ATV

Author: ATVLive

  • Vazhdon gjykimi ndaj Thaçit dhe të tjerëve

    Vazhdon gjykimi ndaj Thaçit dhe të tjerëve

    Në Dhomat e Specializuara të Kosovës në Hagë, sot do të vazhdojë gjykimi ndaj ish-krerëve të Ushtrisë Çlirimtare të Kosovës.

    Në bankën e të akuzuarve janë ish-presidenti Hashim Thaçi, ish-kryetari i Kuvendit, Kadri Veseli, ish-kryetari i Kuvendit, Jakup Krasniqi si dhe ish-deputeti Rexhep Selimi.

    Seanca pritet të nis në orën 09:00.

    Thaçi, Veseli, Krasniqi dhe Selimi po akuzohen për krime lufte dhe krime kundër njerëzimit.

    Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore. Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime.

    Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jondërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së.

  • Gattuso i kthehet punës së trajnerit

    Gattuso i kthehet punës së trajnerit

    Siç bëhet e ditur nga gazetari i njohur, Fabrizio Romano, Gennaro Gattuso po i kthehet punës së trajnerit.

    Bëhet e ditur se Gattuso pritet që të bëhet trajneri i ri i Olympique Marseille, raporton KP.

    Gattuso ishte pa punë që nga 30 janari i këtij viti, prej se u shkarkua nga skuadra spanjolle, Valencia.

    Akordi verbal është arritur me trajnerin italian, dhe ai do të udhëtojë drejt Francës gjatë orëve në vazhdim me stafin e tij.

  • ​Superliga e Kosovës rikthehet sot me tri ndeshje interesante

    ​Superliga e Kosovës rikthehet sot me tri ndeshje interesante

    Superliga e Kosovës i rikthehet aksionit sot me tri ndeshje tejet interesante, të vlefshme këto për xhiron e shtatë të këtij sezoni.

    Që të tri ndeshjet do të zhvillohen në orarin e njëjtë me fillim nga ora 15:00, ku kampioni, Ballkani është mysafirë i Fushë Kosovës, raporton KosovaPress.

    Ndërkaq, skuadra e Malishevës e pret në shtëpi liderin aktual, Llapin.

    Po ashtu, ndeshje interesante do të jetë edhe ajo mes Gjilanit dhe skuadrës së Lirisë.

    Programi i sotëm:

    15:00 Fushë Kosova – Ballkani

    15:00 Malisheva – KF Llapi

    15:00 Gjilani – Liria

  • Mblidhen mbi 30 mijë euro për të ndihmuar familjen e policit të rënë në veri

    Mblidhen mbi 30 mijë euro për të ndihmuar familjen e policit të rënë në veri

    Mëngjesi i së dielës ishte i kobshëm për Kosovën, meqë rreshteri Afrim Bunjaku u vra nga disa terroristë serbë në Banjskë të Zveçanit.

    Pas kësaj ngjarjeje tragjike në ditën e varrimit të tij u mbajt një mbledhje komomerative, ku presidentja e Kosovës, Vjosa Osmani e shpalli hero, Afrim Bunjakun.

    Deri tani aty janë dhuruar mbi 30 mijë euro, shkruan Zeri.

  • Kurti mbledh ministrat

    Kurti mbledh ministrat

    Qeveria e Kosovës do të mbajë sot mbledhjen e radhës.

    Në njoftimin e Zyrës së Kryeministrit konfirmohet se ministrat do të mblidhen në orën 10:00, në ndërtesën e Qeverisë së Kosovës.

    Rendi i ditës nuk është bërë publik.

  • Mallorca e ndal Barcelonën, shkëlqen Vedat Muriqi

    Mallorca e ndal Barcelonën, shkëlqen Vedat Muriqi

    Sulmuesi kosovar, Vedat Muriqi ishte protagonist në barazimin e Mallorcas ndaj Barcelonës, në ndeshjen e zhvilluar në kuadër të xhiros së shtatë në La Liga.

    Muriqi e Mallorca arritën ta ndalnin Barcelonën, duke arritur t’ia marrin një pikë.

    Sulmuesi kosovar, apo si njihet në Mallorca si “pirati” u shpall lojtari i ndeshjes me një gol të shënuar e një asistim.

    Muriqi realizoi fillimisht për 1:0 në minutën e tetë, për të asistuar më pas te goli i dytë.

    Për Barcelonën golat i shënuan Raphinha dhe Lopez.

    Pas shatë xhirove, Barcelona ka grumbulluar 17 pikë, kurse Mallorca ka vetëm gjashtë pikë duke u pozicionuar në pozitën e 15-të në tabelë.

  • Kurti: Vuçiq i obsesionuar me Adem Jasharin, dëshironte ta shndërronte Manastirin e Banjskës në “Kullë të Jasharajve”

    Kurti: Vuçiq i obsesionuar me Adem Jasharin, dëshironte ta shndërronte Manastirin e Banjskës në “Kullë të Jasharajve”

    Kryeministri i Kosovës, Albin Kurti, i ka reaguar presidentit të Serbisë, Aleksandar Vuçiq, pas deklaratave të tij për komandantin legjendar, Adem Jashari.

    Kurti, me anë të një postimi në ‘facebook’ ka thënë se Vuçiq është i obsesionuar me komandantin legjendar, shkruan Gazeta Insajderi.

    “Vuçiq është i obsesionuar me kryekomandantin e UÇK-së, Adem Jasharin. Ai dëshironte që me 24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës! Në takimin e 2 majit në Bruksel na tha që Millan Radojçiq do të bëhet Adem Jashari i serbëve. Por, duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen”, ka thënë ai.

    “Kosova është shtet demokratik dhe vend properëndimor: kush integrohet, jeton më mirë. Serbët në Kosovë nuk kanë nevojë për çlirim nga Republika e Kosovës por nga veglat terroriste të Serbisë”, shtohet më tej në postimin e tij.

    Vuçiq pak ditë më parë pati kritika pse ndërkombëtarët i referoheshin Adem Jasharit si luftëtar lirie.

    “Kur Serbia shkoi në Drenicë që të qerojë hesapet me ata që donin ndaheshin nga shteti i njohur ndërkombëtarisht (Jugosllavia), ata (ndërkombëtarët) thanë se ata janë luftëtarë të lirisë të udhëhequr nga Adem Jashari e jo nga terroristët. Duket që vetëm serbët janë terroristë gjithmonë”, deklaroi përplot viktimizim Vuçiqi.

  • KFOR: Policia veproi sipas ligjit në Banjskë, ishim në koordinim

    KFOR: Policia veproi sipas ligjit në Banjskë, ishim në koordinim

    Forca e NATO-s në Kosovë – KFOR vlerëson se Policia e Kosovës ka ndërhyrë në përputhje me prerogativat e saj të zbatimit të ligjit, si reaguese e parë të dielën në Banjskë.

    “Trupat e KFOR-it ishin të pranishëm në zonë. Ata vëzhguan nga afër situatën dhe ishin të gatshëm të përgjigjeshin, nëse kërkohej”, thuhet në një komunikatë për medie.

    “Gjatë gjithë kohës, Policia e Kosovës, EULEX-i dhe KFOR-i kanë vepruar në koordinim të ngushtë, respektivisht si reagues i parë, i dytë dhe i tretë”.

    KFOR-i nën të ditur se komandanti i tyre mbetet në kontakt të rregullt me të gjitha palët e interesuara, përfshirë EULEX-in, përfaqësuesit e institucioneve në Kosovë dhe të organizatave të sigurisë së Kosovës, si dhe shefin e Shtabit të Forcave të Armatosura të Serbisë.

    “Përmes KFOR-it, NATO gjithmonë do të ndërmarrë të gjitha veprimet e nevojshme për të ruajtur një mjedis të sigurt dhe të sigurt dhe lirinë e lëvizjes për të gjitha komunitetet në Kosovë, në mënyrë të paanshme dhe në përputhje me mandatin tonë bazuar në Rezolutën 1244 të Këshillit të Sigurimit të Kombeve të Bashkuara të vitit 1999”.

    KFOR-i ka thënë se kjo forcë do të vazhdojë të ofrojë kornizën e sigurisë të nevojshme që dialogu i ndërmjetësuar nga BE-ja ndërmjet Beogradit dhe Prishtinës të ecë përpara.

    Dialogu i ndërmjetësuar nga BE-ja ndërmjet Beogradit dhe Prishtinës është mënyra e vetme për të zgjidhur çështjet e pazgjidhura dhe për të arritur një zgjidhje të qëndrueshme që respekton të drejtat e të gjitha komuniteteve”.

  • Limaj tregon çka i ka pëlqyer Albin Kurti pas ngjarjeve të fundit në veri

    Limaj tregon çka i ka pëlqyer Albin Kurti pas ngjarjeve të fundit në veri

    Kryetari i Nisma’s Socialdemokrate, Fatmir Limaj, në emisionin CONTEXT në ATV, tha se e vlerëson gjuhën e përdorur nga kryeministri ditën e diel, kur e ka bërë prezentimin e asaj çka po ndodh, por vazhdon ai, gjithçka tjetër pastaj, ka nisë ta shqetësojë.

    “Konferenca e kryeministrit më ka pëlqy, krejt çka ka folë ka qenë në vendin e duhur. Çkado mas andej, është e tepërt, është e panevojshme, është kundërproduktive, mundet me tu kthy”, tha Limaj.

    Ai tha se një prej arsyeve pse Kosova ka fituar, është sepse serbët e kanë nënçmuar këtë vend vazhdimisht.

    “Një nga arsyet pse ne kemi fituar sepse e kanë nënçmuar këtë vend, po vazhdojnë me e nënçmu dhe mirë që po vazhdojnë me na nënçmu. Na kanë nënçmu policinë, shikoni videot në vitin 2021, çfarë fyerje u bëjnë njësiteve tona të policisë atje ën barrikada, shikoni në Youtube dhe shikoni si i fyejnë, Majde thonë që këta nuk dinë me e shti as ‘okfirin’. Ata nuk e kanë ditur ose nuk kanë dashur me e ditë fatmirësisht, Beogradi e ka fy këtë njësi sepse ne i kemi përgatitjet si me thanë shkenca e fundit e teknikës është te policia e jonë. Ato çka duhet me i pasë, deri te droni. Ata janë befasuar kur i kanë pa fotografimet, kur i kanë pa xhirimet”, tha Limaj.

    Ai tha se beson që ka edhe xhirime të tjera.

    “Unë besoj që kemi ende xhirime. Nuk e di, por besoj që shumë xhirime ka atje, shumë prova ka atje, edhe të kufiri, edhe te hyrja edhe te dalja, plotë ka. Ky vend është i furnizuar me instrumente”, tha Limaj. /atvlive.tv

  • Limaj: Vuçiqi u tradhtua nga vetvetja, u tmerrua nga Policia e Kosovës

    Limaj: Vuçiqi u tradhtua nga vetvetja, u tmerrua nga Policia e Kosovës

    Kryetari i Nisma’s Socialdemokrate, Fatmir Limaj, në emisionin CONTEXT në ATV, tha se shpallja ditë zie nga Qeveria e Serbisë, si dhe konferenca e para dy nete, tregon qartë se presidenti Vuçiq qëndron mbrapa asaj që ka ndodh në veri.

    “Vetë faktin që Qeveria e Serbisë shpallë ditë zie, konferenca e shtypit të Vuçiqit neve na ka tregu që ai qëndron mbrapa këtij. Shqetësimi i Vuçiqit është mos realizimi me sukses i aksionit. Pesë-gjashtë vende e tradhton veten, tradhtohet nga qëndrimi atë natë. Një nga ato thotë, si është e mundur për një orë me u rrethu. Është i tmerruar për vrasjen e policit tonë, jo për shkak që është vra, por pse me ndodh ajo, sepse ka qenë plani tjetër. Flet këndej s’kam me e njoftë pavarësinë, do me thanë, asnjë rast atë natë nuk ka pasë distancim nga ajo që ka ndodhur veç ka pasë një gjë, ka hedhur zjarr”, tha Limaj.

    Ai tha se në vazhdimësi, politika e Serbisë i ka ‘gjuajtur’ serbët e shteteve të tjera.

    “Ka thënë ‘serbët e Kosovës’. I gjuajti sikur që i ka gju gjithmonë politika serbe, i ka gju gjithmonë serbët e Bosnjës, i ka futë në zjarr në Kroaci, i ka lënë pa shtëpi e pa tokë, pa atdhe, sot janë nëpër Serbi. I ka gju serbët e Bosnjës, të Malit të Zi, të Kosovës në vazhdimësi, dhe në fund, parmbrëmë tha ‘jo këta janë serbët e Kosovës’. Asnjë serb nga Serbia qendrore tha nuk është angazhuar”, tha Limaj. /atvlive.tv