Trajneri i Getafes, Jose Bordalas, ka vlerësuar talentin e yllit të Barcelonës, Lamine Yamal, duke thënë se sulmuesi i ri ka potencialin për ta fituar Topin e Artë në të ardhmen.
Pas humbjes 3-0 ndaj Barcelonës, Bordalas theksoi se Yamal është një futbollist i jashtëzakonshëm dhe shumë i vështirë për t’u ndalur.
“Është fantastik dhe shumë i vështirë për t’u ndalur, pavarësisht masave që merr kundërshtari. Është shumë i mirë në duelet një kundër një, në finalizim dhe në pasime”, deklaroi ai.
Trajneri i Getafes shprehu bindjen se talenti spanjoll do të vazhdojë të përmirësohet dhe mund të arrijë majat e futbollit botëror.
“Ai do të përmirësohet edhe më shumë dhe mund ta fitojë Topin e Artë. Nuk kam asnjë dyshim”, u shpreh Bordalas.
Ndërkohë, sa i përket ndeshjes, trajneri kritikoi gabimet individuale të skuadrës së tij, duke theksuar se ato ia lehtësuan punën Barcelonës për të siguruar fitoren.
Leave a Reply