Reperi Noizy së fundmi përmes një Insta-story në Instagram, ka treguar se nuk po I lejohet të udhëtoj në Amerikë, kjo për shkak të arrestimit të tij muajin e kaluar.
“U kërkoj falje të gjitha fansave të mi në SHBA. Nuk mund të vij kësaj here. Ambasada amerikane po ma vështirëson këtë. Nuk e kuptoj, por çka është, është. Për shkak se u arrestova muajin e kaluar, më kanë revokuar vizën amerikane,” shkroi reperi në postimin e tij në Instagram, të shoqëruar me një foto.
Kujtojmë se Gjykata e Durrësit, pas një shqyrtimi të kujdesshëm të rastit, vendosi ta lirojë Noizyn nga paraburgimi, duke vendosur një garanci pasurore prej pesë milionë lekësh (afërsisht 50 mijë euro). Kjo garanci u vendos si një alternativë ndaj masës së sigurisë “Arrest në burg”, duke i lejuar Noizyt të rifitojë lirinë.
Leave a Reply