ATV

Author: ATVLive

  • Sveçla për rastin në Bon Vivant: Dështim i drejtësisë, palët e përfshira në konflikt kanë dhjetra vepra penale

    Sveçla për rastin në Bon Vivant: Dështim i drejtësisë, palët e përfshira në konflikt kanë dhjetra vepra penale

    Ministri i Punëve të Brendshme, Xhelal Sveçla, ka reaguar pas rastit të mbrëmshëm në lokalin “Bon Vivant”, ku pas të shtënave me armë zjarri u vra një person dhe u lënduan 20 të tjerë.

    Sveçla ka thënë se palët e përfshira në konflikt kanë me dhjetëra vepra të mëhershme penale, për të cilët thotë se kanë qenë të lirë për arsye të dështimeve të drejtësisë.

    “Në qendër të kryeqytetit, shtetasit tanë janë të rrezikuar për shkak të kriminelëve që nuk po ndëshkohen nga drejtësia. Ata duke u ndjerë të plotfuqishëm përballë ligjit nuk hezitojnë që hesapet e tyre kriminale t’i zgjidhin me armë e atë në lokale publike në prezencë dhe duke rrezikuar dhjetra të rinj të tjerë.

    Palët e përfshira në konflikt kanë me dhjetra vepra të mëhershme penale. Kur lëngon drejtësia, situatat e ngjashme janë të pashmangshme! Drejtësia është punë e policisë, e prokurorëve dhe gjyqtarëve. Drejtësia është një sistem i plotë kur të gjithë institucionet përmbushin funksionin e tyre”, ka shkruar Sveçla.

  • Takim urgjent, nisin diskutimet për krijimin e policisë së kryeqytetit pas ngjarjes së mbrëmshme

    Takim urgjent, nisin diskutimet për krijimin e policisë së kryeqytetit pas ngjarjes së mbrëmshme

    Kryetari i Prishtinës, Përparim Rama, ka mbajtur sot takim urgjent me drejtorin për siguri dhe emergjenca, Lulzim Fushtica dhe me drejtorin e Policisë për rajonin e Prishtinës, nënkolonel Basri Shabani, pas të shtënave me armë mbrëmë në lokalin “Bon Vivant”, ku vdiq një person dhe u lënduan 20 të tjerë,.

    Rama ka thënë se me ta ka diksutuar për çështjen e sigurisë në dhe hapat të cilët duhet të ndërmarren për krijimin e policisë së kryeqytetit.

    “🚨Pas ngjarjes së mbrëmshme e cila na shqetësoi të gjithëve, bashkë me drejtorin për siguri dhe emergjenca, Lulzim Fushtica mbajtëm një takim urgjent me drejtorin e policisë për rajonin e Prishtinës, nënkolonel Basri Shabani, me të cilin diskutuam për çështjen e sigurisë në #kryeqytet dhe hapat të cilët duhet të ndërmarrim bashkërisht për krijimin e policisë së kryeqytetit e cila është urgjentisht e nevojshme dhe do të na ndihmonte në rritjen e nivelit të sigurisë në Prishtinë. Siguria në #kryeqytetin tonë është prioritet i yni.”, ka shkruar Rama.

  • Si nisi përleshja mes grupit të narkotrafikantit Kanadë-Nju Jork dhe grupit të Andit Pajazitit?

    Si nisi përleshja mes grupit të narkotrafikantit Kanadë-Nju Jork dhe grupit të Andit Pajazitit?

    Ftesa për t’u afruar në tavolinë dhe sulmi me një shishe birre e nisi konfliktin që çoi deri në vrasje në lokalin “Bon Vivant” të Prishtinës.

    Gazeta Insajderi mëson nga burime të mirëinformuara se Hysi Geci (pjesëtar i FSK’së) mbrëmë ishte nën shoqërinë e Dukagjin Nikollajt i njohur me nofken “Duka”. Së bashku me ta ishte edhe Kastriot Ramadani i cili më vonë do të vritej.

    Të njëjtit e kishin ftuar Andi Pajazitin i njohur me nofkën “Italiani” në tavolinën e tyre. Për shkak të një konlfikti të mëhershëm ata e sulmuan “Italianin” me një shishe të birrës. Pas kësaj grupet nxorën armët dhe gjuajtën në drejtim të njëri-tjetrit.

    Nga kjo ngjarje mbetën të plagosur katër persona. 39 vjeçari Kastriot Ramadani nuk iu shpëtoi plagëve të marra dhe humbi jetën në QKUK.

    Të lënduar nga përleshja mbetën 17 persona. Tre djemë dhe 14 vajza.

    Hysi Geci, Gëzim Zakuti dhe Andi Pajaziti ndodhën në ndalim policor ndërkohë janë duke u trajtuar në QKUK.

    Ndërsa Dukagjin Nikollaj ka arritu të ikë nga policia dhe aktualisht ndodhet në arrati.

    Diler droge Kanadë-Nju Jork, i kërkuar nga FBI-ja| Kush është i arratisuri nga Bon Vivant’i?

    Nikollaj është një ndër personat më të kërkuar edhe në Shtetet e Bashkuara të Amerikës. Ai dyshohet për trafik droge Kanada-Nju Jork.

    Emër i njohur për organet e drejtësisë është edhe ai i Andi Pajazitit. Ai ishte përfshirë edhe në disa konflikte të mëhershme nëpër kafenetë e Prishtinës për motive të ulëta.

  • Krimi në “Bon Vivant”: Avokati Koci propozon të merret një masë urgjente – të krijohet një njësi “speciale” e policisë

    Krimi në “Bon Vivant”: Avokati Koci propozon të merret një masë urgjente – të krijohet një njësi “speciale” e policisë

    Avokati i njohur kosovar, Arianit Koci ka kërkuar masa urgjente nga Policia e Kosovës pas të shtënave me armë mbrëmë në qendër të kryeqytetit.

    Një person mbeti i vdekur e 16 të tjerë u lënduan si pasojë e të shtënave me armë brenda lokalit të famshëm në Prishtinë, “Bon Vivant”.

    Avokati Koci ka kërkuar masa urgjente nga Policia e Kosovës, si krijimi i një njësie intervenuse në lokalet e natës në Prishtinë.

    Sipas Kocit, Prishtinë nuk është një qytet i sigurt, andaj siguria duhet të rritet.

    “Një person paska vdekur mbrëmë si pasojë e një përleshjeje me armë zjarri, në qendër të Prishtinës. 4 të plagosur dhe 17 të lënduar! Çmenduri! Kjo statistikë, në gjendje lufte është shqetësuese, e lënë më në një vikend të zakonshëm. 2. Si është e mundur tash verës kur jemi të gjithë me maica, në qendër të kryeqytetit të sillën vërdallë, persona të armatosur?Çka po bën policia? Krimi ka ndodhur 200 metra prej stacionit policor. Po sigurimi i lokalit?3. Urgjentisht duhet të krijohen njësi policore intervenuese, që mision të vetëm e kontrollin e personave-së paku në qendrën e Prishtinës, dhe në afërsi të klubeve të natës. Besoni, po pritoj kur po vjen vikendi, ty ia bajtë gajlën vajzës se ku po del. Prishtina, definitivisht, nuk është qytet i sigurt. Sidomos vikendeve!”, thuhet në postimin e avokatit Koci.

    17 persona kanë mbetur të lënduar mbrëmë si pasojë e të shtënave me armë zjarri. Njëri nga të plagosurit ka vdekur sot si pasojë e plagëve të marra nga arma e zjarrit.

    Policia e Kosovës ka arrestuar të dyshuarit, ndërsa njëri prej tyre ndodhet në arrati.

  • Ngjarja e mbrëmshme në lokalin “Bon Vivant”, Haradinaj kërkon ndëshkimin e fajtorëve

    Ngjarja e mbrëmshme në lokalin “Bon Vivant”, Haradinaj kërkon ndëshkimin e fajtorëve

    Kreu i Aleancës për Ardhmërinë e Kosovës, Ramush Haradinaj, ka reaguar pas të shtënave me armë në lokalin “Bon Vivant” në Prishtinë, ku nga plagët vdiq një person e u lënduan 20 të tjerë.

    Haradinaj ka thënë se organet e rendit dhe ligjit duhet të ndërmarrin të gjitha masat për ndëshkimin e fajtorëve të kësaj ngjarjeje të rëndë, por si hap i parë i parandalimit të rasteve të tjera të ngjashme, që edhe mund të përsëriten, është krijimi i menjëhershëm i Policisë së Kryeqytetit.

    “Kur është miratuar Ligji për Kryeqytetin, njëra prej pjesëve më të rëndësishme të tij, ka qenë krijimi i Policisë së Kryeqytetit. Ngjarja tragjike e natës së mbrëmshme në një lokal në Prishtinë, me përmasa shqetësuese e pasoja të rënda, shumëfish e shtron nevojën e zbatimit të këtij Ligji dhe krijimin e Policisë së Kryeqytetit”, ka shkruar Haradinaj.

    Ndryshe, 21 persona kanë mbetur të lënduar pas të shtënave me armë zjarri në një lokal në qendër të Prishtinës, katër prej të cilëve nga arma e zjarrit. Rasti raportohet të ketë ndodhur pas një mosmarrëveshje.

    Një prej të plagosurve ka vdekur sot, në orët e para të mëngjesit.

  • Laura Fazliu e nis me fitore në Masters

    Laura Fazliu e nis me fitore në Masters

    Laura Fazliu e ka nisur me fitore në World Judo Mastersin, që po mbahet në Budapest të Hungarisë.

    Në kategorinë deri në 63 kilogramë, xhudistja kosovare e mposhti rumunen, Florentina Ivanescu.

    Laura Fazliu e fitoi këtë përballje me Ippon.

    Sot do të garojë edhe xhudisti tjetër i Kosovës, Akil Gjakova.

  • Del njoftimi mortor për 39-vjeçarin që vdiq pasi u plagos mbrëmë në lokalin “Bon Vivant”

    Del njoftimi mortor për 39-vjeçarin që vdiq pasi u plagos mbrëmë në lokalin “Bon Vivant”

    Një 39-vjeçar ka vdekur pas plagëve që ka marrë mbrëmë nga të shtënat me armë zjarri në lokalin “Bon Vivant” në Prishtinë.

    Në media u raportua se personi që ka vdekur është Kastriot Ramadani. Kjo është konfirmuar edhe nga faqja e fshatit “Zabel i Ultë”, prej nga vinte Ramadani.

    “Ju njohtojmë se mbrëmë humbi jetën tragjikikisht bashkëfshatari ynë Kastriot Shefqet Ramadani. Per kohen e vorrimit ju njohtojmë me kohë.

    Në emer te fshatit Zabel i Ulët familjes Rsmadani iu shprehim ngushllime per humbjen e antarit te tyre në lulen e rinisë”, thuhet në njoftim.

  • Incidenti në Prishtinë, Kica-Xhelili: Institucionet ta mendojnë urgjentisht trajtimin e posedimit të armëve

    Incidenti në Prishtinë, Kica-Xhelili: Institucionet ta mendojnë urgjentisht trajtimin e posedimit të armëve

    Deputetja nga radhët e Lidhjes Demokratike të Kosovës (LDK), Doarsa Kica-Xhelili ka deklaruar se institucionet e Republikës së Kosovës duhet të nisin urgjentisht trajtimin e posedimit të armëve në vend.

    Ky reagim i Kica-Xhelili vjen pas incidentit të mbrëmshëm me armë në një kafiteri në Prishtinë. Kica-Xhelili ka deklaruar se pret nga sistemi i drejtësisë që kryerësit e veprës t’i mbajë përgjegjës.

    “Në raste si ky nuk ke si të mos mendosh për drejtimin që po merr shoqëria jonë, për mungesën e mirëkuptimit e vlerësimit të jetës e dinjitetit të njëri tjetrit, për arsyet e këtij mllefi kolektiv e për domosdoshmërinë e një rikëndelljeje mbarëshoqërore. Posedimi i armëve pa leje në Kosovë po shndërrohet në tmerr e frikë të përditshmërisë sonë! Institucionet e Republikës së Kosovës duhet ta mendojnë seriozisht dhe urgjentisht trajtimin e posedimit të armëve në Kosovë, ndërkaq pres nga sistemi i drejtësisë ta zbardh këtë rast dhe kryerësit t’i mbaj përgjegjës”, ka shkruar Kica-Xhelili.

  • QKUK për incidentin e mbrëmshëm: Nga 7 të plagosurit me armë zjarri, 4 janë duke u trajtuar ende

    QKUK për incidentin e mbrëmshëm: Nga 7 të plagosurit me armë zjarri, 4 janë duke u trajtuar ende

    Qendra Klinike Universitare e Kosovës ka dhënë detaje për gjendjen shëndetësore të lënduarve nga incidenti i mbrëmshëm që ndodhi në rrugën “Rexhep Luci” në Prishtinë.

    Në përgjigjen e dërguar për Klankosova.tv thuhet se nga 17 persona sa kanë kërkuar dje mjekim në Klinikën Emergjente, pesë prej tyre janë pranuar për trajtim të mëtejmë.

    “Prej tyre, katër janë pranuar për trajtim të mëtejmë në Klinikën e Ortopedisë dhe 1 në Klinikën e Kirurgjisë Vaskulare, të gjithë jashtë rrezikut për jetë”, thuhet në njoftim.

    Më parë gjatë ditës, Klankosova.tv ka raportuar se ka vdekur një 39-vjeçar që ishte i shtrirë në klinikë.

    Numri total i pacientëve që kanë kërkuar ndihmë mjekësore, ishte 17. Prej tyre, shtatë të lënduar me armë zjarri dhe dhjetë me mjete të mprehta.

    Tutke, në përgjigjen e zëdhënësi të QKUK-së, Shpend Fazijlia thhet se: “I gjithë stafi i Klinikës Emergjente dhe klinikave të tjera kanë qenë në gjendje gatishmërie dhe kanë ofruar ndihmën e nevojshme mjekësore, bashkë me drejtorin e Klinikes Emergjente, Naser Syla”.

    “Për të ngritur gjendjen e gatishmërisë, ofruar mbështetje dhe për t’u interesuar për të lënduarit në Klinikën Emergjente ka qenë edhe drejtori i përgjithshëm i ShSKUK, Elvir Azizi”.

  • Kosova e zhvillon sonte “finalen” ndaj Danimarkës

    Kosova e zhvillon sonte “finalen” ndaj Danimarkës

    Kombëtarja e Kosovës në basketboll sonte do të përballet me Danimarkën, në njërën nga sfidat më të rëndësishme në vitet e fundit në basketboll.

    “Dardanët” duhet të fitojnë me 7 pikë dallim ose më shumë për t’u kualifikuar në kualifikimet e Eurobasket 2025.

    Ky është Rrethi i Tretë Parakualifikues, ku në grup ishte edhe Zvicra, që pësoi katër humbje.

    Danezët kanë tri fitore, kurse Kosova dy fitore e një humbje.

    Danimarka e fitoi ndeshjen e parë ndaj Kosovës 82:75.

    Nga kjo ndeshje do të vendoset kombëtarja e fundit që do të marrë pjesë në kualifikimet për Eurobasket 2025.

    32 shtete marrin pjesë, ku më pas 20 prej tyre kalojnë tutje, ndërsa Evropiani pas dy vjetësh do të zhvillohet në Letoni, Poloni, Finlandë dhe Qipro.

    Ndeshja Kosovë-Danimarkë do të zhvillohet në palestrën “Sezai Surroi” në Prizren, me fillim prej orës 20:45.