Vrasje në tentativë në Prishtinë, i dyshuari shtiu me armë në drejtim të dy personave

Policia e Kosovës ka njoftuar për një rast të vrasjes në tentativë në Prishtinë.

Rasti ka ndodhur të martën, në ora 00:40.

“Prishtinë / 05.05.2026 – 00:40. Është raportuar se i dyshuari mashkull kosovar ka shtënë me armë zjarri në drejtim të dy viktimave meshkuj kosovarë”, thuhet në raport.

Përveç dëmtimeve të veturës viktimat nuk janë lënduar.

Në vendin e ngjarjes janë gjetur dhe sekuestruar 4 gëzhoja, ndërkaq rasti po hetohet.