Category: Lajme

Një aksident i rëndë ka ndodhur mëngjesin e sotëm në fshatin Dobrushë të Istogut.

Si pasojë e këtij vetaksidenti ka humbur jetën një person.

Lajmi është konfirmuar edhe nga zëdhënësi i policisë për rajonin e Pejës, Fadil Gashi.

“Rreth orës 06:00 të mëngjesit policia ka pranuar informatën për një vetaksident në fshatin Dobrushë të Istogut, ku si pasojë shoferi rreth 32 vjeçar ka humbur jetën”, tha Gashi.

Gashi bëri të ditur se shoferi ishte përplasur me një shtyllë të betonit dhe se i njëjti ka ndërruar jetë në vendin e ngjarjes.

“Në vendin e ngjarjes kanë dalë menjëherë policia, ekipet emergjente e zjarrfikësit. Mjeku ka konstatuar vdekjen”, tha ai.

Në lidhje me rastin, policia dhe njësitë relevante kanë nisur hetimet për të sqaruar rrethanat e plota të këtij aksidenti.

Me rastin e 27-vjetorit të rënies së dëshmorëve dhe martirëve në fshatin Doganaj, Organizata e Veteranëve të Luftës së UÇK-së, dega në Kaçanik, dhe Këshilli Organizues, nën përkrahjen e Komunës së Kaçanikut, organizojnë manifestim përkujtimor.

Pas manifestimit përkujtimor, do të bëhet vendosja e luleve në vendin e rënies, pranë lapidarit të ngritur, si dhe do të bëhen homazhe në Kompleksin Memorial te Varrezat e Dëshmorëve.

Më 13 prill 1999, forcat serbe kishin rrethuar lagjen e Vatës dhe fshatin Sllatinë.

Pas një breshërie të pamëshirshme granatash, ato hynë me egërsi, plaçkitën dhe dogjën shtëpitë, duke vrarë mizorisht 13 shqiptarë të paarmatosur dhe të pafajshëm.

Kryeministri i Kosovës, Albin Kurti, ka përgëzuar liderin e partisë Tisza të Hungarisë, Peter Magyar, për triumfin e tij në zgjedhjet parlamentare.

Në një reagim të publikuar në platformën “X”, Kurti theksoi se Kosova e mirëpret përkrahjen e qytetarëve hungarezë ndaj vlerave evropiane dhe shprehu vullnetin për bashkëpunim në të ardhmen.

“Urime Peter Magyar për fitoren në Hungari. Kosova e mirëpret mbështetjen e popullit hungarez për vlerat e Bashkimit Evropian dhe presim me padurim të bashkëpunojmë”, ka deklaruar Kurti.

Congratulations to Péter Magyar on his election victory in Hungary. Kosova welcomes the Hungarian people’s support for European Union values and we look forward to working together.

— Albin Kurti (@albinkurti) April 12, 2026

Ndërkohë, zgjedhjet e 12 prillit sollën ndryshim në skenën politike hungareze, ku kryeministri në detyrë, Viktor Orban, pësoi humbje, duke i hapur rrugën opozitës të udhëhequr nga Peter Magyar, i cili tani pritet të formojë kabinetin e ri qeveritar në Budapest.

Një vjedhje është raportuar në fshatin Mirash të Ferizajt.

Sipas ankuesit, persona të panjohur kanë depërtuar me forcë në një xhami, duke hapur derën dhe më pas kanë vjedhur arkën e bamirësisë.

Përveç vjedhjes, të dyshuarit kanë dëmtuar edhe kamerat e sigurisë së objektit.

Në raportin e policisë bëhët e ditur se vlera e dëmit të shkaktuar, përfshirë arkën dhe pajisjet e kamerave, kap shumën rreth 170 euro.

“Fsh. Mirash, Ferizaj 12.04.2026 – NN. Ankuesi mashkull kosovar, ka njoftuar se të dyshuar të panjohur kanë hapur me forcë derën e Xhamisë dhe nga aty kanë vjedhur arkën e bamirësisë dhe kanë dëmtuar kamerat e sigurisë. Sipas ankuesit vlera e dëmit të shkaktuar (arka dhe kamerat me pajisje) është rreth 170 euro. Rasti duke u hetuar”.

Presidenti i Shteteve të Bashkuara të Amerikës, Donald Trump, ka reaguar ashpër ndaj Papa Leon XIV, pas deklaratave të këtij të fundit lidhur me qëndrimin e Trump ndaj Iranit.

Përmes një postimi në rrjetin social “Truth Social”, Trump e ka cilësuar Papën si “të tmerrshëm për politikën e jashtme”, duke kundërshtuar hapur kritikat e tij.

“Nuk dua një Papë që mendon se është e drejtë që Irani të ketë armë bërthamore”, ka shkruar Trump, teksa e ka akuzuar gjithashtu kreun e Selisë së Shenjtë për dobësi në çështjet që lidhen me krimin dhe armët bërthamore.

Reagimi i presidentit amerikan vjen pasi Papa Leo XIV kritikoi deklaratën e Trump, i cili kishte paralajmëruar se “një qytetërim i tërë do të zhdukej sonte” nëse Irani nuk pranonte një marrëveshje për ndalimin e luftës.

Papa e cilësoi këtë qëndrim si “plotësisht të papranueshëm”, duke theksuar se një retorikë e tillë nuk është vetëm çështje e së drejtës ndërkombëtare, por edhe e moralit.

Pesë raste të dhunës në familje janë raportuar brenda 24 orëve në Kosovë.

Njoftimi:

DHUNË NË FAMILJE

· Prishtinë 12.04.2026 – 13:05. Është arrestuar i dyshuari mashkull kosovar, për shkak se kishte sulmuar fizikisht bashkëshorten dhe vajzën e tij. Viktimat kanë pranuar trajtim mjekësor, ndërsa i dyshuari me vendim të prokurorit është dërguar në mbajtje.

· Lipjan 12.04.2026 – 12:00. Viktima femër kosovare, pas një mosmarrëveshje është sulmuar nga i dyshuari mashkull kosovar, bashkëshorti i saj. Viktima ka pranuar tretman mjekësor. Me vendim të prokurorit i dyshuari është liruar në procedurë të rregullt.

· Podujevë 12.04.2026 – 15:00. Është raportuar se viktima femër kosovare është sulmuar fizikisht nga vajza e saj e cila është me terapi për probleme mendore. Viktima ka pranuar trajtim mjekësor. Po ashtu në trajtim mjekësor psikiatrik nën përcjellje të policisë është dërguar edhe e dyshuara. Me vendim të prokurorit është iniciuar rasti.

DHUNË NË FAMILJE

· Malishevë 12.04.2026 – 06:30. Është arrestuar i dyshuari mashkull kosovar, pasi që i njëjti ka ushtruar dhunë ndaj vajzës së tij. Nuk raportohet për të lënduar, ndërsa me vendim të prokurorit i dyshuari është dërguar në mbajtje.

· Gjakovë 10.04.2026 – 20:00. Është arrestuar i dyshuari mashkull kosovar, pasi që i njëjti ka sulmuar fizikisht bashkëshorten e tij. Viktima ka refuzuar tretmanin mjekësor. Me vendim të prokurorit i dyshuari është dërguar në mbajtje.

Kjo javë parashihet me mot të ndryshueshëm, vranësira, rreze dielli dhe riga shiu.

Instituti Hidrometeorologjik i i Kosovës ka njoftuar që temperaturat minimale do të lëvizin ndërmjet 1-4 gradë Celsius, ndërsa maksimalet e ditës parashihen të lëvizin ndërmjet 15-19 gradë Celsius.

E hënë

Mot me diell dhe vranesira të shpërndara.

Temperaturat minimale: 1-4°C

Temperaturat maksimale: 15-19°C

Era: Do të fryjë erë nga drejtimi i jugperendimit me shpejtësi 1-7m/s

E martë

Mot me diell dhe vranesira të shpërndara. Vranësirat gjatë ditës vende-vende parashihen të sjellin riga shiu.

Temperaturat minimale: 3 – 7°C

Temperaturat maksimale: 15-18°C

Era: nga jugperendimi me shpejtësi 1-5m/s

E mërkurë

Moti me diell dhe vranësira të shpërndara.. Vrannsirat vende-vende mund të sjellin riga shiu.

Temperaturat minimale: 3-7°C

Temperaturat maksimale: 16-19°C

Era: kryesisht nga jugperëndimi me shpejtësi 1-6m/s.

E enjte

Mot me diell dhe vranësira të shpërndara. Vranësirat vende-vende mund të sjellin riga shiu.

Temperaturat minimale: 4-8°C

Temperaturat maksimale: 17-19°C

Era: nga veriperendimi 1-7m/s.

E premte

Mot me diell dhe vranësira të shpërndara.

Temperaturat mimale: 3 deri 7°C

Tmperaturat maksimale: 15- 18°C

Era: nga drejtimi i veriperendimi me shpejtësi 1-6m/s.

Njohësi i rrethanave politike dhe ekonomike, Shënoll Muharremi, ka reaguar pas deklaratave të kryeministrit Albin Kurti nga eventi ODI Global në Londër, i cili pretendoi se Kosova ka arritur të tejkalojë kriza ekonomike dhe të përforcohet në aspektin financiar.

Muharremi me anë të një postimi në ‘Facebook’ tha se Kurti krejt çka di është të blejë vota me nga 100 euro “qytetarëve më të varfër në Evropë”.

“Ndoshta Albini ka fillu me jetu në kokën e tij, në një univers paralel ku e ka kriju një realitet tjetër. Qysh inflacioni në disa raste të ka shku në 42.5% (mars 2026, ASK), e ti flet kopalla për ekonomi. A mendon që ata në Londër nuk kanë internet e nuk janë të informuar për ekonominë e Kosovës? Mos e korit vetën e Kosovën, se askënd nuk mundesh me mashtru me kësi lloj pallavra. Edhe në Gjermani jeni mundu me rrejt duke thënë 8.3% e kemi rritjen ekonomike, po ska pi ujë, se askush so budallë në epokën e informimit e teknologjisë“, deklaroi ai.

“ Një energji ske qenë në gjendje me rregullu qe 6 vjet, e as për krizën e naftës ske ba kurgjo. Spo flas për deficit tregtar dhe kushtet e vështira për biznes. Krejt çka din është me jau ble votën me nga €100 qytetarëve ma të varfër në Europë“, përmbylli Muharremi.

Pas fitores historike të opozitës hungareze, kanë ardhur edhe reagimet e para nga Bashkimi Evropian.

E para që ka reaguar ka qenë presidentja e Komisionit Evropian, Ursula von der Leyen.

“Hungaria ka zgjedhur Evropën. Evropa gjithmonë ka zgjedhur Hungarinë. Së bashku, ne jemi më të fortë. Një vend rimerr rrugën e tij evropiane. Bashkimi bëhet më i fortë”, ka shkruar ajo.

Gjithashtu, edhe liderë të tjerë evropianë kanë nisur reagimet e para pas zgjedhjeve në Hungari, duke uruar fitoren e opozitarit Magyar.