ATV

Author: ATVLive

  • ​Hezbollahu pretendon se ka goditur objektin ushtarak izraelit me raketa

    ​Hezbollahu pretendon se ka goditur objektin ushtarak izraelit me raketa

    Grupi libanez Hezbollah njoftoi të mërkurën se ka vënë në shënjestër një vendndodhje ushtarake izraelite me raketa pranë zonës kufitare jugore të Dhayra.

    Në një deklaratë, grupi pohoi angazhimin e tij për të dhënë një “përgjigje vendimtare” ndaj agresionit izraelit kundër Libanit.

    Agjencia Shtetërore e Lajmeve, duke cituar deklaratën, raportoi: “Ky shënjestrim është një përgjigje e vendosur ndaj sulmeve sioniste që ndodhën të hënën e kaluar, duke rezultuar në humbjen e disa prej anëtarëve tanë”.

    Deklarata vazhdoi: “Luftëtarët e Rezistencës Islamike (duke iu referuar Hezbollahut) lëshuan raketa që goditën saktësisht vendin Jaradah pranë zonës Dhayra. Ky sulm shkaktoi viktima të konsiderueshme të konfirmuara në mesin e forcave izraelite, duke rezultuar në viktima dhe të plagosur.”

    Më herët të mërkurën, ushtria izraelite u kundërpërgjigj duke gjuajtur predha artilerie në drejtim të Libanit jugor, menjëherë pasi dy raketa u lëshuan nga territori libanez drejt qyteteve veriore të Izraelit.

    Në një deklaratë zyrtare, ushtria izraelite njoftoi: “Aktualisht jemi duke kryer një operacion brenda territorit libanez në përgjigje të gjuajtjes së një rakete antitank të drejtuar në një nga pozicionet tona”.

    Tre persona u plagosën të mërkurën si rezultat i bombardimeve izraelite në fshatrat dhe qytetet kufitare në Libanin jugor, sipas Agjencisë Kombëtare të Lajmeve të Libanit (NNA).

    “Sulmet e mëngjesit izraelit në fshatrat dhe qytetet kufitare në sektorin perëndimor shkaktuan dëme të konsiderueshme në prona dhe fusha bujqësore,” raportoi NNA.

    “Tre persona u plagosën në qytetin Marwahin, përveç rreth 10 shtëpive që u goditën drejtpërdrejt”, tha agjencia e lajmeve.

    “Rezervuari kryesor që furnizon me ujë fshatin Yarine ishte gjithashtu në shënjestër”, sipas të njëjtit burim.

    Të martën, Hezbollahu pretendoi se kishte vënë në shënjestër një tank izraelit Mirkava me dy raketa të drejtuara në vendndodhjen Sadah në perëndim të qytetit të Salha (Avivim), duke çuar në një goditje të drejtpërdrejtë dhe në shkatërrimin e plotë të tankut.

    Ushtria izraelite, në përgjigje, deklaroi se një raketë antitank ishte lëshuar nga territori libanez, duke synuar një nga automjetet e saj ushtarake në zonën “Avivim” në veri të vendit. Më pas, ata bombarduan një pikë ushtarake të lidhur me “Hezbollahun”.

    Në të njëjtën ditë, Hezbollahu vajtoi humbjen e tre prej anëtarëve të saj që u vranë gjatë një bombardimi izraelit të hënën në zonat kufitare në Libanin jugor.

    Ky përshkallëzim në frontin verior izraelit ka shkaktuar shqetësime ndërkombëtare për zgjerimin e armiqësive në frontin libanezo-izraelit.

    Forca e Përkohshme e Kombeve të Bashkuara në Liban (UNIFIL), forca paqeruajtëse ndërkombëtare, i kërkoi Libanit dhe Izraelit të ushtrojnë përmbajtje mes frikës se përleshjet midis dy palëve mund të përshkallëzohen në luftë.

    “Ne gjithmonë komunikojmë me autoritetet libaneze dhe izraelite në të dyja anët e Linjës Blu dhe ne bëjmë thirrje për përmbajtje”, tha UNIFIL në një deklaratë.

    Në një përshkallëzim dramatik të tensioneve në Lindjen e Mesme, forcat izraelite kanë nisur një fushatë të qëndrueshme dhe të fuqishme ushtarake kundër Rripit të Gazës, një përgjigje ndaj një ofensive ushtarake të grupit palestinez Hamas në territoret izraelite.

    Konflikti filloi kur Hamasi nisi Operacionin Al-Aksa Flood kundër Izraelit, një sulm i papritur i shumëfishtë duke përfshirë një breshëri lëshimesh raketash dhe infiltrimesh në Izrael nëpërmjet tokës, detit dhe ajrit, për të cilin Hamasi tha se ishte në hakmarrje për sulmin ndaj Al -Xhamia Aksa në Jerusalemin Lindor të pushtuar dhe dhuna në rritje e kolonëve izraelitë kundër palestinezëve.

    Në përgjigje të veprimeve të Hamasit, ushtria izraelite nisi operacionin Shpatat e Hekurt kundër objektivave të Hamasit brenda Rripit të Gazës. Përgjigjja e Izraelit është shtrirë në ndërprerjen e furnizimit me ujë dhe energji elektrike në Gaza, duke përkeqësuar më tej kushtet e jetesës në një zonë që është përfshirë nga një rrethim i madh që nga viti 2007./AA

  • Zyrtare: Merret vendimi për ndeshjen mes Kosovës e Izraelit

    Zyrtare: Merret vendimi për ndeshjen mes Kosovës e Izraelit

    Ndeshja mes Kosovës e Izraelit përfundimisht nuk do të zhvillohet. Kështu ka bërë të ditur sot presidenti i Federatës së Futbollit të Izraelit, Moshe Zuarez.

    I pari i futbollit në Izrael ka deklaruar se momentalisht askush nuk e ka mendjen te futbolli dhe presin që UEFA të caktojë një datë tjetër për ndeshjen ndaj Kosovës, e cila nuk pritet të jetë afër.

    “Ne presim të dimë kohën e lojës së shpejti, por sigurisht që nuk do të ndodhë shumë shpejt. Për momentin, askush nuk mendon të luajë futboll. Situata në vendin tonë është e tmerrshme dhe shpresojmë që e gjithë kjo të përfundojë së shpejti”, tha Zuarez.

    Kosova e Izraeli ishte paraparë të ballafaqohen më 15 tetor në stadiumin “Fadil Vokrri” në Prishtinë, në kuadër të ndeshjeve kualifikuese për Kampionatin Evropian “Euro 2024”.

    Kosova ndodhet në pozitën e parafundit në Grupin I me vetëm katër pikë nga gjashtë ndeshje të zhvilluara, ndërsa Izraeli ka 11 pikë duke u pozicionuar në vendin e tretë.

    Ndeshja është shtyrë për shkak të luftës mes Izraelit e Palestinës që ka nisur tash e sa ditë.

  • ​Shqyrtohet raporti vjetor financiar i RTK-së: Reformimi do të bëhet nga viti i ardhshëm

    ​Shqyrtohet raporti vjetor financiar i RTK-së: Reformimi do të bëhet nga viti i ardhshëm

    Komisioni për buxhet, punë dhe transfere edhe në mbledhjen e sotme ka shqyrtuar raportin vjetor financiar të Radio Televizionit të Kosovës për vitin 2022. Nga bordi udhëheqës i RTK-së u tha se ky raport është shumë më i mirë se ai i 2021.

    Drejtori i Përgjithshëm i RTK-së, Shkumbin Ahmetxhekaj, paralajmëroi se prej janarit të vitit 2024 do të reformohet dhe ristrukturohet televizioni publik në bazë të planeve dhe strategjisë që janë duke përgatitur.

    Duke iu përgjigjur deputetëve opozitarë, ai tha se RTK u jep hapësirë ngjarjeve protokollare në bazë të hierarkisë së institucioneve ndërsa nënvizoi se të njëjtën e ka edhe gjykimi i ish-krerëve të UÇK-së në Hagë.

    Krahas kësaj ai tha se RTK do të ketë edhe skemën e re programore./KP

  • Gazetarja e ATV-së zbulon çfarë tha Stoltenberg për Kosovën, para ministrave të mbrojtjes të vendeve anëtare të NATO-s

    Gazetarja e ATV-së zbulon çfarë tha Stoltenberg për Kosovën, para ministrave të mbrojtjes të vendeve anëtare të NATO-s

    Sekretari i përgjithshëm i NATO-s, Jens Stoltenberg, në konferencën e sotme për media, ka folur për praninë e Aleancës veri-atlantike nëpërmjet misionit të saj KFOR në Kosovë.

    Këtë e ka konfirmuar gazetarja e ATV-së, Flaka Vitaku, në një lidhje të drejtpërdrejt nga Brukseli ku po mbahet takimi i takimi i ministrave të mbrojtjes të të gjitha shteteve anëtare të NATO-s, takim ky që do të vazhdojë sot dhe nesër gjatë tërë ditës, për të diskutuar çështjet që po ndodhin në gjithë botën.

    “Në ora tetë e mëngjesit edhe sekretari i përgjithshëm i NATO-s Jens Stoltenberg, mbajti pra fjalimin hapës të kësaj ceremonie organizimi dyditor, i cili pas saj mbajti një fjalim, ku pastaj edhe priti të gjitha delegacionet, ku si delegacion i parë ishte ai i Ukrainës, bashkë me presidentin e Ukrainës, Volodymyr Zelensky, me të cilën mbajtën edhe një konferencë për media, ku u fol se aty do të vazhdojnë që të implementohen tani e tutje të gjitha vendimet të cilat u morën samit të këtij viti, samitin e NATO-s i cili u mbajt në Vilnius të Lituanisë. Me këtë rast u përmendën nga sekretari i përgjithshëm i NATO-s, Jens Stoltenberg edhe Kosova, duke thënë saktësisht se “do e adresojmë si çështje prezencën e NATO-s në Kosovë, sepse ne po shohim ngritje të tensioneve në atë pjesë, andaj që ne do të punojmë drejt të shtimit të forcave të NATO-s edhe prezencës tonë në Kosovë”, tregon gazetarja Vitaku.

    Ajo tha se Kosva dhe Ballkanit Perëndimor pritet të diskutohen në këto takime, detaje të të cila do të japë sekretari Stoltenberg në takimet e radhës me media.

    “Sigurisht se Kosova edhe pse nuk është specifikisht pjesë e agjendës të këtij takimi dyditor të ministrave të Mbrojtjes, Kosova edhe Ballkani Perëndimor do të diskutohen në përgjithësi, duke marrë parasysh tensionet të cilat ndodhën edhe javët e kaluara në këtë pjesë të Ballkanit Perëndimor, duke diskutuar edhe shtimin e prezencës së NATO-s me misionin më të madh të cilin NATO-s e ka në Kosovë, që është KFOR-i. Sot dhe nesër gjithashtu sekretari i përgjithshëm i NATO-s, Stoltenberg do të mbajë edhe konferenca për media, nëpërmjet të cilave ai do të japë edhe më shumë detaje se çfarë do të ndërmirret edhe drejt Kosovës dhe Ballkanit Perëndimor për të ulur tensionet të cilat edhe Stoltenberg i përmendi që tashmë po e shohin që janë ngritur ato edhe do të punojnë në drejtë të shtimit të rritjes së forcave të NATO-s në Kosovë”, tregon gazetarja Flaka Vitaku drejtpërdrejt nga Brukseli. /atvlive.tv

  • KFOR-i furnizohet me armatim të “fuqisë luftarake”

    KFOR-i furnizohet me armatim të “fuqisë luftarake”

    Një komandant i lartë i NATO-s tha të martën se aleanca e ka pajisur misionin e saj paqeruajtës në Kosovë, KFOR-in, me armë të “fuqisë luftarake”, që lindi si nevojë pas sulmit terrorist të Serbisë në Banjskë, në krye me Milan Radojiçiqin.

    Admirali Stuart Munsch i Komandës së Forcave të Përbashkëta Aleate në Itali i ka thënë Associated Press se një batalion prej rreth 200 trupash nga Mbretëria e Bashkuar dhe 100 të tjerë nga Rumania, po sjell armatim më të rëndë në mënyrë që të ketë “fuqi luftarake” për Kosovën.

    Munsch tha se aleanca e NATO-s është gati të shtojë edhe më shumë trupa dhe armatime për ta ruajtur paqen.

    Ndërsa, Komandanti në largim i KFOR-it, gjeneralmajor Angelo Michele Ristuccia tha se KFOR-i mbështet plotësisht dialogun e ndërmjetësuar nga BE-ja midis Prishtinës dhe Beogradit për normalizimin e raporteve.

  • Avokati mbështetës i dëshmitarit të 29-të: Klienti im nuk është i gatshëm të dëshmojë, por i gatshëm të shkojë në burg

    Avokati mbështetës i dëshmitarit të 29-të: Klienti im nuk është i gatshëm të dëshmojë, por i gatshëm të shkojë në burg

    Avokati mbështetës i dëshmitarit të 29-të, ka thënë se klienti i tij nuk po ndjehet mirë, duke thënë se ai nuk dëshiron të dëshmojë, por është i gatshëm të shkojë në burg.

    “Klienti im është shumë i stresuar, nuk është i gatshëm të japë dëshmi, por i gatshëm të shkojë në burg”, tha ai.

    Avokati mbështetës i dëshmitarit 29-të, e tha këtë pasi kanë filluar pyetjet e prokurores Clara Laëson për dëshmitarin, raporton “Betimi për Drejtësi”.

    Avokati mbështetës i dëshmitarit të 29-të, ka thënë se klienti i tij nuk po ndjehet mirë, duke thënë se ai nuk është i gatshëm të dëshmojë, por është i gatshëm të shkojë në burg.

    “Klienti im është shumë i stresuar, nuk është i gatshëm të japë dëshmi, por i gatshëm të shkojë në burg”, tha ai.

    Avokati mbështetës i dëshmitarit 29-të, e tha këtë pasi kanë filluar pyetjet e prokurores Clara Laëson për dëshmitarin.

  • Konjufca: Gjermania mbetet partner i pazëvendësueshëm për Kosovën

    Konjufca: Gjermania mbetet partner i pazëvendësueshëm për Kosovën

    Kryetari i Kuvendit të Kosovës, Glauk Konjufca, në kuadër të vizitës së tij në Gjermani është takuar me Anton Hofreiter, Kryetarin e Komisionit për Çështjet Evropiane në Bundestagun Gjerman.

    Ai ka njoftuar se me anëtarë të tjerë të këtij komisioni patën mundësi të shkëmbenim perspektivat rreth çështjeve të interesit të përbashkët.

    “Z. Hofreiter e falënderova për mikpritjen dhe i shpreha mirënjohje për kontributin e tij, të komisionit që drejton dhe të shtetit gjerman ndaj Republikës së Kosovës, veçanërisht në çështjet e proceseve integruese evropiane, ekonomisë dhe energjisë së qëndrueshme dhe liberalizimit të vizave”, shkroi Konjufca në Facebook.

  • Amerika i dhuron Policisë shtatë dronë, Hovenier: Përkrahja nuk do të mungojnë asnjëherë

    Amerika i dhuron Policisë shtatë dronë, Hovenier: Përkrahja nuk do të mungojnë asnjëherë

    Policia e Kosovës dhe Inspektorati Policor, kanë përfituar donacion shtatë dronë nga Ambasada e Shteteve të Bashkuara të Amerikës, përmes projektit ndërmjet INL-DOS dhe ICITAP-DOJ, raporton EO.

    Ambasadori i Shteteve të Bashkuara të Amerikës në Kosovë Jeffrey Hovenier, tha se shteti i tij është i përkushtuar që ta ndihmojë Policinë. Ai madje tha se përkrahja nuk do të mungojnë asnjëherë.

    “7 dronë që i dhurojmë Policisë dhe IPK-së, do të ndihmojnë në luftimin e dukurive negative. Do të jenë burim jetik për të luftuar krimet e organizuara dhe luftimin e kontrabandës. Marrja e informatave të mira do të ndihmojë edhe marrjen e veprimeve me kohë”.

    “Mbështetja për IPK, ne i japim mbështetje transparencës dhe llogaridhënies, prandaj do të punojmë me Policinë drejt quarjes përpara veprimet që janë në të mirë të qytetarëve. Dua të them se gjatë pesë viteve të fundit, ShBA-ja ka ofruar mbi 20 milionë dollarë mbështetje në forma të ndryshme për organizatat e policisë”, tha tutje Hovenier.

    Drejtori i Përgjithshëm i Policisë së Kosovës kolonel Gazmend Hoxha, falënderoi Amerikën për ndihmën e vazhdueshme në përkrahje të Policisë në shtimin e kapaciteteve e modernizimin e pajisjeve.

    “Është gjithmonë kënaqësi ta kemi ambasadorin për mbështetjen e Policisë por edhe të shtetit, andaj e çmojnë mbështetjen ndër vite për shtetin tonë e sidomos për ditët e fundit kur e humbëm rreshterin Afrim Bunjaku. Në lidhje me donacionin është i nevojshëm dhe i çmueshëm për Policinë dhe do të ndihmojë në ngritjen kapaciteteve tona por edhe në aspektin e protestave dhe të manifestimeve të ndryshme. Janë dronë që janë selektuar nga ekspertët tanë”, tha Hoxha.

    “Kjo ka bërë që edhe operacioni i 24 shtatorit të jetë i suksseshëm dhe është incizuar nga dronët që i kemi aktualisht”, tha tutje Hoxha.

    Drejtori i Inspektoratit Policor të Kosovës, Taulant Hodaj, tha se pajisje të tilla do t’i ndihmojë që ta mbajmë lartë profesionalizmin dhe ta monitorojmë punën e Policisë, raporton EO.

    “Si IPK po mundohemi që të jemi të përkushtuar që ta mbajmë nivelin e profesionalizmit të Policisë së Kosovës. Mbështetja me këshilla e me pajisje, ka bërë që të ngritet profesionalizmi për Policinë e Kosovës. Pajisje të tilla siç janë këta dronë, do na ndihmojë që ta mbajmë lartë profesionalizmin dhe ta monitorojmë punën e Policisë”, tha ai.

  • Lansohet fushata “Të Gëzoheni me Fëmijë”, Kurti: Vajza është dhurata më e çmuar – “Kush ka vajza botën ka”

    Lansohet fushata “Të Gëzoheni me Fëmijë”, Kurti: Vajza është dhurata më e çmuar – “Kush ka vajza botën ka”

    Është bërë lansimi i Fushatës “Të Gëzoheni me Fëmijë”, e udhëhequr nga UNFPA në partneritet me IPKO Foundation, në shënim të Ditës Ndërkombëtare të Fëmijës Vajzë, raporton Ekonomia Online.

    Nga të pranishmit u pohua se fushata ka për qëllim që të rrisë ndërgjegjësimin në lidhje me çështjen sensitive të abortit selektiv në Kosovë dhe ndërlidhjen e saj me qasjen e pabarabartë të vajzave në edukim, me qëllim të ndërmarrjes së nismave më efektive për ta adresuar këtë shqetësim.

    Kryeministri i Kosovës, Albin Kurti, i cili u adresua me një video-mesazh gjatë eventit, tha se “Vajza ë është dhurata më e çmuar – Kush ka vajza botën ka”.

    “I duhet shtëpisë një djalë është një shprehje që ende e dëgjojmë në shoqërinë tonë. Dukuria që prish raportin natyror të lindjeve nuk duhet që të ketë vend më në Kosovë. Vajza jonë është dhurata më e çmuar për mua dhe Ritën. T’i themi jo praktikës dhe preferencës për djalë sepse kush ka vajzën botën ka”, tha ai.

    Përderisa ministri i Shëndetësisë, Arben Vitia, tha se po punohet në vazhdimësi në përmirësimin e kushteve e shërbimeve.

    “Dikush më tha ‘Ishalla gratë po e ndihmojnë këtë shoqëri se na burrat s’po mundemi”. Gratë dhe vajzat kanë qenë çdo herë promotor i lëvizjeve në çdo institucion. Kjo ditë nxjerr në pah barrierat me të cilat përballen gratë dhe vajzat. Nuk kemi të dhëna të sakta për abortin, dhe kjo është një sfidë. Në vitin 2022 janë raportuar më shumë se 1 200 aborte. Sa më të forta të jenë vajzat aq më e fortë është edhe shoqëria”.

    Ministrja e Arsimit, Shkencës, Teknologjisë dhe Inovacionit, Arbërie Nagavci, tha se qasja në arsim do të jetë e barabartë për të gjithë, e sidomos për vajzat, raporton EO.

    Ajo më tej shtoi se do të punojnë që gratë të jetë në forta e profesioniste duke garantuar jo vetëm fuqizimin e tyre, por edhe zhvillimin e tërë shoqërisë.

    “Kjo ngjarje do të ndihmojë që të vihen në pah sfidat dhe vështirësitë që përballen vajzat. Hapa përpara po bëjmë edhe ne për vajzat. Do të sigurojmë gra të forta e profesioniste në të ardhmen duke garantuar jo vetëm fuqizimin e tyre por të tërë shoqërisë. Investimi në vajzat është investim që mundëson zhvillimin e shoqërisë së shëndosh në të ardhmen. Sfidat janë të ngjashme me të gjitha vendet e botës, po ofrojmë bursa edhe për shkollim. Aborti selektiv ndikon edhe në ekuilibrin jetësor. Mënyra më e mirë për parandalimin e kësaj dukurie ka edhe edukimi edhe arsimimi”.

    Drejtoresh e UNFA-së, Visare Mujku-Nimani, tha se janë të angazhuar për të promovuar të drejta e grave në çdo sferë.

    Ajo ka apeluar për trajtim të barabartë duke kërkuar që të trajtohet edhe shkaqet e pasojat e diskriminimit.

    “UNFA është e angazhuar fuqimisht për të promovuar të drejtat e grave. Ne duhet të trajtojmë edhe shkaqet e diskriminimin në bazë gjinore. Mosdiskrimin nuk duhet të jetë vetëm slogan, por duhet të jetë fundament për çdo shoqëri. Ne duhet të apelojmë për trajtim të barabartë. Për të luftuat këtë dukuri duhet të punojmë në të gjitha institucionet”.

  • Të paktën shtatë gazetarë të vrarë në luftën Izrael-Hamas

    Të paktën shtatë gazetarë të vrarë në luftën Izrael-Hamas

    Disa gazetarë po e bëjnë sakrificën përfundimtare ndërsa mbulojnë zhvillimet në luftën midis Izraelit dhe Hamasit.

    Të paktën shtatë gazetarë janë vrarë në Rripin e Gazës që kur Hamasi filloi sulmin e paprecedentë të shtunën, sipas grupeve të lirisë së shtypit dhe raportimeve të mediave. Ky numër mund të rritet edhe më tej ditëve në vijim pasi Izraeli po kryen sulme hakmarrëse kundër Hamasit, ndërkohë që grupi terrorist vazhdon të kryejë ofensivën e tij kundër shtetit hebre, raporton CNN.

    Gjakderdhja nënvizon rrezikun shumë real që gazetarët marrin përsipër ndërsa raportojnë nga zonat e konfliktit, duke mbledhur informacion në rrethana jashtëzakonisht të vështira për ta mbajtur botën të informuar dhe për t’i mbajtur autoritetet përgjegjëse për atë që po ndodh në terren.

    “Në shumë mënyra, gazetarët më të cenueshëm janë ata që duhen më shumë”, vuri në dukje të martën Sherif Mansour, një koordinator i Komitetit për Mbrojtjen e Gazetarëve që mbikëqyr Lindjen e Mesme.