Category: Lajme

Sot mbushen 26-vjet nga vrasja e avokatit të shquar shqiptar Bajram Kelmendi dhe dy djemve të tij, Kastriotit dhe Kushtrimit.

Avokati Kelmendi së bashku me dy djemtë e tij ishin marrë nga forcat serbe më 24 mars, ditën që NATO nisi bombardimet në Kosovë ndaj caqeve serbe.

Lajmin për vendndodhjen e kufomave të tyre, bashkëshortja e avokatit dhe nëna e Kastriotit e Kushtrimit, Nekibe Kelmendi, tashmë e ndjerë, e kishte marrë më 26 mars. Kufomat ishin gjendur afër një distributori gazi në rrugën Prishtinë-Fushë Kosovë.

Kelmendi, si avokat, kishte proceduar një dosje për krimet e regjimit të Millosheviqit në Kosovë, të cilën do ta dorëzonte në Hagë.

Kelmendi ishte edhe aktivist në Këshillin për Mbrojtjen e të Drejtave e Lirive të Njeriut.

PËRGATITI: KASTRIOT TAHIRI

Në mungesë të shtigjeve për biçikleta, çdo ditë Fadil Dautaj, detyrohet që biçikletën ta lërë, në këtë pjesë të rrugës në Bulevardin “Bill Clinton”.

Dy vjet më parë kur u publikua projekti për ndërtimin e një “minisheshi” që do të kishte edhe shteg për biçikleta atë e gëzoi shumë.

Por ky gëzim nuk zgjati shumë ngase komuna nuk i nisi punimet asnjëherë.

“Qe ku po e la biçikletën, u dashtë me prishë parkun. Kish qenë mirë me u realizua projekti, se ka mjaft biçikleta nëpër Prishtinë”, tha Fadil Dautaj, qytetar.

I mllefosur për mosrregullimin e këtij shtegu u shpreh edhe themeluesi i grupit “Marakli t’biciklave”.

“Është planifikua që një pjesë me qenë shtegu për biçikleta, por s’ka ndodhë kurrfarë ndryshimi. Rrugët tjera janë mënjanu fshehurazi vetëm është heshtur e nuk është bë asgjë në atë drejtim. Na jemi interesua vazhdimisht për projektet, po s’kemi marrë asnjëherë përgjigje”, deklaroi Berat Rakovica, themelues i grupit “Marakli t’biciklave”.

Krahas të gjitha vështirësive dhe ankesave të qytetarëve, punimet nuk do të nisin të paktën edhe për pak kohë.

Kjo pasi që, zyrtarë nga komuna e Prishtinës i thanë ATV-së, se punimet për këtë projekt do të fillojnë tek pas përfundimit të ndërtimit të dy unazave./atvlive.tv/

Shërbimi Korrektues i Kosovës dhe Departamenti Shëndetsor i Burgjeve, ka njoftuar se sot rreth orës 13:40 në Spitalin Rajonal të Pejës ka ndërruar jetë një i burgosur.

I burgosuri nga fillimi i mbajtjes së dënimit ishte pranuar me probleme të rënda shendetësore, si pasojë tërë kohën ishte trajtuar në Stacionarin e burgut sipas rekomandimeve të specialistëve përkatës të ShSKUK-së.

Siç thonë nga SHKK, kohëve të fundit viktima ka qenë i shtrirë duke u trajtuar në Spitalin Rajonal të Pejës, ku edhe ka ndërruar jetë në Kujdesin Intensiv të këtij spitali.

Organet kompetente janë duke u zhvilluar procedurat ligjore, ndërsa autopsia do të verifikoi shkakun e vdekjes.

Presidenti rus, Vladimir Putin e ka dënuar ashpër sulmin e së premtes në një sallë koncertesh në rajonin e Moskës, në të cilin janë vrarë të paktën 133 persona, dhe e ka shpallur 24 marsin si ditë zie kombëtare.

Ai është zotuar se kryesit e sulmit do të ndëshkohen.

Përmes një fjalimi të incizuar paraprakisht, të lëshuar prej Kremlinit rreth 18 orë pas sulmit të 22 marsit, Putin e ka përshkruar dhunën si “sulm terrorist i përgjakshëm dhe barbar”.

“Gjëja kryesore tani është që të parandalojmë ata që janë mbrapa kësaj gjakderdhjeje nga kryerja e një krimi tjetër”, ka thënë ai.

Ky sulm, për të cilin e ka marrë përgjegjësinë grupit ekstremist Shteti Islamik, është më i rëndi në Rusi në gati dy dekada.

Putin ka thënë, po ashtu, se katër të dyshuarit, që zyrtarët i kanë arrestuar më herët gjatë ditës, “kanë lëvizur drejt Ukrainës, ku… pala ukrainase u ka përgatitur një dritare që ta kalojnë kufirin”.

Presidenti rus nuk ka ofruar dëshmi për këtë pretendim.

Zyrtarët rusë kanë thënë se 11 persona janë ndaluar, përfshirë katër sulmuesit e dyshuar.

Disa janë arrestuar në rajonin perëndimor Brajansk, i cili gjendet në kufirin mes Bjellorusisë dhe Ukrainës.

Zyrtarët ukrainas e kanë mohuar çfarëdo përfshirjeje me sulmin, edhe para se zyrtarët rusë të supozonin për lidhje ukrainase.

Komiteti Hetues në Rusi ka thënë se pret që do të rritet numri i viktimave./REL/

Kreu i AAK-së, Ramush Haradinaj, ka marrë sot pjesë në Garën e Shenjtarisë, bashkë me veteranët e Ushtrisë Çlirimtare të Kosovës.

Haradinaj ka publikuar fotografi nga ky event, derisa ka treguar se po mbahet në nderim të Epopesë së Dukagjinit.

“Me veteranët e UÇK-së, në Garën e Shenjtarisë e cila mbahet në nderim të Epopesë së Dukagjinit”, ka shkruar Haradinaj.