Analisti e përhershëm i emisionit ‘EKIPI A’ Arsim Prepolli e ka komentuar golin e sulmues Jasir Asani te cilën lojtari e shënoi përballë Polonisë, në ndeshjen që kombëtarja shqiptare fitoi 2:0 përballë polakëve.
‘Ishte gol i jashtëzakonshëm gol ‘alla’ Juninho, ai deklaroi që edhe portieri i Polonisë ia ka zgjatur dorën. Po mendoj që kësi gola rallë shihen në Evropë’ tha Arsim Prepolli.
Më posht mundeni me ndjek live emisionin ‘EKIPI A’.
Trajneri i FC Llapit, Tahir Batatina është i ftuar në emisionin ‘EKIPI A’ në ATV.
Batatina ka deklaruar që Shqipëria kishte shumë nevojë për një sulmues si Mirlind Daku, madje trajneri kosovar tha që Daku është më i mirë se Armando Broja.
‘Mirlind Daku është sulmues që i duhej Shqipërisë, pra kombëtarja shqiptare nuk kishte një sulmues pykë si Daku. Për mua ai është më i mirë se Broja’ tha Batatina
Kur jemi te Batatina, trajneri kosovar ishte ai i cili ai kishte dhënë rastin që të debutoi Mirlind Dakut në elitën e futbollit kosovar.
Tahir Batatina, trajneri i klubit te FC Llapi është i ftuar në emisionin ‘EKIPI A’ në ATV.
Trajneri i njohur kosovar ka deklaruar që përballë Rumanisë të mekurën mbrëma duhet të aktivizohet nga minuta e parë Meriton Korenica.
‘Unë mendoj që nesër duhet të luaj Meriton Korenica, pasi është lojtari që i duhet këtij ekipi’ tha Batatina në ATV.
Kujtojmë që Meriton Korenica tashmë është transferuar te klubit turk Manisa./ATVLIVE.TV
Mbrojtësi i Ballkanit, Armend Thaqi është i ftuar në emisionin ‘EKIPI A’ në ATV
Mbrojtësi i djathtë ka deklaruar që ai është lojtar i Kosovës dhe ka ndeshje zyrtare të zhvilluar për kombëtaren ‘Dardane’ dhe ai është pjesë e kësaj kombëtare.
Kështu 30 vjeçari ka mohuar të gjitha zërat që ai mund t`i bashkohet kombëtares shqiptare./ATVLIVE.TV
Jeton Himaj, mërgimtari që drejton repartin e Infermierisë në një spital në Gjermani, ka qenë i ftuar mbrëmë në emisionin “n’malAn’det” në ATV. Gjatë emisionit, ai rrëfeu sfidat me të cilat u përball kur emigroi në Gjermani dhe rrugëtimin drejt suksesit të cilin e gëzon tani.
Ai tregon se sfida më e madhe në fillimet e tij si emigrant në Gjermani ishte se nuk e dinte gjuhën. Ai kishte pasur fat sepse ishte punësuar në një hotel, ku njëkohësisht kishte mësuar edhe gjuhën.
“Kur kam shkuar në fillim ka qenë një sfidë pasi që nuk e kam folur gjuhën gjermane aspak. Kam filluar të punoj me një hotel, restorant, kuzhinë, kam pastru pjata me qindra e mijëra në ditë, me kohë e kam mësuar gjuhën, kam fillu të bëj praktika të ndryshme, kështu që në një spital kam filluar ta bëj praktikën si ndihmës infermier. Me kohë e vërejta unë dhe stafi që mundem me qenë diçka më shumë, kështu që ia fillova shkollës dhe e përfundova me sukses në vitin 1997. Pastaj ia fillova punës si infermier, por me kohë, kjo punë nuk ishte edhe aq e mjaftueshme për mua, andaj ia fillova të kryej edhe specializime në lëmi të ndryshme. Ia fillova studimeve në vitin 2003 në Freiburg në sistemin e menaxhimit dhe kam përfunduar kah viti 2007. Gjatë studimeve kam kryer edhe praktikën”, rrëfen Himaj.
Ai tregon se pasi ka përfunduar studimet, ka punuar në pozita të ndryshme, deri në momentin kur i kishte ardhur një ofertë interesante në klinikën të cilën tani e drejton.
“Pasi që kam përfunduar studimet, kam filluar karrierën në pozita të ndryshme përgjegjës në disa reparte, klinika të ndryshme, kam kalu shkallë të ndryshme. Pas disa viteve me erdhi një ofertë interesante në klinikën ku tani punoj. Aty jam njëkohësisht anëtar i bordit të klinikës, kemi aty 1000 pacientë dhe 1600 punëtorë. Në funksionin tim si anëtar i bordit, jam përgjegjës për klinikën me kolegët e mi të bordit, si për anën financiare, ashtu edhe për pjesët strategjike dhe ekonomike, por edhe vendime të ndryshme që merren më përgjithësi. Në funksionin tim si drejtor i Infermierisë dhe i shkollës së Infermierisë, e kam përgjegjësinë për ato dy lëmi dhe i kam përafërsisht 800-900 punëtorë që janë direkt në përgjegjësinë time”, tregon Himaj.
Ai thotë se në klinikën e tij ka të interesuar të punojnë edhe shqiptarë, për të cilët thotë se nuk kursen asgjë për t’iu ndihmuar që të sistemohen në punë.
Himaj tregon se ka bashkëpunim mjaft të mirë edhe me Kolegjin AAB, departamentin e Infermierisë, për t’iu ndihmuar dhe orientuar studentët që mbarojnë Fakultetin e Infermierisë që të punësohen në klinikën të cilën ai e drejton në Gjermani. /atvlive.tv
Bisedën e plotë të Jeton Himajt e gjeni në videon më poshtë:
Në emisionin “n’malAn’det”, ishin të ftuar 4 mysafirë nga vende të ndryshme të Evropës, të cilët janë pjesëmarrës në seminarin e 41-të për gjuhë, letërsi dhe kulturë shqiptare në kuadër të Universitetit të Prishtinës (UP), dhe treguan se pse vendosën ta mësojnë gjuhën shqipe.
“…E kam mësuar shqipen për një javë. Të jem i sinqert, shqipja është e vështirë sepse është shumë ndryshe, p.sh nuk është si bulgarishtja…”, tha Dobi Trendafilova nga Bulgaria.
Ndërsa, për sa i takon arsyes se pse kanë vendosur të mësojnë gjuhën shqipe, Andrin Honegger tha se ka shumë shokë shqiptarë.
“…Kam shokë shqiptarë, jam duke e mësuar gjuhën shqipe me një shoqe timen…”, tha Honegger.
Ndërsa, Alexander Herren përmendi arsyet që e bëjnë atë ta pëlqejnë Kosovën, derisa nuk la pa pëmendur edhe fjalën më të vështirë që e ka ta theksoj në gjuhën shqipe, e që është fjala “mirëmbrëma”.
“…Më pëlqen Prishtina, Prizren, më pëlqejnë malet… Më pëlqejnë njerëzit, janë shumë të shoqërueshëm, të ndihmojnë shumë. Definitivisht, do t’i sjelli në Prishtinë edhe prindërit dhe shoqërinë…”, tha Herren.
Vlen të përmendet, se sipas artikullit të “Science” gjysma e popullsisë së botës flet një gjuhë që i përket familjes së gjuhëve indoevropiane.
Sipas të dhënave të publikuara së fundmi në një artikull shkencor, vërtetohet se shqipja është një nga gjuhët më të vjetra indoevropiane që flitet ende.
Për ta dëgjuar intervistën e plotë të pjesëmarrësve të seminarit, klikoni në linkun e mëposhtëm:
Inteligjenca Artificiale po sjell shumë risi të rëndësishme në shumë fusha dhe kjo mund të lë pa punë shumë punëtorë.
Në emisionin “n’malAn’det” ishte e ftuar deputetja Eliza Hoxha, e cila është arkitekte me profesion dhe krahas të tjerave foli edhe për rrezikshmërinë që sipas saj do ta përjetojnë disa nga vendet e punës, me zhvillimin e Inteligjencës Artificiale.
“…Njëri prej profesioneve që mund të zhduket (për shkak të Inteligjencës Artificiale) ka me qenë profesioni i arkitektit. Sepse sot p.sh mund të prodhosh shtëpi prej materialeve të reciklueshme… këto e pasurojnë jetën tonë, e bëjnë më të lehtë…”, theksoi ajo.
Për ta dëgjuar intervistën e Eliza Hoxhës në tërësi, klikoni në linkun e mëposhtëm:
Çështja e të drejtave të barabarta në mes grave e burrave mbetet sfidë në Kosovë. Pjesëmarrja e grave në jetën politike e sociale përgjithësisht është shumë e ulët. Për këtë temë (sidomos nëpër media), në vazhdimësi diskutohet, edhe nga deputetët e opozitës.
Deputetja nga radhët e Partisë Demokratike të Kosovës, Eliza Hoxha në emisionin “n’malAn’det” në mesin e diskutimeve të tjera, theksoi se duhet krijuar mundësi për vajzat dhe gratë që ato të kenë kapital bazë, në mënyrë që ato të zhvillohen dhe ta shprehin veten.
“…Vetëm 14 për qind të pronës trashëgimore gratë e posedojnë në Kosovë… Shteti duhet me qenë këtu për të krijuar mundësi dhe subvencione dhe hapësira të tjera dhe të reja për profile të ndryshme që lidhen edhe me zanatet…”, theksoi Hoxha.
Vlen të përmendet se të drejtat e vajzave e grave në pronësi dhe të drejtat e tjera sendore garantohen sipas Gazetës Zyrtare të Republikës së Kosovës.
Për ta dëgjuar intervistën e Eliza Hoxhës në tërësi, klikoni në linkun e mëposhtëm:
Erza Cikaqi nga Prizreni e fitoi titullin “Miss Kosova 2023” dhe do ta përfaqësoj Kosovën në eventet ndërkombëtare të bukurisë.
Ajo u shfaq së fundmi, në një intervistë ekskluzive në emisionin veror të ATV-së “n’malAn’det”.
“…Me mbajt një kurorë është një përgjegjësi shumë e madhe dhe po mundohem me e shfrytëzu në mënyrën më të mirë këtë vit, që me prezantu sa më mirë vendin…”, theksoi Cikaqi.
Kujtojmë se në kuadër të emisionit “n’malAn’det” çdo natë, krahas lojërave të ndryshme është duke u zhvilluar edhe një kuiz me pyetje për personalitete të ndryshme dhe qytete nga shumë vende të Kosovës, për të përcjellur te publiku me bollëk informacione historike.
Ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:
Transferimi i Elmedin Ramës nga Trepça te gjiganti çek, Slavia Prague kishte bërë bujë të madhe së fundmi.
E kjo për faktin se ishte lojtari i parë nga Liga e Parë e Kosovës që kishte arritur të kompletonte transferimin e tij tek një skuadër e një niveli të lartë siç është Slavia Prague.
Prapa gjithë këtij transferimi të rëndësishëm për karrierën e Ramës, si dhe për futbollin kosovar, qëndron agjenti kroat, Milan Martinoviç, i cili ekskluzivisht për ATV, ka zbuluar prapaskenat e këtij transferimi.
“Kam marr informacione për Elmedinin para një viti nga bashkëpuntorët e mij këtu në Kosovës, veçanërisht nga Agim Saraçi, i cili jeton këtu dhe e di gjithë situatën dhe ishte në kontakte shumë të mira me klubin. Pas kësaj, une kam folur me Slavia Pragën, klub me të cilin kam bashkëpunime shumë të afërta, me të cilin kam transferuar lojtarë më herët, edhe tani. Ju thash që kam një lojtar me shumë potencial. Pasi u tregova disa video të Elmedinit, ata më pyetën nëse është e mundur që fillimisht ta marrin në prova atë. Më pas pyeta klubin e Trepçës nëse është e mundur që Elmedini në shkonte ne prova fillimisht, dhe klubi u bind dhe pranuan këtë gjë. Që nga shkurti i këtij viti, Elmedini filloi provat te Slavia, ku në korrik nënshkruajti kontratë profesionale, dhe deri më tani janë shumë të kënaqur me të”, tha fillimisht Martinovic.
Martinovic bashkëpunon tash e disa vite me Trepçën, klub i cili sipas tij ka disa talentë që mund të bëjnë një hap të madh në karrierën e tyre, në të njëjtën mënyrë siç bëri Elmedin Rama.
“Jam shumë i lumtur që punojë më Trepçën, pasi njerëzit atje janë shumë profesionist, ata janë njerëz shumë të mirë dhe po bëjnë punë shumë të mirë në klub. Shpresoj që sezonin e ardhshëm të jenë në Superligën e Kosovës, gjë që është shumë e rëndësishme për klubin. Unë do të mundohem t’i ndihmojë ata me disa gjëra. Por sigurisht që ata janë duke punuar shumë me lojtarët e rinj me akademinë e tyre, dhe sigurisht që ne do të vazhdojmë të bashkëpunojmë për këtë gjë”, vazhdoi ai.
Së fundmi, ai kishte arritur të transferonte edhe dy lojtarë kryesor në ligat evropiane. Ledjan Krasniqin nga skuadra e të rinjëve te Prishtina, në skuadrën çeke, Pribram, si dhe Ardit Miftarin. Megjithatë transferimi i këtij të fundit kishte dështuar për një arsye që nuk varet nga dora e tij.
“Ne jemi përpjekur ta transferojë atje, ai ka shumë potencial gjithashtu, por për fat të keq, ai erdhi më klub dhe ishte i lënduar, për këtë shkak nuk arriti t’i tregojë cilësitë e tij. Ndërsa sa i përket Ledian Krasniqit, ai është tani atje, por ne duhet të presim ende procedurat e vizave, për të marrë leje që të jetë banor i përhershëm atje. Megjithatë kjo gjë do të kompletohet së shpejti”, përfundoi ai.
Ndryshe, Martinovic vazhdon të ketë marrëdhënie të ngushta me skuadrën e Trepçës, klub nga i cili pritet që disa futbollistë të bëjnë hapin e madh në karrierën e tyre./ATVlive.tv