ATV

Author: ATVLive

  • 50 euro për atë që adopton një qen endacak, Fushica tregon si erdhi deri te ky vendim i Komunës

    50 euro për atë që adopton një qen endacak, Fushica tregon si erdhi deri te ky vendim i Komunës

    Së fundmi, nga kryetari i komunës së Prishtinës, Përparim Rama, është kumtuar një vendim, i cili ka të bëjë për qentë endacakë. Një subvencionim për të gjithë qytetarët të cilët vendosin të adaptojnë një qen endacakë nga Prishtina, do të jetë së shpejti tashmë edhe i hapur për të gjithë qytetarët.

    Drejtor i Drejtorisë për Siguri dhe Emergjenca në Komunën e Prishtinës, Lulzim Fushtica, në një prononcim për ATV-në, tha se vendimi për subvencionimin prej 50 Eurosh për qytetarët që adaptojnë një qen në kryeqytet ka ardhur e rrjedhojë angazhimit të komunës për të zgjedhur problemin me qentë endacakë në Komunën e Prishtinës.

    “Ky vendim vie si pasojë e analizës dhe projekteve që i kemi pasur edhe më herët, duke filluar nga viti i kaluar kur realisht jemi marrë seriozisht me këtë çështjen e qenve endacakë, nga dy këndvështrime, nga këndvështrimi i sigurisë publike dhe shëndetit publik, por edhe nga këndvështrimi i mbrojtjes dhe trajtimit human të qenve endacakë që sillen në rrugët e Prishtinës, dhe normal që nuk trajtohen në mënyrë të duhur dhe mënyrë humane. Popullacioni i qenve endacakë është rritur në mënyrë enorme në kryeqytet, realisht në dy vitet e fundit dhe kjo ka paraqitur problem dhe kemi pasur edhe ankesa edhe kërkesa edhe nga qytetarët, nga dy palët e interesit që ta trajtojmë këtë tematikë. Nga viti i kaluar kemi filluar intensivisht të merremi me këtë çështje duke i hapur 25 pika të ushqimit për qentë endacakë, duke filluar me programin e kapjes, sterilizimit, vaksinimit dhe lëshimit në bazë të udhëzimit administrativ, ndërsa ky vendimi i fundit vie vetëm si rrjedhojë i atij planit më të madh për trajtimin e qenve endacakë”, tha Fushica.

    Qëllimi kryesor i këtij vendimi, sipas tij, është që të subvencionohen dhe të rritet vetëdija e qytetarëve që të adoptojnë kafshë endacake, që kafshët endacake ta kenë një shtëpi dhe një trajtim human.

    “Jemi në fazën përfundimtare të miratimit të vendimit, që me këtë do të formatizohet çështja e adoptimit të qenve endacakë dhe motivimi dhe ngritja e vetëdijes qytetarë që qentë endacakë janë kafshë që duhet të trajtohen mirë, duhet që të kujdesemi për to, por në anën tjetër të sigurohet lëvizja e lirë e qytetarëve nëpër shehseht, nëpër rrugët e Prishtinës duke pasur parasysh numër të madh të sulmeve që kanë ardhë si rrjedhojë e saj. Nga viti i kaluar deri më tani, kemi pasur janë numër shumë të madh të ankesave nga qytetarët e kryeqytetit, për fat të keq kemi edhe padi ndaj komunës nga qytetarët, por vetëm një fakt i vogël që e ilustron krejt problematikën, vetëm stacioni i jug i Policisë së Kosovës që e mbulon vetëm një pjesë të kryeqytetit na ka raportuar që vetëm nga janari deri në qershor të këtij viti i kanë pasur 31 raste të sulmeve të qenve endacakë ndaj qytetarëve që i bie afër 6 sulme në muaj vetëm në një pjesë të qytetit. Është problematikë që të shikohet nga të dy këndet, jo vetëm nga këndi i adoptimit apo subvencionit. Subvencioni është vetëm një metodë apo mënyrë se si t’i motivojmë qytetarët dhe të zgjedhim këtë problematikë” u shpreh Fushica.

    Ai tha se ende nuk është vendosur numri përfundimtar deri në sa qen mund t’i adoptojë një familje, por për këtë janë në konsultime me Agjencinë e Veterinës dhe Ushqimit dhe se shpejti do të merret një vendim.

    “Numri përfundimtar ende nuk është caktuar. Ne jemi në fazën përfundimtare të hartimit të rregullores dhe numri do të caktohet pas konsultimit me Agjencinë e Veterinës dhe Ushqimit të cilët janë specialistë, janë ekspertë të fushës, dhe me propozimin e tyre do të vendoset se cili do të jetë numri, do të jetë një, dy apo tre, varet se sa ata e përcaktojnë dhe se sa një familje mund të kujdeset në mënyrë të duhur dhe në mënyrë që të mos ketë keqtrajtime të kafshëve. Për çdo qen do të ndahet nga 50 euro në muaj dhe kryeqyteti do të lidh kontratë me qytetarët ku do të përcaktohen obligimet që do t’i ketë qytetari kundrejt kontratës, por edhe kryeqyteti”, tregoi Fushica.

    Ai tha se në rast të mos respektimit të kontratës siç mund të jenë keqtrajtimi apo lëshimi i qenit endacak nga adoptuesi, parashihen edhe gjoba të cilat sipas tij do të jenë të larta.

    “Në kontratë do të parashihen edhe gjoba në rast se qytetari keqtrajton apo e lëshon qenin endacakë, duhet të parashihen gjoba monetare që janë realisht gjoba të larta. Pra do të ketë edhe një obligim dhe një mekanizëm i sigurisë që të mos keqtrajtohen kafshët. Sa i përket monitorimit, duhet të bëhet nga Agjencia e Veterinës për arsye se ata i kanë inspektorët e veterinës dhe inspektorët sanitarë, për shkak se komuna nuk ka, por ne si drejtori do të kujdesemi në koordinim edhe me shoqatat e mbrojtës së kafshëve që të kemi një koordinim të mirë dhe monitorim të kësaj situate”, theksoi Fushica. /atvlive.tv

    Emisionin e plotë e gjeni në videon më poshtë:

  • Organizohet diskutim publik për parandalimin e martesave të hershme në Kosovë

    Organizohet diskutim publik për parandalimin e martesave të hershme në Kosovë

    Gjendja e rëndë ekonomike, braktisja e shkollës dhe dhuna në familje janë disa nga arsyet për martesat e hershme në Kosovë, e që më së shumti i prek vajzat e komuniteteve rom, ashkali dhe egjiptian.

    Për këtë temë sot në bibliotekën kombëtarë “Pjetër Bogdani” organizohet një diskutim publik me qëllim parandalimin e këtyre martesave.

    Zyrtarja për program në organizatën “Zëri i romëve, ashkalive dhe egjiptianëve”, Amandë Toska, në emisionin ALARM në ATV, tregoi se në këtë diskutim publik do të ketë panelistë, po ashtu edhe pjesëtarë të komuniteteve rom, ashkali dhe egjipta, komunitetet e tjera që jetojnë në Kosovë, si dhe të gjithë qytetarët e Republikës që kanë dëshirë me qenë pjesë e këtij diskutimi publik, ku do të trajtohet tema për parandalimin e martesave të hershme.

    Ajo tha se edhe në vendin tonë ka një numër të martesave të përkohsme, disa prej të cilave janë trajtu nga Policia e Kosovës dhe organet kompetente, ndërsa synimi i këtij aktiviteti, por edhe aktiviteteve të tjera nga kjo organizatë ka për synim që të ulën martesat e përkohshme në Kosovë.

    “Prej informatave që i kemi marrë nga Policia e Kosovës ka raste që raportohen, ka raste që janë trajtuar. Munden me pasë edhe raste aktive realisht për të cilat ata nuk janë në dijeni. Por sa është numri i saktë i rasteve në tri vitet e fundit ose edhe gjatë një periudhe më të gjatë, nuk kemi diçka konkrete ose zyrtare që kishim mujt me e potencu. Edhe ne si organizatë nuk është se kemi diçka konkrete, por nga hulumtimet në terren ose të dhënat që ne i marrim prej pjesëtarëve nga komunitetet nga takimet që kemi konstant me ta, sepse ne e mbulojmë tërë regjionin e Kosovës me programet dhe aktivitetet që i realizojmë në kuadër të projekteve tona, thuhet që ka numër të martesave të hershme, të braktisjes së shkollimit dhe për këtë arsye ne si organizatë, synimi i jonë i kësaj kampanje është që të ulën rastet e mundshme të martesave të hershme”, tha Toska. /atvlive.tv

    Emisionin e plotë e gjeni në videon më poshtë:

  • Granti i DokuFest-it ndihmon artistët e rinj që ta shprehin pasionin tyre që kanë për filmin

    Granti i DokuFest-it ndihmon artistët e rinj që ta shprehin pasionin tyre që kanë për filmin

    Kanë mbetur më pak se dy muaj kur pritet të nisë edicioni i 22-të i festivalit të filmit dokumentar “DukuFest”. Vitin e kaluar janë ndarë grante për film bërësit e rinj, kur një prej tyre është edhe regjisorja Flutura Bajra, e cila tashmë ka nisur edhe realizimin e një filmi për këtë festival.

    Ajo, në një lidhje të drejtpërdrejt në emisonin ALARM në ATV, tregoi për grantin që e ka fitu nga “DokuFest” për realizimin e një filmi dokumentar, grant ky që sipas saj, po u jep mundësinë artistëve të rinj që pasionin që e kanë për artin ta shprehin pa qenë domosdoshmërisht profesion i tyre.

    Flutura tregoi se filmi i saj dokumentar që për temë ka migrimin modern, është në përfundim e sipër dhe pret që premierën ta japë në festivalin e sivjetmë të filmit dokumentar “DokuFest”.

    “Nuk është dokumentar tipik me intervista ose diçka të tillë, është më shumë dokumentar eseistik ose poetik ku trajtohet çështja e migrimit modern, nevoja e të rinjve tanë për me dalë prej shtetit që të mundin t’i arrijnë ëndrrat e tyre dhe me i realizu ambiciet e tyre në një vend ku ndoshta ua ofron kushtet pak më optimale për ato që kanë synu me i arritë gjatë gjithë jetës”, tha ajo. /atvlive.tv

    Emisionin e plotë e gjeni në videon më poshtë:

  • Mbahet orkestra e parë e fëmijëve në Kosovë

    Mbahet orkestra e parë e fëmijëve në Kosovë

    Pas tre muajsh pune e përkushtimi, fëmijët e orkestrës së Prishtinës dhe kori ‘Amadeus’ sollën në jetë koncertin “Një skenë plotë yje”, në sallën e hotelit Swiss Diamond në Prishtinë.

    Mbrëmja filloi me prezantime, fjalime e falënderime për të gjithë mbështetësit e kësaj ëndrre për fëmijët.

    “Për themelimin e orkestrës na ka inkurajua shumë dhe na ka mbështetë Komuna e Prishtinës, dirigjenti Vehbi Shoholli, i cili i ka aranzhuar partet dhe i ka mbajtur të gjitha provat që nga muaji mars, ndërsa për organizimin e koncertit kemi qenë një ekipë e tanë. Ky koncert është planifikuar që nga muaji mars kur kanë filluar provat. Për organizimin e këtij koncerti, përveç dirigjentit që ka punua gjatë gjithë kohës, i gjithë stafi i shkollës së muzikës ‘Amadeus’ jemi angazhuar për organizim”, tha për ATV-në, drejtoresha e Shkollës së Muzikës ‘Amadeus’”, Hana Petrovci.

    Ajo tha se i kanë arritur pritshmëritë nga ky koncert dhe se në të ardhmen presin të organizojnë edhe shumë koncertë të tjera për fëmijët.

    “Jam ndjerë shumë mirë, shumë e emocionuar, sepse është investuar shumë energji, shumë përkushtim, mirëpo në fund fëmijët dolën shumë bukur, tingëlluan shumë bukur dhe i kemi arritur pritshmëritë tona. Në të ardhmen presim të organizojmë edhe shumë koncerte të tjera dhe kemi shumë plane për orkestrën”, tha Petrovci.

    Nën dirigjimin e Vehbi Shoshollit, nxënësit interpretuan pika muzikore për herë të parë në një organizim të tillë.

    “Sot ka qenë një test për neve, përvoja e parë në skenë. Kemi përformu dhe unë jam shumë i kënaqur me orgkestrantët, me fëmijët, ka qenë shumë mirë. Është goxha sfidë me punu me këto gjenerata, me këtë moshë, mirëpo kemi arritë pas një punë të gjatë, kemi arritë me përformu me disa pika të përzgjedhura. Kjo ka qenë sfida më e madhe deri si kanë hy në atë mënyrën, lojën e përformimit së bashku në grup, ka qenë mjaft sfiduese dhe na ka marrë më tepër kohë. Mirëpo, kohëve të fundit, muajt e fundit veç se janë ambientu fëmijët dhe si rezultat i kësaj kemi arritë me përformu sot në koncert”, tha dirigjeni Vehbi Shosholli. /atvlive.tv

    Emisionin e plotë e gjeni në videon më poshtë:

  • Limaj për zhvillimet në veri: Unë s’po flej rahat

    Limaj për zhvillimet në veri: Unë s’po flej rahat

    Kryetari i NISMA-s Socialdemokrate, Fatmir Limaj, në emisionin CONTEXT në ATV, tha se pos informimit nga mediat, nuk e ka të qartë se çfarë është duke ndodhur në veri të vendit.

    Ai tha se është i shqetësuar për këtë situatë, sa që nuk po ë bënë gjumin rehat.

    “Kam ndejt këto ditë me do miq që na kanë ndihmu me ardh deri këtu edhe më thanë ‘qysh po fleni rehat”. Unë nuk po flej rehat, por kaq kam kaçik”, u shpreh Limaj.

    Ai tha se opozita duhet të dalë nga kompleksi i të qenit opozitë dhe duhet ta ndihmojë kryeministrin që të mos gabojë. /atvlive.tv

    Emisionin e plotë e gjeni në videon më poshtë:

  • ​Prishtina pret që të licencohet dhe të marr vendin e Dukagjinit në garat evropiane

    ​Prishtina pret që të licencohet dhe të marr vendin e Dukagjinit në garat evropiane

    Përkundër se tashmë është hedhur shorti sa i përket rundit të parë kualifikues të Ligës së Konferencës dhe Prishtina nuk ishte pjesë e tij për shkak se nuk është licencuar për garat evropiane dhe vendin e tyre e ka zënë Dukagjini, drejtuesit e skuadrës bardh e kaltër janë ende optimistë se do të luajnë në këtë kompeticion.

    Prishtina nuk ka marr licencën për shkak të problemeve financiare dhe borxheve që ka ndaj disa lojtarëve dhe situata e tyre po shqyrtohet nga Komisioni i Arbitrazhit Sportiv (KAS), nga i cili end nuk është marr ndonjë vendim.

    Por, Drejtori Gjeneral i Prishtinës, Artan Osmani, thotë se fakti që tashmë është hedhur shorti nuk paraqet ndonjë problem sepse nëse Prishtina e fiton rastin në KAS, atëherë është çështje teknike që Prishtina të marr vendin e Dukagjinit në Ligën e Konferencës.

    “Ankesa është në KAS, janë afatet ligjore, minimale që duhet të respektohen në KAS, dorëzimi i ankesës, zgjedhja e arbitrit, të gjitha ato janë afate që duhet respektuar. Federata do të na ndihmonte nëse do ta kishte caktuar arbitrin në afat më të shkurtër, por besoj që do ta shfrytëzojnë maksimumin kohor. Fakti që është hedhur shorti nuk ndikon në epilogun final. Nëse fitohet në KAS rasti, ose nëse KAS-i vendos që Prishtina është dashur të licencohet në bazë të kritereve dhe kushte me të cilat ka aplikuar në atë kohë federata, atëherë është çështje teknike, zëvendësohet emri dhe vazhdohet”, tha Osmani.

    Osmani më tutje ka bërë të ditur për KosovaPress se kanë kontaktuar me UEFA-në dhe nga ana e tyre iu është konfirmuar se nëse licencohen, do të marrin vendin e Dukagjinit për të luajtur në Ligën e Konferencës.

    “Këtë na e ka konfirmuar edhe UEFA dje, sepse kemi pasur komunikim edhe me UEFA-në, i kemi njoftuar paraprakisht për situatën, kështu që besoj që nëse KAS-i vendosë, atëherë ajo është punë e kryer, zëvendësohet emri…Është hera e parë që kemi përvojë të tillë me KAS, sidomos me zyrën e KAS-it në Kosovë, sepse me KAS-in në Lozanë kemi pasur edhe raste të tjera. Unë mendoj që nëse arbitrat e marrin parasysh situatën, zhvillimet dhe aplikimin e rregullave siç është bërë për të gjitha klubet, unë jam shumë optimistë që do të licencohemi.”, ak thënë Osmani.

    Nga burime brenda Federatës së futbollit të Kosovës, KosovaPress mëson se vendimi që do të merret nga Komisioni i Arbitrazhit Sportiv, çoftë ai edhe për në favor të Prishtinës, nuk nënkupton që direkt rikthimin e Prishtinës në garat evropiane të sezonit të ardhshëm. Sipas këtyre burimeve, kjo pastaj do t’i takojë UEFA-s që të vendosë nëse klubi bardh e kaltër do ta zë vendin e Dukagjinit automatikisht.

    KosovaPress ka dërguar e-mail në UEFA për të kërkuar sqarim rreth kësaj çështje, por deri në momentin e publikimit të këtij artikulli nuk ka marr përgjigje nga ana e tyre.

    Në shortin e tërhequr të martën, është mësuar se Dukagjini do të ballafaqohet me skuadrën Europa nga Gjibraltari në rundin e parë kualifikues të Ligës së Konferencës dhe nëse Prishtina licencohet, atëherë mund zë vendin e skuadrës nga Klina në këtë kompeticion dhe të luaj pikërisht ndaj këtij kundërshtari.

    Ndryshe, në edicionin 2022/23 të Superligës së Kosovës, Prishtina përfundoi në vendin e pestë, kurse Dukagjini në të katërtin, por meqenëse skuadra nga kryeqyteti e fitoi Kupën e Kosovës, atëherë siguron pjesëmarrjen në garat evropiane duke lënë jashtë skuadrën e vendit të katërt.

  • Intensifikohen kërkimet për nëndetësen e zhdukur

    Intensifikohen kërkimet për nëndetësen e zhdukur

    Një ekip shumëkombësh për kërkim-shpëtim po vazhdon kërkimet nga deti dhe ajri për nëndetësen e zhdukur, Titan.

    Nëndetësja me pesë turistë në bord u nis të dielën drejt rrënojave të Titankut, por humbi kontaktin një orë e 45 minuta pas nisjes. Ekipet e shpëtimit janë në garë me kohën pasi nëndetëses besohet se i kanë mbetur vetëm disa orë furnizime me oksigjen.

    Nëndetësja Titan, që operohet nga kompania me seli në Shtetet e Bashkuara, OceanGate, ishte nisur drejt anijes së fundosur Titanik të dielën në orën 08:00 sipas kohës lokale. Nëndetësja humbi kontaktin me anijen mbështetëse më pak se dy orë pas nisjes drejt Titanikut në Oqeanin Atlantik.

    Titan nisi ekspeditën me 96 orë furnizime me oksigjen, tha kompania OceanGate, që nënkupton se furnizimet mund të harxhohen mëngjesin e së enjtes. Por, ekspertët thanë se sa gjatë mund të zgjasin furnizimet me oksigjen varet nga disa faktorë, sikurse nëse nëndetësja ende ka energji elektrike dhe sa të qetë qëndrojnë pasagjerët në bordin e saj.

    Të mërkurën Rojet Bregdetare amerikane thanë se avionët kanadezë kanë dëgjuar zhurma nën ujë.

    Ekipet e kërkim-shpëtimit kanë lëshuar nën ujë disa pajisje kërkuese në zonën ku janë detektuar zhurmat, por zyrtarët kanë paralajmëruar se zhurmat e detektuara mund të mos kenë ardhur nga nëndetësja Titan.

    “Kur jeni në mes të ekipeve të kërkim-shpëtimit, ju gjithmonë keni shpresë”, tha kapiteni i Rojeve Bregdetare, Jamie Frederick, gjatë një konferencë për media të mërkurën.

    “Sa i përket zhurmave, ne nuk e dimë se çfarë saktësisht janë ato”.

    Frederick shtoi se analizat e të dhënave të marra nga bovat sonare “janë të paqarta”.

    Pjesët e anijes së fundosur të Titanikut gjenden 3.810 metra në thellësi të detit, mbi 640 kilometra në jug të Njufondland të Kanadasë.

    Pasagjerët në Titan kishin paguar nga 250.000 dollarë secili për këtë ekspeditë.

  • Kurti sot në Vatikan, do të takohet me Papa Françeskun

    Kurti sot në Vatikan, do të takohet me Papa Françeskun

    Kryeministri i Kosovës, Albin Kurti ka udhëtuar gjatë ditës së djeshme në shtetin e Italisë.

    Gjatë vizitës Kurti sot do ta vizitojë Selinë e Shenjtë në Vatikan, ku do të ketë takim me Papa Françeskun.

    Po ashtu është bërë e ditur se Kurti do të takohet edhe me Sekretarin e Shtetit të Selisë së Shenjtë, Kradinali Pietro Parol.

  • Lista Serbe del me komunikatë kundër Kurtit

    Lista Serbe del me komunikatë kundër Kurtit

    “Synimi i Albin Kurtit për t’i mashtruar serbët e Kosovës me gënjeshtra dhe veprime të këqija është i dënuar paraprakisht të dështojë, sepse serbët e ndjejnë shumë mirë se si e imagjinon Kurti jetën për të gjithë ata në këto hapësira”, kanë pretenduar nga Lista Serbe.

    Albin Kurti i premtoi popullit serb se “gjysma do të jetë në burg dhe gjysma e dëbuar, si pjesë e “skenarit kroat” që ai publikisht e ofroi dhe po e zbaton në Kosovë”, thuhet më tutje në komunikatë të Listës Serbe.

    “Heqja e të drejtave elementare njerëzore, politike dhe ekonomike, rrahja, qëllimi me armë dhe rrëmbimi i serbëve janë fjalë që përshkruajnë jetën e popullit serb nën regjimin e udhëhequr nga Albin Kurti, i cili është qartazi i paaftë për të bërë asgjë të mirë për shqiptarët, kështu që në vend të një jetë më të mirë, u ofroi dëbimin e serbëve dhe zhdukjen e çdo gjëje serbe. Albin Kurti padyshim mendon se populli serb ka harruar që regjimi i tij ia ka mohuar të drejtën e votës në zgjedhje dhe referendum, se ka ndaluar vaksinimin në mes të pandemisë dhe ka kërcënuar se do të arrestojë mjekët tanë, se po grabitë tokat serbe duke mos respektuar as ligjet e veta, se ka ndërtuar baza ilegale parapolicore në tokën serbe dhe ka injoruar të drejtat e serbëve dhe lajmërimet e dorëzuara nga kryetarët tanë, që ka sjellë forcat speciale të armatosura deri te pragu i shtëpive serbe, të cilët që nga fillimi i vitit plagosën rëndë gjashtë persona në jug dhe veri të serbëve, në mesin e të cilëve kishte fëmijë, se ai organizoi zgjedhjet të paligjshme dhe më pas pushtoi dhunshëm ndërtesat komunale, se ai ka shndërruar ndërtesat komunale në baza”, pretendohen në deklaratë.

    Ata thonë gjithashtu se fakti që Kurti po “shtiret i shurdhër dhe i verbër” nuk do të thotë se populli serb do të pushojë së kërkuari respektimin e të drejtave të tij, lirimin e vëllezërve të tyre dhe ndalimin e persekutimit, si dhe tërheqjen e forcave speciale “ilegale dhe të armatosura deri në dhëmbë” nga komunat serbe.

    Lista Serbe, siç thonë ata, “vendimet e veta i ka marrë gjithmonë sipas kërkesave të popullit serb, e jo sipas dëshirës së Albin Kurtit dhe çdo sulm ndaj nesh është vërtetim i korrektësisë së qëndrimeve tona”.

    “Është i mjerë ai serb të cilin e lavdëron Kurti, dhe ai që e cakton të punojë kundër popullit të vet është edhe më i mjerë”, pretendohet në deklaratën e Listë Serbe.

  • Gjendet e vdekur një 56-vjeçare në zonën e liqenit akumules të lumit Ibër

    Gjendet e vdekur një 56-vjeçare në zonën e liqenit akumules të lumit Ibër

    Një grua e moshës 56-vjeçare është gjetur e pajetë mëngjesin e sotëm (e enjte) në liqenin akumulues në Mitrovicë.

    Zëdhënësi i Policisë në Mitrovicë, Avni Zahiti, deklaroi për KosovaPress se informatën e kanë pranuar rreth orës 7:30.

    “Sot rreth orës 07:30 policia ka pranuar informatën, se në zonën e Liqenit Akumulues të lumit Ibër është gjetur trupi i pa jetë i viktimës femër rreth 56-vjeçare”, tha ai.

    Me urdhër të prokurorit trupi i pa jetë është dërguar në Institutin e Mjekësisë Ligjore për obduksion.

    Rasti është cilësuar si “vdekje e dyshimtë”.