Category: Sport

Ish-mbrojtësi i Barcelonës dhe aktualisht bashkëlojtar i Lionel Messit te Inter Miami, Jordi Alba, ka folur me emocione për mënyrën se si klubi katalanas duhet ta nderojë sulmuesin argjentinas në “Spotify Camp Nou”.

Alba u shpreh se Messi e meriton një nderim të madh, duke theksuar se rikthimi i tij në stadiumin ku u bë legjendë do të ishte një moment historik për klubin dhe tifozët.

“Ai dëshiron të nderohet, dhe shpresoj që kjo të ndodhë. Ai e meriton, do të jetë një festë e jashtëzakonshme. Të gjithë presim këtë moment. Ai është lojtari më i mirë në histori, dhe Camp Nou meriton të ndjejë përsëri energjinë e tij,” tha Alba, duke rikujtuar rëndësinë e Messit për Barcelonën.

Gjatë karrierës së tij te Barça, Lionel Messi ka shënuar 672 gola në 778 ndeshje, ka fituar 10 tituj të La Ligës, 4 Liga të Kampionëve dhe 7 Topa të Artë, duke u bërë futbollisti më i suksesshëm në historinë e klubit katalanas.

Deklarata e Jordi Albës ka ndezur sërish emocionet e tifozëve, të cilët prej kohësh presin një nderim zyrtar dhe madhështor për legjendën më të madhe që ka pasur ndonjëherë Barcelona.

Janë zhvilluar ndeshje interesante në ligën më të fortë të basketbollit në botë NBA.

Oklahoma City Thunder ka mposhtur në shtëpi skuadrën e Sacramento Kings me rezultat 113:99.

Shai-Gilgeous Alexanderme 33 pikë,8 kërcime e 3 asitime ishte basketbollisti më i miri tek Thunder,teksa kontribut dha dhe Chet Holgren me 21 pikë e 7 asitime.

Tek Sacramento më i miri ishte Dennis Schroder me 21 pikë e 5 kërcime,teksa Demar DeRozan shënoi 17 pikë,3 kërcime e 5 asistime.

Në anën tjetër Houston Rockets mposhti në udhëtim Cleveland Cavaliers me rezultat 114:104.

Alperen Sengun me 28 pikë,11 kërcime e 7 asistime ishte më i miri tek Rockets,teksa Kevin Durant shtoi 20 pikë,3 kërcime e 3 asitime.

Tek Cavaliers më i miri ishte De’Andre Hunter me 25 pikë,4 kërcime e 2 asistime,teksa Donovan Mitchell kontribuoi me 21 pikë,3 kërcime e 2 asistime.

Si gjithmonë, edhe në Kupën e Botës së ardhshme 2026 që do mbahet në Shtetet e Bashkuara të Amerikës, Meksikë dhe Kanada do të ketë mungesa yjesh.

Deri tani janë konfirmuar 11-lojtarë të “fortë” që do të mungojnë në kompeticionin më të madh të futbollit në botë.

Duke filluar nga ylli i Liverpoolit, Dominik Szoboszlai, e deri te sulmuesi i Galatasarayt, Victor Osimhen.

Më poshtë i keni 11 lojtarët e “fortë” që mungojnë në Kupën e Botës 2026:

11. Milos Kerkez (Hungaria)

10. Benjamin Sesko (Sllovenia)

9. Dusan Vlahovic (Serbia)

8. Ademola Lookman (Nigeria)

7. Carlos Baleba (Kameroni)

6. Jan Oblak (Sllovenia)

5. Serhou Guirassy (Guinea)

4. Victor Osimhen (Nigeria)

3. Dominik Szoboszlai (Hungaria)

2. Bryan Mbeumo (Kameroni)

1. Khvicha Kvaratskhelia (Gjeorgjia)

Kombëtarja e Kosovës sot mëson kundërshtarin e play-offit, për t’u kualifikuar në Kupën e Botës 2026.

Nga ora 13:00 në Nyon të Zvicrës, do të mësohen çiftet e gjysmëfinaleve dhe të finaleve në play-off

Përveç Kosovës, në këtë short bën pjesë edhe Kombëtarja e Shqipërisë.

Legjenda Marco Materazzi me dyshen, Chrstian Karembeu dhe Martin Dahlin – do jenë asistent të hedhjes së shortit.

Kujtojmë që kundërshtarët e mundshëm të Shqipërisë dhe Kosovës, janë: Sllovakia, Çekia, Polonia dhe Uellsi.

Sigal Prishtina ka pësuar humbje në udhëtim kundër ekipit britanik Manchester Basketball me rezultat 99:74.

Periudha e parë u dominua nga vendasit të cilët e mbyllën me shifrat 25:18,teksa në të dytin prishtinasit patën një periudhë më të mirë teksa pjesa e parë përfundoi me rezultat 41:37.

Në dy periudhat e fundit britanikët ishin dominantë ,duke mos lejuar Sigal Prishtinën që të bënte diçka dhe në fund ndeshja përfundoi me rezultat 99:74.

Deondre Burns me 23 pikë ishte më i miri së bashku me Arian Azemin me 14 pikë,kurse Adrio Bailey me 13 pikë si dhe Kelby Kramer me 10 pikë kontribuan për Prishtinën.

Orges Shehi më nuk është trajner i nënkampionit të Kosovës FC Ballkani.

Në një njoftim të bërë nga klubi suharekas Shehi kishte njoftuar lojtarët dhe klubin se do të largohej në janar,por ishin pikërisht drejtuesit e Ballkanit që vendosën të ndalin bashkëpunimin.

Përndryshe në një postim të bërë në rrjetet sociale FC Ballkani njoftoi largimin e Shehit,duke e falenderuar për bashkëpunimin gjatë kësaj periudhe.

https://www.facebook.com/photo/?fbid=1429636905835850&set=a.516918277107722

Kujtojmë që skuadrën e Ballkanit do ta drejtojë trajneri i U21 Edon Gashi,dhe atë deri në një vendim tjetër.

Kampioni i Kosovës në basketboll Trepça pësoi humbje nga Anwil me rezultat 96:78.

Në periudhën e parë polakët doninuan në tërësi duke e mbyllur me shifrat 21:17,kurse edhe në të dytin vendasit ishin më të mirë dhe pjesa e parë përfundoi me rezultat 53:36.

Në dy periudhat e fundit mitrovicasit luajtën më mirë,por në fund Anwil doli skuadra fituese duke fituar me rezultat 96:78.

Chad Brown me 19 pikëi ishte basketbollisti më i mirë tek mitrovicasit,teksa JaCori Payne kontribuoi me 18 pikë, derisa Mikaile Tmusiq me 17 pikë të tjera.

Ish ylli i Real Madrid-it Toni Kroos,ka dhënë kritika të ashpra për brazilianin dhe ish-shokun e skuadrës Vinicius Jr.

Kroos mendon se disa sjellje të Viniciusit janë bërë të tepruara,dhe se në shumë raste është bërë irritues.

“Shpesh i thosha që mjaft ishte mjaft, sepse dukej sikur i gjithë ekipi dëmtohej nga sjellja e tij. E kuptoj që në një moment mund të bëhet irritues, qoftë për kundërshtarët, për arbitrat apo për tifozët e skuadrës kundërshtare”

Përndryshe Kroos shton se u përpoq ta qetësonte brazilianin,në mëyrë që të mos e humb përqëndrimin gjatë ndeshjes.

Kujtojmë që Vinicus Jr nuk pati momente të mira kohëve të fundit,sidomos ishte i pakënaqur me vendimet që merrte trajneri aktual Xabi Alonso.

Trajneri i Arsenalit Mikel Arteta,ka folur ldhur me marrëdhëniet e tij me trajnerin e Manchester City-it.

Arteta e njeh Guardiolën që nga koha kur luante tek akademia e Barcelonës,dhe thotë se suksesi i tij është falë punës me të dhe e konsideron si hero.

“Dikush që e takova kur isha 15 vjeç. Ai ishte heroi im si lojtar. Përfunduam duke punuar së bashku dhe duke kaluar njërën nga periudhat më të mira të jetës sime. Dhe sërish, nëse jam ulur në karrigen ku jam sot, është falë tij”

Përndryshe Arteta u pyet se pse vendosi t’i bashkohej Manchester City-it,duke deklaruar se me të ishte i lidhur në aspektin e filozofisë,dhe se mësoi shumë gjëra.

Kujtojmë që Mikel Arteta më parë kishte punuar me Guardiolën si asistent tek Man City.

E ardhmja e portierit gjerman Marc Andre Ter Stegen mund të vendoset gjatë muajit dhjetor.

Sipas raportimeve të mediave gjiganti turk Besiktas po synon transferimin e gardianit gjerman,dhe kalimi mund të zyrtarizohet në muajin janar.

Përndryshe turqit synojnë që të huazojnë Ter Stegenin,duke përfshirë këtu një opsion blerjeje prej 8 milionë euro,dhe 33-vjeçari shihet si zëvendësues për Mert Gunok i cili po ka vështirësi kohëve të fundit.

Në anën tjetër tek Barcelona Ter Stegen nuk do të mund të jetë titullar,dhe largimi i tij nga Camp Nou do të mundësonte që të siguronte minutazhë në lojë,në mëyrë që të jetë gati për Kupën e Botës me Gjermaninë.

Kujtojmë që Marc Andre Ter Stegen ka kontratë me Barcelonën deri në vitin 2028