanimi për të përcaktuar shkallën e plotë të lëndimit.

Kujtojmë që Spanja me dy fitore në ndeshjet kundër Gjeorgjisë dhe Turqisë do ta siguronte kualifikimin direkt në botërorin e vitit 2026.

Sulmuesi polak Robert Lewandovski,tashmë ka hyrë në vitin e fundit të kontratës me gjigantin katalunas Barcelona.

Lewa ka folur për televizionin publik polak se do të marrë një vendim për të ardhmen,dhe se nuk do të nxitojë fare për këtë gjë.

Përndryshe Barcelona është duke synuar një sulmues i cili mund ta zëvëndësojë  37 vjeçarin,dhe njëri nga ata është sulmuesi i Bayern Munichut Harry Kane,por mbetet të shihet se nëse anglezi do të kalojë tek Barca apo do të zgjasë kontratën me gjigantin gjerman.

Kujtojmë që kontrata e Lewandovskit me Barcelonën skadon në qershor të vitit 2026.