ATV

Author: Samir Dalipi

  • Zonat e trupit më të prekura nga stresi

    Zonat e trupit më të prekura nga stresi

    Shumë studime tregojnë se reagimet ndaj stresit mund të çojnë në shfaqjen e sëmundjeve të ndryshme. Stresi është një nga problemet që më prek shoqërinë moderne. Të gjithë herët a vonë mund të kemi episode të dukshme e stresit për arsye të ndryshme, por kur kjo është kronike, duhet t’i kushtojmë vëmendje, për shkak se mund të ketë pasoja negative në shëndetin fizik dhe mendor.

    Lëkura

    Stresi shkakton çekuilibër hormonal. Tensioni i gjeneruar nga ky çrregullim emocional rrit përgjigjen inflamatore të trupit, gjë e cila shkakton mbylljen e poreve të lëkurës. Akumulimi i papastërtive brenda shkaton akne.

    Muskujt

    Eshtrat dhe muskujt janë zona më e prekur nga stresit kronik, që shkakton dhimbje dhe vështirësi në lëvizje.

    Zemra

    Ekziston një lidhje midis episodeve të vazhdueshme të stresit dhe një rreziku më të madh për probleme kardiovaskulare, si rritja e kolesterolit dhe triglicerideve, presion i lartë i gjakut dhe probleme të qarkullimit.

    Sistemi imun

    Njerëzit që gjithmonë vuajnë nga ky çrregullim emocional shfaqin një ulje të konsiderueshme të mbrojtjes imunitare, e cila çon në një sensibilitet më të madh ndaj infeksionit.

    Sistemi i tretjes

    Stresi mund të shoqërohet me shenja fizike që prekin traktin digjestiv, si për shembull:

    • diarre
    • kapsllëk
    • pezmatim
    • gazra
    • dhimbje barku

    Të gjitha këto çrregullime mund të jenë rezultat i rritjes së nivelit të hormonit të stresit, kortizolit.

    Truri

    Një nga pjesët e trupit më të prekura nga stresi i përsëritur është truri. Kortizoli, hormoni i stresit, ka një ndikim negativ dhe kjo shpjegon edhe arsyen pse gjatë situatave të tensionuara, njerëzit nuk arrijnë të marrin vendime të caktuara dhe nuk janë në gjendje të përqëndrohen në zhvillimin e aktiviteteve të tyre të përditshme.

    Veshkat

    Kortizoli i tepërt çon në rritjet të prodhimit të fosfatit, e cila çon në dobësi të muskujve, ndryshime në nivelin e eshtrave dhe vështirësi të mëdha në funksionimin e tyre.

  • Zhegrova publikon foton e parë me djalin e tij

    Zhegrova publikon foton e parë me djalin e tij

    Futbollisti i Kosovës, Edon Zhegrova, para disa ditësh u bë baba për herë të parë.

    Zhegrova ka publikuar një foto në rrjetet sociale ku shihet së bashku me djalin e tij, Marsin.

    Ai u shpreh shumë i lumtur dhe se është i bekuar.

    “Nuk mund të isha më i bekuar se kaq. Unë dhe Mars-i”, ka shkruar ai në Instagram

  • Volkswagen-i në ofensivë, synon të sjell 20 modele të reja

    Volkswagen-i në ofensivë, synon të sjell 20 modele të reja

    Pas një viti sfidues për biznesin, Grupi Volkswagen po njofton një ofensivë të madhe tregu për vitin 2026 me një plan për të prezantuar më shumë se njëzet modele të reja ose të rifreskuara plotësisht.

    Gjigandi gjerman synon të kthehet në shtigjet e rritjes, me theks të veçantë në segmentin e makinave të vogla elektrike me rëndësi strategjike, por edhe në forcimin e mëtejshëm të pozicionit të tij dominues në klasën SUV.

    Shefi i shitjeve të markës Volkswagen, Martin Sander, konfirmoi se Wolfsburg po përgatitet për “aktivitete të paprecedentë lançimi” të automjeteve të reja në të gjithë botën, të cilat përfshijnë gjithçka, nga makinat elektrike me çmime të përballueshme dhe hibridet e reja deri te versionet e rifreskuara të modeleve ikonike./

  • Shitjet globale të automjeteve elektrike ranë me 11%, kurse Evropa u rrit me 21%

    Shitjet globale të automjeteve elektrike ranë me 11%, kurse Evropa u rrit me 21%

    Shitjet globale të makinave elektrike ranë 11% në shkurt, me rreth 1.1 milion njësi të shitura, sipas të dhënave të Benchmark Mineral Intelligence.

    Evropa vazhdon të rritet me 21% këtë vit, me Gjermaninë dhe Francën në krye të listës, ndërsa Amerika e Veriut shënon rënie të fortë të kërkesës.

    Në Kinë shitjet kanë rënë 26%, por eksportet e EV-ve janë më të larta se kurrë.

    Për të shfrytëzuar bateritë e prodhuara, prodhuesit po investojnë në sisteme të ruajtjes së energjisë.

    Volkswagen ka aktivizuar një impiant të madh baterish në Gjermani për të ndihmuar rrjetin elektrik.

    Të njëjtin hap po ndjekin edhe Tesla, BYD dhe Hyundai. /

  • Faleminderit zemrës: Mentor Dida i transformoi ëndrrat në veprime konkrete

    Faleminderit zemrës: Mentor Dida i transformoi ëndrrat në veprime konkrete

    Inxhinieri Mentor Dida, në emisionin “LIBERO”, ka rrëfyer rrugëtimin e tij nga studimet në inxhinieri (në Amerikë), deri te angazhimi i tij për të ndihmuar komunitetin.

    “…Shkova në Arizonë, studiova aty inxhinieri. Por gjatë kohës t’u u bo inxhinier, ma rroki diçka – kuptova që bota ka më shumë nevojë për njerëz me zemër të mirë…”, ka treguar Dida.

    Ai shpjegoi se entuziazmi i tij nuk ishte vetëm për arritje akademike, por për të kontribuar për të mirën e komunitetit: “…Unë e kisha entuziazmin me shku me ju ndihmu njerëzve, me këqyr qysh me eduku edhe zemrën, me u bo ndryshimtar… Shkova te dekani dhe i thashë ‘kështu bre e kam gjendjen’. Ai më tha: ‘Mentor, çfarë vizioni, çfarë ëndrre të mirë, unë çkado që të duhet ka me të ndihmu’.”

    Gjatë studimeve, Dida nuk u ndal vetëm në inxhinieri. Ai u bë senator i fakultetit dhe themeloi një organizatë në Kosovë për të mbështetur komunitetin dhe iniciativat sociale, duke shndërruar idetë e tij në veprime konkrete.

    Një moment kyç në karrierën e tij akademike ishte kur fakulteti e përzgjodhi si folës në ceremoninë e mbylljes së vitit të graduimit dhe ia dha dy çmime: si studenti më i mirë i fakultetit të inxhinierisë dhe si studenti më i mirë i gjithë fakultetit. Dida përshkruan këtë si një “boost i madh” për motivimin dhe vizionin e tij për të ndihmuar të tjerët.

    Për ta dëgjuar intervistën e plotë të Mentor Didës, klikoni në linkun e mëposhtëm:

  • Vuajtja nga ankthi e çoi drejt Jogës, sot Sara Obërtinca është trajnere që ndihmon të tjerët

    Vuajtja nga ankthi e çoi drejt Jogës, sot Sara Obërtinca është trajnere që ndihmon të tjerët

    Ajo e nisi si një mënyrë për ta ndihmuar veten, por sot është kthyer në një mision për të ndihmuar edhe të tjerët. Sara Obërtinca, tashmë trajnere e Jogës, tregon se rrugëtimi i saj me këtë praktikë filloi në një periudhë sfiduese të jetës.

    Në një rrëfim për emisionin “LIBERO”, ajo ka treguar se fillimisht e provoi Jogën për ta menaxhuar ankthin dhe stresin, pa e menduar se një ditë do të bëhej instruktore.

    “…Kam bërë Joga për vete dhe e kam vërejtur që po më ndihmon mentalisht shumë, sidomos për ankth, për stres…”, ka thënë ajo.

    Sipas Obërtincës, përfitimet që ndjeu në gjendjen e saj emocionale e shtynë të mësonte më shumë rreth kësaj praktike dhe më vonë të marrë edhe licencën si instruktore.

    “…Unë e kam pa që po më ndihmon dhe mandej kam dashtë me e bo trajnimin dhe me marrë licencën si instruktore, por në fakt nuk e kam pasë qëllim me jap mësim, me u bo instruktore; kam pasë qejf me mësu për vete…”, është shprehur Sara.

    Ajo tregoi se një periudhë me ankth dhe sulme paniku e bëri të kërkonte mënyra për ta përmirësuar mirëqenien mendore.

    “Kam pasë një fazë sfiduese që kisha panika, ankth. Besoj që secili e ka një fazë pak më sfiduese gjatë jetës së vet. Po më ka ndihmu Joga, sidomos ushtrimet e frymëmarrjes…”, ka rrëfyer Obërtinca.

    Vlen ta potencojme se sipas disa studimeve  shkencore thuhet se praktika e Jogës mund të ketë ndikim pozitiv në reduktimin e ankthit dhe stresit. Një studim i publikuar (në vitin 2024) në National Library of Medicine ka zbuluar se personat që praktikonin joga për disa javë kishin një ulje të ndjeshme të simptomave të ankthit dhe përmirësim të cilësisë së jetës krahasuar me ata që nuk e praktikonin.

    Po ashtu, analiza e disa studimeve klinike ka treguar se kombinimi i ushtrimeve fizike të jogës, teknikave të frymëmarrjes dhe meditimit mund të ndihmojë në uljen e stresit të perceptuar dhe në përmirësimin e mirëqenies mendore te të rriturit.

    Për ta dëgjuar intervistën e plotë të Sara Obërtincës, klikoni në linkun e mëposhtëm:

  • Arbesa Abazi rrëfeu eksperiencën në Dior që i formoi vizionin në modë

    Arbesa Abazi rrëfeu eksperiencën në Dior që i formoi vizionin në modë

    Arbesa Abazi, kreatore e modës, ka ndarë në emisionin “LIBERO” një përvojë të paharrueshme nga studimet e saj, që ka lënë gjurmë të thella në karrierën e saj.

    Abazi tregoi vizitën e një ekspozite të shtëpisë së modës Dior në Paris, një eksperiencë që i ofroi mundësinë të kuptonte nga afër se si funksionon dizajni në një nga shtëpitë më të mëdha të modës në botë.

    “…Ne shkuam si studentë për të vizituar nga afër proceset e punës në shtëpitë e mëdha të modës. Mësova kulturë të lartë në çdo aspekt – nga prezantimet e tyre, profesionalizmi, deri te mënyra se si i organizojnë dyqanet…”, rrëfeu Arbesa.

    Ajo tregoi se, kur arritën në dyqanet e Dior, si studentë nuk kishin asnjë qëllim të blinin diçka; vizita ishte thjesht një mundësi për të parë nga afër botën e modës. Por ajo që ndodhi tejkaloi pritshmëritë e tyre!

    “…Kur u ndodhëm në dyqanet e Dior, nuk kishim ndërmend të blinim asgjë, sepse ishim studentë. Por njëri prej punonjësve na tha: ‘Kjo është për ju, hyni brenda dhe shihni nga afër.’ Ai veprim, sipas meje, tregon atë kulturë të veçantë profesionale”, potencoi Abazi.

    Kjo përvojë e hershme ka frymëzuar kreatoren e modës Arbesa Abazin dhe ka formuar mënyrën e saj të qasjes ndaj modës, duke e bërë profesionalizmin dhe kulturën e punës elemente kyçe të vizionit të saj artistik.

    Për ta dëgjuar intervistën e plotë të Arbesa Abazit, klikoni në linkun e mëposhtëm:

  • E njohim për këngë dashnie, por Meda muzikën e paska filluar me folklor

    E njohim për këngë dashnie, por Meda muzikën e paska filluar me folklor

    Këngëtari i njohur Mehdin Përgjeçaj, i njohur për publikun si Meda, prej vitesh është një nga emrat më të dashur të muzikës popullore dhe baladave. Megjithatë, pak kush e di se hapat e parë në muzikë ai i ka bërë me këngë folklorike.

    Në një rrëfim ekskluziv në emisionin “LIBERO”, këngëtari ka treguar se muzikën e ka nisur shumë herët, duke kënduar së bashku me vëllain e tij. Ai tregoi se fillimisht është marrë me folklor, ndërsa me kalimin e viteve repertori i tij ka ndryshuar dhe është orientuar edhe drejt këngëve të dashurisë. Megjithatë, folklori mbetet ende pjesë e pandashme e tij.

    “…Bashkë me vëllain kemi kënduar në atë kohë. Unë e kam vazhduar, ndërsa ai e ka lënë… Kam filluar me folklorin dhe me kohën kam ndryshuar, mirëpo prapëseprapë folklorin s’e kam ndalur dhe mund të këndoj…”, është shprehur Meda.

    Dashuria për muzikën, sipas Medës, vjen edhe nga tradita familjare. Përgjeçaj ka treguar se talenti muzikor është trashëguar brez pas brezi në familjen e tij.

    “…Në familjen tonë, duke filluar prej babagjyshit, ai nuk ka instrument frymor që s’i ka rënë – çiftelisë, sharkisë… Ndërsa babai ka kënduar për një kohë të gjatë me grupin e Hajvalisë, mbi 25 vjet…”, ka rrëfyer këngëtari.

    Për ta dëgjuar intervistën e plotë të Medës, klikoni në linkun e mëposhtëm:

  • 10 gjërat që “e mbysin” një lidhje, këshilla për ta ngjallur raportin

    10 gjërat që “e mbysin” një lidhje, këshilla për ta ngjallur raportin

    Dashuria duhet mbrojtur, duhet “ujitur” si një bimë që duhet të rritet dhe pasi të zhvillohet, duhet mbajtur e gjallë për të bërë të mundur që frutat të vazhdojnë prodhimin. Gjithmonë duhet mahnitje, dëfrim e të festoni edhe atë që nuk do të kishit festuar kurrë..

    Kur dy persona lidhen, e bëjnë me bindjen se do të jetë përgjithmonë, por nuk dihet nëse do të jetë vërtetë kështu. Shpesh, marrëdhëniet përfundojnë për mungesë vëmendjeje, sepse diçka ngec dhe jo sepse dashuria mbaron. Kur lidhesh merr një impenjim kundrejt një tjetër personi dhe gjithçka duhet ndjekur ditë pas dite, pa konsideruar kurrë asgjë të sigurt.

    Nëse një raport zgjat prej disa vjetësh dhe fillohet të ndihet mërzia apo monotonia e të qëndruarit bashkë, është rasti të bëni diçka që s’e keni bërë më parë. Në fazat e para të marrëdhënies, çiftet e vendosin veten në qendër të jetës së njëri-tjetrit, si dhe vlerësojnë njëtrajtësisht mendimet dhe dëshirat e tyre. Me kalimin e kohës, ky përqendrim ose fokusim, kalon tek fëmija për gruan dhe tek puna për burrin. Edhe gratë pa fëmijë e zënë kohën me punët e shtëpisë. Dhe kështu vijon rrjedha e jetës.

    Të mërzitur me lidhjen apo martesën tuaj? Mendoni se jeni mbërthyer në një rutinë, në një martesë të shurdhët? Nuk di çfarë të flasësh me partneren/in tënd? Asgjë nuk po funksionon si në fillim? Ndoshta ju jeni të vetëdijshëm për këtë, por shpresoni se mund të kalojë apo mendoni se jeni në fundin e një marrëdhënieje. Shkak për këtë janë një sërë arsyesh e problematikash në një raport. Monotonia lind nga shkëputja e lidhjeve të respektit dhe dashurisë midis dy individëve.

    Disa arsye që çojnë marrëdhënien në monotoni:

    1. Moskomunikimi me njëri-tjetrin

    Mungesa e dialogut paraqet fazën më negative të një lidhjeje. Mos komunikimi çon në ankesa çiftin.

    2. Mospërkushtimi i kohës

    Puna deri orët e vona, përkujdesja e tepërt e fëmijëve, kalimi i kohës vetëm me shoqërinë rrezikon marrëdhënien me partnerin apo partneren duke e vënë durimin e tij/saj në provë.

    3. Mungesa e vëmendjes

    Një armik tjetër i madh është dhe mungesa e vëmendjes. Partneri apo partnerja ndihet i lënë mbas dore n.q.s ju nuk shikoni çdo gjë, nuk vëzhgoni ndryshimet, nuk kushtoni vëmendje rreth tij/saj.

    4. Moskujdesi për veten

    Fakti që keni shumë vite së bashku nuk do të thotë që të tregoni parregullsi në disa aspekte të mënyrës së jetesës që bëni. Pamja e jashtme është gjithmonë e rëndësishme.

    5. Mungesa e jetës intime

    Me kalimin e kohës fantazitë ngecin, marrëdhënia intime rrallohet. Raporti intim midis dy partnerëve është pak a shumë si uji për jetën, i domosdoshëm në raportin në çift.

    6. Teprimi me xhelozinë

    Kontrollet e tepërta, mos besimi në partnerin apo partneren tuaj çon në fund të një marrëdhënieje.

    7. Mungesa e projekteve së bashku

    Mungesa e planeve,qëllimeve së bashku, qoftë edhe planifikimi i pushimeve apo një darkë jashtë çon në mosfunksionim të raportit në çift.

    8. Teprimi i raportit me familjarët reciprokë

    Detyrimi i partnerit apo partneres pa dëshirë të vizitojë pafund prindërit reciprokë e çon në acarim çiftin. E njëjta gjë vlen edhe për shoqërinë apo kolegët tuaj të punës.

    9. Heqja dorë e aktivitete së bashku

    Fillimi i heqjes dorë nga shumica e argëtimeve së bashku, përfshirë dhe mbrëmjet jashtë, vajtja në kinema apo ambientet me muzikë. E dala rrallë çon në rrezik marrëdhënien tuaj.

    10. Shikimi i tepërt i televizionit

    Çiftet kalojnë shumë kohë para TV i cili është vrasësi kryesor i pasionit. Një darkë e ngrënë në shoqërinë e TV sigurisht nuk ndihmon në bashkimin tuaj.

    “Ujiteni” dashurinë të japë fryte!

    Për ta sjellë përsëri atë shkëlqim, ju duhet t’i hidhni një vështrim marrëdhënies tuaj para se të merrni një vendim, duke i rifutur disa pasione apo angazhime të reja lidhjes.

    Komunikoni me partneren/in tuaj. Në komunikim përdorni fjalën “unë” në vend të fjalës “ti” sepse fjalitë e formuara me “ti” përmbajnë sinjale kritikuese dhe kjo çon në acarim palën tjetër e cila do të përpiqet të mbrohet.

    Ndani me partnerin/ren hobet e tij/saj ose të paktën mos kritikoni dëshirat e tij/saj.

    Komunikoni lirshëm sepse personi i cili nuk arin të kuptohet nga partneri pas njëfarë kohe nuk do të përpiqet të flasë më rreth vetes dhe kështu do të krijohen distanca të mëdha mes çiftit.

    Gjallërojeni marrëdhënien tuaj në çift me ndryshime të vogla të herë pas hershme. Ana e cila kërkon ndryshim duhet ta shprehi qartë këtë dhe në pikën e mosmarrëveshjes duhet të kërkojë një zgjidhje. Para se të fillojmë ankesat, secili nga ne duhet të ndryshojë vetveten më parë.

    Thyeni rutinën duke shkuar në vende që s’kemi shkuar më parë bashkë.

    Planifiko pushimet në minutën e fundit. Shkoni me pushime disa ditë, nuk ka rëndësi se ku, e rëndësishme është që do jeni bashkë.

    Disa këshilla për të ndezur pasionin në një marrëdhënie:

    1. Dëgjoni muzikën kur jeni takuar për herë të parë.

    2. Lexoni letrat,sms,email-et që keni dërguar me njëri –tjetrin në fillimin e lidhjes.

    3. Nxirrni fotot e hershme dhe shikojini së bashku.

    4. Hidhni parfumin që keni pasur në takimin e parë.

    5. Ndrysho gjërat në dhomën e gjumit.

    6. Ndryshoni mënyrën e sjelljes qoftë edhe për një ditë të vetme.

    7. Gatuani diçka speciale vetëm për të.

    8. Dërgo sms-të që ke dërguar më parë (thjesht sapo të ndahesh t’i dërgosh ‘të dua’).

    9. Shpreh ose diskuto çdo gjë, duke e parë në sy partnerin/ren pa lejuar një mur ndarës.

    10. Dilni natën dhe shikoni yjet së bashku ose dilni në 5 të mëngjesit dhe të shikoni diellin duke lindur. Këto janë disa momente të paharrueshme.

  • 10 shenja që tregojnë se dikush ka vetëbesim që i bezdis njerëzit e pasigurt

    10 shenja që tregojnë se dikush ka vetëbesim që i bezdis njerëzit e pasigurt

    Vetëbesimi shpesh shkakton reagime të gabuara nga rrethina. Njerëzit që flasin qartë, e dinë vlerën e tyre dhe nuk tërhiqen kur shprehin mendimin, ndonjëherë etiketohen si arrogantë

    Psikologët, megjithatë, theksojnë se ekziston një dallim i madh midis vetëbesimit dhe arrogancës. Ndërsa arroganca shpesh është mënyrë për të fshehur pasigurinë, vetëbesimi autentik nuk kërkon vazhdimisht konfirmimin e të tjerëve. Pikërisht për këtë arsye njerëzit me vetëbesim ndonjëherë shkaktojnë parehati te ata që vetë ndihen të pasigurt.

    Ekzistojnë disa sjellje që tregojnë qartë dallimin midis vetëbesimit të vërtetë dhe arrogancës.

    1. Gëzohen sinqerisht për suksesin e të tjerëve
    Njerëzit që janë të sigurt në vetvete nuk kanë nevojë të zvogëlojnë suksesin e të tjerëve. Kur dikush arrin diçka të rëndësishme, ata mund ta festojnë sinqerisht pa krahasime dhe pa konkurrencë. Nuk e devijojnë bisedën drejt arritjeve të tyre dhe nuk përpiqen të tërheqin vëmendjen te vetja. Për ta, suksesi i tjetrit nuk është kërcënim.

    2. Pranojnë pa problem se diçka nuk e dinë
    Një nga dallimet më të qarta midis njerëzve me vetëbesim dhe atyre arrogantë është marrëdhënia me njohuritë e tyre. Personat me vetëbesim mund të thonë pa hezitim: “Nuk e di, por mund ta mësoj.” Për ta, pranimi i mosdijes nuk është dobësi, por pjesë e procesit të të mësuarit.

    3. Nuk i theksojnë vazhdimisht sukseset e tyre
    Njerëzit që janë vërtet të sigurt në vetvete nuk kanë nevojë të përmendin vazhdimisht diplomat, njohjet apo arritjet profesionale. Puna dhe sjellja e tyre flasin vetë. Përkundrazi, personat e pasigurt shpesh përpiqen që gjatë bisedës të theksojnë vazhdimisht statusin ose sukseset e tyre.

    4. Janë të gatshëm të ndajnë meritat
    Njerëzit me vetëbesim e kuptojnë se suksesi rrallë arrihet vetëm. Për këtë arsye ata shpesh theksojnë kontributin e të tjerëve dhe falënderojnë ata që kanë marrë pjesë në një projekt apo ide. Një sjellje e tillë tregon siguri në vlerën e tyre.

    5. Mund të qeshin me gabimet e tyre
    Aftësia për të qeshur me veten shpesh është shenjë e stabilitetit të brendshëm. Njerëzit me vetëbesim nuk e përjetojnë çdo gabim si katastrofë apo si kërcënim për reputacionin e tyre. Ata e dinë se një gabim nuk e përcakton identitetin e tyre.

    6. Bëjnë pyetje sepse duan të kuptojnë
    Në biseda dhe takime, njerëzit me vetëbesim bëjnë pyetje për ta kuptuar më mirë situatën. Pyetjet e tyre nuk janë mënyrë për të treguar sa shumë dinë, por mënyrë për të mësuar diçka të re. Një kureshtje e tillë është shpesh shenjë e sigurisë mendore, transmeton Telegrafi.

    7. Nuk e kthejnë bisedën në garë
    Kur dikush ndan një përvojë personale ose një sukses, personi me vetëbesim nuk përpiqet ta tejkalojë me historinë e vet. Ai mund të dëgjojë, të tregojë interes dhe t’u lejojë të tjerëve momentin e tyre. Për ta, biseda nuk është arenë ku duhet të fitohet.

    8. Ndihen mirë edhe në heshtje
    Njerëzit e pasigurt shpesh ndiejnë nevojën të flasin vazhdimisht ose të dominojnë bisedën. Personat me vetëbesim nuk kanë problem me heshtjen. Ata mund t’i dëgjojnë të tjerët dhe nuk ndiejnë nevojë të jenë gjithmonë në qendër të vëmendjes. Kjo tregon qetësi të brendshme.

    9. Nuk kanë nevojë të jenë gjithmonë më të zgjuarit në dhomë
    Njerëzit me vetëbesim nuk kanë problem të rrethohen me njerëz që dinë më shumë ose kanë aftësi të ndryshme. Ata e kuptojnë se bashkëpunimi me njerëz të aftë rrit cilësinë e ideve dhe të rezultateve. Për ta, inteligjenca e të tjerëve nuk është kërcënim.

    10. I respektojnë njësoj të gjithë njerëzit
    Një nga shenjat më të sigurta të vetëbesimit autentik është mënyra se si dikush i trajton njerëzit që nuk mund t’i sjellin asnjë përfitim. Njerëzit me vetëbesim i respektojnë njësoj kolegët, bashkëpunëtorët, kamerierët apo punonjësit e rinj. Sjellja e tyre nuk varet nga statusi apo fuqia e dikujt.

    Çfarë thotë psikologjia për vetëbesimin
    Hulumtimet psikologjike tregojnë se vetëbesimi shpesh interpretohet gabimisht si arrogancë. Në kuadër të modelit të personalitetit të njohur si “Pesë të mëdhatë” (Big Five), personat me vetëbesim të qëndrueshëm shpesh kombinojnë tipare si stabiliteti emocional, ndërgjegjshmëria dhe empatia. Këta njerëz nuk kanë nevojë të dominojnë të tjerët për të dëshmuar vlerën e tyre.

    Kur vetëbesimi u duket i pakëndshëm të tjerëve
    Paradoksi qëndron në faktin se vetëbesimi autentik ndonjëherë shkakton parehati te njerëzit që vetë ndihen të pasigurt. Kur dikush duket i sigurt në vetvete, kjo mund t’i kujtojë të tjerëve dyshimet e tyre. Për këtë arsye njerëzit me vetëbesim ndonjëherë etiketohen gabimisht si arrogantë.

    Thelbi i vetëbesimit të vërtetë
    Vetëbesimi i vërtetë nuk përpiqet të mbizotërojë mbi të tjerët dhe as të tërheqë vëmendje. Ai është shumë më i qetë dhe më i padukshëm. Është aftësia që njeriu të njohë vlerën e vet, të respektojë të tjerët dhe të flasë qartë, pa pasur nevojë të dëshmojë vazhdimisht veten. Dhe pikërisht për këtë arsye një vetëbesim i tillë mund të duket i pazakontë në një botë ku njerëzit janë mësuar të dëshmojnë veten me zë të lartë.