ATV

Author: Arlind Beqiraj

  • Rreth 15 milionë euro për dy palë zgjedhje brenda një viti

    Brenda vetëm nëntë muajve, vendi ka kaluar në dy procese zgjedhore, ato parlamentare të 9 shkurtit dhe lokalet të mbajtura më 12 tetor, ndërsa balotazhi për këto të fundit do të zhvillohet më 9 nëntor.

    Vetëm zgjedhjet parlamentare i kanë kushtuar buxhetit të shtetit rreth 9 milionë euro, ndërsa ato lokale mbi 6 milionë euro. Në total, rreth 15 milionë euro janë shpenzuar për dy palë zgjedhje brenda më pak se një viti.

    Sipas Institutit të Kosovës për Drejtësi, përveç kostos financiare, ekziston edhe një problem tjetër që konsiderohet shumë më i madh.

    “Organizimi i zgjedhjeve ka koston e vetë dhe ka shpenzime për çështjen e zgjedhjeve. Megjithatë, dëmet që i krijohen Kosovës për duke mos pasur institucione për një periudhë të caktuar kohore janë shumë më shumëfish më të mëdha se sa shpenzimet për organizimin e zgjedhjeve” deklaroi Shala.

    Organizimi i shumë proceseve brenda një viti, sipas sociologut Jahir Sumiqi, mund të ndikojë edhe në humbjen e besimit të qytetarëve në institucione.

    “Cikli i përsëritur i zgjedhjeve në Kosovë, qofshin ato nacionale apo lokale, është një cikël i cili shkakton probleme dhe dëme shoqërore, ekonomike dhe demografike. Pra, humbja e besimit në institucione, e dyta, kriza ekonomike” tha Sumiqi

    Ndërsa analisti politik, Albinot Maloku thotë se partitë politike po e anashkalojnë koston që në fund e paguajnë vetë qytetarët.

    “Shpjegimi elokuent se një proces zgjedhorë është e nevojshme të shtohet plus të bëhet edhe një pa e kalkuluar interesin e qytetarëve është mashtrimi më i mirë që po i bëhet qytetareve duke mos ju treguar qytetarit se të gjitha shpenzimet është duke i paguar vetë” deklaroi Maloku.

    Ndërkohë përveç mundësisë së zgjedhjeve të jashtëzakonshme në fund të vitit, kryeministri në dorëheqje Albin Kurti paralajmëroi zgjedhje edhe në pranverë.

  • Begraca e Kaçanikut pesë ditë në errësirë pas rrëzimit të shtyllave

    Begraca e Kaçanikut pesë ditë në errësirë pas rrëzimit të shtyllave

    Shtyllat e drurit në Begracë të Kaçanikut nuk i përballuan erërat fuqishme, andaj edhe u rrëzuan rreth pesë ditë më parë. Pothuajse kaq është edhe numri i ditëve që banorët e këtij fshati mbetën në errësirë.

    “Rrymë nuk kena pasë që nja 3 ditë ose 4 ditë, shpesh nalet, apet nalet edhe pse na kanë nreq, apet u nalë. Qiky bander me ra mundet me mbyt edhe njerëz, se lëre më që bëhën tjera dame, telat me bo me ra, me i shkel në vend e mbyt” deklaroi Musliu.

    Vetëm pak metra më tej, fqinji i tij, Ramush Luzha tregon se shtyllat e rrëzuar nga era, KEDS i ka ngritur përsëri, duke u vendosur përforcues anësorë nga druri.

    “Janë rrëzu, kanë ra krejt në tokë, çati kushëririt i ka rënë para shtëpisë, fati që s’ka qenë kërkush me i ra e me mbyt” shtoi Luzha.

    Krahas kësaj shtylle të vjetruar, KEDS ka vendosur edhe një tëbetonit, por telat e energjisë elektrike ende nuk janë lidhur në të.

    “Na kanë thanë po vina, po nuk erdhën mo hiç: tha ai.

    KEDS-së nuk ka treguar për ATV se kur do të përfundojnë punimet për funksionalizimin e shtyllave të betonit dhe as kur pritet të kthehet furnizimi i rregullt me energji elektrike në këtë fshatë.

     

     

  • Të premtën në Tiranë protestohet në përkrahje të ish-krerëve të UÇK-së

    Të premtën në Tiranë protestohet në përkrahje të ish-krerëve të UÇK-së

    Thirrje pritet t’i bashkohen mijëra shqiptarë, të premten në Tiranë.

    Kështu ka bërë të ditur, kreu i OVL – UÇK-së, Hysni Gucati, derisa dha detaje për protestën e së premtes që do të mbahet në kryeqytetin shqiptar, nga ora 17:00, në kërkim të drejtësisë për ish-krerët e UÇK-së që po gjykohen në Hagë.

    “Ne kemi gjete mbështetje edhe nga qyteti i Tiranës u.d, nga grupet parlamentare të partive të ndryshme në Shqipëri dhe nga vet qeveria e shtetit shqiptarë” shtoi ai.

    Pjesëmarrjen në këtë protestë e ka konfirmuar edhe kryeministri Edi Rama. Ai po ashtu bëri thirrje që t’i bashkohen këtij organizimi.

    Ndërkaq, fjalë rasti do të ketë ish-presidenti shqiptar Alfred Moisiu dhe kryetari i BDI-së, Ali Ahmeti.

    Po ashtu, drejt Shqipërisë do të nisen mbi 60 autobusë.

    “Mbi 60 autobusë do të nisen nga vendet e ndryshme të Kosovës, pa i llogaritur ato të Maqedonisë edhe të Malit të Zi dhe Preshevës” tha Gucati.

    Kjo protestë vjen pas asaj në Hagë, ku me mijëra qytetarë kanë kërkuar lirimin e ish-krerëve të UÇK-së – Hashim Thaçit, Kadri Veselit, Jakup Krasniqit dhe Rexhep Selimit – të cilët ndodhen në paraburgim që nga nëntori i vitit 2020.

     

     

     

  • Subvencionimi i energjisë, vendim për “poenë politik”

    Subvencionimi i energjisë, vendim për “poenë politik”

    Edhe në sezonin dimëror 2025/26, familjeve të cenueshme do t’iu subvencionohen faturat e energjisë elektrike nga qeveria e Kosovës.

    Kjo u konfirmua nga ministri në dorëheqje i financave, Hekuran Murati, pas mbledhjes së qeverisë të martën.

    “Siç e dini, parvjet ka qenë pilotimi i programit. Vitin e kaluar ka qenë zbatimi i rregullt i programit për subvencionimin e faturave të energjisë elektrike për familjet e cenueshme, ku kanë qenë mbi 80 mijë familje përfituese. Edhe këtë vit do të vazhdojë programi i njëjtë” tha Murati

    Ky vendim në periudhë elektorale vlerësohet se u bë vetëm për poenë politikë.

    Shihet me sy të hapur që është puro nevojë fushate për blerje të votave siç kanë bërë  fatkeqësisht edhe pritë e tjera të cilat kanë qenë në pushtet fatkeqësisht e njëjta partë që ka qenë në opozitë I ka kritiku shpesh këto vendime  në kohë fushatë  po këto vendime po I merr po të njëjtat” deklaroi Ahmeti.

    Pavarësisht politizimit vendimi po cilësohet i dobishëm nga njohësit e energjisë.

    “Kjo kategori e qytetarëve janë konsumuesit më të ulët të energjisë elektrike dhe shumë pak ose aspak i prek kjo tarifa e lartë e energjisë, është e mirëseardhur ky vendim për shkak të gjendjes së tyre financiare. tha Ibrahimi

    Ky subvencionim fillon në muajin tetor dhe përfundon në muajin mars.

  • Qeveria s’tregon nëse Kosova rrezikon të humbasë milionat nga plani i rritjes së BE-së

    Qeveria s’tregon nëse Kosova rrezikon të humbasë milionat nga plani i rritjes së BE-së

    Përveç Bosnjës, Kosova mbetet vendi i vetëm në Ballkan që nuk ka nisur të përfitojë milionat e parë nga vlera e 882 milionë eurove të Bashkimit Evropian, pjesë e planit të rritjes prej 6 miliardë eurosh deri në vitin 2027.

    Vendi ynë nuk ka Kuvend të konstituuar për të ratifikuar marrëveshjen e nevojshme për përfitimin e këtyre fondeve.

    Ministri në dorëheqje i Financave, Hekuran Murati, të martën nuk tregoi nëse shteti po rrezikon që të mbetet pa këto miliona, kur dihet se Komisioni Evropian ka tërhequr vërejtjen se mekanizmi është i përkohshëm.

    Ai fajësoi partitë e ish-opozitës që nuk po kontribuojnë në gjetjen e një zgjidhjeje për daljen nga ngërçi.

    “Ne si qeveri kemi bërë një punë të jashtëzakonshme me gjithë ekipet me stafin e administratës për ta përgatitur një paketë reformash që është vlerësuar lartë nga BE jemi të parët që e kemi dorëzu tash situate është tille që nuk ka kuvend nuk mund të marrë vendime” tha Murati

    Nga Bashkimi Evropian kanë deklaruar vazhdimisht se Kosova duhet të formojë sa më shpejt institucionet sepse mekanizëm për lëshimin e tyre është i përkohshëm.

    Besar Gergi nga GLPS tha se Kosova tashme është edhe nën masat e Bashkimit Evropian dhe me marrjen e këtyre fondeve do ishte një rikuperim i dëmit.

    “Dëmi financiar është shumë i qartë tash për tash mbetet me qindra miliona euro ndërsa po ashtu kjo përbën edhe një dëm politik për vendin sepse BE po mere një sinjal që Kosova nuk është një partner serioz nuk është në gjendje ta ratifikojë një marrëveshje të thjeshtë” deklaroi  për ATV-në Gergi

    Plani i rritjes ishte temë qendrore e samitit Bërdo-Brioni, që të hënën u mbajt në Durrës. Veçse, mos ratifikimi i marrëveshjes nga ana e shtetit të Kosovës nuk u përmend askund në deklarimet e Presidentes Osmani, që përfaqësoi Kosovën në ketë samit.

    “Nuk ka pasur asnjë leverdi nga republika e Kosovës aty, kapaciteti financiar që u kanë i dedikum për republikën e Kosovës që e rrok përmbi një miliardë që i rrokë të gjitha proceset fondet “IPA” të gjitha mjetet përcjellëse janë të pezulluar në raport me Kosovën” tha Albinot Maloku

    Maqedonia e Veriut, Shqipëria Malit i Zi Serbia dhe Serbia pranuan mjetet e para nga BE-ja, në vlerë prej 51.66 milionë eurosh, qysh në muajin qershor të këtij viti.

    Ky plan mbulon periudhën nga viti 2024 deri në vitin 2027.

  • Bora e parë rekord në Kosovë, shkakton telashe me rrymën

    Bora e parë rekord në Kosovë, shkakton telashe me rrymën

    Të enjten mbrëma disa qytete të Kosovës u zbardhen nga reshjet e para të borës.

    Për këtë arsye, janë raportuar prishje në rrjetin shpërndarës të energjisë elektrike, duke lënë një numër konsumatorësh pa furnizim, ku rajonet më të prekura janë Prishtina, Gjilani, Prizreni dhe Mitrovica.

    Drejtori për Siguri dhe Emergjenca në Prishtinë, Lulzim Fushtica tregoi se u desh të reagojnë në disa vende.

    “Ne I kemi bërë përgatitjet e duhura deri më tani kemi intervenuar në kryeqytet dhe në fshatrat e kryeqytetit në mbi 10 raste vlen te përmendet rasti te RTK në rrugën Fehmi Agani në rrugën Rasim Kiqina në Dragodan shumica janë raste të drunjve” tha Fushtica.

    Fushtica tha se nuk kanë pas të lënduar e as dëme materiale dhe se të gjitha rrugët e Prishtinës janë pastruar.

    Telashe nuk u raportuan as në rrugët nacionale dhe autostradat.

    Sipas meteorologut Mendim Rugova, bora e së enjtes është më e hershmja e regjistruar ndonjëherë.

    “Boren më të hershme deri me tani e kemi pasur me 7 tetor ka ra në vitin 2017 ka ra borë në orën e hershme të mëngjesit dhe ka pas shtresën 1 cm ndërsa rekordi i dytë është trashësia e borës në disa pjesë të Prishtinës ka arritur deri në 10 cm” shtoi Rugova.

    Rugova tregon edhe arsyen për këto të reshura.

    “Kemi një kombinim te ciklonit mesdhetarë që ka sjellë ma shumë lagështe prej Mesdheut në të njëjtën kohë e kemi pasur edhe një territim të masave ajrorë polare që kanë ardhur nga lindje dhe kjo ka bërë që të ketë më shumë të reshur” tha ai.

    Sipas Rugovës reshje shiu pritet të vazhdojnë në zonat e ultëa, ndërsa në ato malore me borë.

  • Kosova përfaqësohet nga presidentja Osmani në Samitin e EPC-së

    Kosova përfaqësohet nga presidentja Osmani në Samitin e EPC-së

    Gjatë së enjtes në Danimarkë u mblodhën liderët evropian në samitin e shtatë të Komitetit Politik.

    Kosova në Kopenhagë po përfaqësohet nga presidentja e vendit Vjosa Osmani, e cila para mediave ndërkombëtare kritikoi shtetet e BE-së për shpërblimet që po ia bëjnë Serbisë, e cila, sipas saj, është pro-ruse.

    “Unë mendoj se ka nevojë për konsistencë nga Bashkimi Evropian në trajtimin e të dy agresorëve, sepse nuk mund ta trajtosh njërin si agresor dhe diktator, ndërsa tjetrin si partner” shtoi Osmani.

    Ajo shtoi se këto dy vende po sjellin rrezik për rajonin.

    “Janë aktualisht dy rreziqe kyç të sigurisë që janë duke ardhur kundër shteteve në kontinentin tonë, një vjen nga Rusia, tjetra veçanërisht në rajonin tonë vjen nga sateliti i Rusisë, zgjatja e Rusisë në rajonin tonë, Serbia” deklaroi ajo

    Ajo ka përmendur rastin e Banjskës dhe ka kritikuar mungesën e përgjegjësisë nga Bashkimi Evropian ndaj agresionit serb në veri të Kosovës.

    Kësisoj ajo kërkoi që zgjerimi të vazhdojë me Ballkanin Perëndimor me ato vende që e meritojnë anëtarësimin.

    E para vendit u takua me Sekretarin e Përgjithshëm të NATO-s, Mark Rutte, të cilit ia riafirmoi gatishmërinë e Kosovës për koordinim të rregullt në mbrojtje të paqes dhe sigurisë në Ballkanin Perëndimor, si dhe rolin vendimtar të NATO-s në stabilitetin rajonal.

    Osmani gjatë samitit të Liderëve të Komitetit Politik Evropian u mirëprit edhe nga Kryeministrja Daneze  Mette Frederiksen ku diskutuan sfidat e sigurisë dhe thëllimin e bashkëpunimit.

  • NË PRISHTINË PROTESTOHET PËR LIRIMIN E ARBNOR SPAHIUT

    Me pankarta në duar që mbanin mbishkrime në gjuhën shqipe dhe angleze, familjarë e qytetarë të shumtë u mblëdhën të martën në sheshin “Skënderbeu” në Prishtinë për të kërkuar lirimin e ish-policit, Arbnor Spahiu, i cili po mbahet në paraburgim në Serbi që nga muaji qershor.

    Babai i Arbnorit, Fatmir Spahiu theksoi se ndaj djalit të tij po bëhet një padrejtësi, duke kujtuar se ai po akuzohet për ngjarjën në Banjskë në vitin 2023, derisa kishte lënë Policinë e Kosovës në nëntor të vitit 2022.

    “Me Arbnorin janë takuar shoqja dhe nena e Arbnorit. Arbnori sa i përket gjendjes fizike është mirë, për shkak gjendjes emocionale dihet se është i lodhur, i mërzitur nga padrejtësia qe po i behet, ndërsa me u maltretu nuk është maltretuar, sjellja ka qene korrekte, mirëpo ai po e vuan atë pasi qe është duke u mbajtur ne mënyre te padrejtë” shtoi ai.

    Vajza e axhës së Spahiut, Donjeta Spahiu, kritikoi autoritetet e Kosovës për mungesë të veprimit karshi këtij rasti.

    “Sot jemi në muajin e katërt të kësaj padrejtësie. Janë 4 muaj të rëndë për Arbnorin, që dikur i shërbente dinjitetshëm vendit. Institucionet duhet të ngrisin zërin, sepse heshtja e tyre është dështim” deklaroi për ATV-në Spahiu.

    Organizatorja e protestës, Erëza Zeqiri kërkoi reagim edhe të bashkësisë ndërkombëtare.

    “Po ashtu u bëjmë thirrje institucioneve ndërkombëtare, Bashkimit Evropian, Kombeve të Bashkuara dhe organizatave të të drejtave të njeriut, që të marrin përgjegjësinë për të garantuar të drejtat themelore të një qytetari që padrejtësisht po mbahet i burgosur” shtoi ajo.

    Arbnor Spahiu u arrestua më 7 qershor nga autoritetet serbe në pikën kufitare mes Hungarisë dhe Serbisë, ndërsa dy ditë më vonë Gjykata e Lartë e Suboticës urdhëroi paraburgosjen e tij.

    Ai akuzohet nga autoritetet serbe për “vrasje të rëndë” lidhur me ngjarjen në Banjskë të Zveçanit më 23 shtator 2023.

     

  • NGA 12 TETORI BE-ja DO TË NIS SISTEMIN E RI DIGJITAL TË HYRJE-DALJEVE

    NGA 12 TETORI BE-ja DO TË NIS SISTEMIN E RI DIGJITAL TË HYRJE-DALJEVE

    Nga 12 tetori i këtij viti, Bashkimi Evropian do të zbatojë Entry/Exit System (EES), një platformë e re digjitale për regjistrimin e hyrjes dhe daljes në vendet e zonës Schengen.

    Ky sistem do të zbatohet për të gjithë shtetasit jo-BE, përfshirë edhe qytetarët e Kosovës që udhëtojnë drejt Evropës. Me këtë rregull, nuk do të vendosen më vula në pasaportë, pasi të dhënat do të regjistrohen në mënyrë digjitale.

    Në momentin e kalimit të kufirit, udhëtarëve do t’u merren automatikisht gjurmët e gishtërinjve dhe fotografia, ndërsa çdo hyrje dhe dalje do të evidentohet në sistem.

    “Sistemi i ri për hyrje dalje në vendet e BE-së nuk do të ketë pengesa të tjera përveç vonimit në procedura dhe kontrolle shtesë kjo do të njihet si një formalitet i shtuar për ti verifikuar të gjithë ata që hyjnë në zonën schengen” tha Elbasan Osmani.

    Osmani thotë se ky rregull i ri nuk përmban ndonjë ndryshim për qytetarët e Kosovës.

    “Sa i përket Kosovës nuk do të ketë avantazh as diskriminim në këtë proces të gjithë qytetarët do të lëvizin njëjte, lirshëm por vetëm me procedura të shtuara” shtoi ai për ATV-në.

    Megjithatë, qytetarët po e vlerësojnë këtë ndryshim.

    Sipas autoriteteve të BE-së kjo metodë do të ndihmojë në rritjen e sigurisë dhe në menaxhimin më efikas të kufijve.

  • Gjetja e eshtrave në bjeshkët e Strellcit, banorët hedhin dyshime mbi origjinën e tyre

    Gjetja e eshtrave në bjeshkët e Strellcit, banorët hedhin dyshime mbi origjinën e tyre

    Një varrezë e re e zbuluar në Bjeshkët e Strellcit ka sjellë një zhvillim në kërkimin e të pagjeturve, por njëkohësisht ka ngritur pikëpyetje të reja.

    Ndërsa Komisioni Qeveritar për Persona të Zhdukur ka njoftuar për gjetjen e mbetjeve mortore që dyshohet se u përkasin viktimave të luftës së fundit, banorët e zonës hedhin dyshime mbi këtë version.

    Përballë këtyre versioneve të kundërta, Kushtrim Gara nga Komisioni Qeveritar për Persona të Zhdukur shpjegon për ATV-në se për të konfirmuar përputhshmërinë e mbetjeve mortore me familjarët që kanë dorëzuar mostra referuese, kërkohet një rezultat i saktë shkencor.

    “Po flasim për një përputhshmëri prej 99.9% ose 99.95%, do të thotë se vetëm në raste të tilla mund të ketë konfirmim të përputhshmërisë” deklaroi për ATV-në Kushtrim Gara

    Megjithatë, ai sqaron se ka edhe përjashtime nga ky rregull i përputhshmërisë së lartë, të cilat kërkojnë procedura shtesë dhe një rishqyrtimi të hollësishëm nga ekspertët.

    “Mund të jenë raste specifike që pastaj duhet investim shtesë, po flas në kuptimin e mostrave shtesë referuese apo një rikthim në shqyrtimin e serishëm të mostrave” tha ai.

    Ndërkohë që ekspertët mjeko-ligjorë po punojnë për identifikimin e eshtrave të Strellcit, Kosova vazhdon t’i kërkojë Serbisë të hapë arkivat shtetërore, për të kuptuar vendndodhjen e afër 1,600 personave që ende mungojnë që nga përfundimi i luftës.