Category: Sport

Xhiro e 35-të në Superligën e Zvicrës ka përfunduar, duke sjellë edhe një surprizë të madhe në garën për titull. FC Thun është shpallur kampion, duke befasuar me ecurinë e tij këtë sezon.

Kjo javë u karakterizua edhe nga paraqitje shumë të mira të futbollistëve shqiptarë. Në veçanti, dyshja e FC Sion, Benjamin Kololli dhe Kreshnik Hajrizi, ishte ndër më të dalluarit në fushë.

Gjithashtu, në formë të shkëlqyer u paraqit edhe reprezentuesi i Maqedonisë së Veriut, Ezgjan Alioski, duke konfirmuar rolin e tij të rëndësishëm në skuadër.

Falë performancave të tyre, Kololli, Hajrizi dhe Alioski janë përfshirë në formacionin e javës në elitën e futbollit zviceran nga SofaScore.

Kololli spikati me notën 8.3 pas golit të shënuar ndaj FC St. Gallen, ndërsa Hajrizi dhe Alioski u vlerësuan me nga 7.9, duke dëshmuar paraqitje të qëndrueshme dhe ndikim të rëndësishëm për ekipet e tyre.

Albion Rrahmani është rikthyer te golat në Superligën e Çekisë, duke konfirmuar formën e tij të mirë me fanellën e Sparta Prague.

Sulmuesi kosovar ishte vendimtar në fitoren 2-0 ndaj FK Jablonec. Ai u inkuadrua në lojë në minutën e 60-të dhe arriti të shënojë golin e dytë, duke vulosur suksesin e ekipit të tij.

Falë paraqitjes së shkëlqyer në këtë ndeshje, Rrahmani është përfshirë në formacionin e javës në elitën e futbollit çek nga SofaScore.

25-vjeçari ishte ndër lojtarët më të vlerësuar të javës, duke u notuar me 8.3 për performancën e tij mbresëlënëse.

Ndërkohë, forma e tij këtë sezon është dëshmi e vazhdimësisë, pasi në 45 ndeshje në të gjitha garat me Spartën, Rrahmani ka realizuar 15 gola dhe ka dhuruar 3 asistime, duke qenë një nga pikat kyçe në repartin ofensiv të skuadrës

FC Barcelona ka marrë një vendim të prerë në mes të zhurmës së afatit kalimtar, duke refuzuar një ofertë prej 120 milionë eurosh nga Manchester United për mesfushorin Fermín López.

Ky veprim konfirmon vlerësimin e lartë që klubi katalanas i jep lojtarit, i cili është shndërruar në një nga elementët me më shumë potencial në skuadër. Pavarësisht shumës së konsiderueshme, drejtuesit sportivë e konsiderojnë shitjen e tij në këtë moment si një gabim strategjik.

Fermín López jo vetëm që është rritur si alternativë konkurruese, por është konsoliduar si një futbollist që përfaqëson identitetin e klubit: intensiv në presion, vertikal në lojë dhe me personalitet për të ndikuar në ndeshje të mëdha.

Manchester United synonte të përfitonte nga shpërthimi i tij për të siguruar një mesfushor modern, me aftësi shënuese dhe energji të lartë, por është përballur me një refuzim të qartë. As shifra prej 120 milionë eurosh nuk ka ndryshuar planin e klubit katalanas.

Edhe pse një shumë e tillë mund të ndikojë në planet financiare të shumë klubeve, përfshirë Barcelonën që vazhdon të monitorojë situatën ekonomike, mesazhi i brendshëm ka qenë i prerë: jo çdo lojtar me treg duhet të shitet.

Klubi synon të ndërtojë rreth futbollistëve të formuar brenda dhe me potencial afatgjatë, jo t’i shesë sapo shfaqet një ofertë e majme. Qëndrimi për të mbajtur López dërgon një sinjal të fortë si brenda skuadrës, ashtu edhe në treg.

Barcelona nuk dëshiron të perceptohet si një klub shitës kur bëhet fjalë për talentet e saj më të mirë. Edhe pse Manchester United mund të rikthehet me oferta të reja, qëndrimi aktual mbetet i pandryshuar: lojtari nuk është në shitje.

Refuzimi i një oferte të tillë përfaqëson një deklaratë të qartë besimi ndaj një futbollisti që konsiderohet pjesë thelbësore e së ardhmes së klubit.

Barcelona e sheh Fermín López si shumë më tepër sesa një mundësi përfitimi financiar. Në një skuadër që kërkon ekuilibër mes talentit të ri dhe performancës së menjëhershme, ai ofron një kombinim të vlefshëm, duke qenë i aftë të luajë në disa role në mesfushë dhe të ndikojë drejtpërdrejt në fazën sulmuese.

Federata e Futbollit e Kosovës, në bashkëpunim me sponsorin zyrtar të Superligës, Albi Mall, ka vazhduar ndarjen e çmimit tradicional “Ylli i Javës”, i cili këtë herë i është dhënë futbollistit të KF Llapi, Arbnor Ramadani, si lojtari më i dalluar i javës së 32-të në elitën e futbollit kosovar.

Ky vlerësim është bërë nga Komisioni i Veteranëve të Futbollit, i cili ka veçuar paraqitjet e Ramadanit gjatë kësaj jave.

Pas pranimit të çmimit, Ramadani u shpreh i lumtur për vlerësimin, duke theksuar rëndësinë e ekipit dhe fokusin për ndeshjet e ardhshme.

“E kemi pasur një ndeshje ndaj një kundërshtari shumë të fortë si FC Ballkani. Nuk kemi pasur shumë kohë për përgatitje, por kemi hyrë në fushë pa pasur çfarë të humbim, duke dhënë maksimumin për të marrë një rezultat pozitiv.

Fondi i lojtarëve në klubin tonë është mjaft i pasur dhe besoj se pozita ku gjendemi aktualisht nuk është reale. Megjithatë, disa rezultate të dobëta radhazi na kanë sjellë në këtë situatë.

Do të japim maksimumin për të dalë nga kjo gjendje dhe për të shmangur barazhin. Fillimisht dua ta falënderoj Federatën e Futbollit të Kosovës për këtë vlerësim. Ky çmim i dedikohet të gjithë bashkëlojtarëve, sepse pa ta nuk do të ishte e mundur të shpallesha ‘Ylli i Javës’. Tani jemi të fokusuar 100% në ndeshjet e radhës dhe shpresojmë të vazhdojmë me rezultate pozitive”, tha ai për faqen zyrtare të FFK-së.

Cleveland Cavaliers arritën një fitore të rëndësishme ndaj Toronto Raptors me rezultatin 114:102 në ndeshjen e shtatë vendimtare, duke siguruar një vend në gjysmëfinalet e Konferencës Lindore në NBA.

Heroi i mbrëmjes ishte Jarrett Allen, i cili barazoi rekordin e tij në playoff me 22 pikë dhe 19 kërcime, duke qenë lojtari kyç për ekipin vendas. Donovan Mitchell shtoi gjithashtu 22 pikë, ndërsa James Harden kontribuoi me 18 pikë.

Toronto e nisi më mirë ndeshjen dhe mbajti kontrollin gjatë pjesës së parë, duke krijuar një epërsi prej 10 pikësh në çerekun e dytë. Megjithatë, Cleveland reagoi fuqishëm, duke përmbysur disavantazhin 47:38 me një seri 11:2 dhe duke e mbyllur pjesën e parë në barazim 49:49, falë goditjeve për tre pikë nga Harden, Max Strus dhe Jaylon Tyson.

Momenti vendimtar erdhi mes çerekut të dytë dhe të tretë, kur Cavaliers realizuan një seri të jashtëzakonshme 49:21, duke kaluar nga -9 në +19. Në këtë fazë, Allen dominoi me 14 pikë dhe 10 kërcime, pesë prej tyre ofensive, ndërsa një nga momentet më të spikatura ishte kundër-zhytja e tij pas vjedhjes së topit nga Strus ndaj Scottie Barnes.

Cleveland dominoi edhe në kërcime (25:8 në atë periudhë), duke shndërruar 10 kërcime ofensive në 14 pikë. Pas ndeshjes, Barnes, që e mbylli me 24 pikë dhe 9 kërcime, deklaroi se rikuperimet sulmuese të kundërshtarit ishin vendimtare për rrjedhën e takimit.

Për Raptors, RJ Barrett realizoi 23 pikë, ndërsa Brandon Ingram mungoi për të dytën ndeshje radhazi për shkak të një dëmtimi në thembër.

Menjëherë pas ndeshjes, Mitchell theksoi fokusin te sfida e radhës, duke u shprehur se ekipi tashmë është i përqendruar te kundërshtari i radhës.

Në ndeshjen e javës së 35-të të Premier League, Manchester United ka regjistruar një fitore të madhe 3-2 ndaj Liverpool, duke hedhur një hap të rëndësishëm drejt sigurimit të një vendi në Ligën e Kampionëve për sezonin e ardhshëm.

Vendasit e nisën ndeshjen furishëm, duke krijuar një epërsi të dyfishtë brenda 14 minutave. Në minutën e 6-të, Matheus Cunha shënoi një gol të bukur nga jashtë zonës për 1-0, ndërsa në minutën e 14-të, Benjamin Šeško e dyfishoi rezultatin pas një situate të ngatërruar në zonë. Goli i tij u kontrollua nga VAR-i për një të dyshuar për lojë me dorë, por pas rishikimit u konfirmua si i rregullt.

Liverpooli reagoi fuqishëm në pjesën e dytë. Dominik Szoboszlai e riktheu skuadrën në lojë me një aksion individual dhe goditje të bukur nga distanca për 2-1 (47’), ndërsa Cody Gakpo barazoi rezultatin në 2-2 (56’), pas asistimit të Szoboszlait.

Megjithatë, Manchester United nuk u dorëzua dhe në minutën e 77-të, Kobbie Mainoo shënoi golin vendimtar për 3-2, duke përfituar nga një top i kthyer dhe duke gjuajtur saktë nga skaji i zonës.

Me këtë fitore, Manchester United duket se ka “blinduar” vendin e tretë në tabelë dhe ka siguruar  pjesëmarrjen në Ligën e Kampionëve sezonin e ardhshëm. United tani ka 64 pikë në pozitën e tretë, ndërsa Liverpooli mbetet në vendin e katërt me 58 pikë.

Sassuolo ka shënuar një fitore të madhe 2-0 ndaj AC Milan, në ndeshjen e javës së 35-të në Serie A.

Futbollisti shqiptar Ardon Jashari u paraqit titullar për Milanin, por ishte i pafat te goli i parë, që erdhi pas një gabimi të tij.

Sassuolo kaloi në epërsi që në minutën e 5-të me Domenico Berardi, ndërsa epërsinë e dyfishoi në fillim të pjesës së dytë me Armand Laurienté në minutën e 47-të.

Situata për Milanin u vështirësua edhe më shumë në minutën e 24-të, kur Fikayo Tomori u përjashtua pas dy kartonëve të verdhë, duke i lënë mysafirët me një lojtar më pak për pjesën më të madhe të takimit.

Jashari u zëvendësua në minutën e 66-të, ndërsa portieri Arijanet Muric qëndroi në pankinë për Sassuolon pa u aktivizuar.

Pas kësaj fitoreje, Milani mbetet në vendin e tretë me 67 pikë, ndërsa Sassuolo ngjitet në pozitën e nëntë me 49 pikë.

Në kuadër të javës së 32-të të Superliga e Kosovës, SC Gjilani dhe KF Ferizaj barazuan 1-1 në një ndeshje shumë dramatike të zhvilluar në terrenin me bar sintetik në Gjilan.

Pjesa e parë nuk prodhoi gola, me të dyja skuadrat që treguan kujdes në lojë. Megjithatë, pjesa e dytë solli emocione dhe gola, duke e bërë sfidën shumë interesante deri në fund.

Fillimisht, Ferizaj gjeti rrugën e rrjetës në mesin e pjesës së dytë me Betim Haxhimusa, por goli u anulua pas rishikimit me VAR.

Më pas, Gjilani kaloi në epërsi në minutën e 82-të, kur Senad Jarović realizoi me kokë për 1-0, duke i dhënë avantazhin vendasve.

Në minutat e fundit, Ferizaj fitoi një penallti, por nuk arriti ta konkretizojë.

Megjithatë, mysafirët nuk u dorëzuan dhe në minutën e 103-të (minuta e 13-të shtesë), pas një aksioni të ndërtuar mirë, Claudi shënoi me kokë për 1-1, duke i siguruar Ferizajt një pikë shumë të rëndësishme në garën për mbijetesë.

Nga ana tjetër, Gjilani humbi dy pikë të vlefshme në luftën për pozitat që dërgojnë në garat evropiane.

Në kuadër të javës së 32-të të Superliga e Kosovës, KF Ballkani u përball me KF Llapi në Suharekë, ku mysafirët regjistruan një fitore të madhe minimale 1-0.

Pjesa e parë u karakterizua me disa raste nga të dyja skuadrat, por rrjetat mbetën të paprekura.

Në pjesën e dytë, Ballkani rriti presionin dhe krijoi mundësi të njëpasnjëshme, por portieri Marjan Coric ishte vendimtar, duke ndalur çdo tentim të vendasve.

Goli i vetëm i ndeshjes u shënua në minutën e 75-të, kur Llapi shfrytëzoi një dalje të rrezikshme dhe Arbor Ramadani realizoi një gol fantastik për 0-1.

Në minutat e mbetura, Ballkani provoi gjithçka, duke hedhur më shumë sulmues në fushë, por nuk arriti të barazojë. Ndeshja pati edhe tensione, ku një anëtar i stafit të Llapit u ndëshkua me karton të kuq.

Në kohën shtesë, Ballkani kërkoi penallti, por gjyqtari Genc Nuza, pasi konsultoi VAR-in, nuk akordoi goditje nga pika e bardhë.

Pas kësaj humbjeje, Ballkani duket se largohet nga gara për titull, pasi ka 55 pikë, tetë më pak se lideri KF Drita me 63 pikë. Ndërkohë, Llapi ngjitet në vendin e tetë me 36 pikë, pozitë që çon në baraz