Një veturë e EULEX-it me mbishkrimin ZPS në këto momente është duke bastisur shtëpinë e ish-shefit të AKI-së, Bashkim Smaka, raporton ATV.
Nuk dihen ende detaje veç pamjeve të bastisjes, me gjasë me urdhër të Zyrës së Prokurorisë së Hagës.
Gjithashtu, bastisje janë kryer edhe në shtëpinë e Blerim Shalës, ish këshilltar i Hashim Thaçit. /atvlive.tv
Gjykata Speciale e ka bastisur mëngjesin e sotëm banesën e ish-këshilltarit të ish-presidentit Hashim Thaçi, Blerim Shalës.
Burime të KosovaPress-it bëjnë të ditur se bastisja ka filluar në ora 7:00 në mëngjes dhe se tashmë ka përfunduar. Sipas të njëjtit burim, nga aty janë konfiskuar disa telefona.
Ngjarja prestigjioze e futbollit botëror, Topi i Artë është do të zhvillohet sonte në Paris.
Lionel Messi është kandidati favorit për ta fituar Topin e tetë të Artë të karrierës së tij të jashtëzakonshme.
Çmimi prestigjioz është dominuar gjatë 15 viteve të fundit nga Messi dhe kundërshtari i tij i vjetër Cristiano Ronaldo , të cilët e kanë fituar atë 12 herë mes tyre. Vetëm dy lojtarë të tjerë kanë fituar Topin e Artë që kur Ronaldo fitoi të parin në vitin 2008. Luka Modric e fitoi atë në vitin 2018 dhe Karim Benzema u kurorëzua vitin e kaluar pas një sezoni të shkëlqyer me Real Madridin.
Policia e Kosovës njofton se është arrestuar një person në Prishtinë dhe gjatë kontrollit i është gjetur dhe konfiskuar një armë dhe substanca narkotike.
Në raportin e policisë thuhet se gjatë kontrollit i janë gjetur dhe konfiskuar edhe dy karikator dhe 23 fishekë, si dhe një sasi e substancës së dyshuar narkotike e llojit marihuana.
“Është arrestuar i dyshuari mashkull kosovar, pasi që gjatë kontrollit tek i njëjti është gjetur dhe konfiskuar një armë zjarri me dy karikator dhe 23 fishekë dhe një sasi e substancës së dyshuar narkotike e llojit marihuanë. Me vendim të prokurorit, i dyshuari është dërguar në mbajtje”, thuhet në raportin 24 orësh të policisë.
Millovan Bozoviq është shpallur fajtor për djegien e dy veturave me targa RKS në Zubin Potok, dhe është dënuar nga Gjykata Themelore e Prishtinës me shtatë muaj burgim, raporton ATV.
Bozoviq, sipas aktakuzës Prokurorisë Speciale, me 30 mars 2023 në Zubin Potok kishte marrë pjesë në turmën e mbledhur prej më shumë se 8 personave.
Bozhoviqit, i akuzuar për veprën penale “pjesëmarrje në turmë që kryen vepra penale dhe huliganizëm”, do t’i llogaritet koha e kaluar në paraburgim.
Dy qytetarët serbë të cilët kishin deklaruar në atë periudhë se i kanë konvertuar targat në RKS, nuk kanë kërkuar dëmshpërblim. /atvlive.tv
Lajmi se partneri emocional i Sandra Bullock, Bryan Rendall, vdiq në moshën 57-vjeçare në fillim të gushtit kapi njerëzit në mbarë botën.
Fotografi i njohur dhe ish-modelja luftoi me sklerozën laterale amiotrofike për tre vjet në fshehtësi të rreptë.
Për herë të parë që nga humbja e partnerit të saj, Sandra Bullock u fotografua me vajzën e saj Lyla dhe truprojën e saj në Los Angeles të enjten, me nënën dhe vajzën të kapur për dore teksa ecnin.
Aktorja e njohur është shfaqur pa grim, me fytyrë të zbehtë dhe sy të pikëlluar, e duke qenë se nuk ndahet nga fëmijët, nuk ka dyshim se ata janë mbështetja dhe ngushëllimi më i madh i saj pas humbjes së burrit të saj të dashur.
Kujtojmë se Sandra Bullock, e cila është 59 vjeç dhe Bryan, dy vjet më i ri, u njohën në janar të 2015-ës, kur fotografoi ditëlindjen e djalit të saj Luis.
Ata u miqësuan shumë shpejt dhe pas disa kohësh mes tyre lindën emocione dhe hynë në një marrëdhënie emocionale. Sandra adoptoi dy fëmijë, por kurrë nuk e mendoi seriozisht martesën.
Trepça ka shënuar fitore në Prizren ndaj Bashkimit me rezultat 77:99 (18:33, 19:23, 23:20, 17:23), në javën e gjashtë të Prince Caffe Superligës.
Mysafirët e nisën ndeshjen më mirë, me një seri prej 4:14 dhe gjatë gjithë çerekut të parë ishin në epërsi, duke e ngritur atë në 15 pikë, 18:33, sa përfundoi kjo pjesë. “Xehetarët” vazhduan me lojë të mirë dhe shtoi epërsinë në 23 pikë, 26:49, kurse pjesa e parë përfundoi 37:56.
Prizrenasit u munduan të rikthehen në periudhën e tretë për të afruar rezultatin në 60:70, sidoqoftë, Galloëay me dy treshe radhazi ngrit epërsinë në 60:76, sa ishte rezultati pas 30 minutash. Në dhjetë minutat e fundit nuk kishte ndonjë ndryshim të madh me Trepçën që ruajti epërsinë, madje e shtoi për të triumfuar 77:99.
Te Bashkimi më i miri ishte Grant Lozoya me 21 pikë, ndërsa te Trepça më të mirët ishin Drilon Hajrizi me 20 pikë e nëntë kërcime dhe Isaiah Ross e debutuesi Brevin Galloëay me nga 20 pikë.
Bashkimi ka tri fitore e tri humbje, kurse Trepça pesë fitore e një humbje.
Kryesia e Kuvendit të Kosovës sot do të mbajë mbledhjen e radhës.
Mbledhja do të fillojë në orën 11:00.
Rendi i ditës
I. Miratimi i procesverbaleve të mbledhjeve të mëparshme të Kryesisë së Kuvendit,
II. Pikat e papërfunduara nga Seanca plenare, e mbajtur më 28 shtator, 4 dhe 26 tetor 2023:
18. Shqyrtimi i parë i Projektligjit nr.08/L-241 për vlerësimin strategjik mjedisor,
19. Shqyrtimi i parë i Projektligjit nr.08/L-242 për performancën energjetike të ndërtesave,
20. Shqyrtimi i parë i Projektligjit nr.08/L-246 për administrimin e ndërtesave dhe lagjeve të banimit në bashkëpronësi,
21. Shqyrtimi i parë i Projektligjit nr.08/L-240 për Agjencinë e Regjistrimit Civil.
III. Seanca e veçantë:
1. Miratimi i Deklaratës në mbështetje të Rezolutës së Parlamentit Evropian e datës 19 tetor 2023 mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës (2023/2880(RSP).
IV. Pikat e papërfunduara nga Seanca plenare, e mbajtur më 5 dhe 12 tetor 2023:
3. Votimi i Projektligjit nr.08/L-251 për ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve dhe Bankës Evropiane për Investime për projektin “Rehabilitimi i linjës hekurudhore 10 B”,
4. Shqyrtimi i Projektligjit nr.08/L-252 për ratifikimin e Marrëveshjes në mes Republikës së Kosovës, e përfaqësuar nga Ministria e Bujqësisë, Pylltarisë dhe Zhvillimit Rural dhe Deutsche Gesellschaft für Zusammenarbeit (GIZ) GmbH, për projektin mbështetja për zhvillimin e qëndrueshëm të sektorit të bujqësisë në zonat rurale përmes diversifikimit të aktiviteteve,
6. Votimi në lexim të dytë i Projektligjit nr. 08/L-211 për Verëra,
10. Formimi i Komisionit Ad-Hoc për përzgjedhjen e kandidatëve për një (1) anëtar të Komisionit të Pavarur të Mediave, nga radhët e komuniteteve jo shumicë,
11. Propozimi i grupeve parlamentare për emërimin dhe zëvendësimin e anëtarëve në Komisionin Hetimor Parlamentar në lidhje me rastet e dhunës seksuale dhe dhunës në familje në Republikën e Kosovës.
V. Pikat e papërfunduara nga Seanca plenare, e mbajtur më 19 tetor 2023:
6. Votimi për emërimin e 3 (tre) anëtarëve vendorë të Këshillit Shtetëror të Cilësisë të Agjencisë së Kosovës për Akreditim,
7. Votimi i Projektligjit nr.08/L-221 për ratifikimin e Marrëveshjes së kredisë dhe projektit ndërmjet Republikës së Kosovës, përfaqësuar nga Ministria e Financave, Punës dhe Transfereve, KOSTT (Operator Sistemi, Transmisioni dhe Tregu sh. a.) dhe KFW, Frankfurt Am Main (KFW) për Projektin -Zhvillimi i sektorit të energjisë VII – përmirësimi i rrjetit të transmetimit,
8. Votimi i Projektligjit nr.08/L-222 për ratifikimin e Marrëveshjes së kredisë në mes të Republikës së Kosovës dhe Bankës Evropiane për rindërtim dhe zhvillim për Projektin “Ngrohtorja solare e Prishtinës”,
9. Votimi i Projektligjit nr.08/L-223 për ratifikimin e Marrëveshjes për bashkëfinancimin e bursave të arsimit të lartë në nivelin master në mes Ministrisë së Arsimit, Shkencës, Teknologjisë dhe Inovacionit dhe Ambasadës së Francës në Prishtinë,
10. Votimi në parim i Projektligjit nr.08/L-207 për tekstet shkollore,
11. Shqyrtimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,
12. Shqyrtimi i Projektligjit nr.08/L-236 për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,
13. Shqyrtimi i Projektligjit nr.08/L-253 për Aderimin e Republikës së Kosovës në Konventën për Importin e Përkohshëm,
14. Shqyrtimi i Projektligjit nr.08/L-254 për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,
15. Votimi në parim i Projekt Kodit nr.08/L-247 Doganor dhe i Akcizave,
17. Shqyrtimi i parë i Projektligjit nr.08/L-244 për ndryshimin dhe plotësimin e Ligjit nr. 06/L-043 për Lirinë e Asociimit në Organizata Joqeveritare,
20. Shqyrtimi i rekomandimit të Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit për shkarkimin e z. Agron Beka nga pozita e anëtarit të Këshillit Prokurorial të Kosovës,
21. Shqyrtimi i Raportit vjetor financiar të Buxhetit të Republikës së Kosovës, për vitin 2022,
22. Formimi i Komisionit Ad-hoc për përzgjedhjen e kandidatëve për dy (2) anëtarë të Bordit për Ankesa të Mediave.
VI. Propozimi i rendit të ditës për Seancën plenare të radhës:
1. Deklarimet jashtë rendit të ditës,
2. Pyetjet parlamentare,
3. Votimi i Propozim-Rezolutës për mbështetjen urgjente financiare të Policisë së Kosovës,
4. Votimi i Projekt-Rezolutës nga debati parlamentar në lidhje me nevojën për ngritjen e koeficientit të pagave,
5. Shqyrtimi i dytë i Projektligjit nr.08/L-208 për Parqet Industriale dhe Teknologjike,
6. Shqyrtimi i dytë i Projektligjit nr.08/L-237 për kadastër të pronës së paluajtshme,
7. Shqyrtimi i parë i Projektligjit nr. 08/L-257 për Administrimin e Procedurave Tatimore,
8. Shqyrtimi i parë i Projektligjit nr.08/L-258 për promovimin e përdorimit të burimeve të ripërtërishme të energjisë,
9. Shqyrtimi i rekomandimeve lidhur me Raportin e Auditorit të Përgjithshëm për Raportin Vjetor Financiar të Buxhetit të Republikës së Kosovës, për vitin 2022,
10. Zgjedhja e 3 (tre) anëtarëve të Komisionit të Pavarur të Mediave,
11. Zgjedhja e 1 (një) anëtari të Bordit të Radiotelevizionit të Kosovës, nga radha e komunitetit serb,
12. Miratimi i buxhetit të Komisionit Hetimor Parlamentar në lidhje me rastet e dhunës seksuale dhe dhunës në familje.
VII. Shqyrtimi i propozimeve dhe i kërkesave
Mangani, një element kimik i dëmshëm për organizimin e njeriut, edhe më tej është prezent në ujin e liqenit akumulues të Badocit. Nga kompania e ujësjellësit deklarojnë se gjendja po shkon drejt përmirësimit, por Instituti Kombëtar i Shëndetësisë Publike rikujton se uji mund të përdoret për gjëra të tjera, por jo për konsum.
Banorët e lagjes Mati 1 në kryeqytet janë ankuar që gjatë javës kanë pasur reduktime të ujit. Ata kanë thënë se përveç reduktimit edhe nuk po e përdorin ujin.
Zëdhënësja e KRU Prishtina, Arieta Mjeku, tha se nuk kanë ankesa për mosfurnizim në këto lagje.
“Këto lagje, si lagjet e tjera të Badocit, kanë mungesë uji sepse e kemi zvogëluar kapacitetin e prodhimit nga 480 l/s në 180 l/s për ta ruajtur cilësinë e ujit. Ne po shpërndajmë ujë të pijshëm me autobote në të gjitha zonat e prekura”, tha ajo.
Ndërkohë, Instituti Kombëtar i Shëndetësisë Publike njofton se është duke vazhduar monitorimin dhe përcjelljen në vazhdimësi të cilësisë së ujit në Liqenin akumulues të Badocit.
Instituti deklaron se nuk ka vend për panik.
Nga IKSHPK-ja njoftuan se analizat e fundit laboratorike tregojnë se akoma nuk janë arritur standardet e përcaktuara në udhëzimin administrativ, derisa njoftoi qytetarët që furnizohen nga Liqeni i Badocit se uji mund të përdoret për pastrim, mirëmbajtje të higjienës dhe ambienteve të banimit, si dhe për nevoja të tjera.
Instituti deklaron se uji nuk duhet të vlohet para përdorimit për shkak të mundësisë së koncentrimit të manganit.
Këshilli i Sigurimit i OKB-së do të mbajë një takim urgjent më vonë për krizën humanitare në Rripin e Gazës, pasi Izraeli zgjeroi operacionin e tij tokësor në territorin palestinez gjatë fundjavës.
Gjatë takimit, të kërkuar nga Emiratet e Bashkuara Arabe, Këshilli i Sigurimit do të përditësohet nga UNRWA, agjencia e OKB-së që ofron ndihmë për palestinezët.
Të shtunën, sekretari i Përgjithshëm i OKB-së, António Guterres shprehu keqardhjen që Izraeli kishte intensifikuar operacionet ushtarake në vend që të lejonte një pauzë të nevojshme humanitare të mbështetur nga komuniteti ndërkombëtar, raporton BBC, transmeton Klankosova.tv.
Këshilli i Sigurimit deri më tani ka dështuar në katër përpjekje për të siguruar një rezolutë të armëpushimit, për shkak të vetos së tyre ose Rusisë ose SHBA-së.