Category: Sport

Mëngjesin e sotëm janë zhvilllluar 10 ndeshje në Ligën më të fortë të basketbollit në botë, NBA.

Kmapioni në fuqi si dhe lideri i Konferencës Perëndimore, Detorit Pistons, ka realizuar fitoren e 12-të radhazi, kësaj radhe pasi mposhti Philadelphia 76ers me rezultat 123-103.

Si gjithmonë ylli I skuadrës së Thunder, Shai Gilgeous-Alexander, udhëhoqi skuadrën e tijë drejt fitores me 22 pikë, pesë kërcime e po aq asisitime, derisa Jalen Williams dhe Jaylin Willimas shtuna nga 18 pikë secili.

Te skuadra humbëse V. J. Edgecombe shkëlqeu me 35 pikë e gjasht kërcime.

Kujtojmë që 76ers renditen në poziten e shtatë në Konferencën e Lindjes.

Kur jemi tek lideret, edhe ai I Konferencës së Lindjes ka shënuar fitoren e katërt rresht, pas triumfit ndaj los Angeles Lakers me rezultat 113-110.

Më meritoret për këtë fitore ishin, Daniss Jenkins me 30 pikë e tëtë assitime dhe Jalen Duren me 20 pikë e 11 kërcime.

Nga ana tjetër, paraqitje supër të mirë kishin edhe Luka Doncic me 32 pikë, shtatë kërcime e gjashtë asistime dhe Austin Reaves me 24 sosh, por që nuk mjaftuan për fitore.

Kujtojmë që skuadra e Lakers rendite në pozitën e tretë në Konferencën e Perëndimit.

San Antonio Spurs ka vazhduar me fitore duke realizuar të gjashtën radhazi, pasi mposhti Miami Heat me shifrat 136-111.

Victor Ëembanyama ishte më efikasi në këtë fitore me 26 pikë e 16 kërcime.

Derisa te skuadra humbëse u dallua Norman Powell me 21 pikë.

Spurs renditen në poziten e dytë në Konferencën e Perëndimit, derisa Heat në vendin e nëntë në Konferencën e Lindjes, ku kjo ishte edhe humbja e pestë rresht për ta.

Sipas mediave franceze, legjenda e Real Madrid dhe ish-kapiteni i Francës, Zinedine Zidane, është kandidat kryesor për të marrë drejtimin e kombëtares franceze pas përfundimit të Kampionatit Botëror 2026.

Presidenti i Federata Franceze e Futbollit, Philippe Diallo, ngjalli spekulime gjatë një interviste për Le Figaro, duke thënë: “Po, e di emrin e tij”, pa dhënë më shumë detaje. Në Francë, lajmi konsiderohet pothuajse një “sekret publik”, duke lidhur emrin e Zidane me stolin e kombëtares.

Largimi i Didier Deschamps u bë i ditur që në fillim të vitit 2025. Nën drejtimin e tij, Franca fitoi Kupën e Botës 2018, arriti finalen e edicionit pasues, luajti në finale të Kampionatit Evropian 2016 dhe fitoi Ligën e Kombeve 2021.

Diallo shtoi rëndësinë e një profili të fortë për selektorin e ri: “Kombëtarja e Francës është ndër më të mirat në botë dhe nuk mund të drejtohet nga kushdo. Ne kemi nevojë për një trajner që plotëson kriteret më të larta dhe që gëzon mbështetjen e publikut francez.”

Zidane, 53 vjeç, konsiderohet kandidati më i përshtatshëm. Si trajner i Real Madridit, ai fitoi tri herë Ligën e Kampionëve (2016–2018) dhe më pas riktheu klubin te titulli kampion në 2020. Që nga 2021, ai nuk ka drejtuar asnjë skuadër, por sipas L’Équipe ka punuar në përbërjen e stafit të tij teknik, duke u përgatitur për rikthimin te Franca.

Për Zidane, drejtimi i kombëtares konsiderohet një objektiv kryesor në karrierën e tij si trajner dhe mund të shënojë një kapitull të ri në historinë e futbollit francez

Kombëtarja e Kosova U19, e ka nisur me barazim rrugëtimin në kualifikimet për Kampionati Evropian U19 2027, duke luajtur 1-1 ndaj Armenisë U19.

Në turneun që po zhvillohet në Turqia, skuadra e drejtuar nga Albert Bunjaku tregoi paraqitje solide në pjesën e parë, ku arriti të kalojë në epërsi në minutën e 19-të me golin e Lorik Mehmeti. “Dardanët” dominuan këtë pjesë, por nuk arritën të dyfishojnë avantazhin.

Në fraksionin e dytë loja u balancua më shumë, ndërsa kur dukej se Kosova po shkonte drejt fitores, Armenia fitoi një penallti në minutën e 81-të, të cilën e shndërroi në gol David Batoian për rezultatin përfundimtar 1-1.

Kosova U19 do të vazhdojë garën me ndeshjen e radhës kundër Gjibraltarit, ndërsa në përballjen e fundit do të takohet me Turqinë, në një grup ku çdo pikë mund të jetë vendimtare.

Ylli i Inter Miami, Lionel Messi, ka arritur një tjetër moment historik në karrierën e tij, duke kaluar legjendën Pele për numrin e golave të shënuar nga goditjet e lira.

Në përballjen ndaj New York City FC, Messi realizoi golin e tij të 71-të nga një goditje dënimi. Momenti erdhi në minutën e 61-të, kur Inter Miami fitoi një goditje të lirë rreth 25 metra nga porta. Argjentinasi mori përgjegjësinë dhe goditi, ndërsa topi, pasi devijoi nga muri mbrojtës, përfundoi në rrjetë duke mashtruar portierin.

Me këtë realizim, Messi kalon Pelen, i cili kishte ndalur numrin në 70 gola nga goditjet e lira gjatë karrierës së tij të jashtëzakonshme.

Megjithatë, rekordi absolut ende mbahet nga Juninho Pernambucano, i cili ka shënuar 77 gola nga situata të tilla. Duke parë formën aktuale të Messit, shumëkush beson se është vetëm çështje kohe derisa ai të arrijë dhe ta tejkalojë edhe këtë shifër.

Një tjetër rekord, një tjetër dëshmi e madhështisë së Messit, i cili vazhdon të shkëlqejë edhe në fundin e karrierës së tij.

Fillimi i Audi në Formula 1 për sezonin 2026 nuk ka shkuar sipas pritshmërive, dhe zhvillimet e fundit tregojnë se presioni brenda ekipit ka filluar të reflektohet edhe në drejtim.

Pas vetëm dy garash dhe me një bilanc modest prej dy pikësh, skuadra gjermane renditet në pjesën e poshtme të tabelës. Sipas raportimeve nga mediat ndërkombëtare të motorsportit, situata ka sjellë një vendim të papritur: largimin e drejtorit të ekipit, Jonathan Wheatley.

Zyrtarisht, Audi ka deklaruar se shkëputja ka ardhur për “arsye personale”, por burime nga mediat e huaja sugjerojnë se vendimi lidhet edhe me pakënaqësitë për performancën e dobët në startin e sezonit. Megjithatë, Wheatley nuk do të largohet nga Formula 1, pasi pritet të marrë një rol të ri drejtues te Aston Martin.

Kalimi i tij vjen në një moment jo të lehtë edhe për ekipin britanik, i cili po përballet me probleme serioze teknike, veçanërisht me njësinë e fuqisë, duke mos arritur ende të sigurojë asnjë pikë këtë sezon.

Analistët e mediave ndërkombëtare e shohin këtë lëvizje si një përpjekje për të ristrukturuar drejtimin në të dy kampet, ndërsa sezoni 2026 po nis me shumë sfida për skuadrat që synonin të ishin konkurruese.

Sulmuesi i Kosova, Vedat Muriqi, ka folur me optimizëm para ndeshjes vendimtare ndaj Sllovakia, duke theksuar se skuadra është e gatshme të luftojë për një vend në Kupa e Botës 2026.

Në një intervistë për FIFA, kapiteni i “Dardanëve” u shpreh se kjo është një mundësi e madhe për një kombëtare të re si Kosova. “Kemi vetëm disa vite në skenën ndërkombëtare, por kemi treguar se mund të garojmë. I gjithë vendi është i emocionuar dhe ne do të japim gjithçka për këtë ëndërr”, deklaroi ai.

Muriqi theksoi se përballja me Sllovakinë nuk do të jetë e lehtë, duke e cilësuar kundërshtarin si një ekip shumë të organizuar dhe me cilësi të lartë. “Ata kanë lojtarë të fortë dhe një trajner që di si ta përgatisë skuadrën. Do të jetë një ndeshje e vështirë, sidomos në transfertë, por jo e pamundur për ne”, u shpreh sulmuesi.

Ai rikujtoi edhe rrugëtimin e Kosovës në kualifikuese, duke pranuar se humbja ndaj Zvicrës ishte e vështirë, por shërbeu si motiv për ekipin. Sipas tij, ndryshimet e bëra nga trajneri Franco Foda kanë ndikuar dukshëm në përmirësimin e lojës dhe rezultateve.

Duke folur për ambiciet personale, Muriqi e bëri të qartë se pjesëmarrja në Botëror do të ishte realizimi i një ëndrre të madhe. “Do të ishte momenti më i rëndësishëm i karrierës sime. Dua ta përjetoj atë me Kosovën dhe të jap maksimumin deri në fund”, theksoi ai.

Kosova synon fitore në Bratislavë për të siguruar finalen e “play-off”-it, ku mund të përballet me Turqinë ose Rumaninë, në një tjetër hap drejt historisë.

UEFA ka bërë publike zyrtarisht listën e gjyqtarëve për ndeshjen vendimtare të “play-off”-it ku do të luajë Kosova, e cila do të zhvillohet më 26 mars 2026 në orën 20:45 në Bratislavë kundër Sllovakisë.

Gjyqtari kryesor i takimit do të jetë norvegjezi Espen Eskas, një figurë e njohur në futbollin evropian, i cili do të ketë për ndihmës gjyqtarë bashkëkombësit e tij Jan Erik Engan dhe Isaak Elias Bashevkin.

Në rolin e gjyqtarit të katërt është caktuar skocezi Nicholas Walsh, ndërsa teknologjia VAR do të jetë nën mbikëqyrjen e holandezit Rob Dieperink, i ndihmuar nga Clay Ruperti.

Ky delegim vjen në prag të një ndeshjeje me peshë të madhe për Kosovën, ku çdo vendim mund të ndikojë drejtpërdrejt në rrugëtimin drejt suksesit.

Tashmë gjithçka është gati për një mbrëmje tensioni dhe emocioni në arenën ndërkombëtare, me Dardanët që shpresojnë në fitore për të luajtur pastaj finalen në “Fadil Vokrri” ndaj Turqisë ose Rumanisë.

Federata e Futbollit të Kosovës (FFK) ka njoftuar se kanë dalë në shitje biletat për ndeshjen e radhës së ekipit kombëtar, që do të zhvillohet më 31 mars 2026, me fillim nga ora 20:45 në stadiumin “Fadil Vokrri” në Prishtinë.

Fati i kësaj ndeshjeje lidhet drejtpërdrejt me përballjen paraprake në Sllovaki. Në rast se Kosova siguron fitore, atëherë përballja e 31 marsit do të jetë finale e “play-off”-it, ku kundërshtar do të jetë fituesi i duelit mes Turqisë dhe Rumanisë.

Në të kundërtën, nëse “Dardanët” pësojnë humbje, kjo ndeshje do të zhvillohet si miqësore ndaj humbësit të çiftit Turqi–Rumani.

Interesimi pritet të jetë i madh, pasi bëhet fjalë për një takim me peshë, qoftë për një finale historike apo një përballje testuese me kundërshtarë të fortë evropianë.

Sllovakët do të takohen me kombëtaren e Kosovës këtë javë në ‘play-off’ për Kupën e Botës 2026. I famshmi Antonin Panenka i vlerësoi futbollistët sllovakë para kësaj ndeshjeje, por edhe bëri një shenjë paralajmëruese.

Kombëtarja e Sllovakisë do të përballet me Kosovën në ndeshjen eliminatore për Kupën e Botës 2026, të enjten, më 26 mars. Të gjithë në Sllovaki tashmë po numërojnë ditët mbrapsht, dhe kështu është edhe futbollisti legjendar çek Antonín Panenka, i cili foli për shanset e vendasve në këtë ndeshje.

Kampioni evropian me ish-Çekosllovakinë e vitit 1976 tërhoqi vëmendjen për cilësinë e anashkaluar të kosovarëve dhe zbuloi pse loja si vendas mund të jetë një shpatë me dy tehe për ekipin sllovakë.

Panenka: Mos e nënvlerësoni Kosovën

Kosova do të jetë pa kapitenin Amir Rrahmani (SSC Napoli) dhe mesfushorët kryesorë Leon Avdullahu (Hoffenheim) dhe Muharrem Jashari (LNZ Cherkasy) kundër Sllovakisë.

Megjithatë, Panenka theksoi cilësitë e tyre dhe paralajmëroi se nuk duhen nënvlerësuar, pasi skuadra e Kosovës përfshin 11 lojtarë që luajnë në ligat elitare si ajo italiane ose gjermane.

“Shumë njerëz e nënvlerësojnë Kosovën, por këto ekipe ballkanike kanë futbollistë me të vërtetë të cilësisë së lartë. Shumica e njerëzve nuk e kuptojnë këtë. Mos i nënvlerësoni. Ata janë gjaknxehtë dhe shumë luftarakë. Shumë prej tyre luajnë në ligat kryesore evropiane, gjë që flet vetë. Nuk do të jetë aspak një kundërshtar i lehtë”, ka thënë fillimisht Panenka, autori i goditjes ikonike të penalltisë nga finalja e Kampionatit Evropian të vitit 1976 për Sport24.

Megjithatë, Panenka theksoi gjithashtu forcën e ekipit sllovak: “Ka gjithashtu shumë futbollistë të shkëlqyer në ekipin sllovak, dhe shumica e tyre kanë lënë gjurmë edhe jashtë vendit. Guxoj të them se keni një ekip më të orientuar drejt futbollit krahasuar me ekipin tonë çek”.

Sllovakët do ta mirëpresin Kosovën në stadiumin ‘Tehelné polí’ të Bratislavës me të gjitha biletat e shitura. Megjithatë, Panenka paralajmëroi se presioni i ambientit vendas mund të jetë një shpatë me dy tehe.

“Në ndeshjen kundër Kosovës, do të jetë e rëndësishme që lojtarët të tregojnë shpirt luftarak dhe përkushtim, sepse kundërshtari patjetër do t’i ketë këto aspekte. Avantazhi juaj i madh është se po luani në tokën tuaj vendase para tifozëve tuaj. Lojtarët duhet të tregojnë në fushë se e ndiejnë mbështetjen e vendasve, gjë që ndonjëherë krijon presion dhe shpesh është shumë e vështirë. Sigurisht, do t’i mbaj gishtat e kryqëzuar për sllovakët”, përfundoi legjenda çeke.

Një boksere 19-vjeçare, Isis Sio, është vendosur në gjendje kome të induktuar mjekësisht pasi pësoi një nokaut të rëndë gjatë një meçi të zhvilluar të shtunën kundër Jocelyn Camarillo.

Ndeshja u mbajt në San Bernardino, Kaliforni, në kuadër të një eventi të organizuar nga ProBoxTV, dhe përfundoi shumë shpejt – vetëm 78 sekonda pas fillimit.

Camarillo e vuri Sio në presion pranë litarëve dhe e goditi me një seri goditjesh të forta, duke bërë që ajo të bjerë me fytyrë përpara në ring.

Pas nokautit, Sio shfaqi shenja të rënda fizike duke u dridhur në ring.

Ajo u transportua menjëherë në spitalin Loma Linda University Health, ku mjekët vendosën ta fusin në komë të induktuar për shkak të gjendjes së saj serioze.

Në një deklaratë zyrtare, organizata ProBoxTV u shpreh:

“Në emër të drejtorit ekzekutiv Garry Jonas dhe gjithë familjes ProBox, lutemi për shërim të shpejtë të Isis Sio. Ajo aktualisht ndodhet në një gjendje kome të induktuar mjekësisht. Mendimet tona janë me të dhe familjen e saj në këto momente shumë të vështira”.

Sio hyri në këtë përballje me një rekord profesional prej 1 fitoreje dhe 2 humbjesh, ndërsa në janar kishte pësuar një tjetër disfatë me nokaut, këtë herë nga një goditje në trup (kroshe i majtë) nga Perla Bazaldua.

Nga ana tjetër, kundërshtarja e saj Jocelyn Camarillo është një boksere e suksesshme në nivel amator, me tre tituj kampione shtetërore, dhe hyri në këtë ndeshje me rekord të pastër profesional 5-0, ku të gjitha fitoret i kishte arritur me vendim të gjyqtarëve.

Vlen të theksohet se kjo ishte hera e parë që Sio garonte në kategorinë “junior flyweight” (muha), me peshë zyrtare 48.7 kilogramë.

Në paraqitjet e mëparshme, ajo kishte garuar në kategori më të rënda, me peshë 51.7 dhe 53.5 kilogramë.