ATV

Author: A.H.

  • Dobësitë në zbatimin e ligjit po mundësojnë vazhdimin e shfrytëzimit ilegal të rërës dhe zhavorrit nga lumenjtë

    Dobësitë në zbatimin e ligjit po mundësojnë vazhdimin e shfrytëzimit ilegal të rërës dhe zhavorrit nga lumenjtë

    Demokraci Plus (D+) ka publikuar analizën “Shfrytëzimi ilegal i rërës dhe zhavorrit nga lumenjtë dhe degradimi i ekosistemeve lumore”, e cila analizon sfidat në parandalimin dhe trajtimin e kësaj dukurie në Kosovë. Analiza tregon se sfida kryesore nuk qëndron te mungesa e legjislacionit, por te zbatimi i tij në praktikë.

    Gjetjet identifikojnë tri probleme kryesore që kufizojnë reagimin institucional: kapacitetet e pamjaftueshme për inspektim dhe monitorim, koordinimin e dobët ndërinstitucional dhe sfidat në procedurat gjyqësore.

    Sipas analizës, sipërfaqja e degraduar përgjatë lumenjve është rritur nga 1,762.71 hektarë në vitin 2018 në 2,059.96 hektarë në vitin 2024, ndërsa Drini i Bardhë mbetet lumi më i prekur. Në të njëjtën kohë, disa nga masat kryesore të parapara në Strategjinë Shtetërore për Ujëra ende nuk janë zbatuar, përfshirë hartimin e planit për menaxhimin e shfrytëzimit të lumenjve dhe përcaktimin e segmenteve ku mund të lejohet nxjerrja e rërës dhe zhavorrit.

    Analiza evidenton gjithashtu se gjatë viteve 2023–2025, prokuroritë kanë regjistruar 184 kallëzime penale dhe kanë ngritur 137 aktakuza. Megjithatë, shqyrtimi i praktikës gjyqësore tregon se gjobat shpesh mbeten të ulëta në raport me dëmin e shkaktuar, konfiskimi i makinerive nuk zbatohet gjithmonë, ndërsa dëmi ekologjik nuk reflektohet në mënyrë të mjaftueshme gjatë caktimit të sanksioneve.

    Analiza vlerëson se institucionet kanë treguar se mund të arrijnë rezultate konkrete kur bashkëpunojnë. Gjatë funksionimit të Task Forcës së Gjelbër u realizuan mbi 30 aksione të përbashkëta, u shqiptuan 24 gjoba administrative, u referuan 23 raste për procedim penal dhe u sekuestruan 30 mjete, me vlerë të përafërt prej rreth 2 milionë eurosh. Megjithatë, pas përfundimit të mandatit të saj nuk është krijuar një mekanizëm i përhershëm koordinues.

    Bazuar në këto gjetje, D+ rekomandon forcimin e kapaciteteve inspektuese dhe hetimore, funksionalizimin e Këshillit Ndërministror për Ujëra, përmirësimin e koordinimit ndërinstitucional, klasifikimin e rasteve të shfrytëzimit ilegal të rërës dhe zhavorrit si kategori e veçantë në Sistemin për Menaxhimin Informativ të Lëndëve (SMIL), si dhe zbatim më konsistent të masës së konfiskimit dhe vlerësim më të plotë të dëmit ekologjik gjatë procedurave gjyqësore.

    https://dplus.org/wp-content/uploads/2026/07/Analiza-rreth-shfrytezimit-ilegal-te-reres-dhe-zhavorrit-nga-lumenjte-23.07.2026.pdf

     

  • Gruda s’ka dilemë që dekreti i Osmanit “është kushtetues”: Besoj se do të konfirmohet edhe nga Kushtetuesja

    Gruda s’ka dilemë që dekreti i Osmanit “është kushtetues”: Besoj se do të konfirmohet edhe nga Kushtetuesja

    “Nuk ka dilemë që Dekreti është kushtetues. Unë besoj do të konfirmohet edhe nga Gjykata Kushtetuese.”

    Deputeti i Partisë Demokratike, Përparim Gruda, nuk ka asnjë dyshim për kushtetutshmërinë e vendimit të Presidentes Vjosa Osmani për të shpërndarë legjislaturën e dhjetë të Kuvendit të Kosovës. Duke komentuar për pasojat e shpërndarjes së Kuvendit, Gruda tha në emisionin “Context” në ATV se kjo do ta linte vendin me një qeveri në dorëheqje e cila do të vazhdonte të mbante privilegjet e pushtetit pa sjellë asnjë përfitim për qytetarët, duke e rikthyer vendin në situatën identike të para një viti.

    “Nëse Kuvendi shpërndahet, kemi qeveri në dorëheqje. Kjo është qeveri në dorëheqje pastaj dhe do të jemi në një situatë ku këta vazhdojnë i marrin vetëm privilegjet por kurrgjë qytetarëve nuk iu kthehet.” – tha Gruda.

    Gruda vlerësoi përpjekjet e opozitës për për një kandidat konsensual për president, por sipas tij, Kurti nuk kishte interes që procesi të përfundonte me marrëveshje.

    “Është hera e parë që një opozitë tregohet kaq konstruktive që me gjet një President konsensual. Nuk ka dashtë e ka dizajnuar të gjithë procesin për të dështuar. Një diçka i mungon dizajnimit për me dështu procesin; fajësimi i opozitës.” – shtoi ai.

    Sipas Grudës, që në start procesi ishte i dizajnuar për të zgjedhur Glauk Konjufcën në krye të shtetit, dhe se thirrjet e Kurtit për diskutime nuk ishin serioze por, siç e quajti ai, “konsumim i pritjeve të publikut.”

    “Kësaj here është problematik mendoj unë. Unë jam i bindur që procesi nga fillimi ka qenë i dizajnuar për Glauk Konjufcën. Konsulimi me partitë opozitare ka qenë vetëm konsumim i pritjeve të publikut.” – tha Gruda.

    Ai akuzoi Kurtin se është i përqendruar te procedurat dhe te zgjerimi i pushtetit, e jo te zgjidhja e problemeve që prekin qytetarët.

    “Dhe unë iu bëj ftesë njerëzve që me shiku krejt këtë proces në një mënyrë të caktuar. Me lexu diskursin e Albin Kurti fjalë për fjalë dhe me mëndu në një moment a do t’mundnit me ndalë atë videon ku flet Kurti dhe me thënë ‘prit kjo është për mua, kjo tjetra është për prindërit e mi, tjetra për fëmijët e mi, tjetra për rrugën, shkollën’. S’ka.

    “Krejt çka ka është kurthimi në kthinat e Kuvendit, në procedura, në kravatë të shtrëngume për me marrë më shumë e më shumë pushtet. Pangopësia për pushtet e Albin Kurtit po e mban Kosovën peng. Po na mban të gjithëve peng.” – tha deputeti i PDK-së.

     

  • Krasniqi: Përfshirja e Ukë Rugovës në listën e LDK-së e ka ‘pezmatuar’ Gërvallën – Rugovizmi është vizion politik i guximshëm

    Krasniqi: Përfshirja e Ukë Rugovës në listën e LDK-së e ka ‘pezmatuar’ Gërvallën – Rugovizmi është vizion politik i guximshëm

    Kandidatja për deputete nga radhët e LDK-së, Rrezarta Krasniqi, thotë se përfshrija e djalit të Ibrahim Rugovës, në listën e deputetëve, e ka ‘pezmatuar’ kryepiplomaten Gërvalla, siç e quan ajo të dështuar.

    Krasniqi thotë se Rugovizimi është vizion politik i guximshëm, ku sipas saj Gërvalla nuk ka guxim sepse fshihet pas LVV-së dhe nuk guxon të garoj e vetme.

    Postimi i plotë:

    Lista e LDK-së për deputet e pasuruar me djalin e presidentit historik Dr. Ibrahim Rugovës, Ukë Rugova e paska “pezmatuar” kryediplomaten e dështuar që po vajton dëshpërimisht para zgjedhjeve, duke e ditur saktë fuqinë që ka kjo listë e këta emra.
    Rugovizmi është vizion politik i guximshëm ndërsa znj. Gëvalla-Schwarz nuk ka guxim sepse fshihet pas LVV-së e nuk guxon të garoj e vetme.

  • “Më mirë shkoj vet në Speciale, sesa me i çu shokët” – Isa Mustafa e zbulon se çka i kishte thënë Kadri Veseli

    “Më mirë shkoj vet në Speciale, sesa me i çu shokët” – Isa Mustafa e zbulon se çka i kishte thënë Kadri Veseli

    Ish-kryeministri Isa Mustafa, në një intervistë të fundit, ka folur për procesin gjyqësor në Hagë dhe ka kujtuar një deklaratë të ish-kryeparlamentarit dhe ish-kryetarit të PDK-së, Kadri Veseli.

    Mustafa tregoi se Veseli i kishte thënë se ishte i gatshëm të përballej vet me drejtësinë, në vend që të ndiqeshin shokët e tij.

    Sipas Mustafës, Veseli i kishte thënë: “Më mirë shkoj vet në Speciale, sesa me i çu shokët.”

    Këtë deklarim ish-kryeministri e tha në një intervistë në ATV.

    Deklarata e plotë:

  • Akademikë, profesorë e ish-zyrtarë i drejtohen Kuvendit me peticion: Kërkojnë rezolutë për padrejtësitë nga Gjykata Speciale

    Akademikë, profesorë e ish-zyrtarë i drejtohen Kuvendit me peticion: Kërkojnë rezolutë për padrejtësitë nga Gjykata Speciale

    Profesorë, ish-akademikë e zyrtarë të lartë, i janë drejtuar me peticion Kuvendit të Kosovës.

    Ata kanë kërkuar rezolutë kundër padrejtësive nga Gjykata Speciale.

    Peticioni është nënshkruar nga Enver Hasani, profesorë, jurist e ish-zyrtarë.

    Komunikata:

    Qëllimi i këtij Peticioni është i qartë dhe i domosdoshëm: të riafirmohet në mënyrë institucionale se themelimi i Dhomave të Specializuara dhe Zyrës së Prokurorit të Specializuar – i realizuar me vendimmarrjen e vetë Kuvendit të Republikës së Kosovës – ka qenë akt i përgjegjësisë shtetërore për adresimin e pretendimeve të ngritura në Raportin e Asamblesë Parlamentare të Këshillit të Evropës të vitit 2011. Ne dëshirojmë t’ju rikujtojmë se ky bashkëpunim i plotë me komunitetin ndërkombëtar ka qenë dhe mbetet shprehje e vullnetit të Republikës së Kosovës për të demantuar çdo akuzë të pabazuar që cenon vlerat e luftës së UÇK-së dhe sakrificën historike mbi të cilën është ndërtuar shteti ynë.

    Megjithatë, përvoja e viteve të fundit dëshmon se mënyra e administrimit të drejtësisë nga Dhomat e Specializuara ka ngritur dyshime serioze dhe të qëndrueshme në raport me respektimin e standardeve ndërkombëtare për një proces të drejtë dhe të paanshëm gjyqësor. Përgjatë pesë viteve të paraburgimit të zgjatur të të akuzuarve, trajtimit formalist të mjeteve juridike, administrimit të pabarabartë të provave dhe perceptimit gjithnjë e më të theksuar për anësi institucionale në favor të prokurorisë, është vërejtur rrezik i drejtpërdrejtë për cenimin e parimeve kushtetuese, të drejtave themelore të njeriut dhe vetë integritetit të drejtësisë.

    Për këto arsye, ne – nënshkruesit e këtij Peticioni – ju drejtohemi si organi më i lartë përfaqësues i popullit të Kosovës, duke kërkuar miratimin e Rezolutës së propozuar në Aneks. Kjo Rezolutë është hartuar me kujdes profesional dhe në përputhje të plotë me Kushtetutën e Republikës së Kosovës, standardet ndërkombëtare dhe pavarësinë e pushtetit gjyqësor. Ajo nuk ndërhyn në çështjet meritore gjyqësore, por kërkon vetëm garantimin e një procesi të drejtë, të paanshëm e transparent për të gjitha palët. Përmes saj, kërkohet që institucionet e Republikës së Kosovës të kërkojnë nga Komisioni Evropian dhe shtetet mike – si financues e mbikëqyrës të Dhomave të Specializuara – për të siguruar që qytetarëve të Kosovës t’u respektohen të gjitha të drejtat dhe t’u ofrohet trajtim në përputhje me liritë dhe të drejtat themelore të parashikuara në Kushtetutë dhe në Ligjin e vitit 2015 për Dhomat e Specializuara./ATVLIVE/

  • “Asociacioni pa kompetenca ekzekutive”, Mustafa tregon se e ka marrë garancinë nga BE’ja

    “Asociacioni pa kompetenca ekzekutive”, Mustafa tregon se e ka marrë garancinë nga BE’ja

    Ish-kryeministri Isa Mustafa ka deklaruar se gjatë mandatit të tij ka siguruar garanci nga Bashkimi Europian se Asociacioni i komunave me shumicë serbe nuk do të ketë kompetenca ekzekutive.

    Sipas Mustafës, këtë garanci ia kishte dhënë ish-shefja e Politikës së Jashtme të BE-së, Federica Mogherini.

    Ai shtoi se nuk e ka bërë publike këtë dokument pasi, siç u kërkua nga BE-ja, garancia duhej të mbetej konfidenciale — pavarësisht kritikave dhe sulmeve të shumta që, sipas tij, vinin nga Vetëvendosje në atë kohë.

    “Ne kemi kërkuar që marrëveshja të trajtohet në Gjykatën Kushtetuese dhe që statuti të jetë në harmoni të plotë me Kushtetutën. Nuk isha plotësisht i sigurt se palët do t’i përmbaheshin marrëveshjes, prandaj kërkova garanci që askush – as nga BE-ja, as nga Serbia – të mos kërkojë kompetenca ekzekutive për Asociacionin. Ai nuk mund të ketë rol të pushtetit të tretë; nuk ka pushtet tjetër përveç institucioneve të Kosovës”, tha Mustafa në ATV.

  • “Të ëndërrojmë së bashku”, FSHF uron Kosovën: Moment i dyfishtë krenarie për kombin tonë

    “Të ëndërrojmë së bashku”, FSHF uron Kosovën: Moment i dyfishtë krenarie për kombin tonë

    Nëntori është pa diskutim muaji i shqiptarëve, muaji kuqezi, por këtë herë është ndryshe, pasi për herë të parë në histori si Shqipëria, ashtu edhe Kosova, shkojnë së bashku në fazën “play-off” të një Botërori.

    Federata Shqiptare e Futbollit me anë të një reagimi në rrjetet sociale uron sërish pjesën tjetër të Shqipërisë, dardanët, që siguron vendin e dytë në grupin e tyre një xhiro përpara fundit.

    Postimi i plotë:

    🇦🇱🇽🇰 Një ditë e madhe për futbollin shqiptar!
    FSHF përshëndet me gëzim dhe emocion të veçantë arritjen historike të Kosovës, që për herë të parë siguron vendin në PLAY-OFF të një Botërori. Kjo sigurisht është një fitore që e ndjen çdo shqiptar, kudo që jeton dhe, ashtu siç theksoi edhe Presidenti Armand Duka, është një moment i dyfishtë krenarie për kombin tonë.
    Urime Federatës së Futbollit të Kosovës dhe gjithë ekipit drejtues për këtë sukses të jashtëzakonshëm!
    Le të vazhdojmë të ëndërrojmë bashkë dhe të shkruajmë histori në futbollin shqiptar! ⚽🔥🇽🇰🇦🇱

  • Bedri Hamza shpall kandidaturën për kryetar të PDK-së

    Bedri Hamza shpall kandidaturën për kryetar të PDK-së

    Bedri Hamza zyrtarisht ka shpallur kandidaturën për t’u bërë kryetar i Partisë Demokratike të Kosovës, një ditë pas dorëheqjes së Memli Krasniqit.

    Në një shkrim në Facebook, tek njoftoi për shpalljen e kandidaturës, Hamza ka thënë se beson që PDK-ja e ka “forcën për t’u unifikuar, reformuar dhe rikthyer si partia kryesore në vend”.

    “Nga lufta për liri, deri te shtetndërtimi, demokratizimi dhe integrimi, PDK-ja ka lënë gjurmë të pashlyeshme në historinë e Kosovës. Me mirënjohje të thellë për themeluesit tanë, Hashim Thaçin, Kadri Veselin e Jakup Krasniqin, të cilët uroj të jenë së shpejti mes nesh, unë angazhohem për një PDK që ruan vlerat dhe krijon rrugë për gjeneratat e reja. Falënderim i veçantë edhe për dy miqtë e mi, Enver Hoxhajn dhe Memli Krasniqin, për udhëheqjen e tyre me dinjitet në kohë sfidash. Tani është koha për një PDK të bashkuar, që lufton për drejtësi, zhvillim dhe një Kosovë evropiane. PDK është familja jonë dhe së bashku do ta hapim kapitullin e ri të fitoreve”, ka shkruar ai.

    Një ditë më parë, Krasniqi njoftoi për dorëheqjen. Ai po ashtu bëri të ditur se ka ftuar konventën e partisë për 17 nëntor. E Krasniqi edhe ka shprehur pëlqimin që Hamza të kandidojë për kryetar të partisë.

    Hamza në zgjedhjet e fundit ka qenë kandidat i PDK-së për kryeministër. Deri tash ka qenë kryetar i Mitrovicës.

  • Aktakuzë ndaj ministres Rozeta Hajdari për rezervat shtetërore

    Aktakuzë ndaj ministres Rozeta Hajdari për rezervat shtetërore

    Prokuroria Speciale e Kosovës ka ngritur aktakuzë ndaj ministres në detyrë së Industrisë, Ndërmarrësisë dhe Tregtisë, Rozeta Hajdari, në lidhje me rastin e kontraktimit të rezervave shtetërore të mallrave gjatë vitit 2022.

    Lajmin e ka konfirmuar vetë ministrja Hajdari përmes një postimi në Facebook, ku bëri të ditur se është informuar nga avokati i saj për dorëzimin e aktakuzës në Gjykatën Themelore të Prishtinës.

    “Sapo u njoftova nga avokati im për dorëzimin e aktakuzës nga Prokuroria Speciale në Gjykatën Themelore në Prishtinë, lidhur me çështjen e kontraktimit të rezervave shtetërore, proces ky tepër i rëndësishëm për të gjithë ne”, ka shkruar Hajdari.

    Ajo tha se do të deklarohet më gjerësisht për media pasi të ketë pranuar dokumentin e plotë të aktakuzës.

    Hajdari mbrojti punën e saj gjatë periudhës së menaxhimit të rezervave shtetërore, duke e quajtur atë “kohën më të vështirë” për vendin, kur duhej siguruar furnizimi me produkte bazë.

    “Unë ndihem krenare për punën që kam bërë si ministre e Industrisë, Ndërmarrësisë dhe Tregtisë, në kohën më të vështirë – sigurimin e rezervës shtetërore të mallrave, me produktet esenciale për jetesë, në kohën kur ishim të pambrojtur, gjatë muajve shkurt dhe mars 2022”, ka shkruar tutje ajo.

    Hajdari ishte intervistuar për rastin e rezervave shtetërore në prill të vitit 2024 dhe korrik të vitit 2025, por në të dyja rastet ishte mbrojtur në heshtje.

    Si dëshmitar për këtë rast është ftuar edhe kryeministri në detyrë, Albin Kurti, por deri më tani ai ka refuzuar të shkojë në Prokurorinë Speciale, por ka insistuar që të japë dëshminë në Kryeministri.

    Më 2023, tre persona u arrestuan për rastin e rezervave shtetërore. Dy prej tyre ishin edhe punonjës të Ministrisë së Industrisë, Ndërmarrësisë dhe Tregtisë (MINT).

    Në këtë ministri, më 2023, u kryen bastisje. Bastisjet dhe arrestimet në MINT ndodhën pas publikimeve të disa audio-incizimeve nga portali Nacionale, ku zyrtarët e kësaj ministrie pretendojnë se vaji i kontraktuar dhe i paguar në Poloni dhe një sasi gruri e blerë në Turqi për rezervat shtetërore të Kosovës, nuk mbërritën kurrë.

    Qeveria ka thënë se pagesat për rezervat shtetërore ishin bërë në përputhje me ligjin.

    Sipas Ligjit për rezervat shtetërore, rezervat shtetërore të mallrave krijohen për të ndërhyrë në mënyrë operative për mbrojtjen e popullsisë, ekonomisë në rast të çrregullimit të tregut, mbrojtjes së vendit në situata të gjendjes së jashtëzakonshme, gjendjes së emergjencës civile dhe shumë raste tjera të ngjashme.

    Rezervat shtetërore të mallrave sigurohen në bazë të Planit strategjik afatmesëm, kurse administrohen nga Departamenti i rezervave shtetërore të mallrave, në kuadër të Ministrisë së Tregtisë, Industrisë dhe Ndërmarrësisë.

    Rezervat shtetërore konsiderohen sekret shtetëror./ATVLIVE/

  • Abdixhiku i ashpër me VV-në: Nuk mund të vendosë për Kosovën Këshilli i Përgjithshëm i një partie

    Abdixhiku i ashpër me VV-në: Nuk mund të vendosë për Kosovën Këshilli i Përgjithshëm i një partie

    Kryetari i Lidhjes Demokratike të Kosovës, Lumir Abdixhiku, ka thënë se në demokraci, pakica nuk ndan buxhetin, nuk kalon ligje, nuk imponon politika, dhe nuk mund të bllokojë vullnetin qytetar të shprehur me votë të lirë, madje as me zvarritje të pakuptimta.

    sipas tij, çdo qeveri legjitime duhet të përfaqësojë shumicën e qytetarëve të saj. Kur kjo shumicë nuk ekziston, vendi duhet t’i kthehet sovranit – pra qytetarit. Ky është thelbi i demokracisë.

    “Sot, kërkesa për legjitimitet qytetar nëpërmjet një pakice politike, më shumë se demokracisë, i ngjan monarkisë. Në monarki, mandati trashëgohet nga babai te i biri; në demokraci, mandati sigurohet ose rinovohet përmes votës së qytetarëve, të shprehur në Parlamentin e atij shteti”, ka thënë ai.

    Sipas tij, nuk ka asnjë peshe, asnjë ndikim, e asnjë ndryshim, zhvillimi i brendshëm në një parti politike.

    “Sot nuk ka fare rëndësi çfarë vendosë Këshilli i Përgjithshëm i Lëvizjes Vetëvendosje, por çfarë vendosë Parlamenti i lirë i Republikës së lirë të Kosovës. Kohët e partisë shtet janë të kaluara e te harruara për shqiptarët. Për Lidhjen Demokratike të Kosovës, ky proces, kjo lojë politike, ka për synim vetëm vonesën dhe thellimin e krizave shtetare, dhe nisjen e një fushate të papërgjegjshme elektorale, nga e cila nuk fiton askush”, ka thënë ai.

    “Koha e axhamive politike ka marrë fund”./ATVLIVE/