ATV

Author: ATVLive

  • Ndahet nga jeta akademiku Bahri Beci, gjuhëtar dhe studiues i shquar

    Ndahet nga jeta akademiku Bahri Beci, gjuhëtar dhe studiues i shquar

    Është ndarë nga jeta, në moshën 87-vjeçare, gjuhëtari Bahri Beci, anëtar i Akademisë së Shkencave të Shqipërisë dhe anëtar i jashtëm i Akademisë së Shkencave dhe Arteve të Kosovës.

    Kryesia e Akademisë së Shkencave të Shqipërisë njoftoi me hidhërim të thellë bashkësinë e shkencëtarëve albanologë, shqiptarë e të huaj; miqtë dhe kolegët e tij të shumtë brenda e jashtë vendit, për ndarjen nga jeta të akademikut Bahri Becit, personalitet me veprimtari të shumanshme në disa fusha të gjuhësisë shqiptare historike e bashkëkohore për më shumë se gjashtë dekada; autor i dhjetëra veprave monografike dhe studimore në fushën e dialektologjisë, të fonetikës, të gramatikës, të rrugës së formimit të shqipes së njësuar, të historisë së gjuhës shqipe dhe të statusit të saj në lidhjen gjuhësore ballkanike.

    Bahri Beci u lind në Shkodër në vitin 1936, në një familje me tradita atdhetare. Menjëherë pas mbarimit të studimeve universitare (1958) u emërua kërkues shkencor në Institutin e Gjuhësisë e Letërsisë, ku kreu detyra të rëndësishme drejtuese, si përgjegjës sektori e drejtues projektesh, sekretar shkencor dhe drejtor.

    Bahri Beci u dërgua për specializim në Paris, ku mbrojti doktoratën me temën “Sistemi zanor dhe bashkëtingëllor i së folmes së qytetit të Shkodrës”.

    Me kthimin në Tiranë, përfundoi disertacionin e shkallës së parë me studimin ”Të folmet e gegërishtes qendrore” dhe disertacionin e shkallës së dytë me studimin “Të folmet veriperëndimore të shqipes dhe sistemi fonetik i të folmes së Shkodrës”.

    Veprimtaria universitare e Bahri Becit shtrihet në disa vende, duke përfshirë Institutin e Gjuhëve dhe Qytetërimeve Orientale në Paris INALCO. Bahri Beci është anëtar i Akademisë së Shkencave të Shqipërisë (2008) dhe anëtar i jashtëm i Akademisë së Shkencave dhe Arteve të Kosovës dhe i redaksisë së Atlas Linguorum Europae (ALE).

    Fusha kryesore e veprimtarisë shkencore-kërkimore të Bahri Becit ka qenë historia e dialekteve dhe nëndialekteve të shqipes.

    Brenda kësaj problematike vend qendror zunë studimet dialektologjike për të folmet veriperëndimore dhe qendrore të shqipes (Shkodër, Dibër).

    Bahri Beci mori pjesë si delegat dhe nënshkrues i Rezolutës së Kongresit të Drejtshkrimit (1972) dhe është autor i dy studimeve monografike për proceset njësuese në formimin e shqipes letrare të sotme.

    Vepra shkencore e Bahri Becit karakterizohet nga sinergjia e studiuesit në ekspeditë kërkimore dhe njëherësh në një proces formimi të thelluar bashkëkohor perëndimor.
    Homazhet e lamtumirës për akad. Bahri Becin do të bëhen mëngjesin e ditës së martë, 22 gusht 2023, në Akademinë e Shkencave të Shqipërisë, salla “Aleks Buda”.

  • ​Badallaj dhe Tarani shkojnë në çerekfinale në Kampionatin Evropian në Slloveni

    ​Badallaj dhe Tarani shkojnë në çerekfinale në Kampionatin Evropian në Slloveni

    Boksierët nga Kosova, Ensar Badallaj dhe Flori Tarani kanë fituar në të tetën e finales të Kampionatin Evropian për shkollat, i cili po mbahet në Maribor të Sllovenisë.

    Sipas Federatës së Boksit, në të tetën e finales në ring u paraqit në kategorinë 57kg, Ensar Badallaj kundër boksierit sllovak, Miklas Maximilian.

    Edhe pse humbi raundin e parë, Badallaj ndryshoi stilin në raundin e dytë, dhe fillojë të boksoi teknikisht duke dhënë goditje të pastra kundërshtarit e sidomos në raundin e tretë, ku e dërmoi kundërshtarin dhe me plot meritë u shpall fitues i këtij dueli.

    Më 22 gusht, ai bokson për medalje në çerekfinale kundër boksierit nga Izraeli, Kikis Orel, dhe në 60 kg.

    Flori Tarani boksoi kundër boksierit nga Kroacia, Vukoviq Niko dhe filloi me mençuri të udhëq luftën dhe fitoi dy raundet e para, edhe pse raundin e tretë e humbi, i mjaftuan dy raundet që të shpallet fitues dhe të kualifikohet në çerekfinale në luftë për medalje, ku do të boksojë me 22 gusht kundër bokserit nga Armenia, Karapetyan Arsen.

  • “Putini është vrasës”: Protestë në Podgoricë kundër presidentit rus

    “Putini është vrasës”: Protestë në Podgoricë kundër presidentit rus

    Një protestë kundër presidentit të Rusisë, Vladimir Putin, është mbajtur të dielën në qendër të kryeqytetit të Malit të Zi, Podgoricë, me sloganin “Putini është vrarës”.

    Dhjetëra persona u mblodhën në sheshin qendror të Podgoricës duke mbajtur në dorë banerë që kërkonin lirimin e Alexei Navalny, liderit të burgosur opozitar rus.

    Protesta e 20 gushtit ishte pjesë e një fushate të organizuar nga ekipi i Navalny në gjithë botën me sloganin “Putini është vrasës”.

    Këto protesta po mbahen për ta shënuar trevjetorin e tentim vrasjes të Navalny, për çka ai ishte evakuuar nga Rusia në Gjermani për t’u shëruar nga helmimi me një agjent nervor të epokës sovjetike.

    Më 17 gusht, SHBA-ja i sanksionoi katër rusë për të cilët thotë se ishin të përfshirë në helmimin e Navalny, dhe të cilët janë të lidhur me Shërbimin Federal të Sigurisë së Rusisë.

    Kremlini e ka mohuar përfshirjen në helmimin e Navalny, i cili u arrestuar pasi u kthye në Moskë nga Gjermania në janar 2021.

    “Putini po vret. Ai po i vret mijëra njerëz – ukrainasit dhe qytetarët e vet”, thuhej në njoftimin e ekipit të Navalny për thirrjen e protestave.

    Leonid Volkov, ish-shef i fushatës zgjedhore të opozitës ruse, shkroi në rrjetet sociale se është e rëndësishme të theksohet me zë të lartë se “Putini është vrasës”, sepse, siç thotë ai, vetëm një e treta e qytetarëve të Evropës Perëndimore janë të gatshëm ta thonë këtë në protesta, sipas një studimi të ekipit të Navalny.

    Alexei Navalnyt i janë shqiptuar dy dënime me burg, me 11 vjet dhe 19 vjet, nën akuzat për ekstremizëm dhe përvetësim.

    Ai e ka hetuar korrupsionin në autoritetet ruse dhe i ka cilësuar akuzat ndaj tij si të nxitura politikisht.

  • Kurti dhe Vuçiq në Athinë, mediat greke: Mesazhi i qartë që Mitsotakis i dha Ramës

    Kurti dhe Vuçiq në Athinë, mediat greke: Mesazhi i qartë që Mitsotakis i dha Ramës

    Kryeministri i Kosovës, Albin Kurti do të udhëtojë të hënën drejt Greqisë me ftesë të kryeministrit grek, Kyriakos Mitsotakis për darken informale të organizuar nga kreu i shtetit grek.

    Mitsotakis ka ftuar të gjithë kryeministrat e rajonit, me përjashtim të Shqipërisë ku ftesa është dërguar në nivel presidencial.

    Ajo që ra në sy ishte fakti që Mitsotakis kishte ftuar në darkë presidentin dhe jo kryeministrin e Shqipërisë, Edi Rama. Darka dhe refuzimi i ftesës nga ana e Shqipërisë vjen pas tensioneve në rritje për rastin e Fredi Belerit.

    Gjithashtu, edhe presidenti i Serbisë, Aleksandar Vuçiç, i Malit të Zi, Jakov Milatoviq, kryeministri i Maqedonisë së Veriut, Dimitar Kovaçevski, dhe kryetarja e Këshillit të Ministrave të Bosnjës dhe Hercegovinës, Borjana Kristo, do të mbërrijnë në Athinë për të marrë pjesë në darkë, raporton Euronews Albania.

    Presidentja e Komisionit Evropian, Ursula von der Leyen dhe presidenti i Këshillit Evropian, Charles Michel, i janë përgjigjur pozitivisht ftesës së Mitsotakis.

  • Kearns: Të gjithë deputetët e Aleancës për Shqiptarët i bashkëngjiten letrës së perëndimorëve

    Kearns: Të gjithë deputetët e Aleancës për Shqiptarët i bashkëngjiten letrës së perëndimorëve

    Letrës së parlamentarëve dhe senatorëve perëndimorë, në mbështetje të Kosovës zyrtarisht i janë bashkëngjitur të gjithë deputetët e grupit parlamentar të ASh-së.

    Alicia Kearns, deputetja nga Mbretëria e Bashkuar ka njoftuar se i ka ardhur një konfirmim.

    “Pra, pas konfirmimit për bashkëngjitjen e deputetit Halil Snopçe, sot erdhi konfirmimi se janë bashkëngjitur edhe Ziadin Sela, Abdulla Saliu, Artina Qazimi, Atnan Neziri, Ilire Dauti, Elmi Aziri dhe Remzi Memedi”.

    “Me këtë rast Alicia Kearns i ka shprehur falënderimin e saj grupit parlamentar të ASh-së për bashkëngjitje letrës së iniciuar nga kryetarët e Komiteteve për Punë të Jashtme të parlamenteve amerikane, gjermane, britanike, ukrainase, islandeze, irlandeze, estoneze, lituaneze, letoneze e çeke”, thuhet në komunikatën e Aleancës për Shqiptarët.

  • Kosova i bashkohet Deklaratës së Përbashkët të vendeve të G7 mbi mbështetjen për Ukrainën

    Kosova i bashkohet Deklaratës së Përbashkët të vendeve të G7 mbi mbështetjen për Ukrainën

    Qeveria e Kosovës ka zhvilluar sot në mënyrë elektronike mbledhjen e radhës në të cilën ka miratuar vendimin përmes të cilit i bashkohet Deklaratës së Përbashkët të vendeve të G7 mbi mbështetjen për Ukrainën.

    ”Mbështetja dhe përkrahja ndaj Ukrainës, do zbatohet sipas legjislacionit të Republikës së Kosovës”, thuhet në kumtesën e Qeverisë.

    Pas kësaj komunikate, ka shkruar edhe kryeministri, Albin Kurti, i cili përmes një postimi në Facebook ka deklaruar se “duke iu bashkuar kësaj Deklarate, Republika e Kosovës rithekson se sigurimi i fitores për popullin ukrainas, si dhe llogaridhënia e liderëve të Rusisë për krimet e tyre, është e domosdoshme për ruajtjen e paqes dhe demokracisë, në Evropë dhe më tej”.

    “Pushtimi ilegal dhe i paprovokuar i Ukrainës nga ana e Rusisë, mbetet një kërcënim ndaj paqes dhe sigurisë ndërkombëtare. Çmimi i shkaktuar deri tani, në jetë njerëzish, stagnim ekonomik dhe shkatërrim mjedisor, ka qenë katastrofal për popullin ukrainas”, ka deklaruar Kurti

    Që nga 24 shkurti i vitit 2022, Rusia po përpiqet ta pushtojë Ukrainën.

    Gjatë kësaj kohe, NATO-ja ka qenë e qartë në mbështetje të Ukrainës.

    Në këtë linjë ka qëndruar edhe Kosova, duke i vendosur sanksione Federatës Ruse.

  • Haxhiu akuzon prokurorinë për mostrajtim të rasteve ku të përfshirë janë akterët e ish-pushtetit

    Haxhiu akuzon prokurorinë për mostrajtim të rasteve ku të përfshirë janë akterët e ish-pushtetit

    Pas arrestimit të biznesmenit Ridvan Muharremit, të cilit Qeveria Kurti i besoi dhe i dha çasje në punë sekrete shtetërore të Rezervave shtetërore, pushteti tashmë e ka mprehur gjuhën ndaj Prokurorisë, duke ua vënë në kundërpeshë raste që ata pretendojnë se prokuroria nuk i ka trajtuar.

    Ministrja e Drejtësisë, Albulena Haxhiu ka reaguar duke rishpërndarë një akuzë ndaj Prokurorisë të bërë nga Ministri i Financave, Hekuran Murati, i cili pretedon se ka dy vite që ka dërguar kallëzim penal në Prokurorinë Speciale për një rast të pretenduar keqpëdorimi për shpronësimet në rrugën Kijevë-Zahaq.

    “Njësoj kanë vepruar PSRK edhe me kallëzimin penal ndaj ish Ministrit të Drejtësisë dhe ish drejtorit të burgjeve të cilët pronën e MD ia kishin dhënë një oligarku, pa asnje bazë ligjore. PSRK pati thënë nuk ka bazë për ndjekje sepse e keni ndalur dëmin anipse dëmi ishte shkaktuar tashmë”, ka shkruar Haxhiu, duke e deflektuar temën në fjalë.

    E njëjta, gjatë ditëve të kaluara nuk ka komentuar arrestimin e dy zyrtarë të Ministrisë së Industrisë, Ndërmarrësisë dhe Tregtisë, Hafiz Gara dhe Irfan Lipovica, si dhe biznesmeni, Ridvan Muharremi, i cili dyshohet se është i përfshirë në keqpërdorimet me rezerva shtetërore.

  • Spanjollet e fitojnë Kupën e Botës

    Spanjollet e fitojnë Kupën e Botës

    Vashat e Spanjës e kanë shkruar historinë duke e mposhtur 1:0 Anglinë për ta fituar Kupën e Botës së Grave për herë të parë në historinë e ekipit të tyre kombëtar.

    Ky triumf, po ashtu, nënkupton se spanjollet janë skuadra e parë që e fitojnë Kupën e Botës në tri kategori të ndryshme njëkohësisht, për grupmoshat deri në 17 vjeçe, 21 vjeçe dhe seniore.

    Kapitenia Olga Carmona e shënoi golin e fitores duke e mposhtur portieren angleze Mary Earps në pjesën e parë.

    Futbollistja spanjolle Olga Carmona duke e puthur trofeun e Kupës së Botës 2023, pasi e shënoi golin e triumfit në finale kundër Anglisë, 20 gusht 2023.
    Luaneshat, të cilat po synonin ta fitonin Botërorin për herë të parë në historinë e tyre, mbetën me zemër të thyer pasi u dërrmuan nga një ekip i vashave spanjolle plot kreativitet dhe aftësi.

    Kjo ishte vetëm hera e tretë që vashat spanjolle marrin pjesë në Kupën e Botës dhe para këtij turneu, e kishin shënuar vetëm një fitore në Botëror.

    Spanja, e cila ishte afër përjetimit të një rebelimi vitin e kaluar kur 15 futbolliste e braktisën ekipin kombëtar, ishte skuadër më agresive në finale kundër Anglisë dhe triumfoi me meritë.

    Arritja e Spanjës është e jashtëzakonshme duke qenë se trajneri Jorge Vilda i mbijetoi një kryengritjeje të futbollisteve 12 muaj më parë. Ai rebelim para Botërorin bëri që të mungonin futbollistet me nam si Sandra Panos, Mapi Leon, Patri Guijarro dhe Claudia Pina, të cilat i kishin ndihmuar Barcelonës ta fitonte Ligën e Kampionëve në qershor.

    Triumfi i tyre mund ta transformojë futbollit e grave në Spanjë, i cili ka qenë në qendër të vëmendjes publike pas suksesit të brendshëm të Barcelonës së fundmi.

  • Të pagjeturit, këtë vit është gërmuar në 7 lokacione

    Të pagjeturit, këtë vit është gërmuar në 7 lokacione

    Përgatiti: Sara Shehu

    Komisioni Qeveritar për të Pagjeturit gjatë këtij viti ka bërë gërmime në shtatë lokacione për të kërkuar personat e zhdukur gjatë luftës së fundit në Kosovë.
    Kushtrim Gara, nga ky komision tha se në bashkëpunim me institucionet e tjera do të nisin përsëri gërmime në disa lokacione përfshirë ato në komunën e Gjakovës dhe të Skenderajt.

    “Në fakt brenda territorit të Republikës së Kosovës janë diku të paktë n shtatë lokacione në të cilat kemi qenë të fokusuar ose jemi të angazhuar në kuptim të gërmimeve vlerësues gjatë këtij viti. Kjo edhe një herë konfirmon që Komisioni Qeveritar i Republikës së Kosovës në koordinim të plotë edhe me partneret ose institucionet që janë pjesë e këtij procesi, realisht po bëjnë përpjekje të vazhdueshme që çështja e personave të zhdukur gjithsesi të trajtohet me prioritetin e veçantë”, tha Gara.

    “Ne besojmë që tani në fund të verës siç ka qenë e planifikuar edhe më parë do të jemi të angazhuar në një lokacion në regjionin e Gjakovës, përkatësisht në fshatin Bishtazhin, e po ashtu në një lokacion besoj në komunë të Skenderajt. Në rastin e Bishtazhinit jemi duke folur për një lokacion që është përdorur si hapësirë, si varrezë masive jashtëligjshme nga forcat serbe për të groposur, varrosur viktimat të disa masakrave në komunën e Gjakovës. Në fund të luftës, forcat serbe janë rikthyer në këtë lokacion dhe kanë zhvarrosur eshtrat e viktimave që kanë qenë të groposura në këtë lokacion nga ana e tyre për ti dërguar në drejtim të pa njohur deri në rastin kur janë inicuar varrezat e para masive në territorin e Serbisë”, theksoi Gara.

    Ai theksoi se në vazhdën e gërmimeve hyjnë edhe regjioni i Kamenicës dhe ai i Podujevës.

    “Nga shtat lokacione që i potencova, nga regjioni i Pejës, duhet me theksuar se para këtij lokacioni kemi qenë të angazhuar në regjionin e Kamenicës, pastaj kemi pasur tri lokacione në regjionin e Prishtinës, pra në varrezat e qytetit edhe në Arbëri dhe në varrezat e lagjes Mat. Por edhe në dy raste në periferi të Prishtinës në hapësirës e Gërmisë. Po ashtu kemi pasur edhe gërmimet që duhet me theksuar si fakt në lokacionin në Vidomeriq të komunës së Mitrovicës, përkatësisht në pjesën veriore të Kosovës dhe një lokacion në fshatin Kishnicë. Në shumicën e këtyre rasteve, përfshirë edhe lokacionin në regjionin e Kamenicës dhe lokacionin në lagjen Mat po edhe një lokacion që e kemi pasur në regjionin e Podujevës, në këto lokacion besoj shpejt do të rikthemi, me që në koordinim të plotë edhe me angazhimin e hetuesve ose komplet epikes nga departamenti i policisë për hetime e krimeve të luftës gjithsesi me angazhimin e kolegëve dhe zyrtarëve të Komisionit Qeveritarë, besoj jemi në trajtim ose shqyrtim të hollësishme të informatave plotësues mbi bazën e të cilave shpresojmë që të arrijmë të saktësojmë lokacionet e nevojshme ose të markojmë, shënjojmë lokacionet të cilat do të jenë me interes për t’u adresuar në kuptimin e gërmimit, që nënkupton që do të rikthemi në këto lokacione”, tha Gara.

    Sa i përket lokacionit në Gjakovë, sipas tij, në fund të luftës forcat serbe i kishin zhvarrosur përsëri trupat e viktimave për t’i dërguar në një vend të panjohur, ku një pjesë e viktimave ishin zbuluar se janë varrosur në territorin e Serbisë.

    Ndërkaq, në komunën e Skenderajt, në fshatin Polac , pas masakrës së 30 marsit të vitit 1999, viktimat janë groposur nga forcat serbe në një vend të caktuar në përpjekje për të fshehur gjurmët e krimit të tyre, ndërkohë që ekipet ndërkombëtare në këtë zonë kishin arritur të gjejnë mbetje mortore të 27 viktimave.

    Edicionin Qendror të lajmeve në ATV e gjeni në videon më poshtë:

  • Prokuroria dëmin e vlerëson 600 mijë euro, Armend Muja thotë se janë 300 mijë euro

    Prokuroria dëmin e vlerëson 600 mijë euro, Armend Muja thotë se janë 300 mijë euro

    Përgatiti: Driton Sadiku

    Edhe pas publikimit të dosjes së prokurorisë për rastin me rezerva shtetërore, kanë vazhduar reagimet politike e mediale.

    Sipas dosjes së prokurorisë speciale, plot 52 tonë grurë, 200 mijë litra vaj e 120 mijë kg sheqer, të cilat u paguan në kopani turke e polake, nuk mbërritën në Kosovën.

    Sipas prokurorisë, dëmi është mbi Mbi 600 mijë euro, para të paguara këto si avanc nga Ministri të Industrisë Ndërmarrësise e Tregtisë.

    Kësisoj për këto dyshime me keqpërdorime në rezerva shtetërorë, u arrestuan 3 persona, dy nga ta zyrtarë të lartë në Ministri të Industrisë Ndërmarrësise e Tregtisë, dhe një afarsit.

    Ky i fundit, Ridvan Muharremi, sipas prokurorisë, kishte ndihmuar zyrtarët e ministrisë Irfan Lipovicën dhe Haviz Garën që në mënyrë të kundërligjshme të negocionin me kompanitë kontraktuese për blerjen e këtyre produkteve.

    Sipas prokurorisë Muharremi kishte negociuar për blerjen e 10 mijë tonë grurë nga Turqia me çmim prej afro 5 milion eurove, por që 52 tonë nga to nuk ishin ardhur, ani pse ishin paguar.

    I njëjti ishte përfshirë edhe në negocimin për blerjen e vajit e sheqerit në vlerë prej 276 mijë eurove por që malli i paguar nuk ishte ardhur në Kosovë.

    Për ta bërë më të lehtë, Irfan Lipovica atëkohë në cilësinë e zëvendës sekretarit në MINT, sipas prokurorisë kishte kërkuar nga Qeveria anashkalimin e procedurave ligjore të prokurimit publik për blerjen e rezervave shtetërore, duke tejkaluar kështu autorizimet ligjore.

    Vendimi më pas ishe nënshkruar edhe nga Kryeministri Albin Kurti.

    Por gjetjet e prokurorisë përmes një shkrimi në rrjete sociale, i kontestoi deputeti i Vetëvendosjes Armend Muja, ani pse në njëfarë forme pranoi se ka keqpërdorime.

    Sipas tij, vlera e dëmit nuk është sa thotë prokuroria por përgjysmë më pak.

    “Është dëmtuar buxheti për 601,000 euro – ose po mungon një shpjegim shtesë ose Prokurori nuk e din matematikën elementare. Do të duhej të ishte 301,384 euro jo 601,000 euro. Në dosje thuhet se 276,000 euro vaj/sheqer ende nuk ka ardhur dhe mungojnë 52.5 tonë ( 25,383 mijë euro). Dosja e prokurorit është e shkoqitur nga konteksti dhe ka gabime elementare. Me gjasë zyrtarët janë arrestuar pa u dëgjuar fare. Çka nëse vjen malli nesër, pas një jave apo muaji?”, tha Muja.

    Mirëpo, në këtë dilemën e fundit të deputetit Muja, përgjigjet ish ministri i tregtisë Ismet Mulaj.

    Mulaj madje pohon se ka shkelje të ligjit të prokurimit.

    “Problematika e kësaj është që produktet janë blerë pa një garanci bankare, pra është bërë pagesa avancë të operatori ekonomik pa një garanci bankare, ligji i prokurimit nuk e njeh këtë procedurë, nuk mund të bëhet një pagesë avancë nëse kompania nuk ofron një garanci bankare”, tha Mulaj.

    Mungesën e mallit në rezervë, e kanë pranuar edhe kryeministri Kurti edhe Ministrja Rozeta Hajdari, por kanë mohuar se fjala është për keqpërdorrime ose korrupsion. /atvlive.tv

    Edicionin Qendror të lajmeve në ATV e gjeni në videon më poshtë: