“A po mi jep a jo”, Agim Bahtiri shkon te LDK për t’i marrë nënshkrimet për Presidentin – përplaset me Shefen e Grupit

Deputeti i Vetëvendosjes, Agim Bahtiri, ka shkuar tek zyra e Grupit Parlamentar të LDK’së, për siç tha, t’i marrë nënshkrimet nga kjo parti për Presidentin.

Ai aty u përplas me Shefen e Grupit Parlamentar të LDK’së, Jehona Lushaku-Sadriun.

“Në emër të Lëvizjes Vetëvendosje, kërkoj nënshkrimet prej juve dhe emrin e kandidatit, ju lutemi edhe të merremi vesh”, tha Bahtiri.

Lushaku e cilësoi këtë si teatër në natën e fundit

“S’je ti autoriteti që duhesh me i kërku”, iu përgjigj Lushaku-Sadriu,

“A po mi jep a jo?”, vazhdoi tutje Bahtiri, teksa deputetja e LDK’së tha se kjo duhet të jetë rezultat i një marrëveshje.