Category: Lajme

Inspektorati Qendror i Punës ka konstatuar shkelje të rënda të kushteve të sigurisë dhe shëndetit në punë në një vendpunishte në Fushë Kosovë, duke urdhëruar ndërprerjen e menjëhershme të punimeve deri në përmbushjen e masave të kërkuara.

Sipas inspektorëve, në këtë objekt janë evidentuar mungesa të theksuara të kushteve bazë të sigurisë për punëtorët, përfshirë problemet me skelat, hapësirat e pasigurta dhe mungesën e dokumentacionit përkatës.

Inspektori që mbikëqyri punimet në këtë objekt, Gëzim Sahiti, tha se janë konstatuar një sërë parregullsish që rrezikojnë drejtpërdrejt jetën dhe shëndetin e punëtorëve.

“Është konstatua se mungojnë masat e sigurisë dhe shëndetit në punë. Përfshirë skelet, të përfshira hapësirat që do të pastrohen, do të mbyllen hapësirat e liftit, si dhe kontrolla e skeleve. Pra do të bëhet një kontroll e skeleve në mënyrë që të jenë të sigurta për punë gjatë kësaj vendpunishti. Do të përforcohen shkallët,, jo me ashtu të armaturës siç janë vendosë. Po ashtu do të pastrohet secila hapësirë në mënyrë që punëtorët të ndihen të sigurt gjatë ecjes, siç e pamë pak ma herët. Ne tani do ta hartojmë një raport në bazë të kësaj gjendje, do ta lëmë raportin, do të konstatojmë në mënyrë që brenda afati të paraparë ju t’i merrni masat. Dhe deri në marrjen e masave nuk lejohet puna. Ndërsa sa i përket dokumentacionit, i keni këto tre ditë me na e sjellë dokumentacionin lidhur me.pjesën e marrëdhënies investitor me punëkryes, kontrollat mjekësore për punëtorët, si dhe gjithë dokumentacionin të cilin do t’jua shkruajmë: vlerësimin e rrezikut dhe të gjitha, trajnimin e punëtorëve”, tha ai, raporton Ekonomia Online.

Ai shtoi se gjatë inspektimit është vërejtur se punimet po zhvilloheshin pa asnjë standard të sigurisë.

“Pra domethënë sot jemi duke bërë një inspektim në objekt. Nga kjo po e vazhdojmë një inspektim deri lart. E pamë që masat e sigurisë nuk janë ndërmarrë hiç. Pra ka shumë masa të cilat duhet të ndërmirren dhe puna që po zhvillohet këtu nuk është e sigurt për punëtorët. Ne tani do ta hartojmë një raport, dhe prej këtij momenti punimet janë të ndaluara. Unë desha me ditë a keni pas tash më herët ndonjë inspektim në këtë objekt?”, tha ai.

Nga ana tjetër, inxhinieri i ndërtimit i kompanisë kërkoi nga inspektorët që të lejohet vazhdimi i një pjese të punimeve për të shmangur dëmet.

“A ka mundësi që me vazhdu (vendosja e pllakës, pasi (nëse ndalohet sot puna) dëmet janë të pa riparueshme”, tha ai.

Megjithatë, inspektori refuzoi këtë kërkesë, duke theksuar se siguria e punëtorëve është prioritet absolut.

“Mbi të gjitha janë shëndeti i punëtorëve, jeta e punëtorëve”, iu përgjigj ai.

Një sulm izraelit ka shkatërruar urën e fundit që lidh Libanin jugor me pjesën tjetër të vendit, ka njoftuar një zyrtar i lartë i sigurisë libaneze për Reuters.

Ai shtoi se ura ishte “e shkatërruar” dhe se goditja e kishte lënë atë të pandreqshme.

Sky News raporton se ishte ura Al-Qasimia.

🚨لحظة استهداف جسر القاسمية https://t.co/hZ8AgU8wS1 pic.twitter.com/qOTTcBI5lD

— Ahmad Hamieh🇦🇷🇦🇷 (@Ahmadhamieh313) April 16, 2026

Ndryshe, ushtria izraelite tha se shkatërroi 70 pozicione të Hezbollahut në zonën Bint Jbeil të Libanit jugor, pas një bastisjeje nga forcat komando.

Trupat e njësisë komando Egoz bastisën lagjen e fortifikuar ngjitur me Bint Jbeil, të cilën IDF e përshkruan si një “kompleks luftimi” të Hezbollahut.

Trupat gjetën armë të shumta, duke përfshirë RPG-të, pushkë, granata, raketa anti-ajrore dhe pajisje të tjera.

Sot, Prokuroria bëri të ditur se ka arrestuar M.G , i cili ishte në kërkim për vrasje të rëndë, dhe se i njëjti është dërguar në mbajtje për 48 orë.

I dyshuari është Muhamet Gashi, i cili është arrestuar për vrasjen që ka ndodhur në vitin 2022 në qytetin e Lipjanit.

Në njoftim e Prokurorisë, është bërë e ditur edhe se tek i arrestuari janë sekuestruar dy armë, narkotikë, si dhe dokumente të falsifikuara, cilat i pandehuri i ka përdorur gjatë kohës së arratisë, me qëllim të shmangies nga legjitimimi.

Po ashtu, pos tij, në këtë aksion është arrestuar edhe një person tjetër në drejtim të veprës penale Dhënia e ndihmës kryerësit pas kryerjes së veprës penale nga neni 380 i KPRK-së.

Të enjten ka dalë para Gjykatës, Dejan Peleviq, i dyshuar për krime lufte në komunën e Skenderajt.

Prokuroria Speciale ka kërkuar nga Gjykata Themelore në Prishtinë, caktimin e masës së paraburgimit prej 1 muaji, ndaj të dyshuarit Peleviq.

I dyshuari Peleviq në hetimet e zhvilluara dyshohet se në cilësinë e pjesëtarit të MUP-it të Serbisë gjatë periudhës së luftës në Kosovë, i sistemuar në Stacionin Policor të Skenderajt, i uniformuar dhe i armatosur, në mars të vitit 1999 në Skenderaj në bashkëkryerje edhe me pjesëtarë të tjerë, të organizuar si grup, kanë marr pjesë në operacion policor-ushtarak, ku kanë bërë dëbimin me dhunë të civilëve nga pronat e tyre, kanë rrahur, torturuar, plagosur dhe privuar nga jeta 15 civilë shqiptarë, si dhe zhdukur 16 civilë të tjerë në dy lokacione në Skënderaj.

Ai u arrestua të martën në Soqanicë të Leposaviqit.

Universiteti i Baselit e ka zgjedhur një fotografi të portës juglindore të qytetit ilir Amantia për të njoftuar mbi një projekt kërkimor mbi gjuhën shqipe.

Siç bëhet me dije, projekti është financuar nga Fondi Kombëtar i Zvicrës për Shkencën (SNSF) dhe bart titullin “Gjuha Shqipe në Antikitet”.

Projekti ka nisur në tetor të vitit 2022 dhe pritet të përmbyllet në shtator të këtij viti.

Qëllimi i projektit është të përcaktojë se si kanë folur paraardhësit e shqiptarëve në antikitet. Ose, siç nënvizohet në përshkrim, projekti synon të përcaktojë se si dukej pararendësja e gjuhës shqipe në antikitet dhe ku mund të jetë folur kjo pararendëse.

“Ky projekt është frymëzuar nga puna e vazhdueshme e kolegëve të ndryshëm mbi përshkrimin gramatikor të teksteve të shqipes së vjetër dhe puna aktuale mbi etimologjinë e shqipes”, shkruan gazetari Enver Robelli.

Për këtë qëllim Fondi Kombëtar i Zvicrës për Shkencën ka ndarë për një periudhë 4-vjeçare një shumë prej 916’708 franga (1 milion euro).

Më tutje në njoftim nënvizohet: “Gjuha shqipe përbën një degë të veçantë të familjes së gjuhëve indo-evropiane. Përveç greqishtes dhe gjuhëve romane, shqipja është pasardhësja e vetme e mbijetuar e gjuhëve të folura në Ballkan në antikitet. Meqenëse teksti më i hershëm koherent në shqip daton nga viti 1555, qasja jonë kryesore në historinë e gjuhës bëhet nëpërmjet rindërtimit gjuhësor dhe studimit të huazimeve të hershme. Këto huazime kanë hyrë në gjuhë si rezultat i kontaktit midis folësve të shqipes dhe greqishtes, latinishtes dhe rumanishtes (tri gjuhët në të cilat ne përqendrohemi në këtë projekt), si dhe me gjuhët sllave të jugut, turqishten dhe italishten”.

Sa i përket metodave, shkencëtarët e përfshirë në këtë projekt tregojnë se “metodat shkencore të përdorura do të jenë rindërtimi gjuhësor krahasues dhe gjuhësia e kontaktit”. Rindërtimi gjuhësor krahasues përbëhet nga dy hapa. I pari është rindërtimi i brendshëm gjuhësor, i cili rezulton nga krahasimi i dialekteve të gegnishtes dhe toskërishtes së vjetër, duke dhënë një përafrim të parë të proto-shqipes. Hapi i dytë: krahasimi i pastajmë i shqipes së vjetër dhe proto-shqipes me gjuhët e tjera indo-evropiane (dhe protogjuhët e tyre përkatëse), gjë që, sipas shkencëtarëve, mundëson të korrigjohet dhe përmirësohet rezultati i hapit të parë.

Lidhur me kontaktin gjuhësor, projekti fokusohet në korrespondencat leksikore dhe gramatikore midis shqipes dhe latinishtes, shqipes dhe rumanishtes, si dhe shqipes dhe fazave të ndryshme të greqishtes.

Ky kërkim është i ndarë në tre nën-projekte plotësuese që realizohen nga kërkuesi post-doktorant dr. Sergio Neri dhe nga dy doktorantët Gerard Spaans dhe Alexander Herren.

“Rezultati i projektit do të jetë një monografi akademike (ose një seri artikujsh të gjatë) mbi rindërtimin e proto-shqipes, dy teza doktorature, disa artikuj bashkëpunues ndërkombëtarë të rishikuar nga kolegët dhe akte të konferencave. Përveç kësaj, ne do të krijojmë një bazë të dhënash etimologjike të korrespondencave leksikore latine/shqipe, shqipe/rumune dhe shqipe/greke, e cila do të plotësojë bazën e të dhënave etimologjike të shqipes së vjetër në München”, njoftojnë shkëncëtarët e përfshirë në këtë projekt.

Policia e Kosovës ka bërë sot të ditur se ka arrestuar dy persona lidhur me vrasjen e vitit 2022 në Lipjan.

E lidhur me këtë rast Prokuroria Themelore e Prishtinës ka dhënë detaje.

“Prokuroria Themelore në Prishtinë – Departamenti për Krime të Rënda, pas një pune intensive në bashkëpunim të ngushtë me Policinë e Kosovës ka arritur të lokalizoj të pandehurin M.G, i cili ishte në kërkim nën dyshim për veprën penale ‘Vrasje e Rëndë’, me ç’rast ndaj të njëjtit është lëshuar aktvendim për ndalim prej 48 orësh, si dhe i janë sekuestruar dy armë, narkotikë, si dhe dokumente të falsifikuara, cilat i pandehuri i ka përdorur gjatë kohës së arratisë, me qëllim të shmangies nga legjitimimi”, thuhet në njoftim.

Po ashtu, në këtë aksion është arrestuar edhe një person tjetër në drejtim të veprës penale “Dhënia e ndihmës kryerësit pas kryerjes së veprës penale” nga neni 380 i KPRK-së.

Në njoftim thuhet se Prokurori i shtetit me kohë do të vazhdoj ndërmarrjen e veprimeve hetimore të nevojshme, si dhe do të shqyrtoj mundësinë e paraqitjes së kërkesës për ndonjë nga masat për sigurinë e prezencës së të pandehurit në procedurë penale.

Prokurori i shtetit do të vazhdoj punën në mënyrë që të gjithë kryerësit e veprave penale të vendosen para drejtësisë.

Pasi ministri për Punë dhe Familje, Andin Hoti, pranoi pasditen e së mërkurës raportin final për trajtimin e rastit të familjes së pesëvjeçarit nga Janjeva e Lipjanit nga ana e Qendrës për Punë Sociale ka thënë se në gjetjet e këtij raporti, konstatohet se në këtë rast është fajtore QPS-ja, por edhe institucione të tjera, andaj paralajmëroi masa ndëshkuese për të gjithë që janë evidentuar për mostrajtim të duhur të rastit.

Lidhur me këtë në një prononcim për Telegrafin zëdhënësja e Prokurorisë Themelore në Prishtinë, Kaltrina Shala ka thënë se Prokurori i Shtetit ka lëshuar autorizim Policisë, me qëllim të mbledhjes dhe grumbullimit të provave dhe intervistimin e palëve, të përfshirë në këtë rast.

“Ju njoftojmë se Prokurori i Shtetit ka lëshuar autorizim Policisë, me qëllim të mbledhjes dhe grumbullimit të provave dhe intervistimin e palëve, të përfshirë në këtë rast. Aktualisht, ende nuk kemi pranuar raport nga Policia. Për çdo zhvillim të mëtejmë lidhur me këtë çështje, do të njoftoheni me kohë”, ka thënë Shala.

Ndërkaq, sot ministri për Punë dhe Familje, Andin Hoti, e ka pranuar raportin final për trajtimin e rastit të familjes së pesëvjeçarit nga Janjeva e Lipjanit nga ana e Qendrës për Punë Sociale.

Ky raport është pranuar, vonë pasditen e së mërkurës nga Divizioni për Inspektimin e Shërbimeve Sociale dhe Familjare.

Ministri Hoti e konfirmoi për KosovaPress se në gjetjet e këtij raporti, konstatohet se në këtë rast është fajtore QPS-ja, por edhe institucione të tjera, andaj paralajmëroi masa ndëshkuese për të gjithë që janë evidentuar për mostrajtim të duhur të rastit.

“Raportin çuditërisht e kam pranuar sot. Njëra prej të gjeturave të raportit thotë që në vendimin e Gjykatës të vitit 2023 i ka obliguar Qendrën për Punë Sociale për monitorimin e familjes në raport me fëmijët. Pra, e ka obliguar Qendrën për Punë Sociale në raport edhe me prindërit për shëndetin mendor të tyre, që QPS-të nuk merren me shëndetin mendor, janë Qendrat për Shëndetin Mendor që merren me shëndetin mendor, jo QPS-së. Sidoqoftë, është nën hetim prej Prokurorisë. Çka mund të ndërmarrim tjetër ne është një propozim ndaj kryetarit të komunës së Lipjanit që me i qit në masa disiplinore të gjithë stafin e Qendrës për Punë Sociale që është në Lipjan dhe këtë do ta bëjmë nesër, sepse sot është jashtë afatit të punës dhe të shqyrtohen nëse ata vërtetë i kanë ndjekur masat”, shtoi ai.