Astrologia e njohur kosovare Laura Bilalli, ishte e ftuar të premten në emisionin “LIBERO”.
Duke qenë astrologe e njohur dhe ndër të paktat në Kosovë, ajo tha se ka klientë të shumtë, por befasoi kur potencoi se 80 për qind e atyre që shikojnë astrologjinë (tek ajo) janë meshkuj, dhe 50 për qind nga ta kërkojnë të dinë më shumë rreth dashurisë.
“…Më së shumti pyesin për pjesën personale se çka ka me ndodhë në të ardhmen. 80 për qind të klientëve i kam meshkuj dhe 20 për qind femra… Diçka tjetër interesante është se femrat pyesin për punë, familje dhe për dashurinë, ndërsa 50 për qind e meshkujve pyesin vetëm për dashurinë, nuk ju intereson as pjesa e karrierës…”, deklaroi ajo.
Ndërkohë, për sa i takon vitit 2023, ajo tha se do të jetë një vit i mirë, duke qenë se Saturni që njihet si planet i fatkeqësive është larguar.
Për ta shikuar emisionin e plotë, klikoni në linkun e mëposhtëm:
Piktorja e njohur kosovare Fjolla Ferati, ishte e ftuar të premten në “LIBERO”, ku përmes ekspozitave të saj personale ka shpalosur pjesën e kulturës së vendit tonë.
Artistja ka treguar që deri më sot ka realizuar tri ekspozita të saj personale.
Ndërkohë, ajo përmendi ekspozitën e saj “ANTARIA”, e cila është transmetuar në kulturën shqiptare në Ambasadën e Kosovës në Paris, ku kishte qenë prezente edhe Presidentja e Kosovës, Vjosa Osmani.
“Ekspozitën e parë e kam pasur në Cyrih, pastaj në Gjenevë, në Sofja dhe kjo e fundit në Paris, ku këto punime i kam punuar gjatë gjithë studimeve… Në ekspozitën në Sofje ka qenë prezente edhe Presidentja e Kosovës, Vjosa Osmani. Aty kam pasur mundësinë për të diskutuar diçka më konkrete me të…”, shprehet piktorja Fjolla.
Vlen të theksohet se piktorja Fjolla Ferati, tha se i gjithë mesazhi i këtyre punimeve të kësaj ekspozite “ANTARIA”, në ambasadë ishin veshjet tradicionale shqiptare.
Krahas këtyre, Fjolla theksoi se thellimi brenda vetes ia mundëson asaj, inspirimin për krijime të reja.
Ndryshe, kur arti përdorë çdo mënyrë për të krijuar dhe komunikuar nëpërmjet ngjyrave, atëherë arrihet të reflektohet njohja e vlerave tona kulturore edhe nga të huajt.
Për të shikuar emisionin e plotë, klikoni në linkun më poshtë:
Nutricionistja dhe ish-banorja e “Big Brother Vip Albania”, Diola Dosti, ishte e ftuar të premten si mysafire speciale në “LIBERO”, për të shpalosur shumëçka sa i përket eksperiencës së saj në këtë reality show.
Diola ndau rrëfime nga qëndrimi i saj në “Big Brother”, në program të cilin u eliminua disa javë pasi që u bë pjesë e tij.
“Fjala sfidë është shumë e vogël për ta përshkruar emocionin brenda në “Big Brother”…Kam 10 vite në media, por popullaritetin që ma dha Big Brother, nuk ma ka dhënë ajo eksperienca ime 10 vjeçare”, u shpreh Diola.
Ndërkaq, ajo rrëfeu dhe për vajzat e saj dhe sa e vështirë ishte për të, që të rrinte larg tyre, e sidomos fakti që për një kohë, gjatë divorcit me ish-bashkëshortin e saj, vajzat e saj ishin me babain e tyre.
“Ku do që shkojë sot e kësaj dite, më thonë se nuk mbeti burrë dhe grua shqiptare pa qarë me momentin kur vajzat më vizituan në “Big Brother”, më kanë munguar shumë dhe e kam përjetuar shumë keq…Unë nuk jam vetëm nënë, jam edhe baba”, shtoi ajo.
Mes tjerash, Diola foli edhe për strategjitë e lojës së Luizit, personazhin më të përfolur të “Big Brother Vip Albania”, e për të cilin tha se deshëm apo jo, ai është fitues.
Për të shikuar intervistën e plotë të Diola Dosti, klikoni në linkun më poshtë:
Gazetare mjaft e suksesshme në Shqipëri e në Kosovë, Edlira Qefalija, ishte e ftuar të hënën në emisionin “LIBERO”, në një rrëfim të veçantë bashkë me bashkëshortin e saj, ish-deputetin e Kuvendit të Kosovës dhe gazetarin Milaim Zeka.
Edlira kujtoi kohën kur ishte fëmijë, teksa ndau historinë së si është lindur dhe rritur në kohën e komunizmit të Shqipërisë që të gjithë në atë periudhë ishin ateistë, kohë sigurisht shumë e vështirë për të gjithë.
“… Unë besoj shumë në Zot. Mirëpo, jam totalisht jo fetare, nuk besoj në fe. Ndoshta në këndvështrimin tim fetë janë si partitë politike”, u shpreh Edlira.
Ndërkohë, ajo përmendi edhe një rast kur ka qenë në fillimet e shkollimit, në faqen e parë të abetares shkruante feja është ‘opium për popullin, Zoti nuk ekziston’.
“… Kam pasur fatin që jam rritur në një familje shumë besimtare. Rreth vetes e kam pasur nënën time që më thoshte ti nuk e sheh ajrin por edhe pse nuk e sheh ai ekziston sepse (ti) merr frymë. Kështu që ndoshta Zoti ekziston edhe pse ti nuk e sheh. Pyetja ime për nënën ishte ‘po çka ti them unë mësueses nesër në shkollë?’, thuaj nuk ekziston Zoti se na futin në burg”, tha mes tjerash Edlira.
Megjithatë ajo këto ngjarje i rrëfeu me plotë emocion në emision, se në atë kohë nuk ishte gjendje e mirë emocionale për askënd.
Krahas kësaj, ajo rrëfeu edhe shumë ngjarje të tjera për sa i takon jetës së saj.
Për ta shikuar emisionin e plotë, klikoni në linkun e mëposhtëm:
Të dhënat numerike për fëmijët e braktisur 2000-2022, sipas raportimeve nga Qendrat për Punë Sociale komunale të vendit, të siguruara nga “LIBERO”, tregojnë se 12 fëmijë janë braktisur nga prindërit e tyre në vitin 2022, ndërkohë në vitin 2000 menjëherë pas luftës janë braktisur 67 fëmijë.
Fenomeni i braktisjes së fëmijëve konsiderohet si një ndër fenomenet shoqërore i cili gjen hapësirë edhe te shoqëria kosovare.
Për të diskutuar për këtë çështje, të hënën në emisionin “LIBERO” ishin të ftuar: Remzije Krasniqi – Drejtoreshë për Avokim në SOS Fshatrat e Fëmijëve të Kosovës, Vebi Mujku – Drejtor i Qendrës për Punë Sociale dhe Fata Rexhepi Mehmeti – Koordinatore e Psikologëve në organizatën për fëmijët pa përkujdesje prindërore (OFAP).
Drejtori i Qendrës për Punë Sociale, tha se ka pasur raste kur fëmijët janë lënë edhe pranë kontejnerëve.
“…Kemi pasur raste kur fëmijët janë lënë pranë kontejnerëve, në vendet ku është rrezikuar jeta e fëmijës…”, potencoi Mujku.
Për fëmijët e braktisur një rëndësi tepër të madhe e kanë edhe familjet strehuese, të cilat ofrojnë mbështetje për rritjen dhe zhvillimin e fëmijëve, e në lidhje me këtë çështje, Rexhepi Mehmeti theksoi se komunat prijëse në këtë aspekt janë Gjakova dhe Ferizaji
“…Aktualisht komunat që kanë më së shumti familje strehuese janë Gjakova dhe Ferizaji. Familjet strehuese janë të përgatitura që do të ofrojnë kujdes përkohësisht për këta fëmijë derisa t’iu zgjidhet statusi…”, tha ajo.
Derisa drejtoresha e SOS fshatrave të fëmijëve, potencoi se në SOS pothuajse shumica e fëmijëve kanë ardhur nga familjet biologjike, por që janë privuar nga kujdesi prindëror për arsye të ndryshme.
“… Për arsye të ndryshme nëse prindërve nuk ju ka kthyer zotësia e veprimit si prind, fëmijët mbajnë kontakte me familjarët biologjikë…”, deklaroi Krasniqi.
Vlen të theksohet se në emisionin “LIBERO” në një lidhje direkte është kyçur Fatmire Hoti Musliu – nënë e cila ka strehuar 4 fëmijë të braktisur.
“…Jam familje strehuese prej vitit 2017 dhe deri tani kam pasur 4 fëmijë të braktisur. Për momentin e kam një fëmijë, do të përkujdesem për të derisa t’i zgjidhet statusi…E kam përkrahjen e të gjithëve (të burrit dhe të familjes)…”, u shpreh ajo.
Kujtojmë se sigurimin e përgjegjësisë së prindërve, familjes, organit të kujdestarisë, shoqërisë dhe të shtetit në kujdesin, mbrojtjen dhe zhvillimin e fëmijës bazuar në interesin më të mirë të fëmijës, e garanton edhe Ligji i Kuvendit të Republikës së Kosovës, për Mbrojtjen e Fëmijës, neni 1, pika 1.3.
Sipas Ligjit në Kosovë për mbrojtjen e fëmijës, neni 27, pika 4 “Fëmija nuk mund të ndahet nga prindërit, kujdestari i tij kundër dëshirës dhe vullnetit. Përveç se në rastet kur kjo ndarje është në interesin më të mirë të fëmijës, nëse fëmija është në rrezik, nëse ndarja është e pashmangshme apo nëse kjo ndarje kërkohet nga ligji ose nga një vendim i formës së prerë”
Për ta shikuar emisionin e plotë rreth kësaj teme, klikoni në linkun e mëposhtëm:
Ish-futbollisti, tani ndihmës trajner te FC 2 Korriku, Kastriot Rexha thotë se referimi në Ligën e Parë është totalisht skandaloz.
“Sot kemi pasur një ndeshje kundër Kikës. Çfarë më ka pëlqyer në Ligën e Parë të Kosovës është mikpritje, por referimi është totalisht skandaloz”, tha Rexha në Ekipi A.
Trajneri i FC Phoenix, Gani Sejdiu hedh akuza mbi referimin në ndeshjen që ekipi i tij zhvilloi të dielen kundër Vëllaznimit.
“Kurrë në karrierën time nuk kam folur për gabimet e referëve, mirëpo sot referi kundër Vëllaznimit ka qenë skandaloz. Na janë anuluar dy gola, një për pozitë jashtë loje dhe një penallti e pastër. Me vendime tendencioze të referit jemi edhe jashtë objektivit për inkuadrim në Superligën e Kosovës”, tha Sejdiu në Ekipi A
Analisti i futbollit, Genc Sermaxhaj beson se te Gjilani duhet të synojnë edhe triumfin në kampionat edhe në Kupën e Kosovës.
“Te Gjilani duhet të jetë objektiv edhe Kampionati edhe Kupa e Kosovës, sepse në të dyja qëndron mirë, për dallim nga periudhat e vështira në të cilat ka kaluar Gjilani. Por pavarësisht humbjes nga Ferizaj, duhet të qëndrojnë me këmbë në tokë dhe të vazhdojnë në kampionat”, tha Sermaxhaj në Ekipi A.
Trajneri i mirënjohur, Gani Sejdiu beson që Ferizaj ka bërë mërkaton më cilësore në krahasim me të gjitha ekipet tjera në Superligën e Kosovës.
“Të vetmit ata nga të gjithë ne kanë besu që munden me dalë prej një situate e cila ka qenë jo shpresëdhënëse. Ferizaj ka bërë merkaton më cilësore nga të gjitha klubet, edhe pse nuk janë lojtarë të njohur, por janë të kalibrit të lartë dhe janë duke treguar tani kualitetet e tyre”, ka thënë Sejdiu në Ekipi A.
Avni Bytyqi ka dhënë detaje më të hollësishme në Ekipi A rreth mos zbatimit të pagesës së skuadra rumune, Cluj në lidhje me transferimin e Ermal Krasniqit nga Ballkanit.
“Cluj nuk i është përgjigjur Ballkanit me pagesë ashtu edhe siç janë marrë vesh. Ballkani ka paralajmëruar skuadrën rumune dhe nëse ata nuk përgjigjen, do të paditen në FIFA”, ka thënë Bytyqi në Ekipi A.
