ATV

Author: Samir Dalipi

  • Ish-pjesëtarja e UÇK-së, deputetja e VV-së Mimoza Shala: Politika më e vështirë se lufta

    Ish-pjesëtarja e UÇK-së, deputetja e VV-së Mimoza Shala: Politika më e vështirë se lufta

    Deputetja nga radhët e Lëvizjes Vetëvendosje, Mimoza Shala, ka deklaruar se për të politika ka rezultuar më e vështirë sesa përvoja e luftës, duke theksuar presionet dhe sfidat që, sipas saj, e shoqërojnë jetën politike.

    Në një intervistë në emisionin “LIBERO”, Shala, e cila ka qenë pjesë e Ushtrisë Çlirimtare të Kosovës, u pyet se cila nga dy përvojat i është dukur më e komplikuar: lufta apo politika. Ajo u përgjigj se politika është më sfiduese.

    “…Unë konsideroj që në jetën time viti 2017 ka qenë  më i vështiri, për shkak të presioneve të mëdha që i kam përjetuar për shkak të qëndrimeve politike. Lufta më është dukur tepër e thjeshtë në krahasim me politikën…”, tha ajo.

    Sipas saj, politika është një fushë që njëkohësisht mund të jetë edhe motivuese, edhe e vështirë.

    “…Politika aq sa është e bukur, më përmbush dhe kam qëllime, por në të njëjtën kohë është një ambient i ndyrë, ku nuk e di rreth kujt mund të gjendesh…”, u shpreh Shala.

    Ajo u pyet gjithashtu nëse është e vështirë për një ish-luftëtare që t’i ruajë idealet e luftës dhe imazhin për lirinë kur hyn në politikë.

    Shala tha se kjo është sfiduese, por jo e pamundur.

    “…Është e vështirë, por nuk është e pamundur. Deri tani asnjëherë nuk më ka ndodhur të lëkundem nga ajo që unë besoj, nga bindjet e mia, pavarësisht çfarë sulmesh mund të kem…”, deklaroi deputetja.

    Për ta dëgjuar intervistën e plotë të Mimoza Shalës, klikoni në linkun e mëposhtëm:

  • I ka kryer mbi 10,000 operacione, doktor Ferat Sallahu tregon se si i përjeton momentet kur pacientët vdesin

    I ka kryer mbi 10,000 operacione, doktor Ferat Sallahu tregon se si i përjeton momentet kur pacientët vdesin

    Pas më shumë se 10 mijë operacionesh të kryera gjatë karrierës së tij profesionale, specialisti i kirurgjisë, doktor Ferat Sallahu ka përjetuar shumë momente të vështira në profesionin e tij. Një ndër sfidat më të mëdha, sipas tij, mbetet përballja me rastet kur pacientët nuk arrijnë të shpëtohen.

    I pyetur se si e përballon momentin kur një pacient ndërron jetë, doktor Sallahu theksoi se çdo rast është i ndryshëm dhe varet nga mosha dhe sëmundja e pacientit.

    “…Përballimi i pacientit që vdes dallon prej moshës, dallon prej sëmundjes. Gjithmonë është humbje për familjen, por për ne si profesionistë kur e kemi një person që ndërron jetë në moshë të re dhe vuan prej një sëmundjeje të rëndë, për ne është jashtëzakonisht një peshë e madhe sepse nuk po arrijmë t’i ndihmojmë…”, u shpreh ai.

    Sipas tij, në mjekësi ka diagnoza të caktuara që kanë prognozë të rëndë dhe jetëgjatësi të kufizuar, pavarësisht përpjekjeve të stafit mjekësor.

    “…Gjithmonë në shëndetësi ka diagnoza që e kanë jetën e kufizuar. Pavarësisht nëse bëhet fjalë për dajë, nanë, babë apo vëlla, kur diagnoza është me prognozë të keqe, edhe rezultatet janë të këqija…”, tha Sallahu.

    Megjithatë, ai theksoi se mjekët vazhdojnë të bëjnë maksimumin për çdo pacient, duke e konsideruar çdo jetë të shpëtuar si motivin më të madh për të vazhduar punën në këtë profesion sfidues.

    Për ta dëgjuar intervistën e plotë të Ferat Sallahut, klikoni në linkun e mëposhtëm:

  • Qumështi i gjirit i mbron fëmijët nga tumoret

    Qumështi i gjirit i mbron fëmijët nga tumoret

    Gjidhënia nuk është vetëm burim ushqimi, por edhe mbrojtje për fëmijën dhe nënën. Madje, nënën e mbron edhe nga tumori i gjirit, pasi qumështi krijon një mburojë kundër kancerit të gjirit, duke fuqizuar dhe aktivizuar mbrojtjen dhe benefitet imunitare edhe për bebin.

    Prej kohësh po studiohet cili është mekanizmi dhe si ndodh, dhe kërkuesit kanë arritur në konkluzionin që çelësi i mbrojtjes së dyfishtë janë qelizat T. Këto të fundit janë rruaza të bardha që zakonisht kanë si detyrë të eliminojnë qelizat e infektuara ose tumorale, por kanë ndikim të madh edhe në prodhimin e qumështit.

    Njëkohësisht, këto qeliza T është zbuluar se kanë rol në ndërtimin e sistemit imunitar të porsalindurit, mbrojtjen imunitare dhe krijimin e një mikrobiote intestinale të shëndetshme.

    Kërkimet për të kuptuar mekanizmin vijojnë, por vihet theksi tek benefitet e panumërta të gjidhënies, që përmirëson shëndetin si të porsalindurit, ashtu edhe të nënës, madje duke e mbrojtur specifikisht edhe nga një patologji e rëndë siç është kanceri i gjirit, por edhe nga një sërë benefitesh të tjera afatgjata, mbi të gjitha forcimi i sistemit imunitar të bebit.

  • 16 vjeçe në luftë: Mimoza Shala rrëfen plagosjen në betejën e Çabratit

    16 vjeçe në luftë: Mimoza Shala rrëfen plagosjen në betejën e Çabratit

    Në moshën 16-vjeçare, Mimoza Shala u bë pjesë e Ushtrisë Çlirimtare të Kosovës (UÇK), duke iu bashkuar luftës për çlirimin e vendit. Në emisionin “LIBERO”, ajo rrëfeu se rruga drejt frontit nisi që në bankat e shkollës, bashkë me shokë e shoqe, në një kohë kur gjithçka ishte e paqartë dhe e rrezikshme.

    “…Organizimi ka filluar në shkollë, me shokë e shoqe. Normal ishte e vështirë sepse nuk e dinim rrugën, nuk e dinim sakt ku gjendej UÇK-ja…”, kujtoi ajo.

    Shala tregoi se gjatë gjithë luftës kishte një frikë të veçantë: jo nga vdekja, por nga plagosja.

    “Gjatë krejt luftës unë nuk i jam frikësu vrasjes sa i jam frikësu plagës”, rrëfeu Shala.

    Në një moment të luftës, ajo e përmendi edhe një bisedë me komandantin e saj, Shkëlzen Haradinaj.

    “…Komandant, i lutem Zotit që ai plumb që m’kap le t’më kap mirë, në ndonjë organ vital dhe le t’më lë në vend”, i kishte thënë ajo, duke shpjeguar se nuk donte ta përjetonte plagosjen sepse i dukej shumë e rëndë.

    Megjithatë, fati i luftës e çoi pikërisht drejt asaj që kishte frikë. Më 7 maj, gjatë betejës së Çabratit në Gjakovë, ajo u plagos në një rrethim të vështirë.

    “Dita që u plagosa ka qenë 7 maji. Ne u gjendëm në një rrethim të vështirë. Kur jam plagosur, nuk i kam pasë as 20 metra larg. I kam pasë shtatë vrima në uniformë, vetëm një plumb më ka goditë. Në fillim as nuk e kam ndier, thjesht kam pa gjak”, tregoi Mimoza.

    Ajo potencoi se momenti ishte edhe më i rëndë sepse disa nga bashkëluftëtarët që i kishte pranë u vranë gjatë përplasjes.

    Rrëfimi i saj mbetet një dëshmi e fortë e sakrificës së shumë të rinjve që, edhe në moshë shumë të re, u përfshinë në luftën për liri.

    Për ta dëgjuar intervistën e plotë të Mimoza Shalës, klikoni në linkun e mëposhtëm:

  • Kylian Mbappe gati për ndeshjen e dytë ndaj Manchester City

    Kylian Mbappe gati për ndeshjen e dytë ndaj Manchester City

    Sulmuesi francez Kylian Mbappe mund të jetë gati për ndeshjen e dytë ndaj Manchester City, pasi që po rikuperohet mirë, raportojnë mediat franceze.

    Ylli i Real Madridit po ndihet mirë fizikisht dhe ekziston mundësia që ai të jetë në dispozicion për përballjen e kthimit në Ligën e Kampionëve, sipas raportimit të RMC Sport.

    Sulmuesi francez, megjithatë do t’i nënshtrohet disa testeve mjekësore në ditët në vijim për të konfirmuar plotësisht gjendjen e tij fizike dhe për të përcaktuar nëse mund të luajë.

    Mbappe pritet të jetë gjithashtu i gatshëm edhe për ndeshjet e ardhshme të Kombëtares së Francës gjatë pauzës ndërkombëtare, nëse gjithçka shkon sipas planit.

    Ndeshjen e ardhshme Real Madrid e luan kundër Elche, më 14 mars 2026, nga ora 21:00.

     

  • Kendall Jenner dhe Hailey Bieber në një mbrëmje para Oscars

    Kendall Jenner dhe Hailey Bieber në një mbrëmje para Oscars

    Kendall Jenner dhe Hailey Bieber shijuan një mbrëmje vajzash në një festë plot yje të organizuar nga Dior dhe revista W, në restorantin ikonik Mr. Chow në Beverly Hills, në prag të ndarjes së çmimeve Oscar.

    Dy supermodelet u shfaqën elegante teksa mbërritën në restorantin e famshëm, një pikë e njohur e showbiz-it që prej vitit 1974.

    Kendall Jenner, 30 vjeçe, tërhoqi vëmendjen me një bluzë njëngjyrëshe të zbukuruar me lule dhe një shall të zi me stil retro që kujtonte vitet e 90-ta, shkruan DailyMail.

    Ajo kompletoi pamjen me flokë të lëshuara dhe buzëkuq të kuq të ndezur.

    Ndërkohë, Hailey Bieber u shfaq me një stil më casual por po aq elegant, me një xhaketë të shndritshme blu të mesnatës dhe xhinse me bel të lartë të grisura në mënyrë mode, të kombinuara me taka të zeza.

    Në festë morën pjesë edhe të famshëm të tjerë, përfshirë modelen Emily Ratajkowski, e cila u shfaq me një fustan kokteji blu të ngushtë me detaje lulesh.

    Ajo e kompletoi pamjen me çantë dhe taka të zeza, ndërsa flokët e errët i kishte lëshuar në valë të buta.

    Ndërkohë, Kendall është vetëm pak ditë larg nga mësimi nëse Timothee Chalamet, i dashuri i motrës së saj Kylie Jenner, do të fitojë çmimin për aktorin më të mirë për rolin e tij në filmin “Marty Supreme”. /Telegrafi/

  • Ankthi i mëngjesit, si shkaktohet dhe si ta përballoni

    Ankthi i mëngjesit, si shkaktohet dhe si ta përballoni

    Ankthi është një gërshetim i ndërlikuar emocionesh negative që përfshijë frikën e tepruar, shqetësimin apo panik të lehtë.

    Zakonisht shoqërohet dhe me pasoja fizike si rrahje të forta të zemrës, dhimbje të kraharorit dhe një frymëmarrje të çrregullt.

    Krizat e ankthit të mëngjesit, është ai që të kap sapo hapim sytë, duke shkaktuar pasiguri, plogështi dhe lodhje të rënduar.

    Në fazat më të rënda, ky shqetësim shoqërohet dhe me marrje mendsh, të vjella dhe me një sistem tretës jo të qetë.

    Në shumë raste, kur zgjohesh në një mëngjes të tillë mendja të shkon menjëherë tek konsumimi i një kafeje, tek disa persona ajo ka efekt qetësues por tek disa të tjerë kafja ndikon në rritjen e mëtejshme të ankthit.

    Dy format e ankthit të mëngjesit

    Ankthi i mëngjesit që shfaqet menjëherë pas zgjimit të organizmit, ndërkohë që jemi ende shtrirë.

    Simptomat e këtij tipi të ankthit lidhen me nje tension në të gjithë trupin si dhe me rrahje të çrregullta e të forta të zemrës.

    Duke ndikuar në gjendjen psikologjike dhe fizike të personit të prekur gjatë ditës.

    Forma tjetër e ankthit të mëngjesit është ai që del në pah pas disa minutash që jemi zgjuar.

    Një gjendje e cila rritet gradë pas grade derisa arrin të formohet një dhimbje në kraharor.

    Në të dy rastet e ankthit të mëngjesit, vëmendja dhe përqëndrimi është i ulët.

    Disa nga reagimet fizike ndaj ankthit të mëngjesit janë: ngërçet të muskujve, kriza të stomakut, dhimbje të qafës dhe të kokës.

    Një nga karakteristikat kryesore të këtij lloj ankthi është plogështia që kap organizmin në mesditë.

    Simptomat e ankthit të mëngjesit

    Lodhje e vazhdueshme nga detyrimet e përditshme, pa pasur mundësi për të rikuperuar energjitë.

    Një numër i lartë përgjegjshmërish

    Një çrregullim i mënyrës së jetës, apo pamundësia e organizmit të saj

    Mos interesim në aktivitetet e zakonshme

    Pritshmëri të larta dhe të pakapshme

    Nervozizëm dhe irritim

    Si të përballoni ankthin e mëngjesit

    Për të shuar ndjesinë e ankthit të mëngjesit nuk është e nevojshme që të stresoheni për të gjetur shkakun e këtij ankthi.

    Gjëja kryesore është pranimi që keni një problem, dhe të ndryshoni sjelljen tuaj ndaj tij.

    Ekspertët e psikologjisë pohojnë se një ankth i tillë nuk duhet luftuar, pasi mund të përkeqësohet duke shkaktuar kriza paniku.

    Thelbi është qetësimi dhe reflektimi rreth problemeve që ju vërshojnë në mendje.

    Një sjellje e tillë arrin të normalizojë reagimin e organizmit.

    Duke qenë se truri fillon dhe dërgon sinjale qetësuese, trupi nuk është në gjendje alarmi dhe kështu kriza e ankthit kalon.

    Por nëse kriza të tilla janë kronike, AgroWeb.org ju këshillon që të konsultoheni me mjekët përkatës.

  • Gabimet që çojnë në dëmtim serioz të veshkave

    Gabimet që çojnë në dëmtim serioz të veshkave

    Veshkat kanë përgjegjësi të madhe në organizëm. Ato filtrojnë gjakun, pastrojnë organizmin, prodhojnë hormone, dhe ruajnë ekuilibrat e mineraleve dhe lëngjeve.

    Ekspertët paralajmërojnë se nëse njeriu nuk përkujdeset për to, pasojat do të jenë të rënda.

    Zakonisht, njerëzit neglizhojnë shëndetin duke u ushqyer keq dhe duke anashkaluar rëndësinë e ushqyerjes për shëndetin e veshkave dhe jo vetëm.

    Në këtë artikull do të mësoni për gabimet që dëmtojnë rëndë veshkat.

    Dehidratimi

    Gabimi i parë që njerëzit bëjnë shpesh është se nuk pijnë shumë ujë.

    Duke qenë se uji përbën pjesën më të madhe të organizmit, ekspertët këshillojnë pirjen e të paktën 8 gotave me ujë çdo ditë.

    Kjo sasi do të mundësojë filtrimin e duhur të gjakut, eliminimin e toksinave dhe mbetjeve nga organizmi.

    Kripa

    Kripa e tepërt rrit tensionin e gjakut dhe shkakton stres tek veshkat.

    Konsumi i tepruar i saj mund të shkaktojë probleme të rënda.

    Sheqeri

    Njësoj si kripa, edhe konsumi i lartë i sheqerit shkakton presion në veshka.

    Njerëzit që konsumojnë dy ose më shumë pije të ëmbla në ditë, vështirësojnë ndjeshëm punën e veshkave.

    Mungesat e mineraleve dhe vitaminave

    Një regjim i varfër në vitamina e minerale mund të nxisë formimin e gurëve në veshka dhe sëmundjeve të veshkave.

    Ekspertët këshillojnë konsumin e më shumë frutave, perimeve dhe vakteve të shëndetshme.

    Proteinat shtazore

    Konsumi i lartë i mishit mund të shkaktojë grumbullimin e tepërt të proteinave të përpunuara në organizëm.

    Barra është shumë e rëndë për veshkat dhe shkakton punë ‘pa orar’ për to.

    Mungesa e gjumit

    Gjumi është shumë i rëndësishëm për gjallërimin e mendjes dhe trupit.

    Mungesa e tij shkakton dëmtim të kockave, stres dhe probleme me veshkat.

    Kafeina

    Ndikimi i kafesë në organizëm është i njëjtë me kripën.

    Ajo rrit tensionin e gjakut dhe shkakton dëme të forta me kalimin e kohës.

    Medikamentet

    Medikamentet kundër dhimbjeve mund të kenë një ndikim shumë të rrezikshëm në organizëm dhe veçanërisht në veshka.

    Ekspertë thonë se njeriu duhet të frenohet nga dëshira për të përdorur medikamente pa karar.

    Abuzimi me alkoolin

    Pirja e tepruar e alkolit shkakton një tension të lartë në veshka dhe eventualisht dëmtim të parikuperueshëm të tyre.

  • Dëmet që i shkaktojnë kufjet

    Dëmet që i shkaktojnë kufjet

    Teknologjia është duke ecur përpara nga dita në ditë dhe ne duke qenë të varur nga ato i neglizhojmë efektet e dëmshme shëndetësore që vinë së bashku me teknologjinë.

    Kufjet janë bërë pjesë e përditshmërisë tonë, duke shëtitur, duke përdorur telefonin në shtëpi, duke shkuar në shkollë, punë apo fakultet.

    Ato janë një nga objektet që kohët e fundit janë bërë të pandashme për secilin nga ne. Por, pavarësisht funksionalitetit dhe argëtimit që ofrojnë, shpesh diskutohet tema se a janë ato në gjendje të cenojnë shëndetin tuaj të përgjithshëm.

    Por sipas otoringolaringologut Aziz Mustafa nuk ka një interval të caktuar të dëgjimit me kufje që mund të rezultojë i dëmshëm tek veshi i njeriut.

    Njerëzit që përdorin shumë kufje janë të prirur të ankohen për gumëzhima në vesh dhe dhimbje të mprehtë në pjesë të caktuara të veshit, efekte te cilat kane pasur edhe pasoja fatale tek njeriu.

    Ne anën tjetër përdorimi i kufjeve mund të bëhet një rrezik edhe në qytet sepse mund të çojë në mosdëgjimin e borive të makinave që sinjalizojnë një rrezik të afërt apo ne dekoncentrimin e personit.

    Aksidentet që ndodhin çdo ditë në mesin tonë, shpeshherë janë të lidhura me përdorimin e kufjeve derisa jemi duke lëvizur në komunikacion, e që në shumë raste përfundon me fatalitet, andaj duhet të jemi shumë të kujdesshëm.

  • Për një gjumë të mirë dhe të rehatshëm zbatoni këto truke

    Për një gjumë të mirë dhe të rehatshëm zbatoni këto truke

    Të bësh një gjumë të mirë dhe të zgohesh ditën tjetër tërësisht i çlodhur duket se është bërë diçka e vështirë për t’u arritur. Kjo është për shkak të një stili jetese sedentare dhe stresit që nuk mungon në asnjë moment.

    Ilaçet e gjumit janë padyshim medikamente shumë të dëmshme që mund të rrezikojnë seriozisht shëndetin tuaj nëse i përdorni, veçanërisht pa rekomandimin e mjekut. E mira është që të përdorni produkte që janë natyrale dhe nuk paraqesin efekte anësore për shëndetin e përgjithshëm. Gjyshet tuaja mund t’i kenë përdorur gjatë jetës për vete dhe për t’ju vënë ju në gjumë, kur ishit të vegjël. Nëse keni probleme me pagjumësinë, është koha t’i mësoni recetat e tyre të mrekullueshme që ju vënë në gjumë sa hap e mbyll sytë.

    Kanellë
    Kanella njihet tashmë për përfitmimet shëndetësore, kryesisht në përmirësimin e gjumit. Shtoni ¼ lugë çaji kanellë në një gotë me qumësht të ngrohtë. Pijeni para se të shkoni të flini për të bërë një natë të qetë dhe një gjumë cilësor.

    Çaj me sallatë jeshile
    Një nga mënyrat më të mira për të luftuar pagjumësinë është çaji i sallatës jeshile. Ajo mund të shërbejë edhe për të bërë një çaj shumë të fuqishëm. Vetëm zieni disa gjethe sallate me pak ujë dhe më pas kullojeni çajin. Shtoni pak mjaltë për shije. Pini nga një gotë çaj një orë para se të flini.

    Shafrani i Indisë
    Ky përbërës është shumë i fuqishëm për shkak të përbërjes së tij nga komponentë shumë të rëndësishëm që ndihmojnë të bëni një gjumë të qetë. Shtoni pak shafran në një gotë me qumësht të ngrohtë dhe përziejini mirë. Pijeni para gjumit dhe nuk do të keni asnjë shqetësim gjatë natës.