ATV

Author: ATVLive

  • Pozhari paralajmëron fund të trishtë për Radojçiqin: Mund të vritet në Serbi

    Pozhari paralajmëron fund të trishtë për Radojçiqin: Mund të vritet në Serbi

    Analisti, Xhevdet Pozhari, ka paralajmëruar një “fund të trishtë” për kryekriminelin serb, Milan Radojçiq, i cili u lirua nga paraburgimi në Serbi.

    Në një postim në Facebook, ai thotë se Radojçiq mund të vritet në formë mafioze, e të njëjtin më pastaj ta “vajtojë” presidenti serb, Aleksander Vuçiq, duke e konsideruar “hero”.

    Postimi i plotë:

    E paskan liru Radoiçiçin. Nuk ka hesap Vuçiqi me rreziku me ja nxjerrë të palarat. Atij i duhet heshtja.

    Dimri afër. Shtohet numri i aksidenteve! Edhe Radoiçiçit mund t’i dështojnë frenat. Dhe, më pas Vuçiqi të del ta “vajtojë” – vdiq heroi ynë!

  • Çollakaj: Serbia do të vazhdojë përpjekjen për ta destabilizuar Kosovën

    Çollakaj: Serbia do të vazhdojë përpjekjen për ta destabilizuar Kosovën

    Profesori universitar dhe njohësi i çështjeve të sigurisë, Fatmir Çollakaj, në emisionin A LIVE në ATV, tha se tendencat e Serbisë për ta destabilizuar Kosovën do të vazhdojnë edhe në të ardhmen.

    Mirëpo, sipas tij, tani Kosova është në avantazh edhe në kuptimin politik ndërkombëtar, por edhe në atë operativ.

    “Tendencat për të destabilizuar Kosovën dhe për t’u hakmarrë nga ana e Serbisë, do të vazhdojnë. Serbia nuk pushon me kaq. Ka me u përpjekë në forma dhe mënyra të ndryshme për me sfidu seriozisht prapë sigurinë në Kosovë, mirëpo tani ne jemi në avantazh në kuptimin edhe politik ndërkombëtar por edhe në kuptimin operativ, sepse Policia e Kosovës u tregu shumë me aftë dhe të gjitha institucionet tjera të Republikës së Kosovës kanë kry punën e tyre dhe ato që nuk shihen kanë kry punën e tyre maksimalisht mirë dhe ky ishte rezultati që Serbia në këtë rast përmes këtyre njerëzve të këtij grupi terrorist u poshtërua dhe u përkule, iu dhanë një theçafje, shkoni nga keni ardhë, sepse kjo tokë mbrohet nga njerëzit të cilët jetojnë aty”, tha Collakaj. /atvlive.tv

  • Gati 4 milionë euro shpenzime të Kuvendit, deputetë ankohen për mungesë të kushteve për punë

    Gati 4 milionë euro shpenzime të Kuvendit, deputetë ankohen për mungesë të kushteve për punë

    Në komisionin për për Buxhet, Punë dhe Transfere, U.D i Sekretarit të Përgjithshëm të Kuvendit të Kosovës, Arben Loshi ka prezantuar raportin e shpenzimeve për gjashtëmujorin e parë të vitit 2023 për pesë kategori.

    Sipas Loshit shpenzimet e Kuvendit janë në shumën 3 milionë e 880 mijë e 950 euro ose 35.74 për qind e realizmit të buxhetit për 2023.

    Gati 4 milionë euro shpenzime të Kuvendit të Kosovë, deputetë e opozitës dhe mazhorancës ankohen për mungesë kushteve për punë.

    Deputeti nga Vetëvendosje, Visar Korenica ka adresuar kritika ndaj anëtarëve të administratës së Kuvendit. I njëjti ka kërkuar përgjigje lidhur me pajisjet elektronike në Kuvend për votim, i cili shtoi se tash e disa vite nuk janë funksionale.

    “Statusi i pajisjeve të Kuvendit që nuk janë funksionale tash e një kohë po krijon probleme gjatë votimit, shpeshherë edhe zërimi nuk është në rregull. Çka nuk po funksionon me pajisjet e zërimit, nuk është në funksion të plotë sistemi apo vetëm pjesa e votimit. Duhet dikush ta marrë përgjegjësinë pse sistemi nuk funksionon pothuajse për tri vjet. Nuk mund t’i pranojë arsyetimet, nuk ka mundësi mos me pas një operator që e kryen një punë teknike”, tha Korenica.

    Për këtë, Loshi tha se ka probleme teknike dhe se përgjegjësia nuk është tek Administrata e Kuvendit.

    “Sa i përket pajisjeve ka probleme disa vite, kur një pjesë e mikrofonave nuk janë funksional. Nuk ka përkrahje, nuk prodhohen më këto pajisje, nuk ka në treg, prodhuesi ka mbyll sa i përket atij lloji. Në të dy rastet ka probleme teknike, për atë qëllim është planifikuar buxheti për blerjen e pajisjeve të reja. Ky projekt është në procedurën e realizimit. Përgjegjësia nuk është tek Administrata e Kuvendit”, tha Loshi.

    Ndërkaq deputeti nga PDK, Mergim Lushtaku tha se shpenzimet e kryetarit të Kuvendit duken të jenë të goxha të jashtëzakonshme, derisa kërkoi edhe shpjegime për to.

    “Mbi 51 mijë euro janë shpenzuar për kryetarin dhe kabinetin e tij për shëtitje brenda dhe jashtë vendit për dreka dhe darka. Duket goxha një shpenzim i jashtëzakonshëm, a ka pasur planifikime. Është një shpenzim i jashtëzakonshëm, a ka pasur planifikime aq të mëdha për një periudhë kaq të shkurtër”, tha Lushtaku.

    Për këtë Loshi tha se sa i përket këtyre shpenzimeve vendos Kryesia e Kuvendit.

    “Çdo shpenzim i kryetarit, e nënkryetari, deputetit për udhëtim zyrtare brenda dhe jashtë për akomodim bëhet me vendim të Kryesisë. Çdo shpenzim administrate, Kuvendi e zbaton, ka për detyre dhe obligim t’i zbatoj vendimet. Vendimet e Kryesisë janë të detyrueshme për zbatim nga administrata e Kuvendit”, tha Loshi.

    Ankesa pati edhe nga deputeti i AAK-së Pal Lekaj.

    Lekaj po ashtu ngriti sërish shqetësimin për zyrat e deputetëve. Sipas tij takimet e punës po bëhen në kafene për shkak të mungesës së zyrave.

    “Është kërkesë që të kemi zyra. Sa keni tentuar që të gjeni hapësira që të akomodohen deputetet? Kërkesa është e kamotshme, por s’është realizuar, vetëm një zyrë dhe jo t’i bëjmë takimet në kafene, jemi në këtë gjendje”, tha Lekaj.

    Lidhur me këtë, Loshi tha se për momentin nuk ka ndonjë zgjidhje për këtë çështje.

    “Për momentin nuk është që ka një objekt ose zgjidhje të caktuara për këtë çështje”, tha Loshi.

  • “The Guardian”: Ka përpjekje për aranzhim të një takimi Osmani – Vuçiqi në Granada

    “The Guardian”: Ka përpjekje për aranzhim të një takimi Osmani – Vuçiqi në Granada

    Një takim mes presidentëve të Kosovës dhe të Serbisë mund të ndodhë të enjten në Granada të Spanjës.

    Gazeta britanike “The Guardian” ka shkruar se ka përpjekje që të aranzhohet një takim mes Vjosa Osmanit dhe Aleksandar Vuçiqit.

    Osmani e Vuçiq do të marrin pjesë në samitin në Granada të 51 liderëve evropianë. Samiti do të mbahet të enjten.

    “Burime thonë se ka përpjekje për të aranzhuar takim mes tyre përkundër armiqësisë politike mes dy vendeve”, ka shkruar “The Guardian”.

    Osmani të martën në një intervistë për “CNN” ka thënë se Kosova është nën sulm. Ajo tha se presidenti i Serbisë, Aleksandar Vuçiq, u inkurajua të sulmonte shkaku i mungesës së drejtësisë në dialog.

    “Ata duan të vazhdojnë planin e tyre të destabilizimit të Ballkanit Perëndimor dhe me këtë, t’i lejojnë Putinit të hapë fronte të reja kundër perëndimit në Ballkan Perëndimor. Ne jemi duke punuar me aleatët dhe partnerët dhe kjo nuk do të ndodhë”, tha Osmani.

  • Pesë të plagosur nga të shtënat në Universitetin Shtetëror Morgan në SHBA

    Pesë të plagosur nga të shtënat në Universitetin Shtetëror Morgan në SHBA

    Pesë persona u plagosën nga të shtënat të martën mbrëma në kampusin e Universitetit Shtetëror Morgan në Baltimore, qyteti më i populluar në shtetin amerikan të Maryland, raportojnë mediat lokale.

    Komisioneri i policisë Richard Worley tha se viktimat – katër meshkuj dhe një femër – janë mes moshës 18 dhe 22 vjeç dhe se lëndimet e tyre nuk ishin kërcënuese për jetën, sipas NBC News.

    Katër nga pesë janë studentë në universitet, tha shefi i policisë së kampusit Lance Hatcher, përcjell AA, transmeton KosovaPress.

    “Besohet se ka pasur tre persona që kanë qëlluar në turmë, asnjë nuk është kapur ose nuk është identifikuar në këtë moment,” tha Ryan Dorsey, anëtar i këshillit të qytetit të Baltimores, në “X”.

    Universiteti vendosi të anulojë të gjitha ligjëratat të mërkurën.

  • “Serbët e veriut do ta paguajnë çmimin”: Një reagim i ashpër në Serbi pas lirimit të Radoiçiqit

    “Serbët e veriut do ta paguajnë çmimin”: Një reagim i ashpër në Serbi pas lirimit të Radoiçiqit

    Milan Radoiçiq, ish-nënkryetari i Listës Serbe dhe organizator i sulmit terrorist në Banjskë, është liruar sot nga paraburgimi, që sipas avokatit serb Ivan Niniq, është tregues se një person, Aleksandar Vuçiqi, “në të njëjtën kohë është zjarrvënës dhe zjarrfikës”.

    Ai shton se Bashkimi Evropian dhe Perëndimi e tolerojnë sjelljen e tij dhe se qytetarët e Serbisë, veçanërisht serbët në veri të Kosovës, do ta paguajnë çmimin për gjithçka.

    Milan Radoiçiq është liruar sot nga mbajtja. Ky vendim pasoi më pak se 24 orë pasi MPB-ja serbe njoftoi se ai ishte arrestuar dhe se i ishte caktuar masa e ndalimit për 48 orë.

    Avokati Ivan Niniq e sheh të gjithë rastin si konfirmim se presidenti i Serbisë qëndron prapa këtij procesi.

    “Këtu është vetëm një njeri në të njëjtën kohë: regjisor, skenarist, kostumograf, zjarrvënës dhe zjarrfikës. Pjesa tjetër janë kukulla dhe mish për top. Realiteti është ky, dhe çmimin do ta paguajmë të gjithë, sidomos serbët në veri të Kosovës. Perëndimi dhe BE-ja tolerojnë gjithçka, sepse kjo është pikërisht ajo që u duhet! ‘Aca Serb 5:0’”, ka shkruar Niniq në rrjetin social X në reagim ndaj lajmit për lirimin e Radoiçiqit nga paraburgimi.

  • SHBA: E dimë se sulmi ishte i koordinuar e i planifikuar mirë, të gjithë të përfshirët të sillen para drejtësisë

    SHBA: E dimë se sulmi ishte i koordinuar e i planifikuar mirë, të gjithë të përfshirët të sillen para drejtësisë

    Departamenti amerikan i Shtetit thotë e dinë se sulmi i 24 shtatorit në Banjskë të Zveçanit ishte “i koordinuar dhe i planifikuar mirë”

    Zëvendëszëdhënësi i Departamentit amerikan të Shtetit, Vedant Patel u pyet në një konferencë për media për arrestimin e Milan Radoiçiqit të martën dhe nëse ka për të thënë diçka rreth kësaj.

    “Ne i kemi parë ato raporte, Shaun. Ne nuk do të shkojmë përpara hetimit. Dhe siç e kemi thënë, ne e dimë se sulmi ishte i koordinuar dhe i planifikuar mirë, dhe të gjithë ata që ishin të përfshirë në planifikimin dhe kryerjen e këtij sulmi duhet të sillen para drejtësisë”, tha ai.

    Milan Radoiçiq u arrestua dje në Serbi, por presidenti serb, Aleksandar Vuçiq nuk ka dhënë asnjë shenjë se do të bashkëpunojë për verifikimin e të gjitha fakteve lidhur me sulmin e 24 shtatorit në Banjskë të Zveçanit dhe aktivitetin terrorist të grupit të udhëhequr prej mikut të tij, i cili iku për t’u strehuar në Serbi.

    Bashkimit Europian ka kërkuar që Beogradi të bashkëpunojë pa kushte në hetimet që do t’i bëjë Policia e Kosovës, ndërsa institucionet në Kosovë kanë paralajmëruar se do të kërkojnë ekstradimin e Radoiçiqit dhe të gjithë pjesëmarrësve të tjerë në sulm.

    Për terroristët që arritën të iknin dhe që Vuçiq tha se do të japin llogari në Serbi, u ofrua strehim dhe për tre prej tyre që u vranë, u shpall ditë zie kombëtare.

  • Bugajski për sulmin terrorist në veri: Edhe Moska dikur refuzonte të kishte dorë në sulmin në Krime

    Bugajski për sulmin terrorist në veri: Edhe Moska dikur refuzonte të kishte dorë në sulmin në Krime

    Analisti Janush Bugaiski ka folur në një intervistë për Euronews Albania, ka komentuar sulmet e 24 shtatorit në Veri, si dhe raportet Kosovë-Serbi.

    Tha se sulmi terrorist ne veri, ia kujton mënyrën se si Moska refuzonte të kishte dorë në sulmin në Krime e cila çoi në aneksimin e Krimesë dhe rezultoi që sigurisht që ishin të përfshirë që prej fillimit.

    Zoti Bugaiski, çfarë mendimi keni për ngjarjen që tronditi Kosovën mëngjesin e 24 shtatorit, sulmin terrorist ndaj policisë së Kosovës?

    Nuk do e quaja thjesht një sulm terrorist, mendoj se ishte një sulm shtetëror nga Serbia kundër Kosovës. Qartazi, sulmi u orkestrua nga qeveria serbe, nga shërbimi i sigurisë së Serbisë dhe qëllimi ishte të provokonte më tej tensionin dhe paqëndrueshmërinë dhe mendoj se ishte një provë për veprime të mëtejshme. Mendoj se është pjesë e një motivi përshkallëzimi që mendoj se Vuçiçi do e përdorte herë pas here për të minuar sovranitetin, pavarësinë dhe integritetin territorial të Kosovës.

    Edhe disa ditë pas sulmit, Milan Radoiçiç i cili ka qenë nënkryetar i Listës Serbe mori përsipër organizimin e këtij sulmi por refuzoi përfshirjen e Beogradit zyrtar. Është kjo një përpjekje për të mbrojtur presidentin serb nga ky sulm?

    Më kujton mënyrën se si Moska refuzonte të kishte dorë në sulmin në Krime e cila çoi në aneksimin e Krimesë dhe rezultoi që sigurisht që ishin të përfshirë që prej fillimit. Deklarata të tilla nuk gënjejnë askënd. Të dhënat tregojnë se shërbimet e inteligjencës së Serbisë, shërbimet e sigurisë së Serbisë, paratë serbe dhe pajisjet luftarake të Beogradit nga Serbia janë duke përshkallëzuar krizën në rajon dhe janë të përqendruar kryesisht në Kosovë.

    Se fundmi, zëdhënësi i BE-së, Peter Stano, deklaroi se Kosova ka mandat për hetimet dhe Serbia duhet të bashkëpunojë. Mendoni se Serbia do të ketë vullnet? Pra për të bashkëpunuar me Kosovën?

    Nuk e mendoj. Në cilat terma do të bashkëpunojnë? Nëse ata refuzojnë çdo lloj përfshirjeje në ato që janë duke ndodhur në Kosovë, qartazi ata janë duke u përpjekur të krijojnë konflikt, konflikte etnik. Po përpiqen të tregojnë sikur minoritetet janë duke u shtypur. Duan të destabilizojnë vendin. Mendoj se të gjitha këto hetimet duhet të kryhen nga ndërkombëtarët. Duhet të kryhen nga NATO-ja, nga BE-ja dhe nga Shtetet e Bashkuara. Mendoj se kjo është mënyra e vetme ti shkojmë në fund gjësë dhe të zbulojmë kush fshihet nga pas. Përndryshe mendoj që thjesht po humbasim kohën.

    BE-ja ka deklaruar se është në pritje të rezultateve të hetimit për të pasur një panoramë të gjerë të ndodhive. Çfarë rrezikon Serbia? Do të ketë sanksioni ndaj saj?

    Në rastin më të mirë po, do të ketë sanksione ndaj çdo veprimi të ndërmarr nga ana e Vuçiç, përfshirë këtu sulmin ndaj trupave të NATO-s përpara disa muajsh. Megjithatë asnjë masë nuk është marre në të vërtetë. Madje ka ndodhur e kundërta. Vuçiçi është lavdëruar dhe ka marrë përfitime nga më të ndryshmet nga BE-ja. Fatkeqësisht BE-ja nuk është mjaftueshëm serioze për të marre masa serioze kundër një shteti, kundër një qeverie e cila po destabilizon rajonin. Pra, unë nuk pres ndonjë sanksion të madh nga BE-ja

    Si e shikoni qasjen e Miroslav Lajçak dhe Josep Borrell në këtë proces. Kryeministri i Kosovës Albin Kurti i ka akuzuar ato se mbajnë anën e Serbisë.

    Ose mbajnë anën e Serbisë ose është kthyer në një lloj rutine. Dalin me mocione, bëjnë deklaratat e duhura, udhëtojnë, udhëtojnë shumë në të dyja kryeqytetet dhe në fund të ditës jo vetëm që nuk kemi asnjë rezultat por kemi të kundërtën e progresit, kemi regres. Pra mendoja që në fakt asnjë prej tyre nuk duhet të shërbeje më si i dërguar pasi kanë dështuar në punën e tyre. Nëse do ishin në çdo pozicion tjetër do të ishin zëvendësuar. Nëse pas gjithë këtyre viteve nuk mund të normalizoni dhe të krijoni marrëdhënie dypalëshe midis Kosovës dhe Serbisë atëherë politika juaj ka dështuar.

    Dhe si e shikoni zhvillimin e dialogut tani? Ka dështuar BE-ja dhe do të nevojitet një format tjetër dialogu midis Kosovës dhe Serbisë?

    Pasi Vuçiçi deklaroi se Serbia kurrë nuk do ta njoh Kosovën, gjë të cilën e tha para pak ditësh, do të thotë se gjatë regjimit të Vuçiçit nuk ka për të pasur një normalizim të marrëdhënieve midis dy vendeve, pra çfarë kuptimi kanë diskutimet? Mund të zgjidhni çështje të tjera siç janë zgjidhur sipas procesit të Brukselit gjatë viteve, por çështjet thelbësore thjesht nuk mund ti përballojë BE-ja. Mendoj se formati duhet të jetë i gabuar në këtë rast. Diplomatët e përfshirë si dhe formati kanë dështuar, kështu që ato duhen rishikuar dhe duhet të ketë më shumë presion ndaj Serbisë që të zbatoje marrëveshjet dhe të ece nëse jo drejt njohjes zyrtare, të paktën të mos bllokojë rrugën e Kosovës për njohje në vende të tjera si dhe anëtarësimin e saj në organizata të tjera.

  • Mandl: Vuçiq do përshkallëzim, njerëzit në Kosovë janë të frikësuar

    Mandl: Vuçiq do përshkallëzim, njerëzit në Kosovë janë të frikësuar

    Eurodeputeti austriak Lukas Mandl, ka kritikuar Përfaqësuesin e Lartë të BE-së për Politikë të Jashtme, Josep Borrell bashkë me anëtarët e tjerë të Komisionit, të cilët nuk morën pjesë në seancën e sotme në Parlamentin Evropian.

    Sipas Mandl, Komisioni ka dështuar me politikën e vetë në Ballkanin Perëndimor.

    “Komisioni nuk duhet t’i kthehet punës së vet të përditshme, sikur çdo gjë është në rregull. Duhet t’ia bëjë të qartë regjimit të Vuçiqit dhe të gjithë të tjerëve në atë anë, se njerëzit në Kosovë s’mund të provohen e duhet të ketë deeskalim”, tha Mandl.

    Më pas, ai shtoi se kosovarët janë të frikësuar pasi sjellja e Serbisë u kujton luftën, teksa ajo çka dëshiron Vuçiqi është vetëm përshkallëzimi.

    “Pas ngjarjeve të fundit njerëzit në Kosovë janë të frikësuar. Kujtimi i luftës dhe mizorisë është i pranishëm. Me udhëheqësit serbë, Komisioni Evropian nuk duhet t’i kthehet punës si zakonisht. Liderët e Kosovës mund të mos lejojnë të provokohen. Përshkallëzimi – çfarë dëshiron Vuçiq. Depërshkallëzimi – ajo që meriton bota” shtoi Mandl.

  • Gjuajtja me armë te “Kodra e Trimave” – Plagosen dy persona

    Gjuajtja me armë te “Kodra e Trimave” – Plagosen dy persona

    Një gjuajte me armë ka ndodh sonte në lagjen e njohur si “Kodra e Trimave” në Prishtinë.

    Si pasojë e gjuajtjeve kanë mbetur të plagosur dy persona.

    Njëri nga të plagosurit është T.K.

    Rastin e ka konfirmuar edhe Policia e cila ka treguar se “rreth orës 19:45, është raportuar për gjuajtje me armë zjarri në lagjen “Kodra e Trimave” në Prishtinë”.

    “Me të marrë informatën, policia ka dalë në vendin e ngjarjes dhe nga informacionet e para është bërë e ditur se ngjarja ka ndodhur brenda një dyqani dhe për pasojë dy persona kanë marrë plagë nga arma e zjarrit”.

    Policia ka njoftuar se të lënduarit janë dërguar në QKUK për trajtimin e nevojshëm mjekësor.

    “Policia ka vazhduar me veprime të tjera operativo-hetimore dhe atyre të ekzaminimit me ç’ rast ka gjetur dhe sekuestruar edhe një armë zjarri”.

    Bëhet e ditur se dy persona janë arrestuar nga Policia.

    “Dy persona janë arrestuar nga policia nën rrethana që ndërlidhen me ngjarjen, ndërkaq vijon puna për identifikimin e personave të tjerë të implikuar në rast si dhe zbardhjen e plotë të rrethanave të ngjarjes”.