Category: Lajme

Përgatiti: Arton Hamiti

Që nga korriku, Qeveria nuk e ka treguar numrin e projekteve të cilat ndikohen nga masat ndëshkuese të Bashkimit Evropian. Listën potenciale me projektet të cilat mund të zvarriten si pasojë e pezullimit të bashkëpunimit financiar mes Kosovës dhe BE-së, nuk e ka as Komisioni për Integrime Evropiane.

“Qysh kur Bashkimi Evropian ka vendosur sanksione ne e kemi thirrë për raportim zëvendëskryeministrin e parë Besnik Bislimi, por ai nuk ka treguar për listën e projekteve. Pastaj ne i jemi drejtu edhe përmes një emaili, por nuk ka përgjigje, pra qe 2-3 muaj nuk kemi listë. Po presim këto ditë”, tha Rrezarta Krasniqi, kryetare e Komisionit për Integrime Evropiane.

Kryetarja e Komisionit për Integrime thotë se Kosova ka humbur shumë me vendosjen e masave ndëshkuese.

“Megjithëse nuk kemi një listë zyrtare, ka shumë projekte që preken, Kosova ka humbur shumë”, tha Krasniqi.

Masat ndëshkuese, krahas suspendimit të vizitave bilaterale, përfshijnë ndaljen e programimit të fondeve për Kosovën nga IPA.

Ndërkohë, më shumë se 62 milionë Euro është vlera e përgjithshme e mjeteve financiare që BE-ja u zotua t’i ndajë për Kosovën, në fund të vitit të kaluar, në kuadër të Instrumentit të Para Anëtarësimit – IPA III.

Një pjesë e këtyre parave janë të dedikuara për përmirësimin e mjedisit, infrastrukturën për trajtimin e ujërave të zeza dhe energjinë e gjelbër.
Në kuadër të mjeteve të zotuara, në vlerë 1 miliard euro për Ballkanin Perëndimor për adresimin e krizës energjetike, BE-ja tashmë ia ka ndarë Kosovës 67.5 nga 75 milionë Eurot e fazës së parë.

Sipas dokumentit të Bashkimit Evropian, që e posedon ATV-ja, 55 milionë euro të tjera, fonde që aktualisht janë të suspenduara, janë të planifikuara për dy projekte të energjisë solare: parkun foto-voltaik të KEK-ut dhe atë të Termokosit për ngrohjen e kryeqytetit.

Një projekt tjetër që mund të zvarritet është salla koncertale në Prishtinë.

Edicionin Qendror të lajmeve e gjeni në videon më poshtë:

Ministrja e Bujqësisë dhe Zhvillimit Rural në Shqipëri, Anila Denaj ka bërë të ditur se eksportet bujqësore shënuan rritje me 17.5 për qind, gjatë 8-mujorit të këtij viti krahasuar me të njëjtën periudhë të një viti më parë.

Sipas minstres Denajt, ato arritën në vlerë mbi 380 milionë euro nga rreth 320 milionë euro që ishin në 8-mujorin 2022.

Ministria e Bujqësisë dhe Zhvillimit Rural krahas investimeve në vepra vaditëse dhe kullimi, në kushtet e krizës nga lufta në Ukrainë, përmes Skemës Kombëtare ka mbështetur me financim fermerët për uljen e kostove të prodhimit.

“Ecuria dhe rritja e vazhdueshme e eksporteve është pasqyrë e qartë e njerëzve të punës në bujqësi dhe suksesit të politikave të qeverisë për sektorin, të cilat na sjellin më afër me objektivin 1 miliard dollarë eksporte bujqësore deri në vitin 2030”, ka shkruar ministrja Denaj.

Është arrestuar një person në Shqipëri i cili po transportonte 27 emigrantë në drejtim të Kosovës.

Emigrantët kishin paguar nga 200-400 euro për të dalë jashtë vendit, njofton Policia e Shqipërisë.

“35-vjeçari i arrestuar, iu kishte premtuar transportimin nga Korça në drejtim të Kukësit, kundrejt pagesës 200-400 euro për person, 27 emigrantëve që kishin hyrë në mënyrë të paligjshme në Shqipëri dhe që synonin të kalonin po në mënyrë të paligjshme, kufirin me Kosovën, me destinacion final vendet e BE-së”, thuhet në njoftim.

Për 27 emigrantët nis procedura në gjendje të lirë për veprën penale “Kalimi i paligjshëm i kufirit shtetëror”, ndërkaq rasti ka kaluar në prokurori.

Kryetari i Aleancës për Ardhmërinë e Kosovës (AAK), Ramush Haradinaj, ka takuar sot strukturën e degës në Lipjan.

Haradinaj ka thënë se Aleanca po rikthehet në Lipjan më fuqishëm se kurrë.

“Sot qëndrova në Lipjan për një diskutim të lirë me kolegët Aleancës. Me këtë rast bashkëbiseduam për angazhimet tona të përbashkëta në fuqizimin e Aleancës. Kolegët i falënderova për angazhimin dhe i urova sukses në punët që na presin.

Aleanca po rikthehet në Lipjan më fuqishëm se kurrë!”, ka thënë Haradinaj.

Pavarësisht kritikave agresive që nga marrë nga Shtetet e Bashkuara të Amerikës dhe Bashkimi Evropian pas dështimit të fundit në Bruksel, kryeministri deklaron nga Zvicra se “ne jemi në të drejtën tonë” kur flitet për dialogun ndërmjet dy shteteve fqinje.

Kryeministri i Kosovës, Albin Kurti, është pritur mbrëmë në Pallatin Federal në Bern nga presidenti i Federatës së Zvicrës, Alain Berset.

Pas takimit ai ka mbajtur një konferencë për media, me ç`rast ka folur për përmbajtjen e takimit, dhe dialogun ndërmjet Kosovës dhe Serbisë.

“Ne jemi në të drejtën tonë. Në fjalën që kam mbajtur më 14 shtator para mediave në Prishtinë kam sqaruar se në dialogun e fundit ne si Kosovë kemi bërë tre propozime ndërsa Serbia asnjë”.

“Në këto rrethana, ne duhet t’i përmbahemi kornizës së marrëveshjeve që kemi marrë si obligim dhe jo të marrim detyrime të reja”, tha Kurti.

Dy persona janë arrestuar nga policia e Himarës, pasi dyshohet se shpërndanin drogë në lokalet e natës.

Personat G. H., 25-vjeçar dhe E. M., 21-vjeç nga Elbasan akuzohen për veprën penale “Prodhim dhe shitje e narkotikëve”, shkruan Abcnews.

Sipas policisë, materialet i kanë kaluan prokurorisë për veprime të mëtejshme.

Berlini ka ndarë 790,000 euro për organizatën joqeveritare gjermane (OJQ) SOS Humanity në mbështetje të operacioneve të shpëtimit për migrantët dhe refugjatët në vështirësi në Mesdheun qendror, tha për ANSA koordinatori i komunikimit i organizatës “tokë-det”, Lukas Kaldenhoff, të shtunën.

Kaldenhoff e përshkroi shumën si “të vogël” në lidhje me burimet e disponueshme në nivel evropian dhe tha se shuma është e mjaftueshme për të mbuluar vetëm një të katërtën e kërkesave vjetore të SOS Humanity.

Të premten Roma shprehu “habinë” me raportet se Gjermania do të financonte punën me emigrantët në territorin italian dhe jo vetëm në det dhe kërkoi sqarime, duke thënë se financimi i punës me emigrantë në Itali do të ishte një anomali e rëndë. (ANSA).